💔Палітвязням у ПК17 Шклоў і ПК1 Наваполацк забаранілі наведваць бібліятэкі пра гэта паведамілі сваякі палітвязняў.

Кожны дзень тысячы людзей за кратамі сутыкаюцца з ціскам і катаваннямі за свае палітычныя погляды. Фізічныя расправы, адсутнасць медычнай дапамогі, пазбаўленне спатканняў, ліставання, а цяпер і кніг прымушаюць думаць, што людзі ва ўладзе ніколі не спыняцца і дасягнуць дна немагчыма.

🕊️Гэта ўсё вельмі дэмаралізуе не толькі людзей там, але і людзей на волі, бо рукі апускаюцца і цяжка прымаць такую рэчаіснасць. Яшчэ цяжэй думаць, што нічога не можаш зрабіць.

💌Але мы ўпэўнены, што калі мы не губляем надзеі, то перамога непазбежна. Наша сіла ў салідарнасці.

Давайце разам напішам урыўкі з нашых любімых кніг, каб падтрымаць людзей за кратамі.

🗓 29 чэрвеня
⏰ 18:30
📍 Беларускі Моладзевы Хаб 🔥
plac Konstytucji 6

"Напішы ліст палітвязню" у Беларускім Моладзевым Хабе

"Ёсць злачынствы горш, чым спальваць кнігі.
Напрыклад - не чытаць іх."

"451' па Фарынгейту"
Рэй Брэдберы

❗️УЖО СЁННЯ❗️

☕️29 чэрвеня запрашаем у запрашаем вас у Беларускі Моладзевы Хаб на "Каву з гісторыкам".

Тэма сустрэчы:
Інтэграцыя.Каланізацыя. Вайна. Беларусы і немцы 500 год таму:
🔸Продкі беларусаў у каланіяльных раскладах Новага часу.
🔸Метады і ход інтэграцыі Інфлянтаў у Вкл 1582-1629.
🔸Беларусы і немцы ў войнах ВКЛ са Швецыяй, Расеяй і Турцыяй ў пачатку 17 ст.

Выкладчык:Віктар Якубаў, беларускі гісторык, дацэнт, кандыдат гістарычных навук.

📜Пагаворым пра тое, што такое імперыялізм, каланіялізм, ці характэрны ён для беларусаў, і як нашы продкі спрабавалі падначаліць балтыйскіх немцаў у 16-17 ст. Якую ролю яны адыгралі ў войнах ВКЛ са Швецыяй, Масквой і Асманскай імперыяй пры Жыгімонце Вазе.

Мерапрыемства ладзіцца cумесна з праграмай “Science At Risk Emergency Office”

📹 Для тых, у каго не атрымаецца далучыцца да мерапрыемства ў Хабе, мы будзем ладзіць трансляцыю на Youtube:https://youtube.com/live/CbT-E7wOkZI?feature=share

🗓 29 чэрвеня
⏰ 18:30
📍 Беларускі Моладзевы Хаб 🔥
plac Konstytucji 6

🌿Сябры, 3 ліпеня (панядзелак) на пачатак тыдня беларускай культуры ў Беларускім Моладзевым Хабе вас чакае:

🥁19:00 Канцэрт гурта "Яварына", з удзелам гасцей і дзяцей школы Яварына Кідс. Спецыяльны госць - Szuma🔊
У праграме беларуская народная і еўрапейская музыка сярэднявечча і Рэнесансу. А таксама танцавальныя майстар-класы.

❗️Уваход бясплатны

🗓 03 ліпеня
⏰ 19:00, 20:00
📍 Беларускі Моладзевы Хаб 🔥
plac Konstytucji 6

❤️Праект ладзіцца Беларускім Моладзевым Хабам у межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу🇪🇺

🤩Варушняк ў Варшаве 1 ліпеня: Купальскі шлюб ля вогнішча з Пятром Клюевым, пінг-понг з зоркамі, піва з гісторыкам ды начны рэйв

☀️1 ліпеня у Варшаве на пляцоўцы Rejs Club, Piotra Bardowskiego 2A ля водасховішча адзначаюць сакральную традыцыю Купалле.

🎶Фармат свята незвычайны — фестываль доўжыцца 18 гадзін нон-стоп, а сродкі пойдуць на падтрымку рэпрэсаваных музыкаў і дзеячоў культуры. Уваход — данаты ад 20 злотых.

