ម៉ានីឡា ហ្វីលីពីន - រដូវភ្លៀងម៉ូសុងនឹងចាប់ផ្តើមនៅប្រទេសហ្វីលីពីនក្នុងសប្តាហ៍ទី៤ នៃខែឧសភា ឬដើមខែមិថុនានេះ។

បេឡារ៉ូស - ថ្ងៃ២៤ ខែឧសភា នេះ អាជ្ញាធរប៉េឡារ៉ូសបានបង្ខំយន្តហោះរបស់ក្រុមហ៊ុនអាកាសចរណ៍ Ryanair ឲ្យចុះចតដើម្បីចាប់ខ្លួនអ្នកកាសែតប្រឆាំងម្នាក់។ សកម្មភាពនេះបានបង្កឲ្យមានប្រតិកម្មពីសំណាក់អឺរ៉ុប និងអាមេរិក។

អាមេរិក - កាលពីថ្ងៃអាទិត្យនេះ ក្រុមហ៊ុន Samsung Biologics បានចុះកិច្ចព្រមព្រៀមផលិតវ៉ាក់សាំងកូវីដ១៩ Moderna របស់អាមេរិកនៅប្រទេសកូរ៉េខាងត្បូង។ ពិធីចុះហត្ថលេខាបានធ្វើឡើងក្នុងដំណើរទស្សនកិច្ចរបស់ប្រធានាធិបតីកូរ៉េខាងត្បូងនៅអាមេរិក។

ប្រេស៊ីល - ប្រធានាធិបតីប្រេស៊ីលលោក Bolsonaro បានដឹកនាំអ្នកគាំទ្រជិះម៉ូតូរាប់ពាន់គ្រឿងនៅក្នុងទីក្រុងរីយ៉ូ ដើម្បីតទល់នឹងសម្ពាធមកលើរដ្ឋាភិបាលលោកឲ្យបន្តឹងវិធានការគ្រប់គ្រងការរាលដាលកូវីដ១៩។ ក្រៅពីនេះ ការដឹកនាំក្បួនម៉ូតូនេះ ក៏ដើម្បីបង្ហាញពីប្រជាប្រិយភាពរបស់លោក ក្រោយពេលមានការស្ទង់មតិមួយថាប្រជាប្រិយភាពរបស់លោកធ្លាក់ចុះក្រោមប្រជាប្រិយភាពអតីតប្រធានាធិបតី (២០០៣-២០១១) លោក Lula ក្នុងការបោះឆ្នោតឆ្នាំ ២០២២ ខាងមុខនេះ។ លោក Lula មិនត្រូវបានអនុញ្ញាតឲ្យចូលរួមការបោះឆ្នោតឆ្នាំ២០១៨ ឡើយ ក្រោមបទចោទប្រកាន់អំពើពុករលួយ។ ប៉ុន្តែតុលាការកំពូលបានច្រានចោលការចោទប្រកាន់នេះកាលពីខែមីនាកន្លងទៅនេះ។

ប្រេស៊ីល - អតីតប្រធានាធិបតី (២០០៣-២០១១) លោក Luiz Inácio Lula da Silva (Lula) បាននិយាយថា លោកនឹងមានអាយុ ៧៧ឆ្នាំ នៅពេលការបោះឆ្នោតខាងមុខ (2022) ដែលលោកគិតថាលោកចាស់ហើយ។ ប៉ុន្តែលោកឃើញប្រធានាធិបតីអាមេរិក បៃដិន ជាប់ឆ្នោតនៅអាយុ ៧៨ឆ្នាំ។ លោកថា បើប្រៀបធៀបនឹងលោកបៃដិន លោកនៅជាក្មេងប្រុសនៅឡើយ។

