ឥណ្ឌូណេស៊ី - កុមារឥណ្ឌូនេស៊ីជាង ១១ម៉ឺននាក់បានបាត់បង់ឪពុក ឬម្តាយ ឬទាំងឪពុកនិងម្តាយដោយសារជំងឺកូវីដ-១៩។

អាមេរិក - ក្រុមហ៊ុន tesla មានគម្រោងផលិតមនុស្សយន្ត tesla bot នៅឆ្នាំក្រោយ ក្នុងគោលបំណងជួយដល់មនុស្សធ្វើការងារប្រចាំថ្ងៃដែលមានលក្ខណៈដដែលៗ។

អាហ្កានីស្ថាន - បុរសឈ្មោះ Khalil al-Rahman Haqqani គឺជាមនុស្សម្នាក់ដែលអាមេរិកចង់បានបំផុតដោយចាត់បញ្ចូលជាភេរវករពិភពលោកក្នុងឆ្នាំ២០១១ ជាមួយរង្វាន់ ៥លានដុល្លារសម្រាប់ការនាំដល់ការចាប់ខ្លួន ឥឡូវនេះកំពុងបង្ហាញមុខនៅអាហ្កានីស្ថានដោយប្រើកាំភ្លើងផលិតនៅអាមេរិកទៀត និងទំនងជាកំពុងរៀបចំបង្កើតរដ្ឋាភិបាលនៅទីនោះ។

អូស្ត្រាលី - មានការចាប់ខ្លួនក្រុមអ្នកតវ៉ាជ្រុលនិយមប្រឆាំងនឹងការបិទខ្ទប់នៅម៊ែលប៊ន និងស៊ីដនី។

ក្រិក - ប្រទេសក្រិកបានបញ្ចប់ការសាងសង់របងព្រំដែនជាប់ប្រទេសតួកគីប្រវែង ៤០គីឡូម៉ែត្រស្របពេលដែលកំណើនជន់ភៀសខ្លួនអាហ្កានីស្ថានកើនឡើងក្រោយពេលក្រុមតាលីបង់បានដណ្តើមកាន់កាប់ប្រទេស។

តួកគី - តួកគីបានសង់របងព្រំដែនជាប់ប្រទេសអ៊ីរ៉ង់យ៉ាងវែងអន្លាយ ដែលក្លាយជាមហាកំពែងសម័យទំនើប។ របងព្រំដែននេះបានជួយជាប្រយោជន៍ជាច្រើនរួមទាំងការទប់ស្កាត់ជនភៀសខ្លួនផងដែរ។

រុស្ស៊ី - សំណង់ស្ពានរថភ្លើងឆ្លងកាត់ទន្លេ Amur ដែលជាព្រំដែនរុស្ស៊ី និងចិន ត្រូវបានភ្ជាប់ហើយ ជាមួយក្តីរំពឹងបង្កើនទំនាក់ទំនង និងការដោះដូរពាណិជ្ជកម្មនៃប្រទេសទាំងពីរថែមមួយកម្រិតទៀត។

ហ្វីលីពីន - ក្រសួងការងារហ្វីលីពីនបានឲ្យដឹងនៅថ្ងៃអាទិត្យនេះថា ពលករហ្វីលីពីនដែលបានចាក់វ៉ាក់សាំងនៅក្នុងប្រទេសហ្វីលីពីនរួច អាចធ្វើដំណើរទៅទីក្រុងហុងកុងបានចាប់ពីថ្ងៃទី៣០ សីហា នេះ។

អាហ្កានីស្ថាន - កម្លាំងអ្នកប្រយុទ្ធក្នុងស្រុកអាហ្កានបានដណ្តើមតំបន់ khanjan ពីក្រុមតាលីបង់មកគ្រប់គ្រង ខណៈដែលក្រុមអ្នកប្រយុទ្ធតាលីបង់នៅខេត្ត Zabol ក៏បានប្រកាសផ្តាច់ខ្លួនចេញពីក្រុមតាលីបង់ផងដែរ។ ក្រៅពីនេះ អនុប្រធានាធិបតីអាហ្កានីស្ថាន និងកម្លាំងស្មោះស្ម័គ្រក៏បានដណ្តើមបានទីតាំងឈរជើងដើម្បីទប់ទល់នឹងក្រុមតាលីបង់ផងដែរ។

អាហ្កានីស្ថាន - ក្រុមតាលីបង់កំពុងព្យាយាមរើរដ្ឋធានី ពីទីក្រុងកាប៊ុល ទៅ កានដេហា ដែលជាប់ព្រំដែនប្រទេសប៉ាគីស្ថាន។
Taliban is trying to move capital from Kabul to Qandehar next to Pakistan border.

