الإنسان لا تُشقيه إلا توقعاته وظنونه
‏-
خفّضها يا إنسان .

شمس القايلة ولا ظل شجرتكم
شدايد الدنيا ولا مزيّتكم

‏"الظروف ماخلت حد فينا ما غيرتاش، كلّنا تغيرنا، أولوياتنا تغيّرت، ومفاهيمنا وأسلوبنا تغيّر، دَعواتنا تغيرّت، حتى مقامات الناس في حياتنا تغيرت، السنوات اللي فاتت بلمح البصر هذي غيّرت كل شيء في حياتنا إلى حد ما وصلنا للنسخة اللي احني عليها حاليًا ومع الوقت الجاي بنتغيّر اكتر."

أني وصلت لمرحلة من التعب حتى الكتيبة يلي تريّح فيا، معاش عندي جهد ليها

اني نجيك مرة واثنين ونبادر ونتأسف ونبدا من جديد ...
ثالث مرة عليك... ماتبداش فيها انت ماتستنانيش.

ما كانش صعب عليهم يعطوك نفس ماتعطي فيهم
غير هما مايبوش

"الريشة إللي على راسك من طرف جناحي ".

ممكن الشيء الوحيد اللي مخليني نتجاوز في نهاية الموضوع مهما كان صعب و مستحيل هو إني عارفه روحي شن !
عارفه قيمة نفسي كويس .. عارفه شن عندي و عارفه شن اللي يميزني و شن اللي فيا و مافيكش و مافيش في غيري .. عارف إني full option ! حتى لو أنت مش شايف هكي صدقني أنا شايف و الوقت هو اللي حايوريك مهما كان نظرك ضعيف
"في حال إنك ماكنتش شايف حقيقي مش شايف و متجاهل"

أنا شخص عارف و مقتنع إقتناع تام إن يملك مشاعر و قلب و مصداقية ! في وقت كل شيء فيه تمثيل و كذب
شخص عارف كيف لازم يكون العطاء و ماقصرش ! في وقت العطاء فيه بالشحاتة
شخص قادر يكون بوجه واحد ! في وقت معاش تقدر تفرّق فيه بين من اللي معاك و من اللي عليك
أنا شخصية عارفه أمتى تكون "أنثى" مافيش زيها و أمتى تكون "خبيثة" قادرة تاخد حقها و أمتى تكون "حادقة" لا أنت ولا عشرة زيك يفوتوه عليها ..
أنا شخص مش حاتعرفه في شهر .. و ممكن مش حاتعرفه حتى في سنة .. و مش حاتعرفه بلا مواقف .. و مش حاتفهم نيته و أنت بعيد .. و مش حاتشوفه صح بعيون الناس .. في الواقع ممكن نكون عكس توقعاتك و ممكن لا .. لكن أنا شخص كيف ما كان "حاتحبه" كيف ما كان ..

أنا شخص الحياة مش حاتعطيهولك مرتين .. و لإني عارف قيمة نفسي و قيمة كل شيء نملكه .. نبي نقولك شوف بعدي .. و حِب بعدي .. و صاحب بعدي .. و ابدأ من بعدي .. لكن المؤسف إن الوقت مش حاينسيك ! مهما جربت و مهما خداتك الحياة و مهما تغاضيت و "درت الحولة" في نقطة معينة ؛ حاتوقف و حاتحس .. أنا و أنت عارفين إني مش شخص حاتقدر تكمل بعده و ما تحس بشيء ..

السلام .. من شخص مش حاتقدر تسلم منه.

الشعور يخنق .. حتى التنهيدة مش قادرة توفي بالغرض.

بعد ما نبردوا إتجاهم يجونا والنار شاعلة في قلوبهم

الحقيقة قدامك ؛ في التصرفات و في الأفعال و في كل شيء قاعد يصير
أنت أخترت إنك ماتصدقش بس.

الشعور يخنق .. حتى التنهيدة مش قادرة توفي بالغرض.

مش مجبور يتحملك ديما .. في أوقات هلبا الأذى يمس فيها مكانك ! و وقتها حتى حبي ليك معاش حايشفعلك.

مرات أنا اللي مش كويس و مانتعاشرش مش أنت .. لكن اليوم أنت اللي تبي من يعوضك مش أنا ..

Is life worth it if you need a bill to feel okay.?

ربي يكفينا شر اللي لا تعرفه صاحب ولا عدو .. لا هو معاك ولا هو عليك
يلي يسمع منهم ويجيك .. وياخد منك ويعطيهم .. يلي ياكل مع الذيب و يبكي مع الراعي
صاحب المية وجه و ماتعرف خيره من شره .. شن يبيلك وشن ناويلك
ربي يكفينا شر الحاسد الحاقد يلي مايعرفش يتمنى الخير لغيره .. يلي يتعب وين يشوف الناس مرتاحة ومتهنية .. لا هو قادر يدير زيهم ولا هو قادر يفرح معاهم .

مش اي حد يعرف يدير للفراق قدر .. و يعرف كيف بعزة نفسه يصكر بيبان كان حلمه في يوم تنفتح غير لانه مالقاش فيها قيمته ..

مش اي حد يعرف يتلفت و يمشي و هو رافع راسه و واثق في نفسه و شن خلا وراه و ان اللي يرضى فيه القلة مايكملش معاه طريق ..

امشي و انت مقدر نفسك لمكان يعز قيمتك افضل من انك تقعد وانت مواطي و ترفد في مكانك ترفيد .

ماتحسابش لما تكون كويس وتتعامل بأفضل شي عندك حايبادلوك نفس الشي .. كل ما انت طيب كل ما حاياخدوا عليك الغلبه .. وكل ما كنت تفوت وتمشي اللي فيه عقده حايجربها فيك .. وكل ما كنت مؤدب ومحترم كل ما القليل الأدب يتمادى عليك ..

وقالوها قبل : تعلم الحجامه .. في روس اليتامه

اللي يبي يدير حاجه حايديرها في اللي عارف ان مايقدرش يرد وفي ولد الاصل أما اللي ند بند معاهم حايدروله مليون حساب.

راه الدنيا مليانه ناس كويسه غير الحظ يدف فينا عالبهايم..

ح يجيك وقت حتكون قاسي في نظر الناس لمجرد انك بطلت تتنازل، واخترت نفسك .!

ديما خاطرك تسأل اللي ماعمره هان عليك .. ڪيف هنت عليه؟