Beshikdan to qabrgacha ilm izla

Abu Rayhon Beruniy o’lim to’shagida yotar, uni ziyorat qilish uchun ko’plab ilm ahillari tashrif buyurar edi. Oxirgi nafaslarini olayotgan Beruniy uyiga tashrif buyurgan bir olimdan: “menga falon narsaning ilmini o’rgating” - deb iltimos qildi.
Olim al-Beruniyga: “Hazrat shu holatingizda sizga buni o’rganish malol kelmaydimi?” – dedi.
Al-Beruniy: “To’g’ri siz hozir o’rgatadigan ilmni men boshqalarga o’rgata olmasman. Ammo, menga Allohning ilmidan bitta bo’lsa ham ko’proq ilmni o’rganib o’lish yaxshiroq” – dedi.
Faqih olim al-Beruniyga so’ragan masalasidagi ilmni o’rgatdi. Olim aytadi: “Men al-Beruniyning uyidan chiqib, bir necha qadam uzoqlashishim bilanoq yig’i ovozi eshitildi….”
_________________________

Ilm olishdan hayotining hech bir lahzasida to’xtamagan bobolarimiz bugungi taraqqiyotga tamal toshini qo’ydilar. Al-Beruniy „Hindiston“ nomli kitobida hozirgi Amerika qitʼasini mavjudligini Kolumbdan bir necha asr avval ilmiy asoslab berdi. Yerning meridian aylanasi uzunligini hayratlanarli tarzda aniq o’lchadi.

Butun dunyo al-Xorazmiy bobomiz kashf qilgan sanoq sistemasidan foydalanadi. Al-Fargʻoniyning dunyodagi eng uzun daryo Nilning suv sathini o’lchaydigan qurilmasi 1100 yil davomida insonlarga foyda keltirdi. Bobolarimizning buyukligini tasavvur qilish uchun ularning minglab yillar davomida butun dunyo insonlariga foyda keltirayotgan ishlariga qarash kifoya. Buyuklikni da’vo qiluvchi, ba’zi insonlar uchun “orzular mamlakati” bo’lgan 1776-yilda asos solingan Amerika qo’shma shtatlari hali 250 yil ham yashamadi. Bu davlatning minglab yillar mavjud bo’lishi yoki bo’lmasligiga hech kim kafolat bermaydi. Imom Buxoriy bobomizning “Aj-jome’ as-Sahih” hadislar to’plami 1150 yildan ortiq butun dunyo musulmonlariga foyda keltirmoqda va bundan keyin ham minglab yillar foyda keltirishini ishonch bilan aytish mumkin.


👉👉 @PMTESTS

Manashu o'quvchilar aybdor...😊

2025-yil Ixtisoslashtirilgan maktablar va Al-Xorazmiy maktablarida ballar ko'tarilib ketdi. Ballar ko'tarilishining bir qancha sabablari bo'lishi mumkin. Men aniq ayta oladigan sabablardan biri manashu videodagi KYO-2025 olimpiadasida ishtirok etgan o'quvchilarning intilishi bo'ldi.

@PMTESTS Katta yutuqli olimpiadasida ishtirok etgan 150 ta o'quvchi o'quv yili davomida 10ming dan ortiq o'quvchilar orasidan saralab olindi. O'quvchilar o'rtasida yil davomida bo'lib o'tgan kuchli raqobat, oraliq olimpiadalar, savol-javoblar tayyorgarlik jarayonini yanada jiddiylashishiga olib keldi.

KYO-2025 jarayonini youtube da tomosha qiling
👉👉 https://www.youtube.com/watch?v=2d17Mbxj69I

☀️ Uyg‘on

Borlig‘im saqlay desang ilmu hunardin qil yaroq!
Yo‘q esa olg‘ay boringni qilmayin hech kim so‘roq.

Yer yuzi o‘zgardi ammo o‘zgarishdin bizda yo‘q
Sindi Turkiston elining boshida yuz ming tayoq.

Har o‘g‘ul voris bo‘lur qolg‘on otoning molig‘a
Bo‘ldi Turkiston elining vorisi yuzsiz qaroq.

Baxtsiz bo‘lg‘on kishiga o‘z uyi g‘urbat bo‘lur,
Mol egasidur qaroqchi bu ajoyib ishga boq.

Baxt ochilmas ul kishilarkim erurlar ilmsiz,
Ilmsizlar xor bo‘lur, xohi qarodur xohi oq.

Qaysi millat ustidin hokimlik etsa boshqalar,
Bu kabi xorlik hayotdin o‘lganidur yaxshiroq.

Ilmu iymon ikkisidin bahralik bo‘l, ey o‘g‘il!
Bu ikkovlon birla olg‘aysan qo‘lingga shamchiroq.

