Xorazm IIBda har bir murojaat eshitilmoqda

Xorazm viloyati IIB boshlig‘ining o‘rinbosari — Ma’naviy-ma’rifiy ishlar va kadrlar bilan ta’minlash xizmati boshlig‘i tomonidan navbatdagi shaxsiy qabul o‘tkazildi.
Qabul boshqarmaning ma’muriy binosida o‘tkazilib, unda aholi vakillari hamda shaxsiy tarkib xodimlarining murojaatlari bevosita o‘rganildi.
Ushbu uchrashuvning asosiy maqsadi —
✔️ muammolarni joyida ko‘rib chiqish,
✔️ ortiqcha byurokratiyani kamaytirish,
✔️ fuqarolar bilan ochiq muloqotni kuchaytirish.
Tahliliy nuqtai nazardan qaralganda, bu kabi qabullar tizimdagi mas’uliyatni oshirish, shaffoflikni ta’minlash va har bir murojaatni e’tiborsiz qoldirmaslik siyosatining amaldagi ko‘rinishi bo‘lib xizmat qilmoqda.
Qabul davomida bildirilgan taklif va murojaatlar ijrosi bo‘yicha mas’ullarga aniq topshiriqlar berilishi — masala nafaqat eshitilayotgani, balki hal etilish mexanizmi yo‘lga qo‘yilayotganini ko‘rsatadi.
Nilufar Jabborova,
Xorazm viloyati.
👉 @postdarasmiy

Кўргазмали намойиш

Шимолий-минтақавий ҳудуд мувофиклаштириш маркази, Денов тумани Ички ишлар бўлимида "Очик эшиклар куни" ўтказилди. Унда Шимолий-минтакавий ҳудуд кинология гуруҳи ходимлари "Жасорат" мактаби тарбияланувчиларига хизмат итлари билан кўргазмали чиқишлар намойиш этишди. Ёшларга хизмат итларининг тайёргарлиги, қидирув ва қўриқлашдаги имкониятлари амалий тарзда кўрсатиб берилди.
Шунингдек, иштирокчилар кинология соҳаси, хизмат тартиби ва ички ишлар органларида хизмат қилиш имкониятлари ҳақидаги саволларига атрофлича жавоблар олишди.
Тадбир ёшларда соҳага қизиқиш уйғотиш ва уларни ҳуқуқбузарликлардан олдин олиш мақсадида ташкил этилди.
Оловиддин Исломов,
Шимолий-минтақавий ҳудуд
кинология гуруҳи кичик инспектор кинологи, сафдор.
👉 @postdarasmiy

TUNGI REYD TADBIRLARI

Kogon shahrida Xavfsiz hudud dolzarb 50 kunlik maxsus profilaktik tadbiri doirasida yoshlar va voyaga yetmaganlar o'rtasida huquqbuzarlik hamda jinoyatchilikning oldini olish maqsadida keng qamrovli tungi reyd tadbirlari o'tkazilmoqda. Reydlar davomida shahar bo‘ylab koʻngilochar maskanlar, kafe, kompyuterxona, bilyardxona va kalyanxonalarga e’tibor qaratilib, ichki ishlar xodimlari tomonidan nazorat va tekshiruv ishlari olib borildi. Tadbir davomida yoshlar bilan samimiy suhbatlar o‘tkazilib, ularni huquqiy madaniyatga, jamoaviy intizomga va sog‘lom turmush tarziga rioya qilishga undashga alohida e’tibor qaratildi.
A.TURSUNOV,
podpolkovnik.
Buxoro viloyati.
👉 @postdarasmiy

Профилактик учрашув

Тошкент тўқимачилик ва енгил саноат институтида ИИВ Академияси магистратура тингловчиси, подполковник Элёр Эргашев билан учрашув бўлиб ўтди. Тадбир доирасида гиёҳвандлик ва психотроп дори воситаларининг ноқонуний айланиши, шунингдек, диний экстремистик оқимлар ғояларига алданиб қолиш ҳолатларини олдини олиш бўйича талабаларга ҳуқуқий-маърифий тушунтиришлар берилди.
Учрашув давомида подполковник Элёр Эргашев ёшлар ўртасида гиёҳвандликка мойилликка олиб келувчи омиллар, диний экстремистик ғояларнинг тарқалиш усуллари ва уларнинг оғир оқибатлари ҳақида батафсил маълумот берди.
Батафсил 👉

👉 @postdarasmiy

Кучлилар аниқланди

Жиззах вилоятида волейбол бўйича “U-20” ёш тоифасидаги йигитлар ўртасида Ўзбекистон кубоги учун ўтказилган мусобақада 1- ўринни бухороликлар эгаллади. Кейинги ўринлар Қорақалпоғистон Республикаси ҳамда Жиззах вилояти вакилларига насиб этди.
Ўз мухбиримиз.
Жиззах вилояти.

👉 @postdarasmiy

#LIVE

Энг яхши психологлар Фарғонада беллашмоқда

Бугун Фарғонада Ички ишлар вазирлиги тизимида ўтказилаётган “Энг яхши психолог" кўрик-танловининг республика босқичи бўлиб ўтмоқда.
Танловда вилоят босқичларида ғолибликка эришган жами 17 нафар мутахассислар қатнашмоқда.
Низом талабларидан келиб чиқиб, иштирокчиларнинг психология соҳасига оид билимлари ва касбий маҳорати 4 шарт асосида синовдан ўтказиляпти.
Айни пайтда танлов жараёнлари қизғин давом этяпти.
Абдувосит СИДИҚОВ,
ўз мухбиримиз.
Фарғона вилояти.
👉 @postdarasmiy