🏆 Պոլիտեխնիկի աշակերտ Ալբերտ Շահինյանն արժանացել է 3-րդ կարգի մրցանակի Regeneron ISEF-2026 միջազգային գիտական մրցույթում

ՀԱՊՀ Երևանի ավագ դպրոցի 12-րդ դասարանի աշակերտ Ալբերտ Շահինյանը ԱՄՆ-ի Ֆինիքս քաղաքում կայացած Regeneron International Science and Engineering Fair (ISEF) 2026-ի եզրափակիչ փուլում «Ֆիզիկա և աստղագիտություն» անվանակարգում արժանացել է 3-րդ կարգի մրցանակի։🥉🇺🇸

Հիշեցնենք, որ Ալբերտ Շահինյանն այս հեղինակավոր միջազգային մրցույթի հնարավորությունը ձեռք բերեց ՀՀ ԿԳՄՍ նախարարության և ՀՀ ԳԱԱ կողմից կազմակերպված Հայկական համադպրոցական գիտության փառատոն 2026-ի (ASSF) եզրափակիչ փուլում, որտեղ «Ֆիզիկա և աստղագիտություն» անվանակարգում արժանացավ առաջին կարգի մրցանակի, ինչպես նաև ՀՀ ԿԳՄՍ նախարարին կից աշակերտական խորհրդի հատուկ մրցանակի։

Հայաստանի ազգային պոլիտեխնիկական համալսարանի «Հայ-Հիմք» թիմը՝ ՀՀ բարձր տեխնոլոգիական արդյունաբերության նախարարության ուսանողական հաքաթոնի մրցանակակիր

ՀՀ բարձր տեխնոլոգիական արդյունաբերության նախարարության կողմից իրականացվող Ուսանողական երրորդ հաքաթոնն ամփոփել է արդյունքները։ 2026 թվականի մայիսի 12-15-ը Ծաղկաձորում կայացած միջոցառմանը Հայաստանի տարբեր բուհերից ձևավորված 26 թիմերի մրցակցությունում Հայաստանի ազգային պոլիտեխնիկական համալսարանի «Հայ-Հիմք» թիմն արժանացել է 2-րդ մրցանակին՝ ստանալով 1 մլն ՀՀ դրամ պարգևավճար։ 🥈

Թիմը ներկայացրել է «NeuroSync (Adaptive Exposure System)» նախագիծը՝ նվիրված հետտրավմատիկ սթրեսային խանգարման (ՀՏՍԽ) խնդրին, որն աչքի է ընկել նորարարական մոտեցմամբ և բարձր կիրառական արժեքով։

Ռիմա Դեմիրճյան. Պոլիտեխնիկի վաստակաշատ դասախոսի գիտամանկավարժական և մարդկային անջնջելի հետքը

Ռիմա Դեմիրճյանը Հայաստանի ազգային պոլիտեխնիկական համալսարանի պատմության մեջ առանձնահատուկ տեղ զբաղեցնող կերպար է՝ գիտնական, դասախոս, մայր և կին, որի ողջ կյանքը վկայություն է բարձրագույն մարդկային արժեքների նկատմամբ անկոտրուն հավատարմության։ Երևանի Պոլիտեխնիկական ինստիտուտի քիմիական ֆակուլտետն ավարտելուց հետո նա ավելի քան երեսուն տարի նվիրեց դասավանդմանը՝ սերնդեսերունդ փոխանցելով գիտելիք, բծախնդրություն և մասնագիտական բարձր չափանիշներ։

Ավելին` https://polytech.am/9qyv

#NPUA #Polytechnic #ՀԱՊՀ #Պոլիտեխնիկ

ՀՀ ԿԳՄՍ նախարար Ժաննա Անդրեասյանն ու Բարձրագույն կրթության և գիտության կոմիտեի նախագահ Սարգիս Հայոցյանը, ՀԱՊՀ ռեկտոր Գոռ Վարդանյանի ուղեկցությամբ, այսօր այցելել են բուհի հիմնական դպրոցի նոր մասնաշենք, ապա նախակրթական և ավագ դպրոց:

Շրջայցի ընթացքում ռեկտորը հյուրերին առաջնորդել է նաև համալսարանի մի շարք այլ մասնաշենքերով, որտեղ տեղում մանրամասն ծանոթացրել է վերակառուցվող ու արդիականացվող տարածքներին և ընթացող լայնածավալ աշխատանքների մանրամասներին:

Նախարարը բարձր է գնահատել համալսարանում իրականացվող բարեփոխումներն ու ընդգծել, որ ժամանակակից և պատշաճ պայմանների ապահովումը կարևոր դեր ունի կրթության արդյունավետ կազմակերպման, սովորողների ներուժի բացահայտման և մրցունակ կրթական միջավայրի ձևավորման գործում։

Ժաննա Անդրեասյանը հատուկ կարևորել է այն հանգամանքը, որ իրականացվող ծրագրերում ակտիվ ներգրավվածություն ունեն բուհի ուսանողներն ու մասնագիտական համայնքը՝ ընդգծելով, որ նման մոտեցումը նպաստում է գործնական կրթության ամրապնդմանը, ստեղծարար մտածողության զարգացմանն ու մասնագիտական հմտությունների ձևավորմանը։