អាល្លឺម៉ង់ - ឆាប់ៗនេះការចូលភោជនីយដ្ឋាន រោងមហោស្រព ឬរោងកុននៅអាល្លឺម៉ង់នឹងតម្រូវឲ្យមានការបញ្ជាក់ថាបានចាក់វ៉ាក់សាំងរួច។

រដ្ឋមន្ត្រីក្រសួងសុខាភិបាលអាល្លឺម៉ង់បាននិយាយថាការពាក់ម៉ាស និងធ្វើតេស្តរកកូវីដអាចធ្វើទៅបានសម្រាប់ការជិះមធ្យោបាយដឹកជញ្ជូនសាធារណៈ ឬសួរសុខទុក្ខក្នុងពេទ្យ ប៉ុន្តែការចូលឌីស្កូ រោងមហោស្រព្វ ពហុកីឡដ្ឋាន ភោជនីយដ្ឋាន គឺត្រូវការចាក់វ៉ាក់សាំង។

បារាំង - ប៉ូលិសនៅទីក្រុងប៉ារីសបានដើរល្បាតតាមភោជនីយដ្ឋានដើម្បីពិនិត្យបណ្ណសុខភាពបញ្ជាក់ថាបានចាក់វ៉ាក់សាំងកូវីដ១៩រួច។

នៅប្រទេសបារាំង មានតែអ្នកដែលបានចាក់វ៉ាក់សាំងប៉ុណ្ណោះទើបអាចមានសិទ្ធិចូលភោជនីយដ្ឋាន រោងកុន កន្លែងហាត់ប្រាណ និងកន្លែងមួយចំនួនទៀត។

@primarynetwork

ម៉ាឡេស៊ី - សេដ្ឋកិច្ចម៉ាឡេស៊ីមើលឃើញសញ្ញាវិជ្ជមាន។ ផ្នែកផលិតកម្មកើនឡើង ៦,៥% ធៀបរយៈពេលដូចគ្នានឹងឆ្នាំទៅ ដែលមានទឹកប្រាក់ ២៩,៦ពាន់លានដុល្លារ និងកើន ១,៣% ធៀបនឹងខែមុន។ នៅត្រីមាសទី២នេះ ចំនួនកម្មករក្នុងឧស្សាហកម្មផលិតកម្មនេះកើន ១,២%។

អង់គ្លេស - ប្រជាជនអង់គ្លេស ៨៩% បានចាក់វ៉ាក់សាំងកូវីដ១៩ មួយដូស និង ៧៥% បានចាក់ពីរដូសរួចរាល់ ក្នុងនោះជាងមួយភាគបីនៃមនុស្សពេញវ័យនៅអង់គ្លេសបានចាក់វ៉ាក់សាំងកូវីដ១៩ ពីរដូសរួចរាល់។

អាមេរិក - អាមេរិកបានអំពាវនាវឲ្យអង្គការអូពិក និងសម្ព័ន្ធមិត្តបូមប្រេងបន្ថែមទៀតដើម្បីជួយទប់ទល់កុំឲ្យប្រេងឡើងថ្លៃ ដែលនឹងគំរាមកំហែងដល់ការងើបឡើងវិញនៃសេដ្ឋកិច្ចសកលក្រោយវិបត្តិកូវីដ។

តួកគី - ទឹកជំនន់បានជន់លិចតាមបណ្តាខេត្តជាប់សមុទ្រខ្មៅនៃប្រទេសតួកគី។

អូស្ត្រាលី - ក្រុមប៉ូលិសជិះសេះល្បាតទីក្រុងមែលប៊នបន្ទាប់ការបិទខ្ទប់ពន្យារមួយសប្តាហ៍ក្រោយរកឃើញករណីឆ្លងកូវីដ១៩ ថ្មីចំនួន ២០ករណី។

អាមេរិក - មានការពិភាក្សាអំពីរយៈពេលរើស្ថានទូតអាមេរិកចេញពីទីក្រុងកាប៊ុលនៃប្រទេសអាហ្កានីស្ថានស្របពេលក្រុមតាលីបង់កំពុងវាយដណ្តើមបានកាន់តែច្រើន។ ការវាយតម្លៃយោធាអាមេរិកបញ្ជាក់ ក្រុមតាលីបង់នឹងដណ្តើមបានទីក្រុងកាប៊ុលក្នុងរយៈពេល ៩០ថ្ងៃទៀត។

បេសសកម្មដកទ័ពចេញពីអាហ្កានីស្ថានរបស់អាមេរិកនឹងបញ្ចប់ទាំងស្រុងនៅចុងខែសីហានេះ។ នេះគឺជាការបោះបង់រដ្ឋាភិបាលអាហ្កានីស្ថានចោល បន្ទាប់ពីអស់ប្រយោជន៍សម្រាប់អាមេរិក។

