‏بين المقام الذرب والساس الاعرق
‏الطيب من يمناك والساس ساسك

‏لا تطيّب اشماغك من العود الازرق
‏يكفي شماغك طيب من طيب راسك .

نطيب لو عيّت ليالينا تطيب ...
‏فضلٍ من اللي جمّل الحال ولطف

‏وغصب على الوجه الكريه المستريب
‏وغصب على الرديان من شق وطرف .

الوقت وصدوف الليال السريعه
‏مصيرها تكشف قناع المقنّع 

‏وتبين اللي طيب راسه طبيعه
‏وتبين اللي طيب راسه تصنّع .

الورد يبقى ورد في كل الأزمان
‏لو غيرو بالورد حجمه ولونه

‏وأنا أحب الورد في كل الألوان
‏وأحب ناس بطيبهم يشبهونه .

‏كيف بنسى اللي ذبحني وخلاني صويب
‏ مايداوي علة القلب كود الي رماه .

‏اما يروح ابعد من الجدّي وسهيل
‏ولا يصير اقرب من زرار ثوبي ..

" أنا خير عُمري كله مقابل وجهك
ياجعل وجهك من بد الوجيه مايزول " .

- « قلبي معك لو شفت جسمي مع الناس »

‏«ودي اني في مكانٍ مستحيز وخلوة
‏ما تجيه إلا السَّحابة يوم تنثر ماها»