Купальскі Варушняк — гэта тры музычныя сцэны, болей за 30 музыкаў і дыджэяў, забаўкі для дзяцей з акцэнтам на традыцыі, вялікае вогнішча ды купальскія спевы. З прэзентацыяй «Купалінкі» выступіць і Шума.

Аматарам інтэлектуальных гульняў прыгатавацца!
1 ліпеня, на Фестывалі “Купалле” у Варшаве, Павел Свярдлоў запрашае згуляць у КВІЗ «Пытаннечкі».
Пачатак гульні – 18:30 на пляцоўцы Hutarka!
Удзел у квізе бясплатны, вы толькі данаціце на ўваходзе на мерапрыемства!
Рэгіструйцеся праз гугл-форму: https://forms.gle/zV3wv6q754ZCSAMQ9
Паварушы мазгамі – згуляй у квіз!

У падтрымку палітвязняў можна будзе зайграць у пінг-понг з Аляксандрам Чарнухам, Ванем Прусавым, Дар’яй Чульцовай ды не толькі. На фэсце таксама можна пазнаёміцца з беларускімі ініцыятывамі ды зазірнуць на анты-лекцыі на пляцоўцы «Гутарка». Што там будзе:

15:30 — Partyzanki агучаць ТОП-10 пытаньняў ад беларусаў у Польшчы

16:30 — Polish for Belarus научыць польскаму слэнгу

17:30 — гісторык Алесь Кіркевіч за куфлям піва распавядзе пра культ Сонца ў нашых продкаў

18:30 — Павел Свярдлоў запрашае згуляць у квіз «Пытаннечкі». Прыняць удзел: https://forms.gle/zV3wv6q754ZCSAMQ9

❗️Увесь расклад і мапа фэста — у аплікацыі ад Новай Беларусі. Зручна і экалагічна.

На гарачае! Музыка Пётр Клюеў зладзіць абрад Купальскі шлюб пасля традыцыйнай гульні-флірту «Падушачка» (гэта штосьці кшталту «бутэлечкі» — толькі з мінулага). Пасля гэтага распачнецца начны рэйв да світанка.

🔥Таньчым! Гарым! Кахаем! Жывем!

Беларускі Моладзевы Хаб 🔥

🌿 Запрашаем на этна-вечарыну з Сержуком Доўгушавым!

Сябры, 4 ліпеня (аўторак) ў Беларускім Моладзевым Хабе мы працягваем тыдзень беларускай культуры, вас чакае:

🥁 🎻🎺Спеўны сход, традыцыйныя танцы і гульні з удзелам беларускіх фольк-музыкаў і гурта “Гаёўкі”

❗️Уваход вольны

🗓 04 ліпеня
⏰ 19:00
📍 Беларускі Моладзевы Хаб 🔥
plac Konstytucji 6

❤️Праект ладзіцца Беларускім Моладзевым Хабам у межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу🇪🇺

🌿Сябры, 5 ліпеня (серада) ў Беларускім Моладзевым Хабе мы працягваем тыдзень беларускай культуры, вас чакае:

Этнаграфічна мультымедыйная праграма “Падарожжа па краіне Ідыш” разам з музыкантам Зіслам Сляповічам (і сябрамі)

🗺У 1912 годзе Шыман Ан-скі аб’ехаў дзесяткі штэтлаў – мястэчак – у Мяжы габрэйскай аселасці Расейскай імперыі, узброены фанографам і фанавалікамі (воскавымі цыліндрамі), з мэтай запісаць і захаваць музычны і паэтычны фальклор – перш за ўсё, габрэйскі. Амаль стагоддзе пасля таго, музыказнаўцы і этнографы Зісл Сляповіч і яго прафесар Ніна Сцяпанская ажыццявілі сваё ўласнае падарожжа, гэтым разам з міні-дыск-рэкордарам і відэакамерай, з мэтай запісаць вусныя гісторыі і захаваць знікаючы – разам з яго носьбітамі - музычны фальклор габрэяў Беларусі і Літвы.

