في طلاب لهلأ مو عرفانة الفرق بين
1_عدد المستطيلات المتشكلة من رؤوس الاثني عشر (الرؤوس الحمر )
وبين

2_عدد المستطيلات المتشكلة في الشبكة

هاد المستطيل يعتبر مروفوض حسب السؤال يلي سألتك ياه
(السؤال الأول)
لأنو رؤوسو مو كلها من الرؤوس الحمر
فلا تخلي الأقطار الفرعية وهالشبكة تضيعك اذا السؤال مانو سؤال شبكة (متل يلي اجا على دورتك * )

الصيغة الأولى صيغة دورة 2022 تانية
الصيغة التانية صيغة دورتك 2024

⭕لدى ريم (6 ) أحجار زرقاء B وحجر أحمر R وحجر أصفر W وحجر أخضر G
تريد ترتيبها في صف على أن تضع بجانبي كل حجر غير أزرق حجرا واحدا أزرقا على الأقل.

الطريقة الأولى 1️⃣

⭕منحسب .الحالات الكلية لترتيب الكرات :
ما عم حل ..بس تحماية و من باب تعرف انو الرقم مو بالآلاف رح يكون :
اعتبرو طلب لحال من عندي
🔴🟡🟢🔵🔵🔵🔵🔵🔵
نفس سؤال الخانات تبع دورة 22
نختار 6 خانات من أصل 9 بعملية توافيق لأنو الترتيب غير مهم ..بدي حط فيهم طابات زرق متشابهة نا بهمني الترتيب 🔵
توافيق 9 على 6
بعدين نملأ بافي الخانات التلاتة بالكرات المختلفة 🔴🟡🟢
بعملية تراتيب لأنو مختلفة همني الترتيب
P³ 3= 3×2×1
بيطلع الناتج 504
أو
قانون التباديل عالمسودة الكل عاملي على عاملي المتشابهات ...
9!/6!= 9×8×7=504
يفضل تعملو عالمسودة "لأنو مامو قانون رسمي " وتكتب بالحل
1×1×1×1×1×1×1×1×1 ×504 =504

الحكي يلي فوق مالو علاقة بالحل

وانما مجرد تحماية لمخك عالشغل يلي بدي اشتغلو ولذكرك :
رح حل عطريقة المعاكس ..بس أول بدي صغّر الاوميغا تبعي لسهولة الحل

⭕لازم نعرف أول شي أنو لازم حط حجرين زرق عالطراف⛔ ..هي عملية اجبارية⛔ ... ليش ؟
لأنو إذا بلشت الطرف بلون ملون هيك بكون خالفت الشرط يلي هو حاطو
🟢🔵🔵🟡🔵🔵🔴🔵🔵
لااحظ كيف الأخضر مخالف مافي عيسارو أزرق

✅لازم يكون بهاد الشكل
هاد هو الكُلي تبعي ✅💁‍♂️
🔵⏺⏺⏺⏺⏺⏺⏺🔵

معناها كلشي حالات ما بكون فيها ال B عالطرف تُحذف ..
طيب السؤال هلأ
شلون منحسب الحالات يلي فيها B عالطراف
🔵 🔴🟡🟢🔵🔵🔵🔵 🔵

تركيزي عالنص  عالخاانات السبعة يلي بالنص فقك ..سؤالي سؤال تباديل للكرات يلي بالنص ..
هدول ..عزلتن وبشتغل علين لحال
🔴🟡🟢🔵🔵🔵🔵
كمان ..نفس هداك سؤال خانات دورة 2022
نختار 4 خانات من أصل 7 بعملية توافيق لأنو الترتيب غير مهم ..بدي حط فيهم طابات زرق 🔵
توافيق 7 على 4
بعدين نملأ بافي الخانات التلاتة بالكرات المختلفة 🔴🟡🟢
بعملية تراتيب
P³ 3= 3×2×1
بيطلع الحل 210
او بتحل تباديل
7!/4! = 210

⛔طيب هلأ بدي احسب المعاكس بقا ⛔

رح آخد يلي بالنص وركز عليهم
🔴🟢🟡🔵🔵🔵🔵
ايمتى ما بيتحقق الشرط ؟
مجرد ما يجي 🟢🟡 ورا بعض او 🔴🟢 أو 🔴🟡
فأنا هلأ رح اعمل 3 حالات بعدين اجمعن وبكون طلعت المعاكس وآخر شي بقفص من 210 تم ؟

