Суякларни мустаҳкамловчи ёнғоқ

Бу ёнғоқ тури кешью бўлиб, у асосан пўстлоқсиз сотилади. Негаки пўстлоғи остида терини куйдирувчи заҳарли ёғ мавжуд. Истеъмол учун хавфсиз маҳсулотга айлантириш мақсадида ёнғоқ термик қайта ишлаш жараёнидан ўтказилади. Ушбу экзотик ёнғоқ артерия қон босимини меъёрга солиб, қон айланиш тизими билан боғлиқ касалликлар (атеросклероз, камқонлик, инфаркт, инсульт) ривожланиши хавфини камайтиради. Кешью таянч-ҳаракат тизими фаолияти учун ҳам жуда фойдали бўлиб, суякларни мустаҳкамлайди. Ортиқча вазндан қутулишни истаганлар учун мутахассислар парҳезга кешью ёнғоғи қўшишни тавсия этишади.

Кешью таркибида А, В2, В1 каби витаминлари, рух, фосфор, кальций, темир моддалари мавжуд бўлиб, ушбу фойдали элементлар тўплами ёрдамида у антибактериал ва антисептик хусусиятларга эга бўлади. Кешью иммун тизимини мустаҳкамлаб, қондаги холестерин миқдорини меъёрга солади, шунингдек юрак-қон томир фаолиятини яхшилайди.

Гулчеҳра АЗИМОВА тайёрлади.
👉 @postdarasmiy

Ҳам саёҳат, ҳам зиёрат

Даврлар ўтиб ёш йигитлар шижоатли ходим, малакали устоз ва айни пайтда соҳада кўп меҳнати синган кекса фахрийга айланди. Уларга доим ёш авлод вакиллари томонидан иззат-икром ҳурмат кўрсатилишининг сабаби ҳам шунда. Мамлакатимизда 1-ноябр кунидан 30-ноябр куни қадар “Кексалар учун туризм ойлиги” деб эълон қилингани муносабати билан Навоий вилояти ИИБда узоқ йиллар хизмат қилиб, ҳозирда нафақа гаштини сураётган бир гуруҳ фахрийлар учун қадим Нурота туманига саёҳат ташкил этилди. Фахрийлар саёҳат давомида “Чашма” зиёратгоҳида бўлиб, унинг ташкил этилиш тарихи, авлиёлар шарафига бунёд этилган обидалар билан яқиндан танишдилар. Ўзаро суҳбат қуриб маданий ҳордиқ чиқаришди – табиийки, кайфиятларида кўтарингкилик пайдо бўлди.
Бу каби тадбирлар вилоят бўйлаб кенг миқёсда давом эттирилмоқда.
Ўз мухбиримиз,
Навоий вилояти.

Гиёҳвандликка қарши кураш

Пойтахтимизнинг Мирзо Улуғбек туманидаги 241-мактабда туман ИИБнинг масъул ходимлари иштирокида ўқувчи-ёшлар билан тарбиявий учрашув ташкил этилди. Тадбирда асосий мақсад — ёшлар ўртасида гиёҳвандликка қарши курашиш, уларнинг ҳуқуқий ва маънавий онгини ошириш, зарарли одатлардан ҳимоялашдан иборат бўлди.
Учрашув давомида мутахассислар томонидан гиёҳванд моддаларнинг инсон саломатлигига етказадиган жиддий хавф-хатарлари, уларнинг руҳий ва жисмоний барқарорликка салбий таъсири атрофлича ёритилди. Шунингдек, гиёҳвандлик билан боғлиқ ҳуқуқий оқибатлар, қонунбузарликка олиб келувчи омиллар ва улардан сақланиш йўллари мисоллар асосида ёшларга етказиб берилди.
Тадбир очиқ мулоқот руҳида ўтди. Ўқувчилар ўзларини қизиқтирган саволларга мутахассислардан батафсил жавоблар олдилар. Бундай учрашувлар ёшларда танлов масъулиятини шакллантириш, уларнинг онгида соғлом турмуш тарзини мустаҳкамлашда муҳим аҳамият касб этади.
Гулистон ҚОДИРҚУЛОВА,
маънавий-маърифий ишлар бўйича директор ўринбосари.

Keksalar uchun turizm oyligi

Faxriylar uchun sayohat

"Keksalar uchun turizm oyligi" doirasida Toshkent shahar IIBB PPX brigadasi rahbariyati tashabbusi bilan tizim faxriylari uchun sayohat tashkil etildi. Xususan, sayohat ishtirokchilari Toshkent shahrida joylashgan Islom sivilizatsiyasi markazi hamda Toshkent viloyatidagi “Zangi ota” ziyoratgohiga borishdi. Faxriylar ushbu tarixiy va ma’naviy maskanlar bilan yaqindan tanishib, markaz faoliyati, ekspozitsiyalar va ziyoratgoh tarixi haqida ma’lumotlarga ega bo‘lishdi.
O‘z muxbirimiz,
Toshkent shahri.
👉 @postdarasmiy

Ғозғонда навбатдаги профилактика

"Хавфсиз ва соғлом юрт" тезкор-профилактик тадбири доирасида Ғозғон шаҳрида тунги йўриқнома ўтказилди.
Унда жиноят ва ҳуқуқбузарликларнинг олдини олишга қаратилган қатор чора-тадбирлар белгилаб олинди. Шундан сўнг, масъул ходимлар томонидан шаҳар ҳудудида назорат-рейд тадбирлари амалга оширилди. Аҳоли гавжум жойларда фуқаролар ҳамда ҳайдовчилар билан тарғибот-тушунтириш ишлари олиб борилди.

Ўз мухбиримиз,
Навоий вилояти.

Oʻzbekiston Aralash jang sanʼatlari assotsiatsiyasi tomonidan Uchtepa tumanidagi “MMA5” va Chilonzor tumanidagi “Barlos” sport klublarida hamda 184- va 202-maktablarda murabbiylar va yosh sportchilar bilan uchrashuvlar uyushtirildi
———
Ўзбекистон Аралаш жанг санъатлари ассоциацияси томонидан Учтепа туманидаги «ММА5» ва Чилонзор туманидаги «Барлос» спорт клубларида ҳамда 184- ва 202-мактабларда мураббийлар ва ёш спортчилар билан учрашувлар уюштирилди

👉 @postdarasmiy

Туманда хавфсизлик текшируви

Пойтахтимизнинг Чилонзор тумани масъулларидан иборат ишчи гуруҳ томонидан ҳудудда кенг қамровли ўрганишлар олиб борилмоқда. Жумладан, “Қатортол” бозори автотураргоҳи жойлашган ҳудуд ҳамда “Олмазор” метробекати атрофи кўздан кечирилди.
Ўрганишлар жараёнида аҳоли учун хавфсиз муҳит яратиш, содир этилиши мумкин бўлган жиноятчилик ҳолатларининг олдини олишга қаратилган ишларга алоҳида эътибор қаратилди. Шунингдек, мазкур йўналишда амалга оширилиши лозим бўлган чора-тадбирлар юзасидан масъулларга тегишли кўрсатма ва топшириқлар берилди.
Ишчи гуруҳ томонидан ҳудудлардаги ўрганишлар белгиланган тартибда давом эттирилади.
👉 @postdarasmiy