វៀតណាម - ស្តាតនៅខេត្ត Bac Giang ភាគខាងជើងប្រទេសវៀតណាមបានប្រែក្លាយទៅជាមន្ទីរពេទ្យបណ្ដោះអាសន្នដើម្បីព្យាបាលអ្នកជំងឺកូវីដ១៩ ដែលកំពុងរីករាលដាលខ្លាំងនៅទីនោះ។

សិង្ហបុរី - ក្រុមកីឡាករ គ្រូបង្វិក និងមន្ត្រីសម្របសម្រួលចំនួន ២២០នាក់បានចាក់វ៉ាក់សាំងកូវីដ១៩ រួចរាល់ និងត្រៀមទៅចូលរួមព្រឹត្តិការណ៍កីឡាអូឡាំពិក និងប៉ារ៉ាឡាំពិកនៅទីក្រុងតូក្យូ។

វៀតណាម - វៀតណាមបានចាប់ផ្តើមចរចាជាមួយអ្នកផ្គត់ផ្គង់ និងអ្នកផលិតវ៉ាក់សាំងកូវីដ១៩ នានានៅលើពិភពលោក ដើម្បីទិញវ៉ាក់សាំងឲ្យបានច្រើនមកប្រទេសរបស់ខ្លួន។

ហ្វីលីពីន - លោកប្រធានាធិបតីហ្វីលីពីន ឌុយទឺទេ បានចុះហត្ថលេខាលើច្បាប់ថ្មី ដែលអនុញ្ញាតឲ្យបន្ថយលក្ខខណ្ឌកម្ពស់សម្រាប់ប៉ូ លីស។ សម្រាប់បុរស បន្ថយពី ១,៦២ម មកកម្ពស់ ១,៥៧ម និងស្រីបន្ថយកម្ពស់ ១,៥៧ម មក ១,៥២ម។

កូរ៉េ - កូរ៉េខាងជើងបានរក្សាភាពស្ងប់ស្ងាត់ចំពោះជំនួបរវាងប្រធានាធិបតីកូរ៉េខាងត្បូង និងប្រធានាធិបតីអាមេរិកកាលពីថ្ងៃទី 21 ខែឧសភា ឆ្នាំ 2021 ដែលប្រធានាធិបតីទាំងពីរយល់ព្រមលើការពិភាក្សាការទូតជាមួយកូរ៉េខាងជើងដើម្បីលុបបំបាត់អាវុធនុយក្លេអ៊ែរនៅឧបទ្វីបនេះ។

ប្រស៊ីល - អត្រាអ្នកអត់ការងារធ្វើនៅក្នុងប្រទេសប្រេស៊ីលដែលជាប្រទេសមានសេដ្ឋកិច្ចធំជាងគេនៅក្នុងតំបន់អាមេរិកឡាទីនបានកើនឡើង ១៤.៧% ក្នុងត្រីមាសទី១ ឆ្នាំនេះ។

វៀតណាម - ម៉ាស៊ីនអេធីអឹមអង្ករ ដែលបានបង្កើតឡើងកាលពីឆ្នាំមុននៅទីក្រុងហូជីមិញ ត្រូវបានរៀបចំតំឡើងនៅខេត្ត Bac Giang ដើម្បីផ្តល់អង្ករដល់កម្មករសួនឧស្សាហកម្មដែលបាត់បង់ការងារដោយសារការរាលដាលនៃជំងឺកូវីដ១៩។

ថៃ - ប្រទេសថៃ និងចិនកំពុងធ្វើការរួមគ្នាដើម្បីសម្រេចក្តីសុបិនឲ្យមានផ្លូវរថភ្លើងល្បឿនលឿនពីទីក្រុងបាងកកទៅកាន់ប្រទេសចិន ដោយកាត់តាមប្រទេសឡាវ។

ស៊ីរី - ប្រធានាធិបតីស៊ីរី លោក បាហ្សាដត្រូវបានបោះឆ្នោតឲ្យក្លាយជាប្រធានាធិបតីប្រទេសស៊ីរីជាថ្មី សម្រាប់អាណត្តិទី៤ ក្នុងសំឡេង ៩៥,១%។

សូមបញ្ជាក់ថា ប្រទេសស៊ីរីធ្លាប់ទទួលរងព្យុះបដិវត្តន៍ពណ៌ទម្លាក់ប្រធានាធិបតីអាហ្សាដចេញពីតំណែង ប៉ុន្តែមិនបានសម្រេច។ តែយ៉ាងណាក៏ដោយ ប្រទេសនេះបានបែកបាក់ និងធ្លាក់ក្នុងភ្លើងសង្គ្រាមស៊ីវិល និងការឈ្លានពានរបស់បរទេស។

