اي سؤال ببالك عن النموذج
جمعولنا ياهم على هاد البوست لنعمللكم فيديو نجاوبكم عليهم

بما أنو القيم الحدية ترند 🔥وكتران السؤال عليها هالفترة
و مشان يلي لسا عم يعاني وعم يخربط بالقيمة الحدية وقت ينقطع التابع ..
وخاصة جماعة "دائما عند القيمة الحدية بينعدم المشتق" هدول سردة لحال 😂
بنصح بشدة ب

فيديوهات معضلة القيم الحدية 🔥🔥
الاول:
https://youtu.be/vu78kkgO3mw

الثاني:
https://youtu.be/b5EDdYDWYkk

الثالث:
https://youtu.be/-IB0ShK-iAc

الرابع:
https://youtu.be/nKpZKhmAyYw

الخامس:
https://youtu.be/k0JrnhzkKU4

طبعا الملف كامل عالتطبيق
نحنا دمجنا البنكين نهايات واشتقاق سوا بمجموع ١٠٠ سؤال تحريري ليصيرو محرزين
ببنك صار موجود بهادف فيك تدرس منو مجانا او تطلب نسخة ورقية
رابط البنك
https://hadaef.com/book/id/505?lang=ar

من بنك الاشتقاق 🔥🔥
مين بقلي
شو هنن القيم الحدية
+
عدد حلول المعادلة fx_y=0
بحيث y هو معادلة المقارب دلتا

تعوا نتناقش سوي
⭕️السؤال ١٣ ⭕️
في طالب سأل من يومين :
كيف بدي اعرف المماسات بالطلب التاني وانا ما عندي السطر التاني🤔🫠 (سطر المشتق )
شو بترد عليه ؟
سؤال تاني عجنب:👇👇
عند ال 6 شو التأويل هندسيا ?!.. مقارب ..مماس..؟! ولا شو السستم .

ديرو بالكم حدا يقلي هيك
هي مو قاعدة
ليك طلاع بالقناة لفوق بتشوف
قيم حدية مماساتها شاقولية
او قيم حدية عندها مماسين مائلين
فمو شرط دائما افقي

يلي بكرا عندو امتحان ومقصر ترا مو ضروري تنام هاليوم 👀😭
لأنك هلأ حتأجل وتقول بالعطلة الانتصافية بلم الديانة
بتجي بالعطلة الانتصافية بتقول خليني لحق العلوم والرياضيات وبتتركها 🤷
فلهيك خلص بكرا عندك امتحان اسهر واعطي كل طاقتك لتخلص كل الكمية يلي عليك، سواء بالديانة أو غير مواد

بما انو الأغلب قدم رياضيات بدي احكي شي
⭕️حاليا الاسئلة يلي بتجي بعد الفحص:
" فرشت بالنصفي يعني رح افرش بالفحص الأخير ..ما غرفت اتعامل وتلبكت ..اذا بالنصفي عيك كيف بالأخير 😭😭"

ما بتقدر تقيم مستواك بدقة بالفحص النصفي الا لحتى تخقق العوامل المثالية يلي رح تصلا بالفحص الأخير
يعني مثلا :
1⃣لازم تكون دارس كلشي دخل معك عالأقل مرتين وملحق مراجعتن
2⃣ومستوى الاسئلة يكون طبيعي ومنطقي ..

وغالبا هالامور للاسف ما بتكون محققة عند اغلب الطلاب بسبب الضغط يلي بيجيهم قبل الفحص ما بلحقو يراجعو منيح
يعني عالاقل هاد يلي صار معي شخصيا 😅

وممكن تكون فرشتك هلأ بتعني انك رح تفرش بالأخير
في حال انت ما سعيت لتقدم افضل شي عندك وتكاسلت وقصرت او عندك نقص ببعض الابحاث والافكار والفهم
فهون بتضرب ستوب وبتحاول تصحح اخطائك الفصل الجاي وبالانقطاع ..معك وقت لسا وحاول اي شي خربطت فيه تفهم وتعرف ليش خربطت فيه لتحاول تعالج مشكلتك
هلا انت خربطت ❌
1⃣لأنو ما راجعت كلشي قبل الفحص ؟
2⃣لأنو مو مارر معك هيك شي ابدا وكان خارجي؟
3⃣لأنو مو فهمان او متدرب على هالفكرة وتوسعاتها؟
4⃣لأنو ما زاد معك وقت ؟
حسب السبب منعالج المشكلة

⭕بالنسبة ليلي عندو فحص الاحد مارح اقدر فيدك كتير لأنو ما ضل وقت

بس بحب قلك انو اذا داخل معك ٧ او ٨ وحدات
راجع قراءة صديقي لا تكتب كلشي ما بتلحق ولا تخاف تعود على هالاسلوب لأنو بكرة بدك تطبقو بالفحص الاخير قراء كلشي كلشي واكتوب بس التمرين يلي بنعرف حالك ضعيف فيه وخربطت فيه اول مرة اخدتو

👈بكرة المسا حللك نموذجين ..تلانة المسا كتابة بتمشي امورك ..
بالمناسبة ختى لو ما درست شي وعرفان حالك رح تروح ترسب معلش روح ..مو لأنو عم حفزك وقلك رح تلاقي الاسئلة سهلة وتنجح.. لا 😂 بس مشان تتعود عحو الامتحان والقاعة والمراقبين بفيدك هالحكي كتير
بالتوفيق ان شاء الله

خلصنا النصفي ... ؟
فرشنا وخاصة بالرياضيات.. ؟💔💔
كلمتين صغار مارح كتر حكي (ان شاء الله 😂)
شو متوقع كنت ؟ أنا بقلك :
🔴 تخوض أول تجربة بحياتك ..تطلع عالأجوبة وتعرف تحل كلشي ؟ تسلم وتاخد 600 ؟ 🤞

لو الأمور بهالبساطة ما كان في داعي تروح عالفحص
خلص قعود استنى الفحص الاخير وروح .

بس أنا فرشت هلأ يعني رح أفرش بالأخير كمان ✨
لا ما دخل..

⚜خلينا نكون صريحين وشفافين مع بعضنا ونشيل التحفيز على جنب.

الرياضيات نموذجها صار غريب شوي وهي اساسا من المواد يلي كتير طلاب بتطلع فارشة فيها لأسباب حكيناها سابقا
هون https://t.me/pixel_math/1138 وحسب السبب بتحل المشكلة

بس شو يعني ؟🤔 نقعد نبكي ؟ ..خلص قعود تدرب وحل وخبص ..تدرب وحل وخبص ..معك عطلة انتصافية بتلم فيها كل النقص يلي عندك بالفصل الأول ..بس مو دغري ارتحلك شوي عالأقل للأحد

🔴واحمد ربك انو اجتك فرصة تجرب فيها قبل الأخير
ولسا عندك فرصة تانية بمذاكرة الفصل التاني
وتاني وتالتة ورابعة وخامسة ..رح تعملن لحالك  بالانقطاع  ..

رح تحل كتير ورح تتدرب ورح تصير تلعب بالمادة لعب ..
هاد الحكي للكل سواء رياضيات او غيرها أسقطو على جميع المواد

😇🔥⏳
الجزء الاخير من التحليل
يلي درس من نوط الفصل الأول اكتبولنا تقييمكم👈