نوط الرياضيات للفصل الأول عم تتشطب

طبعا هي النوط مو نوط تجارية عادية وإنما هي نقل لدفتر السعادة يلي اعتمدوه كتير طلاب قبل وحسوا بالفرق بين الطرق المختصرة وبين طرق اللوح المشروحة

🔴التحليل
نوطة المتتاليات
نوطة نهاية المتتالية
نوطة النهايات
نوطة الاشتقاق

🟠الجبر
نوطة العقدية
نوطة تطبيقات العقدية

🟣الهندسة
نوطة الهندسة 1

كاشي

2025 ❤️
بالتوفيق
الحل رح ينزل

السلام عليكم ..يعطيكم العافية جميعا

الطلاب يلي مستصعبة النموذج ... عادي بامكانك ما تحلو ..بس الفكرة انو بكرة شو رح يصير ؟
لما تحل ٣٠ صعب رح تطلع من الفحص يلي فيه ٥ صعبين عم تقول عنو سهل!
في طلاب بكرة رح تتطلع عم تبكي ..ما عم خوفك ..عم قلك لتفوت واثق بحالك وتتجنب هالامور

اي لا تستغرب في اسئلة اكيد رح تكون صعبة بكرة بس
الفكرة عي بكم سؤال رح يكونو ولا تستقل ١٥ ب ٥ عم نحكي ٧٥ علامة مو لعبة
مارح قلك انو النموذج سهل واصلا مشان هيك نزلناه متأخر مشان تأمن عدراستك الاساسية وتخلص والطلاب يلي حابة تتسلى فيه تتسلى

وبالمناسبة عادي سهرلك شوي مارح يصرلو شي مخك 😅

طبعا مشان طريقة الحل نحنا موجودين معكن كل ادمن حط كم سؤال واي شي مستصعبينو منشرحو
مثلا من السؤال 24 ل 33 اي حدا بدو شرحن يتاغي لضياء

الله يعطيكم ألف عافية يارب❤️‍🩹
كل طالب علمي كان بـ هالأربع أيام  بمعركة حرفياً
نموذج من هون، سؤال من هون، نكشة من هون
وخلّص إذا بتخلّص
أنا عم احكيلكم هالكلام مشان بكرا ما تلوموا حالكم أبداً ولا تندموا
لأنو خلااص عملتوا يلي عليكم وزيادة
كل السنة مشلوشين بالرياضيات
وهي أكتر مادة بتاخد وقت وجهد
بالنهاية أنت طالب علمي مو معقول تفوت تلاقي أسئلة كل الطلاب تحلها
بكل سنة في اسئلة صعبة
وكل الطلاب بتطلع عم تصيح
مابدي منك تصيح أبداً ما مستاهلة
فداك✨👀

حل وأنت مرتاح ومركز وكالعادة ياجبل مايهزك ريح✨
الشي يلي بتحسه صعب او مارح تتذكر فكرته بسرعة فوراً بتنتقل ع يلي بعده بترجعله بس تخلص
أهم شي لا تتوتر

الله يوفقكم وييسرلكم أمركم يارب
توكلوا ع رب العالمين❤️

الحمد لله نكشة الفحص الوحيدة كانت محكية بأول فيديو حل اتمتة 🔥
والله شلف مو تسريب 😂😂
الحمد لله عكل حال والله يعوض يلي ما حلو

الحل متناقصة وليس (غير مطردة) ..الا اذا تساهلو بالسلم

يحزننا فراقكم💔 ...
ولكن هاد حال الدنيا متقلب
كل يوم مختلف عن يلي قبله
وكل شوي بتلاقي حالك بمحطة جديدة
بس العبرة من كل محطة بتوقف فيها تترك أثر حلو
إن شاء الله نكون تركنا أثر حلو بذاكرتكم وتضلوا تتذكرونا وتدعولنا
ونحن كمان مارح ننساكم أبداً ❤️‍🩹


بتمنى تدعولنا كتير( الوضع خارج السيطرة😭)

صباح الخير يا اشاوس ال 25
الصباح يلي مافي دراسة🥳🥳🔥🔥🔥

بداية الله يفتح عليكم تعبتوا واشتغلتوا وكل واحد ما قصر وعمل يلي عليه
لا تفكر بالنتيجة النتيجة مخبيلك ياها رب العالمين
اطلع انبسط وريح حالك وريح نفسك ((إن لجسدك عليك حق))
وناااام 😂😂😂 أهم شي النوم النوم سلطاااان 😎

