السلام عليكم و رحمة الله و بركاته

اليوم نزلنا لكم 7 أسئلة بتخص بحث النهايات والاستمرار لتختبروا معلوماتكم فيها، ومن اليوم ورايح كل كم يوم رح نصير نبعت أسئلة عن بحث معين بالمنهاج لتراجعوه معنا أول بأول ، وبالنسبة للحلول ففيكم تشاركونا حلكم تحريري بالتعليقات
بالتوفيق للجميع

السلام عليكم ورحمة الله
يعطيكم العافية جميعا...

بمناسبة اقتراب الإعلان عن النتائج وانحصار موعد صدورها بالايام الجاي

✓حابب أحكي شي كتير مهم ورح يواجه الكل
أول ما تطلع علامتك وتشوفها ..وبما أنو نحنا هون ما عم نبيعك أوهام ..لازم تنحط بواقعك
•ممكن ما تطلع متل ما حسبت..
•وممكن تطلع متل ما حسبت..
•وممكن حتى تطلع اعلى من ما حسبت..
مو موضوعنا هاد ..

🔶رح تطلع علامتك وتشوفها وتعرف علامة رفيقك فلان وفلان وتجي تقارن.. فبدنا نحكي عن موضوع المقارنة
" هاد شي رح يصير اجباري " ما فينا نمنع هالشي بس فينا نحد من نتائجو يلي ممكن تكون كارثية لقدام على صعيد نفسيتك..
أو حتى على صعيد ثقتك بنفسك ..وهون المصيبة

✅يلي جاي قلك ياه حاليا أنو حط ببالك هي العبارة:
"لا تقارن نفسك مع الآخرين .. بل قارن نفسك مع من أنت كنت عليه البارحة "
بمعنى أنو :
✓قارن علامتك مع الصفر يلي اخدتو بمذاكرتك الأولى بمعهدك او مدرستك.
✓قارن علامتك مع الصفنة تبعك وقت الأستاذ طلعك وسمعلك وما عرفت تجاوب.
✓قارن علامتك مع البرامج يلي حطيتها بشهر الانقطاع.
✓قارن علامتك مع تعبك.. مع سهرك قبل الفحص.
✓قارن علامتك مع الشغلات يلي انحرمت منها خلال هالسنة.
✓قارن علامتك مع كمية التوتر يلي خفت تروحك عالأخيير وقت استلمت ورقة الفيزيا.
✓قارن علامتك مع ظروفك الخاصة والأمور يلي صارت معك ولهتك

هي هيي عملية المقارنة السليمة يلي بدك تعملها
وبعدين رح تعرف :
⚫️هل أنت راضي عن حالك ؟  أو لا


•لا تقارنها مع رفيقك يلي ممكن كنت تنصحو وتساعدو و توقعتو يجيب أقل منك وجاب أكتر
لا تقارنها مع ابن عمك... ابن خالك ..مع أي مخلوق

•واتذكر انو شو ما كانت علاماتك رح تكون احسن من قسم كبير من غير عالم من باب :
"شوف مصيبة غيرك ...بتهون عليك مصيبتك "

•رح تتعرض لكتير حكي من العالم ومن قرايبنك بس لما تعمل هالمقارنة السليمة وترضى عن حالك ..رح تحط كل هالحكي ورا ضهرك.

✨مني ومن الفريق كامل منتمنالكن علامات تسر قلبكن وخاطركم.

موفقين يارب ❤️

الجوال بالبكالوريا
عم يجيني كتير اسئلة من طلاب ال 27 فايتة جديد ومتحمسة ومفكرة انو لازم تنقطع عن العالم وقت البكالوريا
سواء عن الجوال او عن الحياة ..
اكيد لازم يتخفف هالشي وينحسب
بس القطع النهائي هو مبالغة ويكاد يكون ضرو اكتر من نفعو رح تلاقي حالك عم تأنجز بس لقدام رح تمل وما تقدر تكمل..
لما كنت قدكم عملنا غروب اراقة وكنت كتير اسرد عالغروب (بس اغلبو دراسة مو حكي بلا طعمة) وهيك لدرجة الطلاب يلي كانو معي فكرت مجموعي رح يكون سيء.. بس لاء الحمد الله الفكرة بتنظيم الوقت وأنو تعطي كلشي على قدو وما تروح شي على حساب شي وهيك بالعكس بتأنتج انتاج خرافي
خلص عيش حياتك طبيعي بس خفف الجوال والطلعات.. لا تقطعن..نظمن..ما بفضل قصة تخبي جوالك وتشتغل عجوال اهلك الا اذا كنت مدمن شديد وجربت تخفف وما زبط معك وضيعت وقت زيادة
ومبارك ان شاء الله لجميع طلاب 26

📌سلسلة
#الرياضيات_كما_لم_ترها_من_قبل
كتير طلاب بتحل مسائل وبتكتب f معرف ومستمر على..
وهي مو عرفانة شو معنى هالكلام 😅
هاد فيديو تفصيلي هام جدا للفرق بين التعريف والاستمرار بيانيا وجبريا
https://youtu.be/uG4xCLWKLyA?si=yWO8F_2XeM7rVhO8

🖇️ #التابع_الرياضي
Mathematical Function

أساس الرياضيات التحليلة والعملية ، المنطلق يعطي والمستقر يستقبل و لكن هل نحنا فعلاً فهمانين العمق الرياضي للفكرة ؟ وفقكم الله طلابنا الاعزاء ❤️‍🔥.

#قواعد_الاشتقاق 📝
إليكم الاستنتاج الرّياضيّ العمليّ للقاعِدة الأُولى في بحث الاشتقاق، الفهم العميق للمادة من أبسط التفاصيل حتى الأوج، يصبُّ في مصلحة الطّالب ومستواه العلمي، السّلسلة مستمرة إلى أن نُنهي الاستنتاج الرّياضيّ لكلِّ قاعدة في البحث بإذن ﷲ.

كلُّ التّوفيق لكم، طلابنا 💛.

لندعم الفكرة اكتر ، تفضلوا

التدرب عهيك امور هو مو بس لتعرف اصل القانون .. واكيد خطرلك انو هو شي مفزلك مالو داعي
بس فعليا اصل القانون ما كتير بهمنا واكيد مارح تكتبو بالفحص..

وانما الفائدة الاكبر منو هو تدريبك وتعويد ايدك عالعلاقات الرياضية
وتسريع حلك وطريقة تفكيرك بعلاقات خارج ما يسمى بالخوارزميات يلي بتضلو تشوفوها وتكرروها بالتمارين المألوفة
وهاد يلي بينقص الطلاب وما بخليها تلحق بالفحص هو انو مو معودين عينن على تمارين جديدة و ايدن عطرق حل جديدة

السلام عليكم و رحمة الله و بركاته
نضع بين أيديكم بعض الأسئلة المؤتمتة فيما يخص بحث الاشتقاق