អាហ្កានីស្ថាន - ក្រុមតាលីបង់ជំរុញឲ្យប្រជាជនអាហ្កានកុំភៀសខ្លួនចេញពីប្រទេស ខណៈកាលកំណត់បញ្ចប់វត្តមានជនបរទេសមិនកែប្រែ។

អាហ្កានីស្ថាន - ក្រុមរណសិរ្ស NRF គឺជាក្រុមដែលមានកម្លាំងលេចធ្លោក្នុងការតស៊ូប្រឆាំងនឹងក្រុមតាលីបង់។ ពួកគេត្រៀមទាំងការប្រយុទ្ធនឹងការវាយប្រហាររបស់ពួកតាលីបង់ និងត្រៀមចរចារសន្តិភាពចែកអំណាច។

អាហ្កានីស្ថាន - មានមនុស្សជាង ១ម៉ឺននាក់ទៀតនៅព្រលានយន្តហោះទីក្រុងកាប៊ុលរង់ចាំការជម្លៀសចេញ។

អាមេរិក - ក្រុមហ៊ុនអាកាសចរណ៍ Delta បានតម្រូវឲ្យបុគ្គលិកដែលមិនបានចាក់វ៉ាក់សាំងពេញលេញធ្វើតេស្តរាល់សប្តាហ៍ និងបង់ប្រាក់ ២០០ដុល្លារក្នុងមួយខែ។

អង់គ្លេស - ក្រសួងការពារជាតិអង់គ្លេសបានព្រមានពីលទ្ធភាពនៃការវាយប្រហារនៅព្រលានយន្តហោះកាប៊ុល។

អាហ្កានីស្ថាន - ក្រុមតាលីបង់និយាយថាពុំមានភស្តតាងណាមួយបញ្ជាក់ថា អូសាម៉ាប៊ីនឡាដិន មាជាប់ពាក់ព័ន្ធនឹងការវាយប្រហារថ្ងៃទី១១ ខែកញ្ញាឡើយ។ តែយ៉ាងណាក៏ដោយ ក្រុមតាលីបង់បានសន្យាថានឹងមិនមានការប្រើប្រាស់ទឹកដីអាហ្កានីស្ថាន ដើម្បីវាយប្រហារប្រទេសដទៃឡើយ។

អាហ្កានីស្ថាន - រដ្ឋមន្ត្រីព័ត៌មានតាលីបង់បានបញ្ជាក់ថា អាចមានការវាយប្រហារភេរវកម្មណាមួយនៅព្រលានយន្តហោះទីក្រុងកាប៊ុលដូចជាការបាញ់សម្លាប់ប្រជាជន ឬក៏បំផ្ទុះគ្រាប់បែក ក្នុងគោលបំណងបង្ខូចកេរ្តិ៍ឈ្មោះក្រុមតាលីបង់។

អាហ្កានីស្ថាន - មានការវាយប្រហារអត្តឃាដនៅច្រកចូលព្រលានយន្តហោះទីក្រុងកាប៊ុលបណ្តាឲ្យមនុស្សជាច្រើនស្លាប់ និងរបួស។

ចិន - មានករណីអគ្គីភ័យឆេះអគារខ្ពស់មួយនៅទីក្រុងកំពង់ផែ Dalian ប្រទេសចិន។

អាហ្កានីស្ថាន - ទោះជាមានការវាយប្រហារអត្តឃាដសម្លាប់មនុស្សជាច្រើននៅច្រកចូលព្រលានយន្តហោះទីក្រុងកាប៊ុលក៏ដោយ ក៏នៅតែមានជនជាតិអាហ្កានជាច្រើនប្រជ្រៀតគ្នាដើម្បីបានក្នុងព្រលាន និងភៀសខ្លួនទៅក្រៅប្រទេស។

អាមេរិក - ត្រាំបាននិយាយថា យើងគួរចាកចេញពីអាហ្កានីស្ថានដោយសេចក្តីថ្លៃថ្នូរ និងកិត្តិយស... ប្រគល់សោរទៅគេដោយត្រឹមត្រូវ...