ក្រុមតាលីបង់បានវាយដណ្តើមទឹកដី ២ភាគ៣ ពីរដ្ឋាភិបាលអាហ្កានីស្ថានចាប់តាំងពីអាមេរិកចាប់ផ្តើមដកទ័ពបណ្តើរៗតាមជំហាន។

អ៊ីស្រាអែល - នៅពេលការឆ្លងរាលដាលកំពុងកើនឡើង អ៊ីស្រាអែលតម្រូវឲ្យមានការធ្វើតេស្តរកមេរោគកូវីដ -១៩ សម្រាប់ក្មេងអាយុចាប់ពី ៣ ឆ្នាំឡើង។

ក្មេងចាប់ពីអាយុ ៣ ឆ្នាំនឹងត្រូវបង្ហាញលទ្ធផលអវិជ្ជមានដើម្បីអាចចូលសាលារៀន កន្លែងហែលទឹកសណ្ឋាគារ និងកន្លែងហាត់ប្រាណចាប់ពីថ្ងៃពុធសប្តាហ៍ក្រោយ។

រុស្ស៊ី - មានករណីផ្ទុះរថយន្តក្រុងមួយនៅភាគកណ្តាលទីក្រុង Voronezh ប្រទេសរុស្ស៊ី។

អាហ្សង់ទីន - កូនប្រុសប្រធានាធិបតីអាហ្សង់ទីនបានជ្រើសរើសភេទ x នៅក្នុងឯកសារសម្គាល់អត្តសញ្ញាណរបស់ខ្លួន។

រដ្ឋាភិបាលអាហ្សង់ទីនបានអនុញ្ញាតឲ្យពលរដ្ឋដែលមិនចង់ជ្រើសភេទប្រុស ឬស្រី ដោយមានសិទ្ធិជ្រើសរើសភេទ x ជំនួសបាន។

វៀតណាម - ប្រធានាធិបតីបារាំងបានបញ្ជាក់ក្នុងធ្វីតថានឹងចែករំលែកវ៉ាក់សាំង ៦៧ម៉ឺនដូសដល់វៀតណាមតាមយន្តការកូវ៉ាក់។

ចំណែកប្រទេសហុងគ្រីវិញនឹងផ្តល់ផ្តល់វ៉ាក់សាំងអាស្ត្រាហ្សេណេកាល់ ១០ម៉ឺនដូស និងតេស្តរហ័ស ១០ម៉ឺនដូសដល់វៀតណាម។ នេះជាការបញ្ជាក់ពីក្រសួងការបរទេសវៀតណាម។

វៀតណាមមានប្រជាជនបានចាក់វ៉ាក់សាំងយ៉ាងតិចមួយដូសរួចចំនួន ១២លាននាក់ និងអ្នកចាក់ពីរដូសចំនួនជាង ១លាននាក់។

*សម្រាប់បងប្អូនដែលចេះអង់គ្លេស សូមស្តាប់ទស្សនៈរបស់ពលរដ្ឋអាមេរិកកាំងមួយចំនួនទាក់ទងនឹងការពាក់ម៉ាស ដែលមានការយល់ឃើញផ្ទុយពីចរន្តនៃការរាលដាលមេរោគកូវីដ១៩។

អាល្លឺម៉ង់ - នៅថ្ងៃទី ១៣ ខែសីហាឆ្នាំ ១៩៦១ មានការការរៀបចំសាងសង់ជញ្ជាំងប៊ែរឡាំងដែលចែកប្រទេសអាល្លឺម៉ង់ជាពីរ។ ការសាងសង់បានចាប់ផ្តើមនៅថ្ងៃទី ១៧ ខែសីហា។

បន្ទាប់ពីឈរយ៉ាងរឹងមាំអស់រយៈពេល ២៨ ឆ្នាំ ជញ្ជាំងប៊ែរឡាំងត្រូវបានវាយឲ្យដួលរលំនៅថ្ងៃទី ៩ ខែវិច្ឆិកាឆ្នាំ ១៩៨៩ ។ ប៉ុន្តែផ្នែកមួយចំនួនតូចនៅតែត្រូវបានរក្សាទុកជាអនុស្សាវរីយ៍សម្រាប់មនុស្សជំនាន់ក្រោយ។

កាណាដា - ឆាប់ៗនេះ អ្នកបម្រើការរដ្ឋាភិបាលទាំងអស់នឹងតម្រូវឲ្យចាក់វ៉ាក់សាំងកូវីដ១៩ ជាកាតព្វកិច្ច។ មិនតែប៉ុណ្ណោះ អ្នកដំណើរដែលធ្វើដំណើរតាមយន្តហោះ រថភ្លើង រថយន្ត ទូក កប៉ាល់ ក៏តម្រូវឲ្យចាក់វ៉ាក់សាំងផងដែរ។