نصيحة ع كم شغلة
هي العطلة رح تكون معكن اخر اطول عطلة بتعيشوها بكل حياتكن ..
ويلي بقلكن بالجامعة بترتاح بتعرفوا انو مو هيك ..
فلذلك لا تضوعها من ايدك شلون ما كان وبرضو لا تجلد حالك وتعبي وقتك خالص

في كتير شغلات بتحسن تعملها انا انصح بثلاث بشوفن انو هنن اهم شي
📌 تقرأ كتب 📘📘
صدقا يا شباب قراءة الكتب ممتعة جدا جدا جدا بشكل لا توصف وازا مع مشروبك المفضل اوووه ولا أروع
وما مننسى انو افضل كتاب انك تقرأو هو كتاب الله عز وجل مو ضروري تحفظو، اليوم بحاجة انك تقرأو وتفهمو اكتر بكتير من حاجة انك تحفظو
افتح اقرا صفحة باليوم وتدبر معانيها ابحث هي الاية شو سبب نزولها شو كان عم يصير شو الحكمة منها وحاول تأسقطها عالواقع رح تشوف انو في كتير شغلات عايشينها غلط بغلط بغلط او مفاهيم هية بس هيك اخدينها عادات وتقاليد بس هية مالها اساس من الصحة
وبرضو اقرأ كتب تطوير ذات، اقرأ عن المال، اقرأ عن التاريخ المفيد مو تقرألي تاريخ عدنان ولينا 🫠😂😂 اقرأ عن النفس البشرية، اقرأ عن العقل بتشوف اعجاز مرعب صراحة كيف العقل والجسم شغالين وكيف العادات شغالة، اقرأ عن تنظيم الوقت ليفيدك كتير بكرة بحياتك الجامعية صدقا

📌تتعلم مهارة 🔥🔥
المهارات قسمين:
🟢 مهارة بتجيب مصاري 🤑🤑
اي مهارة بدك ياها تعلمها ولا تتعلم شي انت ما بتحبو لا تجبر حالك ع شي مالو شي حلو بس برضو لا تكون ني وتتهامل
اكتر المهارات المربحة حاليا من وجهة نظري هية التصميم التصوير المونتاج وفي مهارات تانية متل كتابة المحتوى ترجمة تعليق صوتي برضو لا بأس بهم
🟢 مهارة بتساعدك بحياتك وبتنمي عقلك 😎😎
متل اللغات تتعلم اهم اللغات انجليزي فرنسي اسباني (ولا تضحك ع حالك وتقلي هي لغة الكفار ولا مارح يفيدوني بشي) يلي مو متعلم انجليزي يروح يتعلم في معاهد ع ارض الواقع مدفوعة وفي عالنت ZAmerican English التطبيق الاغلب معد عجبوا وهو انتزع اخر فترة صراحة فشوف قنوات التيلي ناشرة كلشي فيديوهات
الكتابة السريعة لشباب الIT 💻💻 هية بس انك تكتب بشكل سريع عالكيبورد بدون ما تطلع صدقا يا شباب بتفيدكن بشكل مرعب خارق حارق متفجر وتدريبها ما بدو كتير ساعة باليوم لمدة شهر بتكون وصلت لسرعة 50 كلمة بالدقيقة يلي هو مستوى مقبول نوعا ما
التعامل مع الاشخاص هي اكتر شي فيك تتعلمها من الكتب وكيف اطباع الاشخاص ووو
وفي مهارات كتير بس انو هدول اكتر شي مطلوبين نوعا ما