⚜الحالة الأولى : أنو يجي 🟢🟡 ورا بعض
هيك يعني
🔵🔵🔴🔵🟡🟢🔵
رح اعتبر 🟢🟡 عنصر واحد
وطبق قانون التباديل عالمسودة اسرع ..
بالبسط منحط عدد العناصر ..كان عندي 7 عناصر لما دمجت عنصرين صار عندي 6 عناصر
يعني البسط !6 والمقام متشابهات عاملي (الزرق ) يعني !4 .. بيطلع 30

عندي مشكلة صغيرة 🥲
نحنا دمحنا 🟢🟡 يعني الأخضر بعدين الأصفر بركي بدي ادمج بالعكس .. فرح يكون عندي حالة تانية هي 🟡🟢 فرح اضرب ب 2
30×2 = 60
ونفس الشي
⚜الحالة التانية 🟢🔴 بتطلع 60

ونفس الشي
⚜الحالة التالتة 🟡🔴 بتطلع 60

عندي مشكلة صغيرة .. فعليا مو صغيرة .. كييرة شوي ✨✨

شوف شو يلي صار انا عندي حالات كررتها من دون ما حس
فصرت عم احذف زيادة

بالحالة الأولى لما يلتقى
🟡🟢 مع 🔴
يا أما هيك 🔴🟡🟢 او هيك 🟡🟢🔴
وبالعكس 🔴🟢🟡 او 🟢🟡🔴

وبالحالة التانية
لما 🟢🔴 مع 🟡
هيك
يا ما هيك 🟡🟢🔴 او 🟢🔴🟡
وبالعكس 🟡🔴🟢 او 🟡🟢🔴

وبالحالة التالتة
لما 🟡🔴 مع 🟢
يا اما هيك 🟢🟡🔴 او 🟡🔴🟢
ابالعكس 🟢🔴🟡 او 🔴🟡🟢

رح تقلي شو هالمسخرة
انا شو بدو يجي عبالي اشتغل هيك

هدول تباديلن لازم 6 ..طلعو 12 .. انت فيك تعرف انو طلعو بيطلع 12 لأنو كل وحدة الها 4 حالات ..
مرة قبل ومرة بعد ..
ومرتين وقت نقلب الطابات ..من دون ما تفك

متى ما عرفت انو طلعو 12
معناها في شي غلط

بتروح بتشيل 2 من كل حالة هيك بيرجعو 6 
بس هدول الطابات الملونة.. ممكن يجو بخمس أماكن
اعتبر الملونين 🔴🟡🟢 عنصر واحد .. معك 4 زرق صاروا 5 عناصر ..قانو التباديل
5 عاملي على 4 عاملي بيطلع 5 ..
هدول هنن الخمس حالات
🟢🟡🔴🔵🔵🔵🔵
🔵🟢🟡🔴🔵🔵🔵
🔵🔵🟢🟡🔴🔵🔵
🔵🔵🔵🟢🟡🔴🔵
🔵🔵🔵🔵🟢🟡🔴
فلازم تشيل منن كل حالة
5×2 =10
فبدل ما تجمع 60+60+60
بتجمع 150=50+50+50

210 _150=60
شايف شو سهل

لا تسب .. والله بعرف ما فهمت ..حاول قراء عالهدا
التمرين صعب وبقرف وما بيجي .. بس قصة حصر الترتيبات لازم تعرف شو وضعا

رح حل بطريقة تانية المسا بدون معاكس ..واذا ما فهمت الطريقتين هون كتابة ..ممكن اعمل فيديو

لك متل ما عم قلك ..سؤال التوافيق بيجي سهل ومن الكتاب
التوافيق:
بدرس أحياء 🚫
بحل الفزلكات يلي بتبعتوها ✅

الطريقة التانية2️⃣ ..مطوّرة شوي

منثبت الالوان المختلفة بهالشكل
....🟡.....🔴......🟢.....

هدول مثبتين بس مسموح اعمل تباديل بين بعضن من دون ما حطن عالطراف او بالفراغات .. يعني تبديلن عادي جدا !3

منجي لقصة الفراغات الاربعة يلي هنن الطابات الزرق الستة
انا عندي 6 أحجار لازم حطن ب4 فراغات متل مو موجود قدامي
هون ساعتا انا قدام حلين:
1️⃣يابحط 3 سوا🔵🔵🔵 و3 متفرقين🔵و 🔵و 🔵 مثال
🔵🟡🔵🔵🔵🔴🔵🟢🔵

2️⃣او بحط 2 سوا 🔵🔵و 2 سوا🔵🔵 و 2 مفرقين 🔵و🔵

"ما بيمشي الحال حط 4 سوا بنفس الفراغ لأنو رح يزيد فراغ فاضيى
وما بيمشي الحال حط 3 سوا و 2 سوا .. لأنو كمان رح يزيد فراغ "