✍ Alixonto‘ra Sog‘uniy. 1968 yil, Toshkent (@erkinvohidovijodi)

👉👉 t.me/pmtests

#ona_duosi

Farzandini prezident va ixtisoslashtirilgan maktablarga tayyorlayotgan ota-onalar e'tibor qaratishi lozim bo'lgan yana bir jihat ustoz Doniyor Nasriddinov misolida...

👉👉 t.me/PMTESTS

#Bizga_tanish_savol

🔷 Ilm olish yo’lida qiyinchilikka duch kelib kiyimlarigacha sotishni boshlagan talabaga do’konchi quyidagicha masxaratomuz savol beradi

⁉️ Sen o’nlab ustozlar oldida vaqtingni behuda o’tkazib o’qiyotgan barcha kitoblaringni men bir bog’ ko’katimga almashmayman. Jamlagan barcha kitoblaringni olib kel! Bir bo’chka suvga solib ilitamiz, qani ichidan nima chiqar ekan⁉️

‼️ Yillar o’tib talaba uning savoliga javob beradi. “Men butun kitoblarimni qalbimga soldim. Qalbimdan shu sen ko’rib turgan narsalar qaynab chiqdi”..‼️

Ajoyib hikoya ekan, eshitishni tavsiya qilamiz. 👇👇
https://www.youtube.com/watch?v=uaUfBVDI4tQ

Foydali ilmlarni o‘rganish ixtiyoriy ish emas, balki majburiyatdir.

30.08.2024 jum'a ma'ruzasidan parchalar

✅ Musulmonlar chet tillarini o‘rganishga targ‘ib qilinadilar. Zukko sahobiylardan Zayd ibn Sobit roziyallohu anhuga Payg‘ambarimiz alayhissalom ibroniy tilni o‘rganishni buyurdilar. U kishi 15 kunda bu tilni o‘rganib, yahudiylar bilan bo‘ladigan yozishmalarda kotiblik va tarjimonlik qilganlar (Imom Termiziy rivoyati).

✅ Bugungi kunda yoshlarimiz ingliz, xitoy, rus, arab, nemis, turk tillarini bilishi ularga har jihatdan keng imkoniyatlar eshigini ochadi.

✅ Ilm olishda ixlos va yaxshi niyat ham juda muhim. Ilm olishdan asosiy maqsad o‘rganganiga amal qilish, o‘zgalarga o‘rgatish, dini, yurti va odamlarga foyda keltirish, halol kasb qilish bo‘lsin.

✅ Musulmon olimlari turli tabiiy va aniq fanlar yo‘nalishida ham kashfiyotlar qilganki, shulardan bir qismini sizga taqdim qilmoqchimiz.

1. Abu Rayhon Beruniy O‘rta Sharqda ilk bora Yer Quyosh atrofida aylanishi mumkinligini aytib, Yerning aylana o‘lchamini deyarli aniq belgilagan.

2. Abu Muso al-Xorazmiy algebra fanining asoschisi bo‘ldi. U kishi kashf qilgan hisoblash algoritmi hozirgi zamonaviy kompyuterlarni kashf qilishga asos bo‘lib xizmat qilgan.

3. Ahmad Farg‘oniy 861 yili Qohira yaqinidagi Ravzo orolida nilometrni, ya’ni Nil daryosi suvi sathini belgilovchi uskunani yasagan va bu qurilma hozirgacha ishlab turibdi.

4. Mirzo Ulug‘bek hukmdor bo‘lishiga qaramay, Samarqandda katta rasadxona qurdirib, o‘z davrining buyuk astronomi bo‘lgan.

5. Nyu’tonga tegishli deb hisoblab kelingan binom formulasini algebraga Umar Xayom kiritgan.

✅ Xulosa shuki, dinimiz bizga ilmning turli sohalarini o‘zlashtirishga buyuradi. Har bir kishi o‘z sohasining bilimdoni bo‘lsin va shu yo‘nalishda musulmonlarga foydasi tegsin, o‘zgalarning og‘irini yengil qilsin. Shuningdek, yoshlarning ta’lim-tarbiyasiga mas’ul bo‘lgan har ota-ona va mutasaddilar qo‘l ostidagi o‘quvchi va talabalarni yuqorida sanalgan zotlardek tarbiya qilishga harakat qilishlari lozim. O‘z navbatida har bir o‘quvchi va talaba o‘tgan ulug‘ ajdodlarimizdan ibrat olib, kelajakda ularning xayrli ishlarini davom ettirishlari kerak bo‘ladi.

✅ Ilm o‘rganish har bir musulmon va muslimaga farzdir. Demak, dunyo va oxiratiga foydasi tegadigan ilmlarni o‘rganish ixtiyoriy ish emas, balki majburiyatdir.

👉👉 t.me/pmtests

Matematikani o‘rganish hayotda muvaffaqiyatga erishishni ta'minlaydi

Olimlarning besh yil davomida uch ming o'quvchi bilan o‘tkazgan sinovlari Matematiklarning hayotdagi muvaffaqiyat sirlari haqida ajoyib ma’lumotlarni taqdim etdi.

