អាហ្កានីស្ថាន - បន្ទាប់ពីក្រុមតាលីបង់បានផ្តួលរំលំរដ្ឋាភិបាលអាហ្កានីស្ថានដែលគាំទ្រដោយអាមេរិក និងសម្ព័ន្ធមិត្តរួចមក ក្រុមតាលីបង់បានបន្តកម្ទេចក្រុមរណសិរ្សប្រឆាំងនៅភាគខាងជើងតំបន់ Panjshir បន្ទាប់ពីការចរចាមិនបានលទ្ធផល។ នៅថ្ងៃសុក្រនេះ ក្រុមតាលីបង់អះអាងថាបានកាន់កាប់តំបន់ Panjshir ប្រហែល ២០% ហើយ។

អាហ្កានីស្ថាន - ស្នូរកាំភ្លើងលាន់ឮពេញទីក្រុងកាប៊ុល ដែលក្រុមតាលីបង់បាញ់អបអរការដណ្តើមបានសង្កាត់ Paryan ក្នុងខេត្ត Panjshir ពីក្រុមរណសិរ្សតស៊ូអាហ្កានីស្ថាន។

ម៉ាឡេស៊ី - អតីតនាយករដ្ឋមន្ត្រីម៉ាឡេស៊ី លោក ម៉ូ ហ៊ីដឌីន ត្រូវបានតែងតាំងជាប្រធានក្រុមប្រឹក្សាជាតិស្ដារឡើងវិញដើម្បីជួយដឹកនាំរៀបចំយុទ្ធសាស្ត្រស្ដារសេដ្ឋកិច្ចនិងការរស់នៅរបស់ប្រជាជនឲ្យប្រសើរឡើងវិញបន្ទាប់ពីមានការឆ្លងរីករាលដាលជំងឺជំងឺ។

នៅក្នុងវ័យ 74 ឆ្នាំ និងបានចុះចេញពីតំណែងនាយករដ្ឋមន្ត្រីបន្ទាប់មិនអាចរកសំឡេងគាំទ្រភាគច្រើននៅក្នុងរដ្ឋសភា។ លោកបានកាន់តំណែងនាយករដ្ឋមន្ត្រីត្រឹមតែ 17 ខែប៉ុណ្ណោះដែលជារយៈពេលខ្លីជាងគេចាប់តាំងពីប្រទេសម៉ាឡេស៊ីទទួលបានឯករាជ្យ។

អាហ្កានីស្ថាន - ព្រលានយន្តហោះនៅទីក្រុងកាប៊ុលបានបើកដំណើរការឡើងវិញដើម្បីទទួលការចុះចតយន្តហោះស៊ីវិល និងដឹកជំនួយ បន្ទាប់ពីក្រុមតាលីបង់បានកាន់កាប់ និងគ្រប់គ្រងបន្តពីអាមេរិក និងសម្ព័ន្ធមិត្ត។

វៀតណាម - អាល្លឺម៉ង់នឹងផ្តល់ជំនួយវ៉ាក់សាំងអាស្ត្រាហ្សេណេកាចំនួន ២,៥លានដូស ដល់ប្រទេសវៀតណាម។

ថៃ - មន្ទីរពេទ្យនៅខេត្តភូកេតប្រទេសថៃប្រកាសថាជិតពេញ ដែលគ្រែអ្នកជំងឺ៨០% បានពេញ ហើយចំនួននៅសល់នឹងពេញឆាប់ៗ ដោយសារអត្រាឆ្លងថ្មីក្នុងខេត្តប្រមាណ ២០០នាក់ក្នុងមួយថ្ងៃ។ ដើម្បីដោះស្រាយ អ្នកជំងឺស្រាលត្រូវអនុញ្ញាតឲ្យសម្រាកដោយឡែកនៅផ្ទះ។

អាហ្កានីស្ថាន - ក្រុមតាលីបង់កំពុងនាំគ្នាលើកទ័ពវាយលុករណសិរ្សប្រឆាំងនឹងតាលីបង់នៅខេត្ត Penjshir ។