អាល្លឺម៉ង - យោងតាមការគណនាមិនផ្លូវការមួយបានឲ្យដឹងថា លោកស្រីអធិការបតីអាល្លឺម៉ង់ អេនជេឡាមឺកែល ដែលមានអាយុ ៦៧ឆ្នាំនឹងទទួលបានប្រាក់សោធននិវត្តន៍ប្រចាំខែចំនួន ១៥.០០០ ផោននៅពេលបញ្ចប់តំណែងក្រោយការបោះឆ្នោតនៅខែកញ្ញាខាងមុខនេះ។

ការគណនាត្រូវបានធ្វើឡើងផ្អែកលើមូលដ្ឋានចំនួនឆ្នាំដែលលោកស្រីបម្រើការនៅក្នុងសភាអាល្លឺម៉ង់រដ្ឋមន្ត្រី និងមុខងារជាអធិការបតី។

ទោះយ៉ាងណា លោកស្រីនៅតែអាចទទួលជំនួយការរដ្ឋបាល អ្នកវាយអត្ថបទ និងអ្នកបើកបរផ្ទាល់ខ្លួន។

រុស្ស៊ី - រថភ្លើងដឹកអ្នកដំណើរទីក្រុងម៉ូស្គូបានចាប់ផ្តើមសាកល្បងប្រព័ន្ធទូទាត់ដោយមិនចាំបាច់ឲ្យអ្នកដំណើរកាន់កាត ឬប្រាក់ ឬក៏ប៉ះអ្វីទាំងអស់តាមរយៈការប្រើបច្ចេកវិទ្យាសម្គាល់ផ្ទៃមុខអ្នកដំណើរ FACIAL RECOGNITION ។

អ្នកដំណើរត្រូវមានគណនីធនាគារដោយភ្ជាប់ទិន្នន័យទៅនឹងប្រព័ន្ធ FacePay ដើម្បីអាចកាត់ថ្លៃឈ្នួលដោយស្វ័យប្រវត្តិ។

ម៉ាឡេស៊ី - រដ្ឋមន្ត្រីទេសចរណ៍វប្បធម៌ និងសិល្បៈ ម៉ាឡេស៊ី មានបំណងចង់បើកទទួលទេសចរនៅតាមកោះមួយចំនួនដូចជា Langkawi, Pangkor, Redang, Tioman និង Perhentian នៅដើមខែកញ្ញា ដោយសង្ឃឹមថាអាចសម្រេចបានភាពស៊ាំក្នុងសហគមន៍នៅចុងខែសីហានេះ។ ទោះយ៉ាងណា ការបើកទទួលទេសចរឡើងវិញនេះ ទាមទារឲ្យមានការសិក្សាច្បាស់លាស់ដើម្បីធានាថាមិនមានការផ្ទុះរលករាលដាលកូវីដឡើងវិញ និងការរៀបចំគោលការណ៍អនុវត្តរួម។

ហៃទី - ការរញ្ជួយដីកម្រិត ៧,២ បានវាយប្រហារភាគខាងលិចប្រទេសហៃទីកាលពីថ្ងៃសៅរ៍នេះ បណ្តាលឲ្យបាក់រលំអគារ និងបាត់បង់អាយុជីវិតមនុស្ស។

អាហ្កានីស្ថាន - ផែនទីបង្ហាញពីដែនគ្រប់គ្រងរបស់រដ្ឋាភិបាលអាហ្កានីស្ថាន និងក្រុមតាលីបង់ គិតត្រឹមថ្ងៃទី១៥ ខែសីហា ឆ្នាំ២០២១។ ពណ៌ខៀវជាដែនគ្រប់គ្រងដោយរដ្ឋាភិបាលអាហ្កានីស្ថាន ចំណែកពណ៌ខ្មៅជាដែនគ្រប់គ្រងដោយក្រុមតាលីបង់ និងពណ៌បៃតងជាដែនដីកំពុងប្រយុទ្ធគ្នា។

ព័ត៌មានជាច្រើនទៀត @primarynetwork

អាហ្កានីស្ថាន - មានផ្សែងហុយចេញពីស្ថានទូតអាមេរិកក្នុងទីក្រុងកាប៊ុល ប្រទេសអាហ្កានីស្ថាន ដែលបុគ្គលិកស្ថានទូតកំពុងដុតបំផ្លាញឯកសារនានា។

*ពេលក្រុមតាលីបង់បានលោមព័ទ្ធទីក្រុងកាប៊ុលហើយ។

ព័ត៌មានច្រើនទៀត @primarynetwork