📌 اخر شغلة وهي اهم شغلة انك تلاقي الشي يلي انت بدك يا
اسأل حالك انا وين رايح شو عم ساوي هلأ
جامعة
اوك روح 5 سنين هيك بس مشان الجامعة رتب حالك ورتب مهامك كتير منيح، لا تغلط غلطة المدرسة يلي روحنا عليها 12 سنة واخر شي بس مشان نفوت جامعة اوك هي مرحلة بناء خلقي ونفسي بس ما الكل استغلها صح
لا تمشي مع القطيع وتلحق التريندات والهبل يلي عم يصير شايفين شو عم يصير بالعالم (هذا والله ما صار الا بعد ابتعادنا عن ديننا واخلاقنا والله والله والله💔💔) هذا الشي نحنا مسؤولين عنو وسنحاسب عليه
أهلنا بغزة رح يوقفوا ويقلولنا انتو شو ساويتو مشانا نحنا كنا عم نموت والله مسؤولين عليهن
رب العالمين حيسألك انت شو قدمت شو ساويت للدين والاسلام رب العالمين اصطفاك من بين الخلائق وكرمك بانك تكون مسلم لا تاخد الشغلة هيك وتنسى اهميتها انشر دينك تعلم دينك لا تكون ني، اعتز بالاسلام اؤمر بالمعروف وانهى عن المنكر كلمة (دع الخلق للخالق كلمة واحد اجدب لا يفقه شيء) انت عم تنصر الاسلام رب العالمين مستحيل ومن سابع المستحيلات انو يخلي حدا يئذيك بالعكس، وبرضو اسمو امر بالمعروف يعني بدون ما تهبد مو تحكي وانت ما عندك علم لا خليك ساكت ازا هيك تعلم مشان تحكي مو تخليك ساكت للأبد، واسمو نهي عن المنكر يعني مو ضروري بالضرب والأذى فديروا بالكم لانو والله شيء مخيف جدا❤️

وبس، لا تضوعوا حالكن هلأ طلعتوا عالدنيا وعالجامعة خلي بوصلتك دائما اسلامك ودينك ووالله رب العالمين ما بضوعك
موفقين يارب والله يفتح عليكن أي سؤال نحنا جاهزين عم نتواجد بالجروبات قدر الامكان❤️❤️❤️

داق خلقكن ما 🌚🌚

بدكن تسألو شي مفيد نفتح ولا بدكن تسردوا 🌚🥲

عُدنا..
ولكن هالمرة عودة مختلفة كونكم خلصتوا امتحان، يعني عودة بدون فقرة مناقشة أو ملف أتمتة أو فيديو يوتيوب 🌚

طبعًا يعني هلأ صرتوا سنافر، ولازم نحكي معكم بشغلات غير حكي الباك ولكن! ضمن إطار الفائدة كالعادة ✨️

حكيت قبل أن هي آخر أطول عطلة رح تمر عليكم قبل الجامعة، وضروري جدًّا جدًّا تستغلها بشي مفيد

والأمور يلي ممكن تشغل حالك فيها بتتفرع لدرجة تحيّرك لكن أنت بتختار الأنسب لك..
ومن هالمنطلق؛ فضّلت نقترح عليكم دورة تنمية بعنوان:
☆ مـا بعـد الثـانويـة العـامـة ☆

فيها إن شاء الله من الفائدة الكثير لشخص رح ينفتح هلأ على حياة جديدة قائمة تمامًا عليه.. هو أساسها.. مركزها ومحيطها.. كل شي فيها حرفيًّا، لذلك لا أنصح بتفويتها


نترككم مع الاستبيان وتفاصيله..
علّه ينال إعجابكم 🔥

السلام عليكم
هلأ خلصتوا وصار فيكم تتسلوا بالتعرف عالفروع الجامعية
جهزتلكم كزا مصدر اطّلعو عليهم ... مافي شي احسن من شي وانما كلو بكمّل بعضو لحتى تاخد نظرة شاملة متكاملة وتجمّع كلشي معلومات وآراء ممكنة

1️⃣هاد موقع لأحد زملائنا
https://collegepath.onrender.com

🏫الموقع يحوي قائمة بالجامعات السورية العامة والخاصة وكافة التفاصيل عنها
🔬شروحات عن كافة الاختصاصات الجامعية
🔎محرك بحث للاختصاصات المختلفة ضمن الجامعات
📝شرح كامل عن المفاضلة وطريقة التقديم

لمحة عن الموقع:
https://t.me/c/2534561633/45362

2️⃣قناة عاليوتيوب جيدة جدا
https://youtube.com/playlist?list=PL_19zCtvwDt3UrYmMS2wM_6mta0X0Do1d&feature=shared

3️⃣بالإضافة الى بوت الفريق فيه ملفات لبعض الاختصاصات من شغلنا ..كتبها طلاب متخرجة او عم تدرس بالفرع @PixelEduBot