ឥណ្ឌា - ភ្លៀងធ្លាក់ខ្លាំងនៅរដ្ឋ Uttarakhand បានបណ្តាលឲ្យបាក់ដី និងស្ពាន។

អាហ្កានីស្ថាន - ក្រុមតាលីបង់បានវាយយុវជនរូបនេះដោយសារទាក់ទងជាមួយក្មេងស្រីម្នាក់តាមទូរស័ព្ទ។

ថៃ - កាលពីថ្ងៃសុក្រនេះ ប្រទេសអង់គ្លេសបានបង្កើនចំណាត់ថ្នាក់ប្រទេសថៃពីបញ្ជីឈ្មោះប្រទេសពណ៌លឿងទុំមកជាប្រទេសពណ៌ក្រហម ដែលមានហានិភ័យខ្ពស់ក្នុងការឆ្លងរាលដាលកូវីដ-១៩ ។ ចំណាត់ថ្នាក់នេះនឹងមានសុពលភាពចាប់ពីថ្ងៃច័ន្ទទី30 ខែសីហានេះតទៅ ដែលធ្វើឲ្យការកក់សណ្ឋាគារមួយចំនួនរបស់ទេសចរជនជាតិអង់គ្លេសនៅភូកេតត្រូវបានលុបចោលវិញ។ លើសពីនេះទៀត ទេសចរអង់គ្លេសមួយចំនួនដែលបានមកដល់ភូកេតហើយ ក៏បានរូតរះត្រឡប់ទៅប្រទេសអង់គ្លេសវិញមុនកាលកំណត់ ក្នុងគោលបំណងចៀសផុតពីការធ្វើចត្តាឡីស័កពេលត្រឡប់ទៅអង់គ្លេសវិញ។ ការធ្វើចត្តាឡីស័កនៅប្រទេសអង់គ្លេសទាមទារនូវការចំណាយខ្ពស់ដែលមានចំនួនរហូតដល់ 2200 ផោនសម្រាប់រយៈពេលចត្តាឡីស័ក 10 ថ្ងៃ។

ហ្វីលីពីន - កាលពីថ្ងៃសៅរ៍នេះ ចំនួនអ្នកឆ្លងកូវីដ១៩ ក្នុងប្រទេសហ្វីលីពីនបានបំបែកកំណត់ត្រាថ្មីមានចំនួន 19,441នាក់ ដែលធ្វើឲ្យចំនួនអ្នកឆ្លងសរុបកើនដល់ 1,935,700 នាក់។

ថៃ - កាលពីថ្ងៃសៅរ៍កន្លងទៅនេះ ប្រទេសថៃមានចំនួនអ្នកឆ្លងកូវីដ១៩ ចំនួន 17,984នាក់ ដែលធ្វើឲ្យចំនួនអ្នកឆ្លងសរុបក្នុងរលកទី៣ ចាប់ពីខែមេសាមក មានចំនួន 1,128,692នាក់។

វៀតណាម - ក្នុងរយៈពេល 24ម៉ោងគិតត្រឹមម៉ោង 6:00 ល្ងាចថ្ងៃសៅរ៍កន្លងទៅនេះ វៀតណាមមានករណីឆ្លងកូវីដ១៩ចំនួន 12,103 នាក់ ដែលធ្វើឲ្យចំនួនសរុបកើនដល់ចំនួន 422,469នាក់។

សិង្ហបុរី - កាលពីថ្ងៃសៅរ៍នេះ សិង្ហបុរីមានករណីឆ្លងកូវីដ១៩ថ្មី ចំនួន ១២១ នាក់។

ម៉ាឡេស៊ី - ថ្ងៃសៅរ៍កន្លងទៅនេះ ប្រទេសម៉ាឡេសុីមានអ្នកឆ្លងកូវីដ១៩ ថ្មីចំនួន 22,597 ម្នាក់ ធ្វើចំនួនឆ្លងសរុបទូទាំងប្រទេសកើនឡើងជាង 1,68 លាននាក់។ នេះគឺជាថ្ងៃទី៥ ហើយ ដែលម៉ាឡេស៊ីមានចំនួនអ្នកឆ្លង 2 ម៉ឺននាក់។

អាហ្កានីស្ថាន - ទាហានអាល្លឺម៉ង់បានបញ្ចប់បេសកកម្ម និងចាកចេញពីអាហ្កានីស្ថាន។

កាណាដា - បុរសម្នាក់បានថតសែលហ្វីជាមួយនាយករដ្ឋមន្ត្រីកាណាដាហើយនិយាយថា 'Communist f***' ធ្វើឲ្យលោកនាយករដ្ឋមន្ត្រីកាណាដាគេចចេញពីគាត់ ដោយមិនចង់តបត។