Կողմնորոշում դեպի ապագայի մասնագիտություններ. Պոլիտեխնիկը հյուրընկալել է Էներգետիկայի և էլեկտրատեխնիկայի ինստիտուտի ապագա դիմորդներին

Հայաստանի ազգային պոլիտեխնիկական համալսարանի Էներգետիկայի և էլեկտրատեխնիկայի ինստիտուտը, համագործակցելով Ընդունելության կենտրոնի հետ, կազմակերպել էր երկօրյա «Էներգետիկայի հաքաթոն»՝ նպատակ ունենալով ապագա դիմորդներին հաղորդակից դարձնել ինժեներական կրթության իրական հնարավորություններին:

Միջոցառումը, որին մասնակցում էին Երևանի և մարզերի դպրոցների 11-12-րդ դասարանների շուրջ 200 աշակերտներ՝ ձևավորելով 14 ստեղծարար թիմեր, միտված էր ներկայացնելու ոլորտի զարգացման հեռանկարներն ու մասնագիտական մրցունակ առավելությունները:

Ավելին` https://polytech.am/8zmt

#NPUA #Polytechnic #ՀԱՊՀ #Պոլիտեխնիկ

Կրթության որակի բարելավման նոր հորիզոններ. ՀԱՊՀ Որակի ապահովման վարչության աշխատանքային այցը Կապանի մասնաճյուղ։

Հայաստանի ազգային պոլիտեխնիկական համալսարանի Որակի ապահովման վարչությունը, հավատարիմ մնալով բուհի կրթական չափանիշների շարունակական արդիականացման և միասնական որակի մշակույթի ձևավորման սկզբունքներին, աշխատանքային այցով գործուղվել է ՀԱՊՀ Կապանի մասնաճյուղ:

Այցի շրջանակներում իրականացվել են թիրախային և բովանդակային քննարկումներ, որոնք միտված են մասնաճյուղում իրականացվող կրթական ծրագրերի արդյունավետության գնահատմանը և որակի վերահսկման մեխանիզմների կատարելագործմանը:

Ավելին` https://polytech.am/zka0

#NPUA #Polytechnic #ՀԱՊՀ #Պոլիտեխնիկ

Պոլիտեխնիկի երիտասարդ գիտնական Ալբերտ Շահինյանը ԱՄՆ-ում կներկայացնի Հայաստանը՝ մասնակցելով Regeneron ISEF-ի՝ դպրոցականների աշխարհի ամենահեղինակավոր գիտական մրցույթին

Հայաստանի ազգային պոլիտեխնիկական համալսարանի Երևանի ավագ դպրոցի 12-րդ դասարանի աշակերտ Ալբերտ Շահինյանը մասնակցել է Հայկական համադպրոցական գիտության փառատոն 2026-ին (ASSF)՝ «Ֆիզիկա և աստղագիտություն» անվանակարգում, որտեղ ներկայացրել է «Ջրի հետերոգեն նուկլեացիայի և մթնոլորտային ջրի հավաքման ուժեղացում՝ ծակոտկեն կերամիկական սուբստրատի վրա գրաֆենային նանոշերտերի կիրառմամբ» խորագրով գիտական նախագիծը։

Աշխատանքն արժանացել է բարձր գնահատականի, ինչպես նաև ՀՀ կրթության, գիտության, մշակույթի և սպորտի նախարարին կից աշակերտական խորհրդի մրցանակին՝ որպես նորարարական և կիրառական բարձր արժեք ունեցող աշխատանք։

Ավելին` https://polytech.am/pi4m

#NPUA #Polytechnic #ՀԱՊՀ #Պոլիտեխնիկ