ليش هيج جاي تمتحنون اقل؟ليش تتراخون؟

طلابي الي عنده تراكم بالاسلامية الوحده الاولى خل يراسلني @ppoltd9bot

طلع هواي عندكم تراكمات
اريد منكم تلتزمون وياي
الاسبوع بيه ٧ ايام كل يوم ساعتين مو اكثر للتراكمات
راح تخلص
من اليوم نبدي الي عنده أحكام التلاوة تراكم ساعتين
اول شي تقرون الماده بالكتاب وبعدين حل تمارين الكتاب والوزاريات هيج يكون نضبط الموضوع واذا عدكم اي سؤال أو أي شي مفاهميه كولولي

هاي الملاحظات مهمه

.

وهاي هم

خلو ببالكم هذا مستقبلكم والإسلامية ماده مهمه اذا تقروها صح ترفع المعدل وتفيدكم كلش أبطال شدو الهمه والتزمو زين
صح تعب فتره بس تهون وتخلصون وتصير سوالف

طلابي اكو طلاب رادو اشرح أحكام التلاوة
يلة تعالو خل نوضح الكم الأحكام ركزو وياي :

هسه احنا من نستخرج الأحكام بس النون الساكنة والتنوين ، النون الي عليها حركه ممنوع نستخرجها ابدا
عدنا النون الساكنة حتكون ٣ أشكال:
١_نْ
٢_ن يكون عليها مثل حرف الحاء

او تكون ماعليها اي حركه

نجي على التنوين حيكون اما تنوين ضم ( ٌ ) او تنوين فتح ( ً ) او تنوين كسر ( ٍ )

الأحكام حتكون :
اظهار
إخفاء
ادغام
اقلاب

الاظهار
اذا جان عدنا نون ساكنه او تنوين وراها (ء ، ه ، ع ،ح ، غ ، خ)
الي مجموعه في أوائل عبارة (أخي هاكَ علماً حازهُ غيرَ خاسرِ)
ركزولي على فد شغله الالف اذا اجى عليها همزة يعني ( أ )هيج راح نعتبرها حرف اظهار

الادغام : اذا اجى النون الساكنة او التنوين وراها احد حروف كلمة (يرملون) وراح يكون نوعين
١_ادغام بغنة/ لمن يكون النون الساكنه او التنوين وراها احد حروف كلمة (ينمو)
٢_ادغام بغير غنه /لمن يكون النون الساكنه او التنوين وراها احد حروف كلمه (رل)
انتبهولي على فد شغلة انه الادغام مامكن يجي بكلمة وحده عكس باقي الأحكام لان الادغام اذا يجي بكلمه راح يكون متشابه ويه غير حكم وهذا الشي ماموجود بالمنهج ف مانستخرجه

جيبو ورقه وقلم اكتبو هالملاحظات خصوصا الشغلات الي كتلكم انتبهو عليها حتى ماتنسوها

الاخفاء/حيكون وسط بين الادغام والاظهار
اذا اجى وره النون الساكنه او التنوين واحد من الأحرف الي بعبارة(صف ذا ثنا كم جاد شخص قد سمى دم طيبا زد في تقى ضع ظالما)

عدنا اخر شي الاقلاب اذا اجتي نون ساكنه او تنوين وراه حرف ب ف يقلب إلى حرف الميم
اكو شغله ركزولي عليها ممكن تعرفون بيها الاقلاب بكل سهولة انه النون اذا اجى عليها حرف الميم صغير هاي معناه هذا اقلاب

زين هسه شون ممكن تجينا الاسئلة:
اولا/استخرج الحكم مع بيان السبب
ثانيا/عرف الحكم مع ذكر مثالين(المثالين يُفضل تكون آيات قرآنية )
ثالثا/استخرج الأحكام الواردة ومالحكم الذي لم يرد عرفه مع ذكر مثالين عنه
رابعا/لماذا لايجوز الادغام الا في كلمتين

طلابي اكو ملاحظات الفوك قبل هاي تره مهمه اقروها لاتنسون

مساء الخير ابطالي
اليوم للي عندهم تراكم سورة البقرة
ناخذ ساعة للسورة