នេប៉ាល់ - ក្រុមសម្ព័ន្ធដែលមានគណបក្សប្រឆាំងចំនួន៥ នៅនេប៉ាល់ កាលពីថ្ងៃសៅរ៍ទី 22 ខែឧសភាឆ្នាំ 2021 នេះបានប្រកាសថានឹងដាក់ពាក្យតវ៉ាប្រឆាំងនឹងការសម្រេចរបស់លោកស្រីប្រធានាធិបតីនេប៉ាល់ក្នុងការរំលាយសភានិងឲ្យមានការបោះឆ្នោតឡើងវិញនៅខែវិច្ឆិកាខាងមុខនេះ ទៅកាន់តុលាការ ដោយបានបញ្ជាក់ថាការសម្រេចនេះគឺមិនមានភាពប្រជាធិបតេយ្យ។

អឺរ៉ុប - ក្រោយពីមានព្រឹត្តិការណ៍បង្ខំឲ្យយន្តហោះចុះចតដោយអាជ្ញាធរបេឡារ៉ូសដើម្បីចាប់អ្នកកាសែតប្រឆាំងម្នាក់រួចមក បណ្ដាមេដឹកនាំអឺរ៉ុបបានគំរាមថានឹងកំណត់ដែនកំណត់សម្រាប់ការហោះហើរកាត់ប្រទេសបេឡារ៉ូស និងពិនិត្យលទ្ធភាពប្រើប្រាស់ផ្លូវគោកជំនួសវិញ។

សិង្ហបុរី - នៅថ្ងៃទី 24 ខែឧសភា ឆ្នាំ 2021 នេះ មានក្រុមហ៊ុន ចំនួន 11 នៅសិង្ហបុរីបានរងការផាកពិន័យដោយសារមិនបានចាត់ចែងបុគ្គលិកឲ្យធ្វើការនៅផ្ទះតាមច្បាប់កំណត់។ កាលពីថ្ងៃទី8 ខែឧសភាឆ្នាំ 2021 អាជ្ញាធរសិង្ហបុរីបានបន្ថយកម្រិតចំនួនបុគ្គលិកពី 75% មកត្រឹម 50% ដែលអាចចេញមកធ្វើការខាងក្រៅផ្ទះបាន ប៉ុន្តែនៅថ្ងៃទី 16 ខែឧសភាឆ្នាំ 2021 អាជ្ញាធរបានរឹតបន្តឹងបន្ថែមទៀតដោយតម្រូវឲ្យបុគ្គលិកទាំងអស់ធ្វើការនៅផ្ទះ។

អេត្យូពី - នាយករដ្ឋមន្ត្រីអេត្យូពីកំពុងដឹកនាំយុទ្ធនាការដាំដើមឈើឱ្យចំនួន 600 លានដើមនៅទូទាំងប្រទេសដើម្បីគាំទ្រគម្រោងបៃតងហើយនិងលើកកម្ពស់វិស័យអេកូ ទេសចរណ៍។

បរទេស - តារាល្បីក្នុងរឿង Fast and Furious 9 លោក ចន ស៊ីណា បានធ្វើការសុំទោសនៅលើបណ្តាញ Weibo ដែលបានហៅកោះតៃវ៉ាន់ ថាជាប្រទេស។

អាល្លឺម៉ង់ - សេដ្ឋកិច្ចអាល្លឺម៉ង់មានផលិតផលក្នុងស្រុកសរុបធ្លាក់ចុះ 1.8% ក្នុងត្រីមាសទី១ ឆ្នាំ២០២១ ដោយសារវិបត្តិកូវីដ១៩។

សិង្ហបុរី - សេដ្ឋកិច្ចសិង្ហបុរីនៅតែអាចរីកចម្រើន ៦% ក្នុងឆ្នាំ២០២១ នេះទោះជួបវិបត្តិកូវីដ១៩។ អ្នកជំនាញសេដ្ឋកិច្ចថាអាចមានកំណើន៦% ទៅ៧% តែអាជ្ញាធរសិង្ហបុរីថាអាចរីកចម្រើនក្នុងរង្វង់ ៤% ទៅ៦%។

