- ماهي الشهادات الإحترافية؟
هي شهادات معتمدة تقدم من قبل شركات عالمية في مواضيع محددة، حيث ان للحصول على هذي الشهادات لازم تختبر اختبار واضعته الشركة نفسها، اذا قدرت تجتاز الاختبار بتحصل على الشهادة

امثلة على الشركات اللي تقدم شهادات؟

Cisco شركة عالمية متخصصة في الشبكات

CompTIA تحتوي على عدة شهادات في مجالات كثير، فالسيكيورتي والكلاود والشبكات والمعمارية للحاسب وغيرها

ElearnSecurity
فالأمن السيبراني وشهاداتها ممتعة حيث انها تطبيق عملي كامل حتى اختبارها

وغيرها كثيير شركات

طيب كيف اذاكر للاختبار؟
غالبا الشركات تحط كتاب كامل لدراسة المحتوى لكن كثير قدروا ياخذون الزبدة من الكتاب وسووا كورسات سواء مدفوعة او مجانية وعلى منصات مختلفة نفس الـ
YouTube, Udemy, Coursera , etc

وش الشهادات اللي ابدأ فيها؟
حسب توجهك وأنت وش ناوي تكمل؟ ناوي أمن سيبراني أو شبكات أو ذكاء اصطناعي أو برمجة؟
طبعا بعض المسارات الافضل فيها بناء المشاريع وترك الشهادات الاحترافية واول هذي المسارات هي البرمجة، الشهادات الاحترافية فالبرمجة قليلة وماهي قوية بعكس انك تبني مشاريع برمجية وترفعها على ال GitHub وغيرها بتكون افضل لك فالسيرة وأفضل كممارسة حتى.

مسار الأمن السيبراني حسب وجهة نظري ممكن تبدأ بالشهادات هذي:

Network+ CompTIA
لازم تتأسس زين فالشبكات عشان تدخل فالأمن ، وهذي الشهادة تقدر تأسسك بشكل مضبوط.

Security+ CompTIA
بعدها تدخل في اساسيات الأمن وتدخل وتتعرف على الأمن وفروعه بشكل عام واتوقع هي اهم شهادة تأسيسية فالأمن.

EJPTv2 ElearnSecurity
وهنا تدخل فالعملي واختبار الأختراق، الشهادة ماهي ضرورية جدًا، لكن اعتبرها مهمة في فهم كيف يتم الاختراق والأدوات المستعملة فيه وفهم التطبيق العملي كيف يكون، لكن اذا مالك نيّة في تعلم الاختراق تقدر تسكّبها.

وبعدها حدد مسارك فالامن وكمل

مسار الشبكات والتعمق فيها:

‏Cisco CCNA
الشهادة هذي دسمة بشكل، لكن ما تطلع منها الا وانت فاهم كل تفاصيل الشبكات عملي ونظري، شهادة ممتازة جدًا للي حاب يتعمق

‏Cisco CCNP
تنقسم الشهادة ٧ مسارات، حدد هدفك وكمل فيها

معمارية الحاسب
والتأسس من الصفر فالهاردوير تقدر تاخذ شهادة
‏CompTIA A+
الشهادة تفصّل لك الحاسب وتشرح لك وش يعني معالج ومذربورد ورام والخ..

اذا ما كنت فاهم في هذي من اول ومنت ب ناوي تتعمق فالمجال هذا تقدر تاخذ نظره بسيطه وتفهم الاساسيات ثم تبدأ في مجالك.

