អាមេរិក - នាយកប្រតិបត្តិហិរញ្ញវត្ថុអង្គការ Trump Organization, លោក Allen Weisselberg ប្តឹងជំទាស់ថាមិនបានធ្វើខុសដូចការចោទប្រកាន់បទឧក្រិដ្ឋពន្ធនោះទេ។

លោកត្រូវបាននាំទៅតុលាការដោយដៃជាប់ខ្នោះ។

Video by Ruptly.

ថៃ - ប្រទេសថៃកំពុងបង្កើនល្បឿនចាក់វ៉ាក់សាំងជូនប្រជាជនខ្លួនឲ្យបានឆាប់បំផុត ប្រជែងនឹងស្ថានភាពកូវីដ១៩ ក្នុងប្រទេសខ្លួន ដែលអាចអត្រាឆ្លងកើនឡើងនៅសប្តាហ៍ក្រោយនេះ។

ប្រទេសថៃក៏បានត្រៀមលក្ខណៈក្នុងការគ្រប់គ្រងស្ថានការណ៍អាក្រក់ផងដែរ ដោយបានបង្កើនចំនួនគ្រែនៅតាមមន្ទីរពេទ្យ កន្លែងព្យាបាលបណ្តោះអាសន្ន ក៏ដូចជាមន្ទីរពេទ្យនៅតាមសណ្ឋាគារផងដែរ។

អង់គ្លេស - លោកនាយករដ្ឋមន្ត្រីអង់គ្លេសបានជួបជាមួយលោកស្រីអធិការបតីអាល្លឺម៉ង់ កាលពីថ្ងៃសុក្រកន្លងទៅនេះ។ ការរឹតត្បិតក្នុងការធ្វើដំណើរគឺជាប្រធានបទចម្បងមួយដែលត្រូវលើកយកមកពិភាក្សាខណៈដែលអង់គ្លេសកំពុងមានការកើនឡើងនែការរាលដាលមេរោគបំប្លែងថ្មីឌែលតា។

កោះតៃវ៉ាន់ - នៅថ្ងៃសុក្រនេះ រាល់អ្នកបើកបរនៅលើផ្លូវល្បឿនលឿន ២៩ ភាគខាងត្បូងកោះតៃវ៉ាន់ ត្រូវបានជូនដំណឹងឲ្យបើកក្នុងល្បឿនយឺត ដើម្បីកុំឲ្យមានគ្រោះថ្នាក់ស្លាប់ដល់ហ្វូងមេអំបៅពណ៌ស្វាយ ដែលកំពុងផ្លាស់ទីទៅកាន់តំបន់ខាងជើង។

កូរ៉េត្បូង - តាមការស្ទាបស្ទង់អំពីបេក្ខភាពប្រធានាធិបតីបានបង្ហាញថា អតីតអគ្គរដ្ឋអាជ្ញា Yoon បាននាំគេ។

រុស្ស៊ី - ក្រុមហ៊ុន Kaspersky របស់រុស្ស៊ី មានគម្រោងបំពាក់ប្រព័ន្ធប្រតិបត្តិ (OS) លើឧបករណ៍ធ្វើការសម្រាប់ក្រុមហ៊ុន ធំៗ ដែលអាចការពារពីការវាយលុកពីខាងក្រៅដោយក្រុម Hacker ។

ម៉ិកស៊ីកូ - ភ្លើងឆេះចេញពីបាតសមុទ្រនៅឈូងសមុទ្រម៉ិកស៊ិកដោយសារលេចធ្លាយបំពង់នាំប្រេងនៅបាតសមុទ្រ។

ជប៉ុន - ភ្លៀងខ្លាំងនៅជប៉ុន (តំបន់អាតាមី) នៅថ្ងៃសៅរ៍នេះ បណ្តាលឲ្យបាក់ដីលេបត្របាក់ផ្ទះជាច្រើនខ្នង និងមានមនុស្សបាត់ខ្លួនរហូតដល់ ២០នាក់។

ថៃ - ប្រហែល ៧០%នៃករណីឆ្លងថ្មីនៃជំងឺកូវីដ១៩ នៅប្រទេសថៃគឺជាមេរោគបំប្លែងថ្មីឌែលតា ដែលមានសមត្ថភាពឆ្លងរហ័សលឿនជាងមេរោគបំប្លែងថ្មី អាល់ហ្វា រហូតដល់ ១,៤%។

ឥណ្ឌូនេស៊ី - ដោយសារមានអត្រាកំណើនអ្នកស្លាប់បណ្តាលមកពីកូវីដ១៩ច្រើននៅឥណ្ឌូនេស៊ី បានធ្វើឲ្យតម្រូវការក្តាមឈូសមានការកើនឡើងផងដែរ។

លោក Suherman ជាជាងធ្វើក្តាមឈូសបាននិយាយថា មុនពេលកូវីដ យើងធ្វើការធម្មតា មិនមានកំណត់ចំនួនដែលត្រូវធ្វើក្នុងមួយថ្ងៃទេ។ តែពេលមានកូវីដ យើងត្រូវធ្វើឲ្យរហ័ស និងលឿនព្រោះក្រុមគ្រួសារអ្នកជំងឺគេរង់ចាំ ហើយមានកំណត់់ចំនួនត្រូវធ្វើក្នុងមួយថ្ងៃទៀតផង។

