عايز أقول اني مبحبش اللي بيحاول يتقل عليا ، ولا اللي يقارني بحد ، ولا اللي بيتأخر عليا في الرد ، مبحبش اللي بيستغل نقطه اني بحبه ويتجاهلني .. الحاجات دي كلها بتجيب معايا نتائج عكسيه وبتكرهني في اللي قدامی جدا وحرفيا ببقى من جوايا معنديش ای استعداد إني اتعامل مع أي حد بيعمل كده

كنت هروح أتكلم مع حد بعدت عنه وأقوله انه وحشنى بس لما دخلت أكلمه افتكرت كل كلمة قالها ضايقتني ، كل موقف و لحظة حصلت كان سبب فيها ف انكساري..متكلمتش بس للأسف غصب عني بيوحشني لان مشاعري كانت صادقه من نحيته عشان حبيته بجد ، بفكر فيه ديماً وعمري ما كنت هنساه بس هو نسيني وعايش عادي !

اتضح ان المقصود من عبارة "شِدّة وتزول" إنك أنت اللي هتزول، مش الشِدّة.

المعني الحقيقي لل fav person انه يكون شخص شايل عنى مش بيهلك فيا وبيزود عليا ، شخص فاهمنى من جوايا ، شخص بيعدي معايا ظروفي وبيشجعنى أتخطى كل الهموم والدوشه الل جوايا ، شخص قابلنى بظروفي ولخبطي وطبيعتى من غير محاولات تبينى حلو ف عينه ، شخص وجوده بيخلينى مطمن ومرتاح نفسياً .

‏ما تكمّلش في عِلاقة مش واضحة، من حقك تسأل وتفهم وتطالب بحقوقك وتتراضى وتتسمع وتتفهم ويتخاف على زعلك، دي أبسط حقوقك فما تتهاونش فيها، لو اللي قدامك متغيّر تسأله إيه مغيّره معاك؟ ولو بيتجاهلك اِفهم منّه بيعمل كدا ليه؟ اسأل مرة واحدة بس عشان تبقى عملت اللي عليك وحاولت تفهم،

تخيل بعد كل المعافرة دي والعلاقات الفاشلة ، تقابل حد ويكون زي ما ام كلثوم ما قالت " صالحت بيك ايامي ، سامحت بيك الزمن " ويكون لسه عندك طاقة انك تديله حب تاني وتعمل معاه اللي متعملش مع حد وتقوله " الليالي الحلوه والشوق والمحبة ، من زمان والقلب شايلهم عشانك".

هيفضل من أجمل علامات الحب بالنسبالي إن شخص يكون بيفكر فيك و هو مشغول جدا بيسحب نفسه ف وقت الزحمة علشان يكلمك بيخطف الفرصة ف عز السحلة و ممكن يكركب مواعيده عشان يشوفك بتوحشه و هو حواليه كل حبايبه يحس انه محتاجلك حتي لو هو بيعرف يعمل كل حاجه لنفسه افعال ليها معاني كبيرة

‏بقيت أتمنى قلبى ما يتعشمش بحاجة مش مكتوباله ولا ربنا يزرع جوايا أمل لحاجة مش هتكون من نصيبى ، أتمنى ما تجيليش الحاجة بعد فوات أوانها وأكون إستنيتها كتير ، أنا بطلت أدعى بالحاجات اللى كُنت بتمناها كُلها وبقيت أكتفى بيارب إبعتلى الخير .. الخير حتى لو مش اللى بتمناه ...

آللهم أصلح لنا فساد قلوبنا و أحسن خاتمتنا وتوب علينا إنك أنت التواب الرحيم 🤲

حرفياً مفيش حاجه أو حد يستاهل نخسر نفسنا عشانه أو نضيع عُمرنا هباءً بسببه أو نخسر كرامتنا عشانه أو حتى نرضى بأقل مما نستحق ، كفاية لحد كده واعرفوا قيمة نفسكوا ، الكل هيمشي الي هيفضل بس هو الي يستاهلك وبيحبك بجد بنتوجع بس الأهم منوجعش ونسيب ذكرى حلوة ف كل الي هنقابله..

وقالت : ‏بمناسبة الصحاب عايزه اقول مش بالصور وكترالخروجات والرغي، مش هتعرفي صحابك فعلا غير وانتي لوحدك فى ازمه او فتره صعبه ومش طايقه حد في حياتك مش هتعرفي حبهم ليكي غير وسط الخنقه والزعل ولو ماشوفتيش حد سند فى الفتره الصعبه اللي بتمر بيها في حياتك أعرفي انك عمرك ما صاحبتي ناس عدله♥️

لحظات الانسحاب من أي علاقة، هي الأقسى، توديع صديق، إنهاء علاقة بعد كلام مطول لساعات سحبك من يومك.

إدراكك إن الأمور خلاص كدة انتهت، مفيش أمل، الكلام اللي اتقال مضمونه إن مفيش أمل، وإنت وقعت في اختيار خاطئ، ربما هو جديد يُضاف لقائمة اختيارات طويلة كلها غلط.
...

