مساء الخير ابطالي
تحضيرنا يوم الأربعاء قصه اهل الكهف امتحان بيها
ح انزللكم كم شغله تفيدكم

تعالو نحجي القصه ونفهمها قبل لانحفظها
هسه اول شي مبدئيا عدنا الآيات الضمنية لازم نقراها لان مرات يكول استدل بدليل قرآني ف مانكدر نعوفها بس في حال ماراد احنا نكتب الآيات حتى يكون جوابنا قوي

راح احجيلكم قصه اهل الكهف
جان اكو فد شباب هذول جانت اخلاقهم طيبة ومؤمنين بالله وماشين بالطريق الصح بس همه عايشين ب مدينه جان قومها مشركين ومؤذين المشكلة مو هنا المشكلة انه ملكهم همين كلش ضالم وكافر واذا شاف واحد مايعبد الالهة مالتهم رأسا يقتله او يعذبه حتى يؤمن ب الالهة مال الكفار ويعوف دين التوحيد

ف هذول الشباب مؤمنين كلش برب العالمين ومايردون قومهم الكفار يجبروهم يعوفون التوحيد ويخافون من الاذية ف فكرو يهربون من قومهم ، زين همه وين مايرحون ممكن قومهم يلكوهم ،لكو حل يرحون للكهف هناك حتى محد يلكاهم

همه جان عندهم ثقه برب العالمين قوية ف كالو خل نضل بالكهف ورب العالمين هو يدبر النا أمور عيشتنا ويحمينا
اول ماوصلو هناك سوو عباداتهم وكملو وقرروا ينامون

همه عساس دينامون كم ساعه بس شاء الله يخليهم معجزة وآية انامهم 309سنه

خلال هاي السنوات جان رب العالمين حاميهم كلش ب ابسط الأمور تخيلو جان يقلبهم يمين وشمال اثناء نومهم حتى اجسادهم ماتتاثر بالأرض ومايتاذون

وهم جان رب العالمين يخلي الهواء يجيهم نسيم عليل حتى مايتاذون وهم الشمس ابد ماتوصللهم يعني اذا جتي تشرق تميل عنهم واذا تغرب هم اشعتها متصير عليهم

وخلى عيونهم مفتوحه بطريقه تخوف وكلبهم همين عبالك همه كاعدين ليش؟علمود يحميهم اذا اجى احد من الكفار وشافهم راح ينرعب من منظرهم ومايوصل الهم حتى ياذيهم

بعد هاي السنوات الطويلة كعدو
ف شنو واحد ضل يسأل اللاخ احنا شكد نمنا واحد يكول يمكن يوم وواحد يكول يمكن بضع يوم بس واحد منهم كاللهم خلوها الله اعلم
ف بعدين حسو بالجوع وهمه ماعدهم اكل دزو أصغر واحد بيهم ونطوه فلوس حتى يشتري اكل بس وصوه يتخفى ويتعامل بأسلوب كلش حلو حتى محد يكشفه

وصل اصغرهم للمدينه شاف اشو المدينه تغيرت ومعالمها مختلفه مايندل بيها شي ، جان يشوف واحد هناك وساله عن مكان بيع الطعام ، استغرب الرجل وساله اذا هو غريب كال اله لا بس اريد طعام ف شنو الرجال أخذه لمكان بيع الطعام وراح اختار احسن طعام وطلع فلوس (عملات) دينطيها لابو الطعام اشو هذا استغرب يشوف هاي فلوس اثريه مو الفلوس الي يتعاملون بيها هسه فعباله لاكي فد كنز

التمو عليه الناس وصارت هوسه علمود سالفه الكنز بعدين بالاخير افتهو قصته وطمنوه كاللوه يابة الملك الظالم راح وبعد ماكو كفار كلنا موحدين هسه وره شوية وصل الخبر للملك هو ماصدك بالبداية ف دز عليه وفهم منه القصه بس هم بعده عنده شك جان يكله خل نروح للكهف نشوفكم
اضغر اهل الكهف رجع للكهف قبل لايجون الناس ف شنو استعدوا لاستقبال الناس جان يوصلون ويشوفون صدكو
رجعو للملك وكالوله ف هو قرر يروح للكهف يشوفهم

بس همه رجعو نامو من وصل الملك لكاهم ميتين وهنا الناس طلبو من الملك يبنون مسجد يصلون بيه يم باب الكهف وقبل الملك

وهذا المسجد لليوم موجود ب الاردن

انتهت القصه 🤍..

اتمنى هالشرح شوية فادكم تفهمون القصه قبل لاتحفضوها وسهلها عليكم

ان شاءالله الأربعاء امتحاننا بيها
لاتنسون الآيات الضمنية تقروها
وراجعو الأحكام 🤍

للتنويه فقط يوم الاربعاء والخميس راح يكون عطلة !!
ومراح ناخد امتحان او تحضير خلال هليومين ........

اما اليوم ولي هو الثلاثاء عندكم امتحان باليل الساعة 8
- احياء
- الادب
- قواعد عربي
- قواعد انكليزي

طلابي هالاسبوع محيكون عدنه امتحان او تحضير
يعني امتحان اهل الكهف يتحول إلى الأسبوع القادم

يلة هاي خوش فرصه للي مراكم عليه ماده او الطلاب الجدد علمود تلحكون تقرون الي فاتكم 🤍
اني هنا يمكم اي شي تحتاجون گولو

أبطالي محتاجين شي؟
اكو شي ما فاهميه اساعدكم بيه؟
@ppoltd9bot