‏⁦ ياتركي⁩ الحــظ الردي سمني سم
‏دمـر عليـه كـل شــيءً بنيته

‏والعيــن تذرف دمعهــــا كنـه الدم
‏سبة غـــزال الريـــم غـــروٍ هويته

غيابي ماهيب اشغال لكن من الله خوف
وانا حسب معرفتي لبعض الاوادم قست
كبار العقول (تهز ضلع الهدا وصفوف)
وخفاف العقول(تهز وسط المدَل بست)

‏يا ليت لي قدره على طيّ الأيام
‏ وأقدر أعيـد سنين وأقـدّم سنين
‏-
‏ودي أنام اللحين وأصحى قبل عام
‏ العام كان أجمل بـ واجد من الحين

'

يا وجودي وجّد منْ فقد ما سره
بين حزنه وضيقه ودمْعه المنهلي

والله اني ماذخرت من المحبْة ذرة
مندفع له كل ابوي ومتجه له كلّي

واللي هاجرني دون معنى وتفّسِير
ابركَ محاصيل الجفى في ذهابه

هذي نهاية الحب من دون تقصير
تركني يحسب إني بفقده في غيابه

‏عجزت أناظر الدنيا بعين انكسار
‏ادعس على صواديف الايام واهينها

‏ما يتعذر بالظروف الا عديم الانتصار
‏وما يبكي من الحياه الأ مساكينها

‏احبك حسبي ⁦ الله⁩ ليت مالك في سماي بروج
‏ولا لك في البسيطة كود شي بينك و بيني

‏دخيلك لا تلفت رح بفالك واترك المسهوج
‏تغانم ما بقى لك ولا انا ما عاد يمديني

‏⁦ فمان⁩ ⁦ الله⁩ ⁦ سق⁩ ⁦ ركبك⁩ على درب السنين العوج
‏ولكن طالبك لا اقفيت عني لا تخليني

ياصاحبي ياكبرها من فشيله
تكيد لي كيد النساء وانت رجال؟

اخر ظهور لصاحبي قبل عامين
واخر ظهور لدمعتي قبل ساعة
يا دموع عيني طالبك لاتهلين
مالي على جور الليالي استطاعة..

‏والله اني ما هقيت انك مداك قريب
‏شانت ظروف الزمان وشان وجهك معها

‏كل ما بانت خفيه قلت طيب طيب
‏من بغى فحص الضماير لازمٍ يوجعها

‏الكلام ارخص عموله والفعول تشيب
‏هات انا من شافها وتروح انا سامعها

‏⁦ انتهى⁩ ⁦ وضح⁩ ⁦ النقا⁩ ⁦ في⁩ ⁦ العالم⁩ ⁦ المتسيّب⁩
‏عالمٍ درب ⁦ النقا⁩ والصدق ما ياسعها

لاكن ذكرك يطفي معي لهيب الكنه
انا ريف قلبي يوم بانت خيوط الليل

مداهل قومً جعل مثواهم الجنه
الأول يرد الابل و الاخر يعسف الخيل

‏ياعيوني فيك للعبرة مواري
‏عزتي للمشتحن من دمع عينه

‏تسعة اشهر جارية والدمع جاري
‏مابقى ياعين شي تذخرينه

‏لادرى حي ولا حي ن بداري
‏يدري الي عز مكه والمدينه

‏يالله اشرح خاطري عقب الطواري
‏وارحم الي دايمن نفسه حزينه

‏بن شايق

‏سقنا الهقاوي الى العليا وساقتنا
‏عزايمٍ من ظروف الوقت مالانت

‏وان جات زلة رفيقٍ ، من رفاقتنا
‏ماضاقت اخلاقنا منها و لاشانت

‏الا لامنها تعدت فوق ... طاقتنا
‏نصد و النفس ، لاذلت ولاهانت

‏حتى و لو نرجع و ترجع علاقتنا
‏لايمكن انها بترجع مثل ماكانت

‏ان جاك صاحب يسألك وين مغليك
‏قله رحل شايل من الهم ضيقه

‏اما ⁦ على⁩ ⁦ قول⁩ ⁦ البدو⁩ خاب راجيك
‏ولا ⁦ على⁩ ⁦ قول⁩ الحظر في حريقه

بين قلب ما يبي غيرك وقلبٍ عاف حبك
صرت انا نصفين مدري هو أبيك او مابيك
ليت أقطع ياحبيبي اي حبالٍ ترتبط بك
ليت مالك اي مشاعر ليت ماجاني يجيك..

‏يا رفيقي كل ماخابت كبار الظنون
‏لا تهاون في عزومك وقو إرادتك

‏السوالف بعض الاحيان ضرب من الجنون
‏والعرب ماهيب ملزومه .. بسعادتك

‏لاتسولف عند ناسً عليك بيشفقون
‏والله ان ماهوب بطبعك ولا هي عادتك

‏وابتسم لو كان دمعك يطل من العيون
‏ولا تبين ضعفك الا على .. سجادتك

‏⁦ ياداعي⁩ ⁦ الناس⁩ ⁦ لاتدعيني⁩ ⁦ التالي⁩
‏تروح كنك من المشرّوه متبرّي
‏
‏انا مع الاولين أقلط على فالي
‏أقلط ووجهي قوي مانيب متذرّي

‏كرامتي طبعـها تستعبد ريالي
‏رفعتها لين صارت كوكب ذرّي

‏أليا بدا نقص في حالي وفي مالي
‏على كثير العرب مانيب متجرّي

‏اترك ملايين وانصى واحدٍ غالي
‏اما قضى لازمي ولاحفظ سري