🎶Творчым вынікам гэтага праекта стала этнаграфічная мультымедыйная праграма “Падарожжа па краіне Ідыш” (Traveling the Yiddishland). Створаная Зіслам Сляповічам у супрацоўніцтве з Нацыянальным ідышскім тэатрам “Фолксбінэ” (Нью-Ёрк) праграма – гэта падарожжа па часе і прасторы, па сцежках габрэйскай гісторыі праз асабістыя досведы тых, хто выжыў у жэрле вулкана ХХ стагоддзя, каб падзяліцца імі. “Падарожжа па краіне Ідыш” – больш чым канцэртная праграма: гэта захапляльны і эмацыйны досвед на мяжы жанраў і мастацкіх форм.

🗓 05 ліпеня
⏰ 19:00
📍 Беларускі Моладзевы Хаб 🔥
plac Konstytucji 6

❤️Праект ладзіцца Беларускім Моладзевым Хабам у межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу🇪🇺

⚡️Ужо сёння - адкрываем Глабальныя дні беларускай культуры 2023!
Ад 14:00 1 ліпеня да 8:00 2 ліпеня - 18 гадзінны Варушняк!
Вас чакае адмысловы фестываль “Купалле – ад батлейкі да рэйву”!

Гэты музычны фестываль прызначаны для ўсёй сям'і: ад дзяцей да аматараў тэхна.

Вось што ў нас ёсць для вас:
▪️18 гадзін выдатнай музыкі без перапынку
▪️Дзіцячая зона для маленькіх аматараў свята
▪️Прэзентацыя беларускіх ініцыятыў і грамадскіх арганізацый у Польшчы
▪️Маркет і фудкорт
▪️Спакойная прастора для ёгі
▪️Займальныя спевы і танцы вакол вогнішча
Музыка з нашых любімых праектаў BY:
🔻Campderschein
🔻Belarus Outside Sound System
🔻Karma and Shoom.records

Партнёры фестывалю:
▫️Беларускі Моладзевы Хаб
▫️German Marshall Fund
▫️Беларуская Рада культуры

Уваход: Ахвяраванні ад 20 злотых на ўваходзе
Варушняк | Купальле 2023
01/07 | Варшава
📍Як даехаць: Rejs Club, Piotra Bardowskiego 2A

Беларускі Моладзевы Хаб 🔥

🌿 Запрашаем 6 ліпеня (чацвер) ў Беларускі Моладзевы Хаб на чарговы дзень тыдня беларускай культуры!

🎶 Вас чакае канцэрт беларускай камернай музыкі.
У гэтым канцэрце выдатна спалучаюцца ўнікальнасць і глыбіня беларускай музычнай культуры з вытанчанасцю і элегантнасцю камернага выканання.

У праграме прагучаць:

🎵 Беларускія і сусьветныя творы ў выкананні дуэта Юліі Меліхавай (флейта) і Алены Сяргеенкі (гітара).

🎹 Беларускія рамансы і арыі ў выкананні салістаў Варшаўскага вольнага аркестра ў суправаджэнні фартэпіяна і струннага квартэта.

🎶 Акрамя таго - інструментальная камерная і сольная музыка.

❗️Уваход вольны

🗓 06 ліпеня
⏰ 19:00
📍 Беларускі Моладзевы Хаб 🔥 plac Konstytucji 6

❤️Праект ладзіцца Беларускім Моладзевым Хабам у межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу🇪🇺

🌿 Запрашаем 7 ліпеня (пятніца) ў Беларускі Моладзевы Хаб на чарговы дзень тыдня беларускай культуры!

🤩Вас чакае канцэрт гурта NaviBand

❤️NaviBand – адзін з найвядомейшых сучасных беларускіх музычных гуртоў. Заснавальнікі гурта, а менавіта Арцём Лук'яненка і Ксенія Жук – адны з тых музыкаў, якія выкарыстоўваюць у сваёй творчасці родную мову. Гэта быў не відавочны выбар у краіне, дзе ўжо дзесяткі гадоў функцыянуе так званы чорны спіс артыстаў, якія ствараюць на беларускай мове і выступаюць супраць нелегітымнай улады. Іх песні сталі голасам беларускага пратэсту. Дзякуючы гэтаму ў Беларусі Naviband атрымаў статус «забароненага» – як і многія стваральнікі, якія мелі мужнасць выказаць сваё меркаванне.

❗️Уваход вольны

🗓 07 ліпеня
⏰ 19:00
📍 Беларускі Моладзевы Хаб 🔥 plac Konstytucji 6 (канцэрт будзе праходзіць OPENAIR на плошчы перад Хабам)

❤️Праект ладзіцца Беларускім Моладзевым Хабам у межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу🇪🇺