لا يدري أحدنا ما يصيبه بعد لحظة من الآن ، ولا أدرى كيف تكون خاتمتي .
ولكن أوصيكم جميعاً حين يقضي الله أمره في
أن تدعو لى بأن يغفر الله لي ويتجاوز عنى
واذكروني بخير فى مجالسكم وسامحونى عن سهوي و ما بدر منى من سوء ولا تنسوني من دعائكم ،
و من انتفع بكلمة طيبة مني فليحتسب لى الاجر
ومن أسعدته ولو مرة فليسعدني بدعاء منه بعد موتي
وإن كنت سيئة فيما بينكم فلتدعوا لى بالرحمة و تجاوزوا عن السئ مني فضلاً منك
ولا تدفنوني ليلاً فإني أخشى الظلمة
ولا تهجروني فإنى اخاف الوحدة
وكونوا على وصال بى بالدعاء والصدقة 🖤

زمان قالوا : (اِمشي عِدل يحتار عدوّك فيك) ،بس للأسف الأعداء اختلفوا كتير عن زمان، أغلب العداوات زمان كانت بتبدأ بخِلاف أيًا كان بقى إيه هو نوع الخِلاف ده ؛ لكن حاليًا مُمكن يبقى ليك أعداء مفيش بينك وبينهم مشاكل من الأساس، بس هما قرروا يكونوا أعدائك لإنّهم شايفين الناس بتحبّك وسيرتك دايمًا بتتذكر بالخير فإزاي يسكتوا! لأ لازم يحاولوا يشوّهوا صورتك بأي شكل .. والنوّعيات دي من الناس مالهُمش وصف غير إنّهم ناقصين.

من فضلك ماتحكمش عليا بناءً على النسخة القديمة اللي انت عارفها عني
انا كل يوم بتغير
بتطور
بكبر
بنضج
الشخص اللي حبيته في الماضي مابقاش انا
والشخص اللي كرهته في الماضي برضه مش انا
انزع عن قلبك كل شعور تكنه لشخص كان في مرحلة ما من حياتك لأن الشخص اللي عرفته زمان لو قابلته دلوقتي هتلاقيه شخص مختلف تماما لا بيحب نفس الحاجات ولا بيكره نفس الحاجات ولا بينبسط بنفس الحاجات

نسخة الماضي ثابتة في ماضيك لكنها مش أنا.

"عمري ما كرهت في حياتي قد القسوة في كل حاجة؛ عمري ما نسيت كلمة أو حوار أو نظرة عين قاسية؛ أكتر حاجة بتعلم في القلب ومش بتتنسي هي القسوة حتى لو من شخص مش بيمثل حاجة بالنسبالي حاليًا؛ فاللهم باعد بيننا وبين القاسية قلوبهم والكاذبة ألسنتهم وقرب إلينا من يجبر الخاطر ويحفظ الود ويصون العشرة ."

كل شخص وله طبع..
بس عاوز اقولك لو لقيت طبع السهولة في شخص.. إوعي تفرط فيه!.
الإنسان السهل.. مفيش أنضف منه.
- سهل يسامحك ويعذرك لو قصرت.
- سهل تطلب منه حاجة.
- مفيش أسهل من النقاش معاه.
- سهل تاخد رايه لأنه مش هيحبطك.
- عاوز تكلمه هتوصله بسهوله.
النار متاكلش السهل، البسيط، اللي مصالحته قريبة، وعتابه خفيف.. زي النسمة.. تلاقيه قاعد تشد كرسي وتجري تقعد جنبه.. الإجتماعي بعقل وحدودي بإحترام، اللي خصامه صمت، وفرحته من فرحة اللي حواليه.
خليك بسيط.. سهل.. متخوفش حد منك بجمودية عينك وكلامك، ومتبنيش حواجز نفسية بينك وبين اللي حواليك.. الناس في الغياب أنواع.. فيهم اللي لو غاب نستريح منه، وفيهم اللي لو غاب منرتاحش إلا بحضوره.
من كان نصيبه ف الدنيا لين قلبه ف قد فاز❤️

- Aya Abd El Aziz

قرأتُ عبارة ذات مرةٍ تقول: " إن الله يُخبئك لمن يُشبهك" وأشعر أنها عبارة مُطمئنة جدًا، بمعنى أنه مهما قابلتَ من أشخاصٍ مؤذيين، أو أشخاص على غير طبعِك وطيبتِك، أو لم يتناسبوا كليًا معك، بآخر المطاف ستجد الله يُخبيء لك الذي يُشبهك وعلى مِقاس قلبك تمامًا.

‏هل جلست يومًا على الرصيف لأن أقدامك لم تعد تحتمل عبء أثقالك؟
جلست وأنت مُحطم بالخذلان..
الخيبات والهزائم..
وشعور إنك لم تحقق شيء..

انا فعلت.