✅ Matematikani o‘rganayotgan bola o‘z xatolarini tan olishni biladi. Bu fan aniqlikni talab etadi, demak unda natija ham kunday ravshan va to‘g‘ri bo‘lishi kerak. Xato xulosaga kelgan o‘quvchi, bu javobning noto‘g‘ri ekanini tan olishga majbur. Bu esa hayotda ham o'z xatolarini tan olish, to'g'rilash va rivojlanishga katta yordam beradi.

✅ Matematika ishni oxirigacha bajarishga o‘rgatadi, aks holda masala yechimi topilmaydi. Voyaga yetayotgan bola qiyinchiliklarga uchrab, ko‘p narsadan voz kechishi mumkin, faqat matematika o‘rganayotganlar emas. Ularda maqsadga erishguncha ishlash qobiliyati shakllangan bo‘ladi.

✅ O‘quvchi matematikada tanqidiy fikrlash va muqobil yechimlarga ega bo‘lishni ham o‘rganadi. Barchamizga ma’lumki, masalaning yechimiga turli yo‘llar bilan kelsa bo‘ladi. O‘rganuvchilar ham hayotdagi voqealarni shu qarashga asoslanib, turli jabhadan kuzatadi. Undagi muammolarni yechishda eng tez va samarali uslubini tanlash imkoniyatini qidiradi.

✅ Matematika hayotda tejamkor va tadbirkor bo‘lishga undaydi. Bu fanni o‘zlashtirgan odam hayolida har qanday suhbat raqamlarda namoyon bo‘ladi. Puxta hisob-kitob qilishi, insonga ancha iqtisodiy foyda keltiradi.

Bugungi "raqamli dunyo" va texnologiya asrida matematikaning ahamiyati yanada ortdi. Matematika yaxshi ish, yuqori maosh, hattoki yaxshi tarbiya vositasiga aylandi.

👉👉 t.me/pmtests

Marhamat, tanishing - yangi qahramon.
________
Bu sarfiyot eng yaxshi va boqiy qoluvchi sarfiyotdir (Imom Buxoriy)

Ilm olayotganlarni qo'llab-quvvatlash bobolarimizdan meros qolgan sharafli ishdir.

Imom Buxoriy faqirona hayot kechirar edi. Ba'zan kiygani kiyimi qolmaganidan bir necha kun uyda qolib ketardi. Taomi uch-to'rt dona mayiz bo'lar edi.

Aslida u boy edi, otasidan juda katta mol-dunyo meros qolgan, yaxshigina foyda keltirib turgan edi. Ba'zan bir savdoda 5000 dirham (130mln so'm) foyda olardi. Har oyda kamida 500 dirham (13mln so'm) kelib turardi.

Ammo, u barcha dunyolarini ilm yo'lida sarflab yuborardi. Goh bir faqir talabaga boshdan oyoq kiyim olib berar, goh biror kitobga yetisha olmay yurgan o'quvchilariga o'sha kitobni sovg'a qilar edi. Imomning yaqinlari u talabalarga yordam ko'rsatishda isrof qilish darajasiga borgani aytib malomat qilishardi. Imom Buxoriy ularning e'tirozlariga javoban "Bu sarfiyot Alloh yo'lida bo'lgani uchun yaxshi va boqiy qoluvchi sarfiyotdir", der edi.

O'zbekiston qancha vaqtdan keyin rivojlangan mamlakatga aylanadi?!

Jahon banki hisobotida O'zbekiston yuqori daromadli mamlakatga aylanishi uchun 100 yil kerak bo'lishi yozilibdi. Bu degani biz tugul, biz hozir o'qitayotgan o'quvchilar va farzandlarimiz ham rivojlangan O'zbekistonni ko'rmasligi mumkin.

Ammo, biz ilm bilan tez fursatlarda taraqqiyotga erishishimiz mumkin va hozir uyg'onish davri keldi. Rivojlangan O'zbekistonni ko'rish hammamizga nasib etsin!!

Shu o'rinda bir she'rni yodga solamiz:

Uxlama ko‘p, o‘zbek eli, asri taraqqiy vaqtida.

Ilmsizlikda hama kelgan baloni anglayur,
Ittifoqu g‘ayrat aylab lek irfon istamas,

O‘zga millat uchsalar hikmat topib suyi samo,
Bizni ellar loaqal yer uzra davron istamas,

O‘zgalar etmoqda har kun bing sanoyi ixtiro,
Biz aqalli topmoqqa beranj bir non istamas,

Ey Nihon, bing hayf, ey insoniyat, islomiyat,
Millati xor o‘lmag‘in hech nomusulmon istamas
Uxlama ko‘p, o‘zbek eli, asri taraqqiy vaqtida.
(Hamza)

👉👉 t.me/pmtests