نجي على التنوين حيكون اما تنوين ضم ( ٌ ) او تنوين فتح ( ً ) او تنوين كسر ( ٍ )

الأحكام حتكون :
اظهار
إخفاء
ادغام
اقلاب

الاظهار
اذا جان عدنا نون ساكنه او تنوين وراها (ء ، ه ، ع ،ح ، غ ، خ)
الي مجموعه في أوائل عبارة (أخي هاكَ علماً حازهُ غيرَ خاسرِ)
ركزولي على فد شغله الالف اذا اجى عليها همزة يعني ( أ )هيج راح نعتبرها حرف اظهار

الادغام : اذا اجى النون الساكنة او التنوين وراها احد حروف كلمة (يرملون) وراح يكون نوعين
١_ادغام بغنة/ لمن يكون النون الساكنه او التنوين وراها احد حروف كلمة (ينمو)
٢_ادغام بغير غنه /لمن يكون النون الساكنه او التنوين وراها احد حروف كلمه (رل)
انتبهولي على فد شغلة انه الادغام مامكن يجي بكلمة وحده عكس باقي الأحكام لان الادغام اذا يجي بكلمه راح يكون متشابه ويه غير حكم وهذا الشي ماموجود بالمنهج ف مانستخرجه

جيبو ورقه وقلم اكتبو هالملاحظات خصوصا الشغلات الي كتلكم انتبهو عليها حتى ماتنسوها

الاخفاء/حيكون وسط بين الادغام والاظهار
اذا اجى وره النون الساكنه او التنوين واحد من الأحرف الي بعبارة(صف ذا ثنا كم جاد شخص قد سمى دم طيبا زد في تقى ضع ظالما)

عدنا اخر شي الاقلاب اذا اجتي نون ساكنه او تنوين وراه حرف ب ف يقلب إلى حرف الميم
اكو شغله ركزولي عليها ممكن تعرفون بيها الاقلاب بكل سهولة انه النون اذا اجى عليها حرف الميم صغير هاي معناه هذا اقلاب

زين هسه شون ممكن تجينا الاسئلة:
اولا/استخرج الحكم مع بيان السبب
ثانيا/عرف الحكم مع ذكر مثالين(المثالين يُفضل تكون آيات قرآنية )
ثالثا/استخرج الأحكام الواردة ومالحكم الذي لم يرد عرفه مع ذكر مثالين عنه
رابعا/لماذا لايجوز الادغام الا في كلمتين

طلابي اكو ملاحظات الفوك قبل هاي تره مهمه اقروها لاتنسون

مساء الخير ابطالي
اليوم للي عندهم تراكم سورة البقرة
ناخذ ساعة للسورة

مساء الخير طلابي
حناخذ تحضير جديد الي هو أول قسم من نظام الأسرة في المجتمع لحد التحريم المؤقت نمتحن بيه الأربعاء
__________
اما الي عندهم تراكم ناخذ اليوم وية التحضير ساعتين ل تفسير السورة واذا تحتاجون اي شرح يمكم
شوية ضغط عليكم ادري بس حتى تلحكون بينا وميفوتكم شي

مساء الخير
لاتنسون باجر امتحانا ساعه ٨ مساءً
اول جزء من نظام الأسرة في المجتمع إلى حد التحريم المؤقت +أحكام التلاوة

مساء الخير لاتنسون الامتحان اليوم ساعة ٨ مساءً

طلابي الابطال هذا الامتحان
وقت الامتحان ٤ ساعات من ٨ مساءً إلى ١٢ منتصف الليل
ابطالي لاتنسون الاسم على الورقه
وتاكدو زين من الحل قبل لاتدزوه لا تدزون حلكم مرتين
وحولوه ال pdf قبل لاتدزوه
حولوه إلى pdf هنا @pdfAmbot وبعدين دزوه النا هنا @ppoltd9bot
بالتوفيق ياربب🤍💫شدو الهمة أبطال انتو

ليهسه محد امتحن ليش ؟

انتهى الامتحان

شكراا هواي للطلاب الي امتحنو والتزمو
طبعا الاغلب كال ما لحكنا والماده هواي
عيوني انتو غير تشدون على نفسكم هالفترة تره ماكو شي يجي بدون تعب