ថៃ - ប៉ាតាយ៉ា មានគម្រោងទទួលភ្ញៀវទេសចរអន្តរជាតិនៅខែតុលា ឆ្នាំ២០២១ ខណៈដែលភូកេតរៀបគម្រោងទទួលភ្ញៀវទេសចរអន្តរជាតិនៅខែកក្កដាខាងមុខនេះ។ ទេសចរដែលមកលេងប៉ាតាយ៉ា នឹងតម្រូវឲ្យស្នាក់នៅតំបន់ដែលបានកំណត់ទុករយៈពេល៧ថ្ងៃសិនមុនបន្តទៅតំបន់ ឬកន្លែងផ្សេងទៀត។

ថៃ - មជ្ឈមណ្ឌលគ្រប់គ្រងស្ថានការណ៍កូវីដ១៩ នៅប្រទេសថៃបានប្រកាសថា សាលាទាំងអស់ក្នុងប្រទេសថៃអាចបើកឡើងវិញសម្រាប់ឆ្នាំសិក្សាថ្មីនៅថ្ងៃទី១៤ ខែមិថុនា ឆ្នាំ២០២១នេះ។ កូនសិស្សអាចសិក្សាតាមថ្នាក់នៅសាលារៀនបានលើកលែងតែខេត្ត៤ប៉ុណ្ណោះនៅរក្សាការសិក្សាពីចម្ងាយ។ ខេត្តទាំង៤ ដែលឆ្លងកូវីដខ្លាំងជាងគេគឺបាងកក ណាន់ថាបុរី ប៉ាធូមថានី និងសាមុតប្រាកាន។

*សម្ដេចក្រឡាហោម ស ខេង ៖ កម្ពុជាត្រៀមខ្លួនជាស្រេចរៀបចំព្រឹត្តិការណ៍ជាតិ-អន្ដរជាតិ ដោយមិនមានអ្វីប្រែប្រួលឡើយ

*លោកស្រី លី អាយឡាន តំណាងអង្គការសុខភាពពិភពលោក ប្រចាំកម្ពុជា បានថ្លែងថា ស្ថានភាពនៃការរាតត្បាតនៃជំងឺកូវីដ១៩ នឹងអាចមានសភាពធ្ងន់ធ្ងរជាងអ្វីដែលយើងឃើញនាពេលបច្ចុប្បន្ននេះ ប្រសិនបើប្រជាពលរដ្ឋកម្ពុជាឆាប់ភ្លេចខ្លួន ថាមិនអីទេ ហើយបន្ធូរបន្ថយនូវវិធានការពារ

*ក្រសួងសុខាភិបាល នៅថ្ងៃទី១១ ខែមិថុនា ឆ្នាំ២០២១នេះ បានបញ្ជាក់ពីការរកឃើញអ្នកឆ្លងកូវីដ១៩ ថ្មីចំនួន ៦៥៥នាក់ ខណៈអ្នកជំងឺចំនួន៨១០ នាក់ជាសះស្បើយ

*កើនឡើងវិញ!! រាជធានីភ្នំពេញនាំមុខ បន្ទាប់មក ខេត្តកណ្តាល និង ខេត្តព្រះសីហនុ ដែលរកឃើញអ្នកឆ្លងថ្មីច្រើនជាងគេ ក្នុងរយៈពេល ២៤ម៉ោង!!

*ក្រុមការងារចាក់វ៉ាក់សាំងក្រសួងការពារជាតិ គ្រោងនឹងបិទបញ្ចប់ការចាក់វ៉ាក់សាំងប្រឆាំងជំងឺកូវីដ១៩ ទាំងដូសទី១ និងដូសទី២ ជូនប្រជាពលរដ្ឋនៅអតីតតំបន់ក្រហមក្នុងរាជធានីភ្នំពេញជិត ១លាននាក់ នៅថ្ងៃទី២០ ខែមិថុនា ឆ្នាំ២០២១នេះហើយ។ ទន្ទឹមនឹងការបិទបញ្ចប់ប្រតិបត្តិការនេះ ក្រុមការងាររបស់កងទ័ពក៏ទទួលបានបទបញ្ជាថ្មីចុះទៅចាក់វ៉ាក់សាំងជូនប្រជាពលរដ្ឋនៅតាមបណ្តាខេត្តនានាផងដែរ

