ក្រិក - ភ្លើងឆេះព្រៃនៅក្រិកបានបង្ខំ
អោយអាជ្ញាធរជម្លៀសប្រជាជនចេញពីភូមិអេវៀតាមសាឡាងជាបន្ទាន់។

ថៃ - ករណីឆ្លងថ្មីនៃជំងឺកូវីដ ១៩ ក្នុងប្រទេសថៃកាលពីថ្ងៃអាទិត្យនេះមានចំនួន ១៩.៩៨៣ នាក់និងការស្លាប់ចំនួន ១៣៨ នាក់ ដែលធ្វើឱ្យការឆ្លងសរុបកើនឡើងដល់ ៧៥៦.៥០៥ នាក់ និងធ្វើឱ្យប្រទេសថៃស្ថិតក្នុងលំដាប់ទី ៣៧ ជាប្រទេសមានការឆ្លងច្រើនជាងគេនៅលើពិភពលោក។

លោកអភិបាលក្រុងបាងកកបានបង្ហាញការជឿជាក់ថាប្រជាជនក្នុងក្រុងបាងកក ៧០% នឹងទទួលបានការចាក់វ៉ាក់សាំងក្នុងខែសីហានេះ។

ម៉ាឡេស៊ី - អាជ្ញាធរម៉ាឡេស៊ីបានជួយសម្រួលឲ្យអ្នកដែលបានចាក់វ៉ាក់សាំងពេញលេញអាចធ្វើចត្តាឡីស័កនៅផ្ទះបាន។

វៀតណាម - រលកនៃការរាលដាលកូវីដ១៩ បានធ្វើឲ្យតម្លៃសណ្ឋាគារនៅទីក្រុងហូជីមិញ និងហាណូយកើនឡើងពី១% ទៅ៣% ដើម្បីបំពេញតម្រូវការធ្វើចត្តាឡីស័ក។

*ទិដ្ឋភាពពន្លត់ភ្លើងឆេះព្រៃដោយប្រើឧទ្ធម្ហាគចក្រ។

អង់គ្លេស - ក្រុមអ្នកតវ៉ាជ្រុលនិយមប្រឆាំងនឹងការចាក់វ៉ាក់សាំងនៅអង់គ្លេសមានបំណងចង់ចូលលុកលុយស្ទីដយោស្ថានីយផ្សាយ BBC នៅភាគនិរតីប្រទេស តែត្រូវប៉ូលិសត្រួតត្រាសភាពការណ៍បាន។

@primarybrief

ម៉ាឡេស៊ី - ប្រទេសម៉ាឡេស៊ីនឹងចាក់វ៉ាក់សាំងកូវីដ១៩ ឲ្យបាន ៦០% នៃមនុស្សពេញវ័យ និង ៤០% នៃប្រជាជនសរុបនៅចុងខែសីហានេះ និងឈានសម្រេច ១០០% នៃមនុស្សពេញវ័យ និង ៨០% នៃប្រជាជនសរុបនៅចុងខែតុលាខាងមុខ។

@primarynetwork

អន្តរជាតិ - Dr Anthony Fauci ទីប្រឹក្សាវេជ្ជសាស្ត្រអង្គសុខភាពពិភពលោកបានបញ្ជាក់ថា អ្នកមិនចាក់វ៉ាក់សាំងនឹងផ្តល់ឱកាសដល់មេរោគបំប្លែងកាន់តែសាហាវ ដែលជះឥទ្ធិពលមិនត្រឹមតែអ្នកមិនចាក់វ៉ាក់សាំងប៉ុណ្ណោះទេ ថែមទាំងទាំងអ្នកចាក់វ៉ាក់សាំងរួចផងដែរ។ ដូច្នេះ អ្នកមិនចាក់វ៉ាក់សាំងត្រូវគិតពីសុខភាពខ្លួនឯង និងការប្រឈមមុខក្នុងសហគមន៍។

@primarynetwork

អាមេរិក - នាយក ស៊ីអាយអេ អាមេរិក នឹងទៅកាន់ប្រទេសអ៊ីស្រាអែលដើម្បីជួបនាយកស៊ើបការណ៍អ៊ីស្រាអែល នាយករដ្ឋមន្ត្រី និងមេដឹកនាំកម្លាំងប្រដាប់អាវុធដើម្បីពិភាក្សាអំពីបញ្ហាអ៊ីរ៉ង់។

ចិន - ទឹកជំនន់រហ័សបានជន់លិចតំបន់ភាគនិរតីនៃខេត្តស៊ីឈាន់។

អាល្លឺម៉ង់ - ឆាប់ៗនេះការចូលភោជនីយដ្ឋាន រោងមហោស្រព ឬរោងកុននៅអាល្លឺម៉ង់នឹងតម្រូវឲ្យមានការបញ្ជាក់ថាបានចាក់វ៉ាក់សាំងរួច។

រដ្ឋមន្ត្រីក្រសួងសុខាភិបាលអាល្លឺម៉ង់បាននិយាយថាការពាក់ម៉ាស និងធ្វើតេស្តរកកូវីដអាចធ្វើទៅបានសម្រាប់ការជិះមធ្យោបាយដឹកជញ្ជូនសាធារណៈ ឬសួរសុខទុក្ខក្នុងពេទ្យ ប៉ុន្តែការចូលឌីស្កូ រោងមហោស្រព្វ ពហុកីឡដ្ឋាន ភោជនីយដ្ឋាន គឺត្រូវការចាក់វ៉ាក់សាំង។

