السلام عليكم
الخطة تبعنا رح تكون
تحليل -جبر -هندسة
يعني رح نمشي بتلت اقسام مو قسمين بس (جزء اول وتاني)
لسببين
1_تقليل الملل بحكم الجمود يلي بالهندسة والنمطية يلي فيها .. فممكن الواحد يمل منها فلما تجمعها مع الجبر بتنوع شوي

2-والاهم هو تخفيف عبئ وصعوبة الفصل التاني بحكم انو قصير.. فتركك للاقسام الصعبة نوعا ما من الجزء التاني يلي هو الجبر من عقدية تطبيقات عقدية رح يظلم التوافيق والاحتمالات كتير وهاد يلي بصير مع الاغلب فبمشوها بصم وبقولو عنها صعبة

السلام عليكم
الطلاب يلي درست بالصيف ومشيت بالمنهاج
انصح انو ترجع تبلش من الاول مع بداية الفصل لكزا سبب

1_ انت غالبا متعرف عالواحدات واخد عناوين فلا تعتبر خالص الوحدة فلازم تعيد وتحل تمارين اكتر
2_ حتى لو كنت دارسن بالتفصيل ومتمكن وعامل مذاكرات.. انك تكمل يلي بدأتو بالصيف بيعني انو رح تخلص الرياضيات بكير عشهر ١ مثلا وهاد الشي مو طبيعي وبيعمل فراغ كبير بين انتهائك من المنهاج والفحص وهون بتبلش مشاكل الملل والمراجعة غير المنظمة و الأغلب بيصل للفحص نسيان يلي مراجعو ومو مركزو
لأنو بهيك حالة اقل الشي لازم تراجع مرتين او اكتر وهاد يلي بكون صعب انك تلحقو غير لما تخلص بأول ٤ يكفي مراجعة مرة وحدة

فنصحيتي هي ابدوا من الأول وبالعكس هاد بيعطيك سرعة بالانطلاق وبقلل الوقت يلي بتحتاحو الرياضيات فبضل وقت لباقي المواد وبيعطبك دفشة ببداية الفصل من دون ما تتعب زيادة

عينة _قسم النهايات

خطة الاسبوع الأول
6/9 _ 12/9
رابط شرح النهايات لأنو بالملف محطوط تبع رابط اللوغ بالغلط
https://youtube.com/playlist?list=PLWZEx5QgI3_mB9mr11_iBF1t1PoVqDkaO&si=NlFXD4PyATxzqbaW

شرح عن الخطة

هل تعلم❓ انو عقناة اليوتيوب في +٢٢٥ فيديو للرياضيات .. متوسط مدة الفيديو ٣٥ دقيقة

ولسا في ابحاث متل الاسي والاشتقاق والتكامل وقسم من اللوغ مو مشروحة .. متوقع الوصول لاكتر من ٣٢٥ فيديو هالسنة

ما شرحنا ولا بدنا نشرح بطريقة عادية وتجارية متل اغلب المصادر
الفكرة مانها حل تمارين قد مانها شرح افكار وطريقة تفكير
فيني ضل عم حل تمارين واعطيك خوارزمية للحل واي تمرين بينلعب فيه.. رح تلاقي فيه صعوبة وتفرش..
لهيك عم نركز على طريقة التفكير

رابط شرح النهايات لأنو بالملف محطوط تبع رابط اللوغ بالغلط
https://youtube.com/playlist?list=PLWZEx5QgI3_mB9mr11_iBF1t1PoVqDkaO&si=NlFXD4PyATxzqbaW

انترو فيديوهاتنا الجديد لطلاب 2027 🔥

اعتمادك على دليل المعلم كمصدر وحيد للحل بمادة الرياضيات هو قرار سيء جداً بأغلب الحالات لعدّة أسباب :
1- هو مُخصّص للمعلّم، لهيك فيه اختصار خطوات كتير الشي يلي بيخلي الحل غير مفهوم لطالب لسا عم يتعلّم ومستواه مو قوي
2- في خطوات بالسلم بكون عليها علامات وبالدليل بتلاقيها غير موجودة
3- كتير تمارين محلولة بطرق معقّدة ولف ودوران أو طرق خاصة مع أنه موجود طرق عامة وأبسط
4- الدليل نزل من ٢٠١٧ ومن وقتها ما تصوّب وحرفياً مليان أخطاء طباعية وحسابية وأحياناً علمية
ما رح قلك شو المصدر الأحسن وشو السحر لتجيب ٦٠٠ بس أيّ مصدر بيوفرلك طرق حل مفصّلة بدون اختصارات وبيخليك تفهم سواء دفترك أو نوطة هو أفضل

فكرة غروب المتابعة عم تنطلب من السنة الماضية ولهلأ، متل باقي المواد غروب مدفوع (بحكم أنه منهك جداً عالمشرفين 😅)، هو متل صف بكون في تواصل مباشر ويومي مستمر بينا وبين الطلاب، مع خطط خاصة ونماذج ومذاكرات وتصحيح وفيديوهات داعمة وملفات تعويضية وإجابة عن الأسئلة واستدراك أخطاء تنظيمية وعلمية

طبعا اهم شرط للتسجيل بهيك غروب مو الدفع (ممكن نقيم الحالات ونراعي بعض)
ولكن هو انو الطالب يكون بدو يدرس
مو مهم المستوى بس يكون حاطط ببالو يدرس

لأنو متى ما فات عالغروب فصرنا نحنا مسؤولين عن علامتو ..فإذا مافي تعاون مارح يمشي الحال

الفيديو التعريفي للرياضيات صار عاليوتيوب 🔥🔥
وهي المحتويات 📘📘

هام جدا لتعرف تنظم وضعك قبل ما يبدأ الجد
https://youtu.be/a1WV2Mbi1M0?si=DG4gaw8xbe1Yhlp_