*អាជ្ញាធររាជធានីភ្នំពេញ សម្រេចផ្អាកសកម្មភាពអាជីវកម្ម ផលិតកម្ម សិប្បកម្មវេចខ្ចប់សម្លៀកបំពាក់ ធាន ឈឹង នៅភូមិគង្គាផុស សង្កាត់ទួលសង្កែ២ រយៈពេល៦ថ្ងៃ ដើម្បីទប់ស្កាត់កូវីដ-១៩

*រដ្ឋបាលខេត្តព្រៃវែង កាលពីថ្ងៃទី១០ ខែមិថុនា ឆ្នាំ២០២១ បានរកឃើញករណីអ្នកវិជ្ជមានកូវីដ-១៩ ចំនួន៤២នាក់ បន្ថែមទៀត តាមរយៈការធ្វើតេស្តរហ័ស (Rapid Test) នៅមូលដ្ឋានក្នុងក្រុង/ស្រុកចំនួន៩

*នៅយប់ថ្ងៃទី១០ ខែមិថុនា ឆ្នាំ២០២១នេះ រោងចក្រ Y&W អាគារA ស្ថិតនៅផ្លូវ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ មានការចុះយកសំណាកបានចំនួន៩៤៧នាក់ ហើយរកឃើញអ្នកវិជ្ជមានកូវីដ១៩ សរុបចំនួន២០១នាក់ ក្នុងនោះស្រី១៤២នាក់

*អាជ្ញាធរខេត្តសៀមរាប បានបន្តរកឃើញករណីវិជ្ជមានកូវីដ-១៩ថ្មី ចំនួន ៤៥ នាក់ និងមានករណីជាសះស្បើយ ចំនួន ០៣ នាក់ នៅថ្ងៃទី ១០ ខែមិថុនា ឆ្នាំ ២០២១

*នៅថ្ងៃ១០ ខែមិថុនា ឆ្នាំ២០២១ អាជ្ញាធរខេត្តបន្ទាយមានជ័យ បានរកឃើញអ្នកវិជ្ជមានកូវីដ-១៩ថ្មី ចំនួន៣៧នាក់ និងមានករណីជាសះស្បើយចំនួន ៣៧នាក់

*រដ្ឋបាលខេត្តកំពង់ចាម នៅថ្ងៃទី១១ ខែមិថុនានេះ បានប្រកាសពីការរកឃើញអ្នកឆ្លងកូវីដ១៩ ចំនួន ៣៨នាក់ទៀត ខណៈជាសះស្បើយ ១២នាក់

*រដ្ឋបាលក្រុងកំពង់ឆ្នាំង ប្រកាសបើកអោយដំណើរការធ្វើចរាចរណ៍រថយន្តតាក់ស៊ីទាំងអស់ក្នុងក្រុងកំពង់ឆ្នាំងពីក្រុងកំពង់ឆ្នាំងទៅកាន់រាជធានីភ្នំពេញ ពីភ្នំពេញ មកកំពង់ឆ្នាំង និងទៅកន្លែងផ្សេងៗទៀតជាធម្មតាវិញ

*អាជ្ញាធរ​ស្រុក​ស្រី​សន្ធរ​នៅ​ថ្ងៃទី ១០ ខែមិថុនា ឆ្នាំ ២០២១ បាន​ចុះ​បិទ​ខ្ទប់​បណ្ដោះអាសន្ន​ផ្ទះ​ប្រជាពលរដ្ឋ​ដែល​ឆ្លង​ជំងឺ​កូ​វីដ​-១៩ ក្នុង​ឃុំ​ចំនួន ៥​ឃុំ រួម​និង​បិទ​ខ្ទប់​ផ្សារ​ព្រែក​រំដេង ហើយ​បន្ត​ស្រាវជ្រាវ​រក​អ្នកពាក់ព័ន្ធ​ដើម្បី​ពិនិត្យ​សុខភាព

