ربي يكفينا شر اللي لا تعرفه صاحب ولا عدو .. لا هو معاك ولا هو عليك
يلي يسمع منهم ويجيك .. وياخد منك ويعطيهم .. يلي ياكل مع الذيب و يبكي مع الراعي
صاحب المية وجه و ماتعرف خيره من شره .. شن يبيلك وشن ناويلك
ربي يكفينا شر الحاسد الحاقد يلي مايعرفش يتمنى الخير لغيره .. يلي يتعب وين يشوف الناس مرتاحة ومتهنية .. لا هو قادر يدير زيهم ولا هو قادر يفرح معاهم .

مش اي حد يعرف يدير للفراق قدر .. و يعرف كيف بعزة نفسه يصكر بيبان كان حلمه في يوم تنفتح غير لانه مالقاش فيها قيمته ..

مش اي حد يعرف يتلفت و يمشي و هو رافع راسه و واثق في نفسه و شن خلا وراه و ان اللي يرضى فيه القلة مايكملش معاه طريق ..

امشي و انت مقدر نفسك لمكان يعز قيمتك افضل من انك تقعد وانت مواطي و ترفد في مكانك ترفيد .

ماتحسابش لما تكون كويس وتتعامل بأفضل شي عندك حايبادلوك نفس الشي .. كل ما انت طيب كل ما حاياخدوا عليك الغلبه .. وكل ما كنت تفوت وتمشي اللي فيه عقده حايجربها فيك .. وكل ما كنت مؤدب ومحترم كل ما القليل الأدب يتمادى عليك ..

وقالوها قبل : تعلم الحجامه .. في روس اليتامه

اللي يبي يدير حاجه حايديرها في اللي عارف ان مايقدرش يرد وفي ولد الاصل أما اللي ند بند معاهم حايدروله مليون حساب.

راه الدنيا مليانه ناس كويسه غير الحظ يدف فينا عالبهايم..

ح يجيك وقت حتكون قاسي في نظر الناس لمجرد انك بطلت تتنازل، واخترت نفسك .!

ديما خاطرك تسأل اللي ماعمره هان عليك .. ڪيف هنت عليه؟

نكره البنادم .. بمجرد ما يستهين بزعلي أو بمشاعري
اللي إنت عندك عادي هو أبداََ مش عادي عندي
و أني حُرة كيف نحس .

..
فيه يلي على خاطر العِشرة لازم تفوتهم

فكرة ان في شخص ثاني بتعيشه نفس الاحساس يلي عشته اني معاك .. تحيّر

ماهوش كيف غيابهم
هو غيابه شين
هم واجدين أحبابهم
وهو وحيد العين

قوة القلب اللي خلتكم تكسروا خواطرنا .. حني محتاجينها باش نسامحوكم

الفراق جي مني .. والأفعال جت منك
نطلع اني الغالط وإنت الملاك البريء يلي سيبوه .. وهكي هيا

جيت نعاتب لقيتك من عتابي مضايق .. و دسيت كلامي خوف وخليت قلبي معاك حاير
يا يقولك وتضايق .. يا يسكت ويفيق جواجي قدم ويفعل كبار .

مش جابرك ترضيني ولا نجبرك ترجع لمكان كبير في وسط قلبي خليته، ومش مستنية منك مُبرر ولا أعذار ولا جواب على أي سؤال

صون العِشرة و دير قدر للِّي كان..

"أحببتكَ وكأنّك لن تُغادر أبدًا، وغادرتَ وكأنّك لم تُحبّني يومًا".

لا بأس
"أنها ليست خيبتنا الاولى، لم يكن أول أحلامنا الضائعة"
هكذا أردد في كل مرة تدمع عيناي على ما جرى.

ناس قبل بقولو الضربه اللي ما تكسرك تقويك
و اني نقول الضربه ماتكسرك من براني، تكسرك كان من اللي ليك

من قال اتطيحي يا جيده
في فارس بالهون لهيده

مش حننسى ابدًا اللحظة
اللي اخترتُ فيها الصمت
بدل من ان نقولك شعوري
لأن انت معاش انت .

‏"و اليوم دعنا نتفق
‏أنا قد تعبت ..
‏و لم يعد في العُمر ما يكفى الجراح
‏أنفقت كل الصبر عندك ..
‏و التجلد و التجمل و السماح
‏أنا ما تركت لمقبل الأيام شيئا إذ ظننتك آخر التطواف في الدنيا
‏فسرحت المراكب كلها، وقصصت عن قلبي الجناح"