អាមេរិក - កាលពីថ្ងៃចន្ទនេះ មន្ត្រីសុខាភិបាលអាមេរិកបានប្រកាសពីបម្រាមរយៈពេលមួយឆ្នាំមិនឲ្យនាំសត្វឆ្កែពីប្រទេសជាង១០០ ចូលក្នុងសហរដ្ឋអាមេរិកដោយបារម្ភរឿងជំងឺឆ្កែឆ្កួត។ បម្រាមនេះនឹងចូលជាធរមាននៅថ្ងៃទី១៤ ខែកក្កដា នេះ។

ចិន - ទីក្រុងវូហានបានរៀបចំពិធីចែកសញ្ញាបត្រមួយកាលពីចុងសប្តាហ៍កន្លងទៅនេះដែលមាននិស្សិតចូលរួមជាង ១ម៉ឺននាក់ ដោយមិនពាក់ម៉ាស់ និងរក្សាគម្លាតសង្គម។

សិង្ហបុរី - យោងតាមការធ្វើជំរឿន ប្រជាជនសិង្ហបុរីចំនួន ២០% មិនកាន់សាសនាណាមួយឡើយ។ តួរលេខនេះ កើនឡើងបន្តិចធៀបនឹងជំរឿនកាលពី ១០ឆ្នាំមុន ដែលមានតែ ១៧%។ សូមបញ្ជាក់ថា សិង្ហបុរី មានអ្នកកាន់សាសនាព្រះពុទ្ធ ៣១,១% សាសនាគ្រិស្ត ១៨,៩% សាសនាម៉ូស្លិម ១៥,៦% សាសនាតាវ ៨,៨% សាសនាហិណ្ឌូ ៥%។

អន្តរជាតិ - ប្រធានាធិបតីរុស្ស៊ីចុះពីយន្តហោះឆ្ពោះទៅកន្លែងណាត់ជួបប្រធានាធិបតីអាមេរិក។

ជំនួបពូទីន-បៃដិន
បៃដិន "ខ្ញុំគិតថាការជួបគ្នាទល់មុខគឺជាការល្អជានិច្ច"

ពូទីន "ខ្ញុំសង្ឃឹមថាការជួបគ្នាថ្ងៃនេះនឹងផ្តល់ផ្លែផ្កាល្អ។"

ពូទីន អរគុណបៃដិនដែលផ្តួចផ្តើមជំនួបនេះ។

វៀតណាម - ការនាំចេញបង្គាពីតំបន់ដីសណ្តមេគង្គរបស់វៀតណាមកើន១៦% ក្នុងរយៈពេល៥ខែនេះ ដែលមានចំនួន ៤២៣លានដុល្លារ។ ទីផ្សារបង្គាវៀតណាមរួមមានដូចជា កូរ៉េខាងត្បូង អូស្ត្រាលី កាណាដា រុស្ស៊ី។

ហ្វីលីពីន - ប្រធានាធិបតីហ្វីលីពីនថា ការប្រើរបាំងមុខសម្រាប់នៅក្នុងមន្ទីរពេទ្យតែប៉ុណ្ណោះ។

ក្បួនរថយន្តប្រធានាធិបតី!

អឺរ៉ុប - ប្រធានកិច្ចការគោលនយោបាយការបរទេសអឺរ៉ុប បានបញ្ជាក់ថា ក្តីសង្ឃឹមនៃកិច្ចសហការជិតស្និទ្ធជាមួយរុស្ស៊ី គឺជាក្តីសង្ឃឹមដ៏ឆ្ងាយមួយ។

EU foreign policy chief Josep Borrell has warned that the prospect of close cooperation with Russia is a “distant prospect”.

សិង្ហបុរី - គ្លីនិកឯកជនចំនួន២៤ នៅសិង្ហបុរី ត្រូវបានជ្រើសរើសដើម្បីផ្តល់សេវាចាក់វ៉ាក់សាំង ស៊ីណូវ៉ាក់ ក្នុងតម្លៃ ១០ ទៅ ២៥ដុល្លារសិង្ហបុរីក្នុងមួយដូស។ វ៉ាក់សាំងត្រូវបានផ្តល់ជូនដោយរដ្ឋាភិបាលដោយឥតគិតថ្លៃ ប៉ុន្តែគ្លីនិកគិតថ្លៃរដ្ឋាបាល គ្រប់គ្រង តាមដាន និងបទពិសោធន៍នៃការចាក់វ៉ាក់សាំង។

វៀតណាម - ទីក្រុងហូជីមិញចាប់ផ្តើមយុទ្ធនាការចាក់វ៉ាក់សាំង អាស្ត្រាហ្សេណេកា ដែលជាជំនួយជប៉ុនជូនក្រុមប្រជាជនអាទិភាពនៅថ្ងៃទី១៩ ខែមិថុនានេះ។ លោកអនុរដ្ឋមន្ត្រីសុខាភិបាលវៀតណាមថា ជប៉ុនផ្តល់ជំនួយវ៉ាក់សាំងចំនួន ៩៦៦.៣០០ដូស ដែលក្នុងនោះវ៉ាក់សាំងចំនួន ៨៣៦.០០០ដូស នឹងត្រូវចាក់ជូនប្រជាជនក្នុងទីក្រុងហូជីមិញ។