អាហ្កានីស្ថាន - ខណៈនាយករដ្ឋមន្ត្រីអង់គ្លេសចង់ឲ្យអាមេរិកពន្យារវត្តមានកម្លាំងរបស់ខ្លួននៅព្រលានយន្តហោះកាប៊ុលឲ្យយូរជាងថ្ងៃទី៣១ សីហា អ្នកនាំពាក្យតាលីបង់បាននិយាយថាវត្តមានកម្លាំងបរទេសមិនអាចពន្យារលើសពីសប្តាហ៍ក្រោយបានទេ បើមិនដូច្នោះនឹងមានផលវិបាកកើតឡើងជាមិនខាន។

អាមេរិក - ប្រធានាធិបតីអាមេរិកជំរុញឲ្យប្រជាជនរបស់ខ្លួនចាក់វ៉ាក់សាំងបន្ទាប់ រដ្ឋបាលចំណីអាហារ និងឱសថអាមេរិក FDA បានអនុម័តឲ្យប្រើប្រាស់វ៉ាក់សាំង Pfizer ដោយបញ្ជាក់ពីសុវត្ថិភាព និងប្រសិទ្ធភាព។

អាមេរិក - ត្រាំ បាននិយាយថា កំហុសដ៏ធំបំផុតរបស់បៃដិនគឺការមិនយល់កិច្ចការគឺថា ទាហានត្រូវតែជាមនុស្សដែលត្រូវដកចុងក្រោយគេ មិនមែនដកមុនគេទេ។ ជនស៊ីវិលនិងឧបករណ៍ត្រូវដកចេញមុនហើយបន្ទាប់មកនៅពេលមនុស្សគ្រប់គ្នានិងអ្វីៗទាំងអស់ត្រូវបានដកចេញហើយ ទើបដកទាហានតាមក្រោយ។ សាមញ្ញណាស់ ប៉ុន្តែនៅតែមិនយល់។ ខ្លោចចិត្ត!

រុស្ស៊ី - ប្រធានាធិបតីពូទីន បានជំរុញឲ្យបញ្ចុះបញ្ចូលអ្នករារែកចាក់វ៉ាក់សាំង ដោយមិនត្រូវគំរាមបញ្ឈប់ការងារគេឡើយ។

អាមេរិក - ក្រុមហ៊ុនហ្គូហ្គលបានដាក់សាកល្បងរថយន្តតាក់ស៊ីគ្មានមនុស្សបើកនៅសាន់ហ្វ្រាន់ស៊ីស្កូ។ រថយន្តប្រភេទនេះនឹងដាក់ដំណើរឲ្យសាធារណជនជិះក្នុងរយៈពេកបីឆ្នាំទៀត។

វៀតណាម - ធនាគារពិភពលោកបានព្យាករណ៍ថាសេដ្ឋកិច្ចវៀតណាមនឹងកើនឡើង ៤,៨%ក្នុងឆ្នាំ២០២១ ទាបជាងឆ្នាំ២០២០ ចំនួន ២%។

អាហ្កានីស្ថាន - ក្រុមតាលីបង់ជំរុញឲ្យប្រជាជនអាហ្កានកុំភៀសខ្លួនចេញពីប្រទេស ខណៈកាលកំណត់បញ្ចប់វត្តមានជនបរទេសមិនកែប្រែ។

អាហ្កានីស្ថាន - ក្រុមរណសិរ្ស NRF គឺជាក្រុមដែលមានកម្លាំងលេចធ្លោក្នុងការតស៊ូប្រឆាំងនឹងក្រុមតាលីបង់។ ពួកគេត្រៀមទាំងការប្រយុទ្ធនឹងការវាយប្រហាររបស់ពួកតាលីបង់ និងត្រៀមចរចារសន្តិភាពចែកអំណាច។

អាហ្កានីស្ថាន - មានមនុស្សជាង ១ម៉ឺននាក់ទៀតនៅព្រលានយន្តហោះទីក្រុងកាប៊ុលរង់ចាំការជម្លៀសចេញ។

អាមេរិក - ក្រុមហ៊ុនអាកាសចរណ៍ Delta បានតម្រូវឲ្យបុគ្គលិកដែលមិនបានចាក់វ៉ាក់សាំងពេញលេញធ្វើតេស្តរាល់សប្តាហ៍ និងបង់ប្រាក់ ២០០ដុល្លារក្នុងមួយខែ។

អង់គ្លេស - ក្រសួងការពារជាតិអង់គ្លេសបានព្រមានពីលទ្ធភាពនៃការវាយប្រហារនៅព្រលានយន្តហោះកាប៊ុល។