#السؤال_المحير ؟!
اقرة النقوصات الي فايتتني لو ابدي اراجع المواد من البداية وبعدين اقراهن ؟!

طبعا اغلب الطلاب هالايام ديواجهون هذا السؤال باعتبار بعد ايام وتبدي عطلة المراجعة ...
تريد تعرف #الاجابة سوي الاتي :
* #اولا
سوي جرد لكل مادة بالمواد الي مقاريها نهائيا
وحددها مثلا
كيميا / الفصل الاول / 5 صفحات او الموضوع الفلاني ....
وهكذا سوي لكل المواد قائمة بالنقوصات

* #ثانيا
خصص فترة لقراءة النقوصات قبل اعداد جدول المراجعة
مثلا تحدد تكول 10 ايام لقراءة النقوصات الفايتة
واهم شي تلتزم بحيث تكول 10 ايام يعني 10
مو كل يوم وتزودها ...

#ثالثا
سوي جدول للمواضيع النقص بشكل تحاضير يومية ...
يعني مثلا
اليوم / اقرة كيميا واسلامية
كل مادة اقرة فد 5 صفحات او موضوع من النقص
غدا / اقرة عربي ورياضيات

وهكذا رتب المواد حسب الي يعجبك والي ترتاح اله

#رابعا
بعد ما تخلص الايام الي محددها لقراءة النقوصات
ابدي سوي جدول مراجعة وانطلق 😍😍😍

#ملاحظات

- الاجابة هي تقرة النقوصات وبعدها تبدي تراجع
حتی المواد النقص تعيدها اكثر من مرة وتترسخ بعقلك وذاكرتك اما اذا بديت تراجع ومقاريهن فمن توصل الهن حتقراهن بس مرة وحدة بدون متتكرر بين فترة زمنية

- لازم تسوي النقوصات بشكل تحاضيير يومية وحسب المواضيع بالترتيب يعني مو تقرا شوية من الفصل 1 وبنفس الوقت تقرا بالفصل 6 ...

- اثناء قراءتك للمواد النقص هاي تعتبر احماء 😂 لعقلك قبل فترة المراجعة ...

وشكرا 😍😍
يارب اتمنالكم الموفقية والسعادة ...

#حملة_شبابنا

قرار الدخول الوزاري للطلبة السادس الابتدائية شامل

والثالث متوسط والسادس الاعدادي 3 دروس و10 درجات

الكتاب الرسمي اعلاه

#محمد_علي

ملخص تسمية المعقدات😍👇بالكيمياء

نخول الجمبع بنشرها 👆
#الى_الله_تعالى 😊

هاي الحالة هواي راح تجيكم ببداية المراجعة😂😂👇

اهم شي تنطون انذار للاهل الحالة طبيعية😁

https://youtu.be/Zo2oFgebgcs

راح تجي الفترة الحاسمة😍
فترة #المراجعة
راح تحسون بهووواي تقلبات بيها سواء نفسية او بالدراسة 😱
مرة يجيك الواهس فووول😎وتكوم تدرس زين
مرة حتة الكتاب متكدر تباوع بشكلة😣

.
#تذكر دائما هاي الفترة اهم من كل الفات
🎇ادرس بمكان هادئ، اذا ماعندك غرفة وحدك او ماكو مكان مناسب اطلع بالطرمة😒بالسطح عادي كلشي سوي حتة تحقق هدف لتخترع حجج اخترع حلول😉
.
🎇من تبدي تدرس ورقة كبالك اكتب الشي التريدة مثلا اكتب هندسة يمها سمايل مبتسم😊
حتة كلما يروح الواهس او تضوج تباوع الها وتكول راح اكمل اني مسويتها😁بالقاعة مالتنا بالجامعة حتة الاساتذة يفوتون ضايجين يباعوهة تروح الضوجة اهم شي الابتسامة
.
🎇ثالثة استعمل عملية الصرع👊 الواحد مرات تجي صفنة😪وميحس الا الوكت طااااير بهذي الحالة كلما تصفن 👋راشدي لنفسك واحجي بينك وبين نفسك مو وكت صفنة كلشي يتعوض بس هل فترة ممتعوض
رح تتحسن😁اهم شي الراشدي👋 مو قوي ولا يم احد والايكولون تخبل رسمي😂

.
🎇واخيراً 😍 تعب 12 سنة او اكثر القميص الابيض او الصدرية👌 ال6 او 7 دروس وغيرها من الاشياء
، راح تودعوها وبعد مترجع دائما عيشو اللحظة حتلو لحظة تعيسة تذكر كلما تتعب كلما تحصل ثمرة تعبك
حتلو فاتت ذيج الفترة ومستواك مو هلكد او متعبت هواي عوض هسة
#هووووووواي طلاب طلعو معدلات بدرسة مكثفة بفترة المراجعة
.اكتب هسة رسالة تحفيزية بورقة لنفسك ببداية المراجعة حتة كلما تفقد حماسك بهذي الايام ترجع تقراها وتتحفز تكمل 💪هواي راح تفيدك

...
.ننتظر اجمل لحظة😍
هي يوم النتائج ومن تبشرونة بالنتيجة💓
موفقين ابطالنا✊
.