ឥណ្ឌូណេស៊ី - លោកស្រីរដ្ឋមន្ត្រីក្រសួងហិរញ្ញវត្ថុ បាននិយាថា សេដ្ឋកិច្ចឥណ្ឌូណេស៊ីនឹងកើន ៧,១% ទៅ ៨,៣% នៅក្នុងត្រីមាសទី២នេះ។

ប្រេស៊ីល - កាលពីថ្ងៃចន្ទកន្លងទៅនេះប៉ូលិសប្រេស៊ីលបានចាប់ស្ដេចគ្រឿងញឿនជនជាតិអ៊ីតាលីឈ្មោះ Rocco Marabito ដែលមានចំណងទាក់ទងនឹងក្រុមឧក្រិដ្ឋដ៏មានឥទ្ធិពល Ndrangheta ។ ការចាប់ខ្លួនធ្វើដែរនៅសណ្ឋាគារមួយនាទីក្រុង Jaoa Pessoa ភាគពាយ័ព្យប្រទេសប្រេស៊ីល។

អ៊ីរ៉ាក់ - កាលពីថ្ងៃអង្គារ ទី២៥ ខែឧសភា នេះ មានបាតុកម្មមួយនៅទីក្រុងបាដាដនៃប្រទេសអ៊ីរ៉ាក់ ដែលបណ្តាលឲ្យមានការស្លាប់ និងរបួសជាច្រើន។ Abu Marwan ជាប្រជាជនអ៊ីរ៉ាក់បាននិយាយថា កូនរបស់ខ្ញុំគ្មានអនាគតទេ ប្រទេសរបស់ខ្ញុំគ្មានអនាគតទេ។ ខ្ញុំចាស់ហើយ ជីវិតខ្ញុំហួសហើយ ខ្ញុំចង់ឲ្យកូនៗខ្ញុំមានអនាគត។

គួរបញ្ជាក់ថាចាប់តាំងពីដួលរលំរបបសាដាំហ៊ូសេន ដែលអាមេរិកបានយកទឹកសាប៊ូមួយដបមកចោទថាជាអាវុធប្រល័យដើម្បីជាលេសឈ្លានពាន មក ប្រទេសអ៊ីរ៉ាក់បានធ្លាក់ក្នុងមហន្តរាយដ៏ជ្រៅ។

វៀតណាម - វៀតណាមមានបំណងចង់ចាក់វ៉ាក់សាំងកូវីដ១៩ ឲ្យបាន ១៥០លានដូសនៅចុងឆ្នាំនេះ។ ជាមួយគ្នានេះ វៀតណាមបានបង្កើតមូលនិធិវ៉ាក់សាំងដោយអំពាវនាវឲ្យមានការចូលរួមពីផ្នែកឯកជន និងអង្គការស្ថាប័ននានា។

សូមកោតសរសើរដោយស្មោះ។ សូមបន្តចូលរួមទាំងអស់គ្នាដើម្បីខ្លួនយើង និងសង្គម។

កម្ពុជា - ចំនួនអ្នកឆ្លងកូវីដ-១៩ ហាក់លោតឡើងខ្ពស់បន្តិចនៅថ្ងៃនេះ។ សូមប្រកាន់ខ្ជាប់ជានិច្ច ៣កុំ ៣ការពារ។

អាមេរិក - តារាចម្រៀងល្បី Lady Gaga ពាក់អាវយឺត ស្បែកជើងកវែង ចូលក្នុងពិធីរំលឹកខួប ១០ឆ្នាំនៃអាល់ប៊ុម Born This Way របស់នាង។

ពញាក្រែក - កាលពីថ្ងៃទី២៥ ខែឧសភា ឆ្នាំ២០២១ មានអ្នកជំងឺកូវីដ-១៩ ម្នាក់ដែលញៀន បានសម្លាប់មន្ត្រីយោធាយាមកាមនៅមន្ទីរពេទ្យបង្អែក ក្នុងបំណងរត់គេចចេញពីកន្លែងព្យាបាល។