هندسة البرمجيات:


Associate Software Developer Certification
مقدمة من IEEE


وهذي الشهادة لفل اعلى من السابقة :
Professional Software Developer Certification
مقدمة من IEEE

مراجع لبعض الشهادات الأحترافية:

الشبكات:

Network+:
Professor messer:
انجليزي وشرحه جميل

https://youtube.com/playlist?list=PLG49S3nxzAnlCJiCrOYuRYb6cne864a7G&si=1kDsbOHUvHJSy_LF

فيه كورسات عربيه لكن ما اعرف الكويس منها

اي استفسار او سؤال تقدرون تسألون بالمجموعة هذي :
https://t.me/LETS_GO_NETWORKPLUS



CCNA:

Jeremy’s IT:
هذا انجليزي بس رهيب ويدخل فالتفاصيل ويعطيك مقطع نظري وبعده عملي وتطبيق، موفر بعد كويزات تتاكد من فهمك فيها بعد كل محاضره وفي العملي موفر لك لابات وعليها اسئلة عشان تطبق فيها، يعني موفر لك كل شي تقريبا عشان تطلع فاهم مشكلته بالأنجليزي شرحه فقط:
https://youtube.com/playlist?list=PLxbwE86jKRgMpuZuLBivzlM8s2Dk5lXBQ&si=KSMg9dPQPOv4nxnf

سجاد:
عربي وشرحه جميل لكنه يشرح بشكل عام شوي ما يدخل فالتفاصيل

https://youtube.com/playlist?list=PLAqaqJU4wzYXBeFUFYs4qQ2qnWm_28xBV&si=NApY6aeB1imyDKku

اي استفسار او سؤال تقدرون تسألون بالمجموعة هذي :
https://t.me/LETS_GO_CCNA




الأمن السيبراني:

Security+:
Professor messer:
ممتااز جدًا شرح ومقاطع قصيره ما تمل منها

https://youtube.com/playlist?list=PLG49S3nxzAnl4QDVqK-hOnoqcSKEIDDuv&si=W6TCyQj6gjxsYYO9

اما العرب ما اعرف شخص نزل كورس لتحديث 701 الجديد.

اي استفسار او سؤال تقدرون تسألون بالمجموعة هذي :
https://t.me/letsgosecurity



Linux+:
شهادة في نظام التشغيل لينكس

ياسر رمزي:
https://youtube.com/playlist?list=PLLlr6jKKdyK1FBi3pLVAmilLvMwWHw-84&si=oltc5m_EZPIOCNSB

اي استفسار او سؤال تقدرون تسألون بالمجموعة هذي :
https://t.me/Comptia_LinuxPlus



- ElearnSecurity
هذي كورساتها ولاباتها من نفس الشركه فيه غيرهم يشرح لكن اتوقع الافضل الاشتراك عندهم افضل من غيرهم يوفرون مقاطع ولابات ونصوص ، تحصلون الدورات واللابات في موقع ine التابع للشركة





عمارة الحاسب:
A+:
حسن صالح:

https://youtube.com/playlist?list=PLLlr6jKKdyK1A0lEUq498bHq-muYvJ116&si=FmzwE3qBWJybqUeX

سامح رمضان:

https://youtube.com/playlist?list=PLH-n8YK76vIiDdOMRB-ylvns-_8Zl1euV&si=0ZiJOT7nW5UyahUX

اي استفسار او سؤال تقدرون تسألون بالمجموعة هذي :
https://t.me/Comptia_APlus




هندسة البرمجيات:


Associate Software Developer Certification
مقدمة من IEEE

https://www.computer.org/product/education/associate-software-developer-certification



وهذي الشهادة لفل اعلى من السابقة :
Professional Software Developer Certification
مقدمة من IEEE

https://www.computer.org/product/education/professional-software-developer-certification

معلومة

حسب اللائحة الجديدة، يستطيع الطالب الحاصل على شهادة احترافية طلب اعفاء المقررات المتعلقة بالشهادة الاحترافية.
مثلًا من حصل على شهادة
Network+ او CCNA
او غيرها، ف يستطيع اعفاء نفسه من مقرر الشبكات
وقس على ذلك جميع المقررات

المهم هو ان مخرجات الشهادة الاحترافية تغطي مخرجات المقرر.