حملة شبابنا
#هاجر

#عــــــــاجـل

محافظ صلاح الدين : يعلن عن تعطيل الدوام الرسمي ليوم غد الخميس لمناسبة استشهاد الأمام علي الهادي ع

معقولة 😳

مرحبا ✋

اني محمد 🤵

🏥حاليآ طالب جامعي في كلية الطب
كنت طالب سادس قبل 3 سنوات

عبور هلمرحلة صعب ☠
تعبتتت !! 😭
عاااانيت 😰
واريد انقلك خبرتي بدون متعاني 💯😍
كنت سختچي دائمآ 🤠
وخلصت 11سنة لاسختة
حتى وصلت السادس 😢
والشغلة صارت جديات 😳
الناس بدت تدرس 😮
الطﻻب لزمو خصوصي 🤓

واني واكف اتفرج 😶
اني هم دخلت خصوصي 😤
قريت شوية ✏️
ورجعت اسخت 🤳🤷‍♂
ما بقة بس 3اشهر للامتحان ⏰
واني ممخلص المواد ✂️
بديت اقره واركض 😭
وكملت المواد الناقصة ✅
وبدت كعدة البكلوريا 💡
انطونا هواية وقت 🕰
كلت خل ارتاح شوية 🤗
ورة اسبوعين
التقيت باصدقائي
شفتهم مخلصين مواد 😮
رجعت للبيت 🏃
فتحت الكتاب 📘
ناسي المادة . صدك جذب 🤔
اني بمشكلة هسة 😓
قريت بخربطة شلون مچان- 🙄
بس بعدين خفت ماطلع درجة 😪
قررت ابقى عالسنة الچایة
يامه ناس نصحوني
يامه تعاركت بلبيت 🤕
بس اني قفلت 🔒
تأجيل وهاي هي
عافوني لوحدي 🚬
صار بية اكتئاب
حتة فكرت انتحر 🔪
وكمت اكره نفسي
لحد ما اچة اليوم الموعود وقررت ان مايستمر الوضع هيج جبت سبورة وعقدت اجتماع وية روحي 🤐 (القمة الشخصية)
ناقشنا الوضع شخصنا المشاكل وحليناها
قررت اسوي تأجيل لمادتين
وبديت احل بقية مشاكلي
😵) هنا محمد خسر درجة على المعدل وضيع فرصة من المحتمل انو تجي اسئلة صعبة)
مثل الهوسة هواية جانت بيتنا
وضوضاء 🤤
قررت اروح لبيت جدي
اي ابني تعال هﻻ بيك 👵
قررت اعتزل النت 📵
وبديت ادرس
وادرس طول ليوم
كملت المواد ﻻول مرة
وسويت ملخصات
وهم بديت مراجعة ثانية
لحكت على روحي
وكملت المواد مرتين من الغﻻف للغﻻف
بدينا الامتحانات
فولت 🔱
رضيت على نفسي 🙈
وطلعت درجاتنا
عشت حرب نفسية حد ما طلعت 😱
جبت 99%😍
بالدور الثاني نزل شوية ✌️
طلعت ب97.7% من السادس
الزبدة شنو اذا شخص يريد يحل هيچ شغلة ﻻزم يحلل نفسة ويقيمها
ويعرف وظعة ويسوي خطة 😎
يبحث عن مشاكلة
يحل مشاكلة ✅
ويحط هدف ويسعى لتحقيقة
بعد باقي وقت
#الحك_لروحك
ﻻزم الشخص يتحدى كل شيء
وينتبه زين من
1⃣اول اسبوع وصدييقة يكول خلصت المواد
2⃣اليأس والتأجيل للسنة الثانية او دور ثاني
ﻻن صدكني راح تتندم

شكرآ محمد اوچي

#حمزة_آلحاچ_محمد

ملخص تسمية المعقدات😍👇
وملخص عن ايتا
بالكيمياء
اعداد #حمزة_الكربلائي

نخول الجمبع بنشرها 👆
#الى_الله_تعالى 😊

When you fall, you are hoping that there will be someone that will be there to catch you, but sometimes, you have to be the one to pick yourself up and keep going on
〰〰〰〰〰〰〰〰〰〰〰〰〰〰
عندما تسقط. تتمنى أن يكون هناك شخص ما ليمسكك . لكن أحيانًا عليك أن تكون أنت من يرفع نفسك و تواصل المسير.
#صلاح 🍂

المراجعة المركزة للفيزياء #احيائي
للاستاذ #علي_العبيدي😉👇

نخول الجميع بنشرها 👆
#الى_الله_تعالى 😊

#الادبي_كلشي_تحتاجه_موجود_هنا 👇😍
برنامج السادس الادبي
قناة خاصة بالسادس الادبي ليجتازوا هذه المرحلة بتفوق👇👇👇
https://t.me/Adaby5

ملخص وملاحظات مهمة موضوع
ايجاد الثوابت من الملزمة الذكية للرياضيات

اعداد الاستاذ علاء حسن

👇👇👇👇