អវកាស - ទិដ្ឋភាពភពព្រះអង្គារថតដោយយាន Curiosity ។

*ខេត្តកណ្តាល - ទណ្ឌិត និងមន្ត្រីក្នុងពន្ធនាគារខេត្តកណ្ដាល ឆ្លងកូវីដកើនឡើង២៩៨នាក់។ ក្រោយរកឃើញថាមានវិជ្ជមានភ្លាម មន្ត្រីពន្ធនាគារ បានខ្នះខ្នែងរៀបចំការបែងចែកទីតាំងសម្រាប់ព្យាបាល និងរៀបចំការពារទណ្ឌិតផ្សេងទៀតមិនឲ្យមានការឆ្លងបន្តទៀតនោះទេ ពោលគឺអនុវត្តតាមការណែនាំរបស់ ក្រសួងសុខាភិបាល ក្នុងន័យបញ្ចៀសការឆ្លងដល់ទណ្ឌិតដទៃទៀត៕

វៀតណាម - វៀតណាមចាប់ផ្ដើមប្រើប្រាស់តេស្តរហ័សរកអង់ហ្សីមកូវីដ 19 ដើម្បីធ្វើតេស្តជូនប្រជាជនស្ម័គ្រចិត្តនៅទីក្រុងហូជីមិញ។

វៀតណាមបានទទួលរងគ្រោះរលកទី៤នៃជំងឺកូវីដកាលពីថ្ងៃទី២៧ ខែមេសា ឆ្នាំ២០២១។

រុស្ស៊ី - លោកប្រធានាធិបតីរុស្ស៊ីបានសំដែងការគាំទ្រចំពោះលោកប្រធានាធិបតីបេឡារ៉ូសចំពោះព្រឹត្តិការណ៍ហៅយន្តហោះឲ្យចុះចតដើម្បីចាប់អ្នកកាសែតប្រឆាំងកាលពីថ្មីៗ។

ម៉ាឡេស៊ី - ប្រទេសម៉ាឡេស៊ីនឹងចាប់ផ្ដើមធ្វើការបិទប្រទេសទាំងស្រុង ទាំងសកម្មភាពសេដ្ឋកិច្ច និងសកម្មភាពសង្គមក្នុងរយៈពេល 14 ថ្ងៃ ចាប់ពីថ្ងៃទី 1 ខែមិថុនាដល់ថ្ងៃទី 14 ខែមិថុនាឆ្នាំ 2021 ។ ទោះយ៉ាងណាក៏ដោយ សកម្មភាពសេដ្ឋកិច្ចសំខាន់ៗមួយចំនួនត្រូវបានអនុញ្ញាត។

សូមបញ្ជាក់ថាប្រទេសម៉ាឡេស៊ីមានអត្រាអ្នកឆ្លងជំងឺ covid-19 ច្រើនជាង 8 ពាន់នាក់ក្នុងមួយថ្ងៃ និងមានចំនួនអ្នកឆ្លងសរុបជាង 7 ម៉ឺននាក់។ ចំណែកអ្នកស្លាប់មានជាង 2,550នាក់។

កម្ពុជា - សម្តេចតេជោនាយករដ្ឋមន្ត្រីបានបញ្ជាក់ថា រាជរដ្ឋាភិបាលកម្ពុជាដាក់ចេញផែនការយុទ្ធសាស្ត្រចាក់វ៉ាក់សាំងកូវីដ-១៩ ជាយុទ្ធសាស្ត្រផ្ការីក ដែលចាក់ពីក្នុងចេញទៅក្រៅ ពោលគឺចាក់ស្រោចចេញពីរាជធានីភ្នំពេញ ទៅទីប្រជុំជនខេត្តកណ្តាល និងបណ្តាខេត្តដទៃទៀតជាបន្តបន្ទាប់។

តួកម៉េ នីស្ថាន - រណ្តៅភ្នំភ្លើងមួយស្ថិតនៅក្នុងប្រទេស Turkmenistan ត្រូវបានប្រជាជននៅទីនោះហៅថាទ្វារនរក ដែលស្ថិតនៅលើវាលខ្សាច់ក្នុងភូមិ Darvaza ដែលមានប្រជាជនរស់នៅប្រហែល 150 នាក់។ រណ្តៅនេះកើតឡើងដោយសារការជីករុករករ៉ែប្រេងនៅឆ្នាំ ១៩៧១ ប៉ុន្តែក្រោយមករណ្តៅនោះបានបាក់ និងចេញកំអែលភ្នំភ្លើង ហើយរាលដាលក្លាយជារណ្តៅធំមួយ ដែលមានភ្នំភ្លើងផ្ទុះចុះឡើងឥតឈប់ឈរ។