អាហ្វ្រិក - ក្នុងទ្វីបអាហ្វ្រិក កូវីដ១៩បានបង្កផលប៉ះពាល់ដល់វិស័យសុខាភិបាល សេដ្ឋកិច្ច សង្គម និងនយោបាយ។ ក្នុងរយៈ១៨ខែនេះ អាហ្វ្រិកមានអ្នកស្លាប់ ១៤០.០០០នាក់ ក្នុងអត្រា ២,៧%។ អាហ្វ្រិកមានប្រជាជនសរុប ១,២ពាន់លាននាក់ និងមានមន្ត្រីសុខាភិបាល ៣លាននាក់។ វ៉ាក់សាំង ៩៩% ត្រូវបាននាំចូល។ មានប្រទេសជាង២០ នៅអាហ្វ្រិកនឹងជួបរលកទី៣នៃកូវីដ១៩ ដែលខ្លាំងជាងរលកទី២។

តាហ្ស៊ីគីស្ថាន - តាហ្ស៊ីគីស្ថានបានក្លាយជាប្រទេសដំបូងគេនៅលើពិភពលោកដែលកំណត់ការចាក់វ៉ាក់សាំងជាកាតព្វកិច្ច។

រដ្ឋាភិបាលតាហ្ស៊ីគីស្ថានបានប្រកាសថាប្រជាជនពេញវ័យអាយុចាប់ពី ១៨ឆ្នាំត្រូវមានកាតព្វកិច្ចតម្រូវឱ្យចាក់វ៉ាក់សាំងកូវីដ-១៩។

អាហ្វកានីស្ថាន - ពួកឧទ្ទាមតាលីបង់បានដណ្តើមកាន់កាប់តំបន់កាន់ដាហា បន្ទាប់ពីប្រយុទ្ធគ្នាក្នុងពេលរាត្រីជាមួយកងកម្លាំងអាហ្វកានីស្ថាន។ ក្រុមតាលីបង់បានចាប់ផ្តើមកម្រើក និងវាយប្រហារយ៉ាងសកម្មតាំងពីដើមខែឧសភា នៅពេលដែលកងកម្លាំងអាមេរិកចាប់ផ្តើមដកចេញពីអាហ្វកានីស្ថាន។

រុស្ស៊ី - លោកប្រធានាធិបតីរុស្ស៊ីបានចុះហត្ថលេខាលើកំណែយុទ្ធសាស្ត្រសន្តិសុខជាតិរុស្ស៊ី ដែលជាយុទ្ធសាស្ត្របង្ការសកម្មភាពអមិត្តពីបស្ចិមប្រទេស និងសម្ព័ន្ធមិត្ត នាំឲ្យប៉ះពាល់ដល់បូរណភាពរុស្ស៊ី។

អន្តរជាតិ - ថ្នាក់ដឹកនាំមកពីរដ្ឋាភិបាល វិស័យធុរកិច្ច និងសង្គមស៊ីវិលជាច្រើនកំពុងត្រៀមចូលរួមក្នុងវេទិកាគោលនយោបាយជាន់ខ្ពស់ស្តីពីការអភិវឌ្ឍប្រកបដោយចីរភាព (HLPF) នៅឆ្នាំនេះដែលពួកគេនឹងពិភាក្សាពីវិធីប្រែក្លាយវិបត្តិទៅជាឱកាស ដោយពិភាក្សាពីការងើបឡើងវិញពីវិបត្តិកូវីដ១៩។

បារាំង - លោកស្រី Marine Le Pen ត្រូវបានបោះឆ្នោតឲ្យក្លាយជាមេដឹកនាំបក្សស្តាំនិយមរបស់បារាំងជាថ្មីម្តងទៀត ដើម្បីត្រៀមលក្ខណៈចូលរួមការបោះឆ្នោតប្រធានាធិបតីខាងមុខនេះ។

អង់គ្លេស - អតីតតារាបាល់ទាត់អង់គ្លេស ដាវីដ ប៊េកខាំ និងវិចតូរីយ៉ា ប៊េកខាំ បានប្រារព្ធខួបអាពាហ៍ពិពាហ៍ ២២ឆ្នាំកាលពីថ្ងៃសៅរ៍ កន្លងទៅនេះ។

អាហ្សែកប៊ៃហ្សង់ - មានបាតុភូតផ្ទុះភ្លើងដ៏ធំមួយនៅសមុទ្រ Caspian Sea ។ គេមិនទាន់ដឹងពីដើមហេតុនៅឡើយទេ តែអាជ្ញាធរសង្ស័យថាជាបំផ្ទុះកម្អែលភ្នំភ្លើង។

ថៃ - មេរោគកូវីដ១៩ បំប្លែងថ្មីប្រភេទឌែលតា ដែលបានឆ្លងចូលបាងកក បានរាលដាលដល់ខេត្តចំនួន៤៦ នៅក្នុងប្រទេសថៃ។