ឥណ្ឌូនេស៊ី - លោកប្រធានាធិបតីឥណ្ឌូនេស៊ីបានជំរុញឲ្យបង្កើនល្បឿនចាក់វ៉ាក់សាំងបន្ថែមទៀត ស្របពេលដែលអង្គការសុខភាពពិភពលោកជំរុញឲ្យមានវិធានការរារាំងបន្ថែមនៅពេលអត្រាឆ្លងថ្មីៗកើនឡើង។ លោកប្រធានាធិបតីចង់ឲ្យយុទ្ធនាការចាក់វ៉ាក់សាំងសម្រេចបាន ១លាននាក់ក្នុងមួយថ្ងៃ ដែលបច្ចុប្បន្នអាចសម្រេចបានកន្លះលាននាក់ប៉ុណ្ណោះ។

បារាំង - នាយករដ្ឋមន្ត្រីបារាំងនឹងដកបម្រាមទាក់ទងនឹងជំងឺកូវីដ១៩ ដោយមិនតម្រូវឲ្យពាក់ម៉ាសពេលចេញខាងក្រៅចាប់ពីថ្ងៃព្រហស្បតិ៍នេះ និងដកបម្រាមពេលរាត្រីនៅថ្ងៃអាទិត្យនេះ។ ទោះយ៉ាងណា លោកនាយករដ្ឋមន្ត្រីបានជំរុញឲ្យពាក់ម៉ាសនៅក្នុងហ្វូងមនុស្ស ទីកន្លែងបិទជិត រថយន្តសាធារណៈ រោងកុន ជាដើម។

ហ្ស៊ីមបាវ៉េ - ប្រធានាធិបតីដំបូង និងជាបិតាឯករាជ្យរបស់ប្រទេសហ្ស៊ីមបាវ៉េបានស្លាប់ក្នុងអាយុ 97 ឆ្នាំ។ មានពាក្យចចាមអារ៉ាមថាលោកបានស្លាប់ដោយសារជំងឺកូវីដ១៩ តែប្រភពផ្លូវការបានបញ្ជាក់ថាលោកបានស្លាប់ដោយសារជំងឺរលាកសួត។

សិង្ហបុរី - សិង្ហបុរីបានអនុញ្ញាតឲ្យមានការទទួលទានអាហារនៅតាមភោជនីយដ្ឋានឡើងវិញចាប់ពីថ្ងៃទី២១ ខែមិថុនា ឆ្នាំ២០២១។ សម្រាប់ការទទួលទានជាក្រុមគឺអនុញ្ញាតមនុស្សពីរនាក់តែប៉ុណ្ណោះ។ ការហាត់ប្រាណក្នុងអគារជាក្រុមក៏អនុញ្ញាតបាន២នាក់ដែរ ដែលអាចដោះម៉ាសបាន។

អាមេរិក - លោកប្រធានាធិបតីអាមេរិក កាលពីថ្ងៃសុក្រកន្លងទៅនេះ បានប្រកាសពីជោគជ័យនៃផែនការចាក់វ៉ាក់សាំងកូវីដ១៩ ដោយសម្រេចបាន 300 លាននាក់ក្នុងរយៈពេល 150 ថ្ងៃបន្ទាប់ពីលោកចូលកាន់តំណែង។ លោកក៏បានកំណត់នូវគោលដៅថ្មីមួយទៀតគឺការចាក់វ៉ាក់សាំងឲ្យក្រុមយុវវ័យឲ្យបាន 70 %នៅត្រឹមថ្ងៃទី 4 ខែកក្កដានេះ។ គិតត្រឹមថ្ងៃសុក្រនេះ ក្រុមយុវវ័យប្រមាណ 168លាននាក់ ឬ65% បានចាក់វ៉ាក់សាំងយ៉ាងតិចមួយដូសរួចរាល់។

កូរ៉េខាងជើង - ក្នុងសម័យប្រជុំពេញអង្គចាប់ពេល 4ថ្ងៃ លោកគីមជុងអ៊ុន បានពិភាក្សាលើដំណោះស្រាយផ្នែកសេដ្ឋកិច្ច ជាពិសេសការខ្វះខាតម្ហូបអាហារ និងកិច្ចខិតខំប្រឹងប្រែងទប់ស្កាត់ការរីករាលជំងឺសាកល។ លោកក៏បានពិភាក្សាពីយុទ្ធសាស្ត្រទប់ទល់ជាមួយនឹងអាមេរិក រួមទាំងការចរចា និងការប្រឈមមុខគ្នា។ ជាពិសេសការប្រឈមមុខដាក់គ្នានៅក្នុងកាលៈទេសៈដែលមានការប្រែប្រួលរហ័សនៅក្នុងឧបទ្ទីបកូរ៉េ។
Subscribe: t.me/primarynetwork

អ៊ីស្រាអែល - នាយករដ្ឋមន្ត្រីថ្មីរបស់អ៊ីស្រាអែល លោកបេនណេត បាននិយាយថា លោកសង្ឃឹមថាលោកអតីតនាយករដ្ឋមន្ត្រី ណាតាន់យាហ៊ូ នឹងចាកចេញពីនិវេសនដ្ឋានរដ្ឋសម្រាប់នាយករដ្ឋមន្ត្រីក្នុងរយៈពេល ១៤ថ្ងៃ។ ប្រភពពីលោកណាតានយាហ៊ូ បានឲ្យដឹងថាលោកបានរៀបចំរើឥវ៉ាន់ហើយ តែប្រហែលត្រូវការច្រើនអាទិត្យទៀត។

Join: t.me/primarynetwork