RASMIY MUNOSABAT

📌 Joriy yilning 29-iyun kuni Agentlik tizimidagi ixtisoslashtirilgan maktablarga 2026/2027-o‘quv yili uchun kirish imtihonlari jarayonida Qashqadaryo viloyatida 5-sinf uchun 1-variant imtihonlari test topshiriqlarining imtihon o‘tkazilayotgan hududidan olib chiqilgani hamda uchinchi shaxslarga tarqatilgani aniqlandi.

⏺ Mazkur holat yuzasidan belgilangan tartibda huquqni muhofaza qiluvchi organlarga xabar berildi. Hozirda holat vakolatli organlar tomonidan qonunchilikka muvofiq o‘rganilmoqda.

Dastlabki o‘rganishlar ushbu holat belgilangan tartibni buzgan ayrim shaxslarning noqonuniy harakatlari natijasida yuzaga kelganini ko‘rsatmoqda.

Bir kunda turli smenalarda imtihon topshirayotgan barcha talabgorlar uchun shaffof va adolatli baholash tamoyilini hamda validligini ta’minlash maqsadida test variantlarining tuzilishi, kognitiv darajasi spetsifikatsiyaga mos bo‘lishi xalqaro baholash amaliyotiga asoslangan jarayon hisoblanadi.

⏺ Eslatib o‘tamiz, har bir smenada qollanilgan test topshiriqlari mazmunan mustaqil ishlab chiqiladi. Savollar hamda javob variantlari takrorlanmaydi va har bir variant alohida shakllantiriladi.

Hurmatli ota-onalar! Farzandlaringizni halollik, qonunlarga hurmat, teng raqobat va o‘z bilimiga ishonish ruhida tarbiyalashingizni so‘raymiz. Imtihon materiallarini noqonuniy olib chiqish, tarqatish yoki ulardan noqonuniy foydalanish amaldagi qonunchilikka muvofiq javobgarlikka sabab bo‘lishi mumkin.

✅ Ma'lumot uchun: kirish imtihonlari respublika bo'ylab bir vaqtda boshlanib, bir vaqtda yakunlanadi.

🎓 Agentlik barcha kirish imtihonlarining ochiq, shaffof va adolatli o‘tishini ta’minlash hamda har bir talabgorning bilimini xolis baholash tamoyiliga qat’iy amal qiladi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor