والله جذب كل يوم ادخل 20 واحد 19 واحد يغلس وما يفتح تليكرام بوقت تصحيح او يغادر كروب تصحيح ويبقى بس واحد يصحح ومتعبة صراحة كل يوم اجيب وهم محد يلتزم ...... ❤️

المشكلة المتبرع لازم يلتزم مو يوم واحد ويشرد احنا عندنا جدول كل اسبوع عندنا 12 امتحان لمواد مختلفة وهواي طلاب مشاركين ويانا.

بس عجبتني هذا الاقتراح نرجعله بعدين ......

مصححين يدخلون يشوفون الوضع بس بعدين ما يعجبهم يطلعون شنوا سبب مانعرف؟ بعد عليمن دخلون وتضيفكم ست براء وبعدين طفرون !

هذا الوضع يتبرعون والصبح الكى لو مغادرين لو ميدخلون الكروب حتى .........

ست بس اصبري النا احنه دفعة 25خلنكمل سادس وعيونا الج احنه نصير مصححين اذا سويتي دورات للدفعات القادمه 😭✨✨

نفس النكته سمعته من دفعة 24
كالو بس انخلص الدور الاول كلنا وياج وبس خلصو كلهم شغلو وضع الاختفاء التام 😂

على كل حال بعد هواي اقتراحات اعلان من جديد نحتاج للمصححين !!

منتظمين كل اسبوع يلتزمون بالتصحيح ودون مقابل !! لان الدورات مجانية فقط للفائدة نفسه وفائدة طلاب ويكسب اجر

لي يحب يتبرع رجا لا يتراجع من كلامه ويبقى ملتزم وع كد كلامه

لي يتبرع يراسلني بالبوت يكتب المواد لي يصححهم واسمه الثلاثي @New21zbot

تگدرون تسون الامتحانات ع Google forms

صح بس اختيارات ميكون مضبوط الطالب لازم يضبط المادة ويكتب ويمتحن بالورقة مو اختيارات ماراح يكدر يضبط المادة .........

ست حولي رسالتي طلاب د 25 حتلو اي احد واحد منكم يتبرع لماده نخفف الضغط عليهم مراح ياخذ من وقتكم بوقت الفراغ صححوو ✨🦋

تحضيركم لهذا اليوم
الادب /
انكلش قواعد/
قواعد اللغة عربي/
احياء/

فد ملاحظة الادب امتحانكم اليوم !!

لان الادب امتحان ومحاضرة بنفس اليوم ☺️❤️

يعني اليوم عدكم امتحان ب الادب الحديث فقط

اليوم امتحان الادب ماعدكم امتحان ثاني!

وهي بداية الكتاب !!

تفضلو ادرسوه https://t.me/ppoltd5/11?single

طلاب شدو حيلكم اليوم نبلش للادب من بداية الكتاب يعني شد حيلكم حتى تسيطرون للادب من البداية وبالتوفيق !!❤️

امتحاناتكم لهذا اليوم

الادب / القواعد / الاحياء / انكلش قواعد

ليش نايمين؟!
لي ملتزمين ويانا قلوب وتفاعلات❤️

بالنهاية اني احذركم !!
الدورات مجانية واني ما طلبت منكم اي شي .

ما طلبت منكم شي غير الالتزام ....
وانتو شايفين الترتيب !!

- جدول اسبوعي
- امتحانات ينزل بوقته
- دورة مرتبة
- تصحيح اكو

وين تلكون دورة مجانية بهذا الترتيب ؟!

اذا قل عدد الملتزمين راح نتوقف !

يعني من ينتهي الشغف راح نتوقف وبعد ما ننزل كل شي ❤️‍🔥

ف كل طالب يشارك للامتحانات وشاركو القناة حتى يزيد العدد وما يقل عدد طلاب بس يقل راح نتوقف لان تعبنا راح يروح على فراغ حرفيا !!