يستطيع الطالب اختصار ٢٥٪؜ من مواد التخصص عن طريق الاعفاء.

هل شهادات كورسيرا الاحترافية او غيرها من منصات الدورات تعتبر شهادات احترافية قوية؟


عشان نلخص الموضوع الشهادات من المنصات هذي ممتازه ومسارات تفهم منها بشكل ممتاز ومرتب بدل اللخبطة فالتعليم، لكن اختباراتها غير مراقبة بمعنى ان الاختبار النهائي اللي يسلمك الشهادة فيه مافيه كاميرا شغاله عليك وقت الاختبار وتراقبك ف يمكن ان الطالب يغش وياخذ الحلول من اي مكان وقوقل مليان من الحلول لها، صحيح تعتبر شهادات قوية لكن ماهي بمثل قوة الشهادات الاخرى المراقبة

الشهادات الاحترافية الاخرى وقت الاختبار الكاميرا شغالة عليك طول الوقت واي التفات او غيره ممكن تعتبر غش ، فهذا يقوي مصداقية الشهادة ان الطالب فعلا ما غش وكان فاهم محتوى الشهادة مضبوط

السلام عليكم، بتكلم اليوم عن موضوع بسيط لكن مهم جدًا خاصة لخريجي علوم الحاسب وكلية الحاسب بشكل عام بما اني سبقتهم،

حاليا توجد فجوة كبيرة مابين تعليم الجامعات والوظائف، فالطالب المتخرج حديثًا في بعض الدراسات اكتشفت انه اذا توظف بعد الجامعة مباشرة بيجلس يتعلم فالوظيفة اقل شي سنة واحده الى ان يبدأ ينتج فالوظيفة، فالشركات حاليًا تقول انا مبغى اجلس اصرف على واحد سنة كامله وفي النهاية يخلص العقد وانا ما استفدت منه و بيسحب علي، ف هنا جات برامج تطوير الخريجين

برامج تطوير الخريجين هي برامج تقدم من قبل جهات عديدة سواء بنوك او طيران او شركات كبرى او حتى حكومية، الهدف منها تطوير الخريجين في مدة بحيث ان بعد التخرج يكون الطالب جاهز للوظيفة والبدء فالانتاج مباشرة، الهدف حاليا لكل الطلاب الخريجين البحث عن البرامج وفهمها عشان تكون جاهز للتقديم فيها اول ما تتخرج.

ايضا لدينا سدايا، سدايا من اكبر الداعمين للطلاب حديثي التخرج خصوصا في تخصصات الذكاء الاصطناعي وعلم البيانات وغيرها من البرامج.

اما بالنسبة للأمن السيبراني، اعتقد ان افضل مكان يروح له الشخص بعد الجامعة هو معسكر طويق للأمن السيبراني، المعسكر جيّد جدًا من حيث التعليم وصنع العلاقات وفي نهايته شهادات احترافية ودعم كامل ، ايضا برنامج البنك المركزي ممتاز جدًا.


تطبيق لنكدن (LinkedIn)

مهم جدًا تشتغلون عليه، اضافة الخبرات الدورات المبادرات والشهادات، كلها اشياء مهمه، الشركات الكبرى حاليا ما يفتحون تقديم للعلن، بالعكس موظفين ال HR يبحثون هم عن الجيدين ويتواصلون معهم، التطبيق مهم واعرف كثير توظفوا من خلاله


فالنهاية حاولوا تجتهدون، السوق فيه تنافس كبير جدًا ، التعلم الذاتي لازم يكون روتين عندكم، الشهادات الاحترافية ايضا مهمة ، الله يوفق الجميع 🙏🏻

اي احد يحتاج مساعدة في البدايه فالشهادات الاحترافية سواء فالأمن السيبراني او الشبكات يقدر يتواصل معي

@itscyb

الصيف هو افضل وقت الشخص ياخذ فيه شهادة احترافية، تغانموا وقتكم فيه