“Беш ёғоч” 2025 г.

#тақриз #қисқаметраж

Фильм бир пайтлар машҳур репер бўлган оддий офис ходими ҳаёти ҳақида ҳикоя қилади. Бош қаҳрамон Сухроб бир куни тушунарсиз ва давосиз касалликка чалинади. Шифокор унга ечим йўқлигини, фақат QR-код орқали қанча умри қолганини кўриши мумкинлигини айтади. Оз вақти қолганини тушунган қаҳрамон яшаб ўтган умри ва ҳаётдаги ўрни ҳақида ўйланишни бошлайди.

Фильм режиссёри — Тимур Аманшиков. У 9-8 йил олдин 5woods гуруҳига “ЗБП” клипини ишлаганда шу ғояни ўйлаб топган. Фильмда бош ролни ўйнаган актёрлар эса ўша гуруҳ аъзолари.

Одам қачон ўлишини кўрсатадиган дастур ҳақидаги ғоя яхши ўйланган. Якунда ҳам одамни ўйлантириб қўядиган идея қилишга ҳаракат қилишган. Аммо афсуски, ушбу икки нуқта орасида бориладиган йўлда чуқурликлар бор. Масалан, фильм ўрталарга келиб, мен ҳам қаҳрамонга ўхшаб ўлим таймери ҳақида эсимдан чиқариб қўйдим. Бу қаҳрамон билан яқинлашганимдан эмас, аксинча, калаванинг учини йўқотиб қўйганимдан. Чунки студиядан кейинги саҳналарда сакраб-сакраб кетилгандек. Қаҳрамон Абу ока бошловчини ўйнаган саҳнани эса фильмдан олиб ташласа ҳам, деярли ҳеч нарса ўзгармаса керак. Чунки Абу оканинг роли на Киммел, на Ургант ёки на MTV шоудаги Миршакарга ўхшаган. Шунинг учун Абу ока, шоудаги ҳазиллар ва бошловчининг гейм креслоси ўрнига бошқа нарса ўйлаб топган яхшироқ эди. Сабаби буларнинг ҳеч бири машҳурликка эришгандан кейин кибрга берилиш трансформациясини ҳис қилдирмай деб ўйлайман.

Ўзи, умуман, бу нарса фильмнинг асосий муаммоларидан бири. Яъни ўлим ёқасида турган қаҳрамон ҳаракатлари ачинув ёки нафрат уйғотмайди.

Лекин фильмда Поксернинг техник томондан ўсганини кўриш мумкин. Постановкада, монтажда ва sound-дизайнда меҳр қўшилгани сезилади. “Қибрайлик миллионер”да Поксерни очиқчасига сўкинишлар учун хейт қилишганди. Бу сафар эса шу нарса қолиб, match cut орқали беркитиб кетилгани ёқди. Поксернинг услуби сақланиб қолгани сезилади. Охирги бир-иккита лойиҳаларда ранглар саҳнадаги кайфиятга мос келмаслиги сезилганди, бу сафар у нарса ҳам тўғриланган. Фильм учун ёзилган альбом ҳам четкий, вайбовый. Аммо, Хичкок айтганидек сценарий, сценарий ва яна сценарий жуда муҳим — это факт!

Ҳозир Тимур Аманшиков сериал ва тўлиқ метражли фильм устида ишлаяпти экан. У лойиҳалари бундан яхши чиқади ва сифат ошиб боради деган умиддаман.

Эътиборингиз учун раҳмат!
Телеграм канал Катта Оға 🎬