*រដ្ឋបាលខេត្តតាកែវ បានសម្រេចផ្អាកបណ្តោះអាសន្ននូវអាជីវកម្ម ការលក់ដូរក្នុងផ្សារ ទួលសាំង ស្ថិតនៅភូមិទួលសាំង ក ឃុំអង្គរបូរី ស្រុកអង្គរបូរី ដែលជាតំបន់ មានអ្នកវិជ្ជមានជំងឺកូវីដ-១៩ បានប៉ះពាល់ដោយផ្ទាល់ និងប្រយោលជាច្រើននាក់ពាក់ព័ន្ធ ព្រឹត្តិការសហគមន៍ ២០ កុម្ភៈ

*អាជ្ញាធរខេត្តរតនគិរី បន្តរកឃើញអ្នកវិជ្ជមានជំងឺកូវីដ១៩ចំនួន០១នាក់ នាថ្ងៃទី១០ ខែមិថុនា ឆ្នាំ២០២១ ដែលជាករណីទី២៥ សម្រាប់ខេត្តរតនគិរី

*រដ្ឋបាលខេត្តព្រះវិហារ រកឃើញអ្នកផ្ទុកជំងឺកូវីដ១៩ លើស្រ្តីម្នាក់ និងកុមារាម្នាក់ ដែលកំពុងធ្វើចត្តាឡីស័កនៅមណ្ឌលចត្តាឡីស័ករវៀង ស្រុករវៀង

រុស្ស៊ី - ឆ្មាំគុកស្រស់ស្អាតចំនួន១២ រូបដែលជម្រុះចេញពីចំនួន១០០នាក់ នឹងត្រូវប្រកួតដើម្បីដណ្តើមតំណែងកញ្ញាឯកព្រហ្មទណ្ឌ។

ប៉ាគីស្ថាន - រដ្ឋបាលនៃរដ្ឋ Punjab ប្រទេសប៉ាគីស្ថាន បានប៊្លុកលេខទូរស័ព្ទរបស់អ្នកដែលបដិសេធមិនចាក់វ៉ាក់សាំងកូវីដ១៩។ រដ្ឋ Punjab មានប្រជាជនចំនួន ១១០លាននាក់។

ឥណ្ឌា - ប៉ូលិសនៅរដ្ឋ Madhya Pradesh នៃប្រទេសឥណ្ឌាបាន បង្ខំឲ្យអ្នកដែលមិនចាក់វ៉ាក់សាំងកូវីដ១៩ ពាក់ស្លាកសញ្ញាក្បាលខ្មោច មានសរសេរពាក្យថា "នៅឲ្យឆ្ងាយពីខ្ញុំ៉" ដើម្បីឲ្យអ្នកដទៃដឹង។ ចំពោះអ្នកបានចាក់វ៉ាក់សាំងហើយ ពាក់ស្លាកពណ៌ធម្មជាតិស្រស់បំព្រងដោយមានសរសេរពាក្យថា "ខ្ញុំជាអ្នកស្នេហាជាតិ។ ខ្ញុំបានចាក់វ៉ាក់សាំងរួចហើយ។"

បារាំង - រោងចក្រផលិតវ៉ាក់សាំងកូវីដ១៩ របស់ក្រុមហ៊ុន Moderna Inc ត្រូវបានអនុម័តឲ្យដំណើរការនៅលើទឹកដីបារាំង។

ថៃ- ចាប់ពីថ្ងៃទី 1 ខែកក្កដាឆ្នាំ 2021 នេះតទៅ ប្រជាជនថៃដែលធ្វើដំណើរចូលប្រទេសថៃតាមផ្លូវអាកាសត្រូវបង់ថ្លៃធ្វើចត្តាឡីស័ករួមមានកន្លែងស្នាក់នៅ និងម្ហូបអាហារ ដោយខ្លួនឯង។ មណ្ឌលចត្តាឡីស័ករបស់រដ្ឋនឹងត្រូវបិទនៅចុងខែនេះ។

ថៃ - កម្មវិធីចាក់វ៉ាក់សាំងកូវីដ១៩ សម្រាប់បុគ្គលិកដែលបានចុះឈ្មោះតាមប្រព័ន្ធសន្តិសុខសង្គម នឹងត្រូវផ្អាករហូតដល់ចុងខែនេះ បន្ទាប់ពីបើកដំណើរការបាន៤ថ្ងៃ។ មណ្ឌលចាក់វ៉ាក់សាំងចំនួន៤៥ នៅក្នុងក្រុងបាងកកនឹងត្រូវបិទរហូតដល់ថ្ងៃទី២៨ ខែមិថុនា។