បារាំង - ប៉ូលិសនៅទីក្រុងប៉ារីសបានដើរល្បាតតាមភោជនីយដ្ឋានដើម្បីពិនិត្យបណ្ណសុខភាពបញ្ជាក់ថាបានចាក់វ៉ាក់សាំងកូវីដ១៩រួច។

នៅប្រទេសបារាំង មានតែអ្នកដែលបានចាក់វ៉ាក់សាំងប៉ុណ្ណោះទើបអាចមានសិទ្ធិចូលភោជនីយដ្ឋាន រោងកុន កន្លែងហាត់ប្រាណ និងកន្លែងមួយចំនួនទៀត។

@primarynetwork

ម៉ាឡេស៊ី - សេដ្ឋកិច្ចម៉ាឡេស៊ីមើលឃើញសញ្ញាវិជ្ជមាន។ ផ្នែកផលិតកម្មកើនឡើង ៦,៥% ធៀបរយៈពេលដូចគ្នានឹងឆ្នាំទៅ ដែលមានទឹកប្រាក់ ២៩,៦ពាន់លានដុល្លារ និងកើន ១,៣% ធៀបនឹងខែមុន។ នៅត្រីមាសទី២នេះ ចំនួនកម្មករក្នុងឧស្សាហកម្មផលិតកម្មនេះកើន ១,២%។

អង់គ្លេស - ប្រជាជនអង់គ្លេស ៨៩% បានចាក់វ៉ាក់សាំងកូវីដ១៩ មួយដូស និង ៧៥% បានចាក់ពីរដូសរួចរាល់ ក្នុងនោះជាងមួយភាគបីនៃមនុស្សពេញវ័យនៅអង់គ្លេសបានចាក់វ៉ាក់សាំងកូវីដ១៩ ពីរដូសរួចរាល់។

អាមេរិក - អាមេរិកបានអំពាវនាវឲ្យអង្គការអូពិក និងសម្ព័ន្ធមិត្តបូមប្រេងបន្ថែមទៀតដើម្បីជួយទប់ទល់កុំឲ្យប្រេងឡើងថ្លៃ ដែលនឹងគំរាមកំហែងដល់ការងើបឡើងវិញនៃសេដ្ឋកិច្ចសកលក្រោយវិបត្តិកូវីដ។

តួកគី - ទឹកជំនន់បានជន់លិចតាមបណ្តាខេត្តជាប់សមុទ្រខ្មៅនៃប្រទេសតួកគី។

អូស្ត្រាលី - ក្រុមប៉ូលិសជិះសេះល្បាតទីក្រុងមែលប៊នបន្ទាប់ការបិទខ្ទប់ពន្យារមួយសប្តាហ៍ក្រោយរកឃើញករណីឆ្លងកូវីដ១៩ ថ្មីចំនួន ២០ករណី។

អាមេរិក - មានការពិភាក្សាអំពីរយៈពេលរើស្ថានទូតអាមេរិកចេញពីទីក្រុងកាប៊ុលនៃប្រទេសអាហ្កានីស្ថានស្របពេលក្រុមតាលីបង់កំពុងវាយដណ្តើមបានកាន់តែច្រើន។ ការវាយតម្លៃយោធាអាមេរិកបញ្ជាក់ ក្រុមតាលីបង់នឹងដណ្តើមបានទីក្រុងកាប៊ុលក្នុងរយៈពេល ៩០ថ្ងៃទៀត។

បេសសកម្មដកទ័ពចេញពីអាហ្កានីស្ថានរបស់អាមេរិកនឹងបញ្ចប់ទាំងស្រុងនៅចុងខែសីហានេះ។ នេះគឺជាការបោះបង់រដ្ឋាភិបាលអាហ្កានីស្ថានចោល បន្ទាប់ពីអស់ប្រយោជន៍សម្រាប់អាមេរិក។

ក្រុមតាលីបង់បានវាយដណ្តើមទឹកដី ២ភាគ៣ ពីរដ្ឋាភិបាលអាហ្កានីស្ថានចាប់តាំងពីអាមេរិកចាប់ផ្តើមដកទ័ពបណ្តើរៗតាមជំហាន។

អ៊ីស្រាអែល - នៅពេលការឆ្លងរាលដាលកំពុងកើនឡើង អ៊ីស្រាអែលតម្រូវឲ្យមានការធ្វើតេស្តរកមេរោគកូវីដ -១៩ សម្រាប់ក្មេងអាយុចាប់ពី ៣ ឆ្នាំឡើង។

ក្មេងចាប់ពីអាយុ ៣ ឆ្នាំនឹងត្រូវបង្ហាញលទ្ធផលអវិជ្ជមានដើម្បីអាចចូលសាលារៀន កន្លែងហែលទឹកសណ្ឋាគារ និងកន្លែងហាត់ប្រាណចាប់ពីថ្ងៃពុធសប្តាហ៍ក្រោយ។

រុស្ស៊ី - មានករណីផ្ទុះរថយន្តក្រុងមួយនៅភាគកណ្តាលទីក្រុង Voronezh ប្រទេសរុស្ស៊ី។