ហ្គីណេ - មានស្នូរផ្ទុះអាវុធនៅក្បែរវិមានប្រធានាធិបតីប្រទេសហ្គីណេ ដែលជាប្រទេសនៅភាគខាងលិចទ្វីបអាហ្វ្រិក។ ការផ្ទុះអាវុធនេះនាំឲ្យមានការសង្ស័យថាជារដ្ឋប្រហារ។

ហ្គីណេ - ប្រធានាធិបតីប្រទេសហ្គីណេត្រូវបានចាប់ខ្លួនដោយក្រុមទាហានរដ្ឋប្រហារដឹកនាំដោយមេបញ្ជាការទ័ពពិសេស។

សិង្ហបុរី - មនុស្សយន្តបំពាក់បច្ចេកវិជ្ជា AI ត្រូវបានដាក់ឲ្យដំណើរការសាកល្បងនៅតាមផ្លូវប្រទេសសិង្ហបុរីដើម្បីទប់ស្កាត់សកម្មភាពមិនសមរម្យមួយចំនួនដូចជា ការជក់បារីនៅកន្លែងហាមឃាត់ ការជិះកង់នៅចិញ្ចើមផ្លូវ ការជួបជុំគ្នាលើស ៥នាក់តាមបម្រាមកូវីដ១៩ ជាដើម។

ម៉ិកស៊ីកូ - ទឹកជំនន់រហ័សបានជន់លិចមន្ទីរពេទ្យនៅតំបន់ Tula ប្រទេសម៉ិកស៊ិកូ។

អាមេរិក - គិតត្រឹមសប្តាហ៍នេះ មានពលរដ្ឋអាមេរិកពេញវ័យ ៧៥% បានចាក់វ៉ាក់សាំងកូវីដ១៩រួច យ៉ាងតិច ១ដូស។

ពលរដ្ឋអាមេរិកពេញវ័យចំនួន ១៩៣.៧៩៨.៦៨៨នាក់ បានចាក់រួចយ៉ាងតិច ១ដូស ដែលចំនួន ១៦៥.៩៤៧.៤៦០នាក់ ស្មើ ៦៤,៣% បានចាក់វ៉ាក់សាំងពេញលេញ។

អាមេរិក - រូបសំណាកឧត្តមសេនីយ៍ Robert E. Lee ទម្ងន់ ១២តោនដែលឈរតាំងអស់រយៈពេល ១៣០ឆ្នាំ នៅរដ្ឋ Virginia ត្រូវបានរើចេញហើយតាមការសម្រេចរបស់តុលាការកំពូលនៅក្នុងេដ្ឋ។

ម៉ាសេដូណា - មានអគ្គិភ័យមួយបានឆាបឆេះនៅមន្ទីរពេទ្យព្យាបាលកូវីដ១៩ ក្នុងប្រទេសម៉ាសេដូណាខាងជើង។

ស្កុតឡែន - ចាប់ពីថ្ងៃ១ ខែតុលា ឆ្នាំ២០២១ ទៅ ការចូលក្នុងក្លិប កម្មវិធីផ្សាយផ្ទាល់ និងកម្មវិធីធំៗ នៅប្រទេសស្កុតឡែន នឹងត្រូវទាមទារឲ្យបង្ហាញលិខិតចាក់វ៉ាក់សាំង។

ថៃ - អាជ្ញាធរទេសចរណ៍ថៃបាននិយាយថាចាប់ពីថ្ងៃទី 1 ខែតុលានេះទៅជនបរទេសដែលបានចាក់វ៉ាក់សាំងពេញលេញអាចមកទីក្រុងបាងកក និងខេត្តបួនទៀតដោយមិនចាំបាច់ធ្វើចត្តាឡីស័កចំនួន ១៤ថ្ងៃនៅសណ្ឋាគារឡើយ។

កូរ៉េខាងជើង - មេដឹកនាំកូរ៉េជើងលើកដៃគ្រវីតបនឹងការលើកដៃគ្រវីស្វាគមន៍ក្នុងឱកាសខួប ៧៣ឆ្នាំរបស់ប្រទេសកូរ៉េជើង នៅទីលានគីមអ៊ុលសុង កាលពីថ្ងៃ៩ កញ្ញាកន្លងទៅនេះ។