ថៃ - ប្រទេសថៃបានអនុម័តគម្រោង 7+7 ក្នុងយុទ្ធនាការ Phoket Sandbox ដោយអនុញ្ញាតឲ្យអ្នកដំណើរជនបរទេសដែលបានចាក់វ៉ាក់សាំងរួច មកកាន់ភូកេត អាចស្នាក់នៅរយៈពេល ៧ថ្ងៃ បន្ទាប់មកអាចធ្វើដំណើរទៅតាមគោលដៅ និងផ្លូវដែលបានអនុញ្ញាតនៅស៊ូរ៉ាតថានី ក្រាប៊ី និងផាងង៉ា។

យុទ្ធនាការ Phuket Sanbox បានចាប់ផ្តើមនៅថ្ងៃទី១ ខែកក្កដា ដែលអ្នកដំណើរបរទេសត្រូវស្នាក់នៅភូកេត ១៤ថ្ងៃ ជំនួសឲ្យការធ្វើចត្តាឡីស័ក១៤ថ្ងៃសម្រាប់អ្នកដំណើរមិនទាន់ចាក់វ៉ាក់សាំង។

ចាប់ពីថ្ងៃទី១៧ ខែសីហានេះ អ្នកដំណើរហោះហើរមកពីបរទេស អាចស្នាក់នៅកោះភូកេត ៧ថ្ងៃ បន្ទាប់មក អាចធ្វើដំណើរទៅកាន់គោលដៅកោះដែលបានកំណត់នៅក្នុងខេត្តភាគខាងត្បូងបាន។