ឥណ្ឌា - ក្រុមអ្នកស្រាវជ្រាវបង្កើតថ្មីនៅទីក្រុងម៉ុមប៊ៃ ប្រទេសឥណ្ឌា
សង្ឃឹមថាអាចជួយដោះស្រាយបញ្ហាខ្វះពេទ្យតាមរយៈការប្រើពេទ្យយន្តក្នុងការជួយផ្តល់សេវាបម្រើក៏ដូចជាជួយ លើកដាក់អ្នកជំងឺ។ល។

រុស្ស៊ី - ចាប់ពីថ្ងៃទី១៣ ដល់២០ ខែមិថុនា ទីក្រុងម៉ូស្គូនឹងដាក់បម្រាមភោជនីយដ្ឋាន និងបារនីយដ្ឋាន ពីម៉ោង ១១យប់ដល់ ៦ព្រឹក។ ក្រុមហ៊ុននានាត្រូវបានណែនាំឲ្យចាត់បុគ្គលិកធ្វើការពីផ្ទះយ៉ាងតិច៣០%។

អត្រាឆ្លងបានកើតឡើងលើស៦០០០នាក់ ដែលជាចំនួនខ្ពស់បំផុតក្នុងឆ្នាំនេះ។

ហ្វីលីពីន - អត្រាអ្នកឆ្លងកូវីដ១៩នៅហ្វីលីពីនបានកើនឡើងក្នុងរយៈពេល២សប្តាហ៍ចុងក្រោយនេះបន្ទាប់ពីមានការសម្រួលលក្ខខណ្ឌធ្វើចត្តាឡីស័ក។

បារាំង - ប៉ូលិសទីក្រុងប៉ារីសបានបំបែកក្រុមមនុស្សល្មើសបម្រាមជួបជុំជប់លៀងនៅខាងក្រៅកាលពីយប់ថ្ងៃសៅរ៍កន្លងទៅនេះ។

វៀតណាម - រលកទី៤នៃការរាលដាលកូវីដ១៩ នៅវៀតណាម បានបង្កឲ្យមានអ្នកឆ្លងជាង ៦.៧០០នាក់ ដែលមានចំនួនច្រើនជាងពីរដងនៃអ្នកឆ្លងរលកទី១ ទី២ និងទី៣ បញ្ចូលគ្នា។

ហ្វីលីពីន - ការវិនិយោគផ្ទាល់ពីបរទេសមកកាន់ប្រទេសហ្វីលីពីន ក្នុងត្រីមាសទី១ នៃឆ្នាំ២០២១ មានចំនួន ២,៣ពាន់ពាន់លានដុល្លារ កើន៤៥% ធៀបរយៈពេលដូចគ្នាក្នុងឆ្នាំ២០២០ ដែលមានចំនួន ១,៦ពាន់ពាន់លានដុល្លារ។

អង់គ្លេស - នាយករដ្ឋមន្ត្រីអង់គ្លេសបាននិយាយថា ការកើនឡើងនៃការឆ្លងកូវីដ១៩ គឺជាបញ្ហាគួរឲ្យបារម្ភជាទីបំផុត។ ការបើកប្រទេសឡើងវិញគឺមានសង្ឃឹមតិចតួចបំផុត។

Euro 2020 : ដាណឺម៉ាក v ហ្វាំងឡង់

ខ្សែបម្រើដាណាម៉ាក Christian Eriksen បានដួលភ្លាមៗដោយបាល់គ្រាន់តែប៉ះរូបគាត់បន្តិច។ ក្រុមពេទ្យសង្គ្រោះបានចូលជួយភ្លាមៗ។

អាមេរិក - ការសិក្សាបង្ហាញថាមូលហេតុនៅពីក្រោយនៃការបាញ់ប្រហារនានានៅអាមេរិកគឺដោយបញ្ហាវិកល ដែលមានជំងឺខួរក្បាលហើយមិនបានទទួលការព្យាបាល។