اولا والله كل حاجه مقدره و مكتوبه و اللى ربنا كاتبهولك هتشوفى
و اعرفى دايما ان ربنا هيحطك فى المكان الصح ف اى ان كان ارضى بيه
اما بالنسبه للكيميا ف والله العظيم من امتع المواد لو حبيتيها
يعني حبى مذاكرتها عشان تستمتعى بيها و خديها كانك بتعملى دراسه ماجستير مش مجرد ماده هتمتحنى فيها
اى نعم فيها حجات صعبه شويه لكن والله مع المذاكره هتاجى
و سواء مع الكيميا او اى ماده تانى خليكى صبوره و مش عشان مفهمتيش او معرفتيش الاجابه تحبطى نفسك
خليكى قريبه من ربنا فى السنه دى ع كد م تقدرى 💗

الحل الكتير أهم من القراءة الكتير، إيدك تتعود قبل عينك

السلام عليكم ورحمه الله وبركاته
اولا حابه اقولكم حاجة
ثانوية عامة مش صعبة ولا نهاية العالم عارفة إنه كلام الناس خلاها تبان ليكم كدا بس والله ما هي إلا مرحلة زي اي مرحلة بس الفرق انك بعدها هتدخل على حاجة جديدة ( الحياة الجامعية ) ف شد حيلك عشان تدخلها وانت مرتاح ومبسوط لانك دخلت اللي نفسك فيه
نصيحتي ليكم في الكيمياء
إنه زي ما قالكم البروف أن الكيمياء مش مادة حفظ بس ولا مادة فهم بس لا هي الاتنين مع بعض فعلا فيه حاجات محتاجة تحفظها وفي حاجات محتاجة تفهمها
خلي بالك واسع معاها
حاول تفهم اي حاجة حتى لو هي حفظ ف افهمها عشان تثبتها ف تعرف تحفظها
بالنسبة للمعادلات
حاجة فرقت معايا إنه مكنتش بحفظها لا أنا كنت بعرف التفاعل بيحصل ازاي وانا اللي بكتب المعادلة بنفسي وبدرب نفسي على كدا
( حتى لو مش بتعرف تكتب معادلة ف افهم اللي قدامك في الكتاب واعمل زيها ) لانه في معادلات تعتبر صيغة عامة لباقي المواد يعني دي الصيغة الثابتة ونفس النتائج بس مع اختلاف العناصر اللي داخلة
زي العضوية كدا معدلاتها أغلبها ليها نتائج ثابتة زي الاحتراق كدا مثلا وهكذا
ف افهم المعادلات ومتحفظش اوي الا لما تفهم
والكيمياء مش صعبة والله بالعكس مادة ميسرة لو حاولت تحبها شوية بس هتعدي والله
حاول تحل اسئلة ولو مش بتعرف شوف المستر بيحل ازاي واعمل زيه واحدة واحدة هتيجي معاك
الفترة دي عارفة أنها بتكون صعبة على الكل
بس والله لو خليت اعصابك باردة هتعدي كل حاجة متاخدش كل حاجة على اعصابك انت بتذاكر وبتعمل اللي عليك يبقا خلاص متفكرش في نتيجة ولا اي حاجة متفكرش في كلام الناس يوم النتيجة والكلام ده مافيش حد تعب وعاش الرحلة غيرك ف محدش له الحق يسألك حتى على مجموعك
ركز في مذاكرتك وحدك ركز في بناء مستقبلك لوحدك متستناش حد يشدك ويقومك لا قوم نفسك وشد نفسك
كان البروف يقولنا " أنت الجماعة ولو كنت وحدك " ف ساعد نفسك بنفسك متستناش حد ومتقارنش نفسك بحد والله لو حاجة ممكن تضيعك ف هي انك تبص لمستوى زميلك أو تقارن نفسك بيه خليك في حالك وفي نفسك
قارن نفسك بنفسك امبارح مش بحد تاني
آسفة لو طولت عليكم
بس كلام كنت حابه أنه يتقالي من سنة بالظبط وانا مكانكم كدا ف حبيت أقوله ليكم
ربنا يوفقكم اخواتي في الله وتنوروا كلية أحلامكم قريب يارب واشوفكم في الجامعة معانا السنة الجاية يارب وانتو مزنوقين في الفاينل زينا كدا 😂🤍🤍🤍🤍🤍
بالتوفيق يارب 🤍🤍🤍🤍🤍

اول حاجه حابب اقولها كلمه شكر للطلبه اللي بعتت رسايل والي بفتخر اني درستها واني ما زلت بذكر أسماءهم وفي طلبه كتير تاني هتبعتلكم علي مدار السنه بس مستني كل حد ف توقيته
...

وبمناسبة الكلام الطلبه مكنتش مهتمه بالعضويه للحد الكافي ... ودا طبعا في اختبار مبدأي علي جزء بسيط


بناءا علي ذلك
مجموعه عضويه يوم الجمعه الساعه 2
دي هتبقي يومين في الاسبوع
التلات الساعه 1 والجمعه الساعه 2
ودي طبعا هتشتغل بدايه من التسميه زي ما هي مش هنرجع من الاول
الحساب مقدم
150 للطلبه اللي بتاخد عضويه بس


100 للطلبه اللي بتاخد الكيمياء كلها ( ١٠٠ غير عضويه وعضويه ١٠٠ )

شرط أساسي تجيب رقم ولي امرك قبل ما تدخل المجموعه بالاضافه لمقدم الحجز

اي استفسار او توضيح تابعني خاص

مجموعه عضويه جديده في ارمنت
هتبدا يوم الجمعه الساعه ٥ ل ٦ ونص
للتواصل الحجز خاص

في حاله عدم اكتمال المجموعه سيتم إلغاءها
بلغوا بعض
...
ملحوظه مجموعات العضويه الي شغاله حاليا لن يتم دخول أي طالب جديد فيها

طلبه 3 ثانوي غدا باذن الله تعالى
محدش يغيب ولا يتأخر للضروره
بلغوا بعض

كل طلبه تالته ثانوي
تبعت رساله علي التليجرام أو الواتساب
تبعت فيها رساله محتواها

3 ثانوي

اسم الطالب

المجموعه

ودا بحد أقصي غدا الجمعه حتي يتم مراجعه الأفكار والمسائل في كتب افوجادرو

مجموعه عضويه ارزقات بقيت الساعه ٣ انهارده بدلا من ٢ بلغوا بعض

من افضل الدفع اللي حرفيا درستهم❤️