🪧 Bugun "O'zbekipaksanot" uyushmasi raisi I.Sayfullayev boshchiligida hududiy "Agropilla" MCHJ rahbarlari, pillachilik klasterlari rahbarlari va urug'chilik korxonalari rahbarlari ishtirokida videokonferensaloqa orqali yig'ilish o'tkazildi.

💼 Yig'ilish kun tartibidan Qo’mita raisining topshiriqlariga muvofiq asosiy masalalar sifatida ipak mahsulotlari eksporti, takroriy mavsumga tayyorgarlik ko'rish va takroriy mavsum uchun ipak qurti urug'ining taqsimoti masalalari o'rin oldi.

🧮 Avvalo, birinchi chorakda qoloqlikka yo'l qo'ygan korxonalarning eksport ko'rsatkichlari tahlili hududlar kesimida korxonabay muhokama qilindi. Shundan so'ng, uyushma raisi tomonidan eksport ko'rsatkichlarining bajarilishi yuzasidan ko'rsatma va topshiriqlar berildi.

🫥 "Birinchi pilla yetishtirish mavsumi davomida barcha korxonalar mahsulotga ega bo'ldi, endi bundan buyog'iga eksport ko'rsatkichlari bajarilishi yuzasidan har kuni so'rov bo'ladi": - dedi Ikrom Sayfullayev.

🟥 Yig'ilishda takroriy mavsumga tayyorgarlik ko'rish, ipak qurti urug'larining qancha qismi import qilinadi, qancha qismi mahalliy urug'lar hissasiga to'g'ri kelishi yuzasidan ham korxonalar kesimida kelishib olindi.

🚀Telegram |🔵Facebook |  ▶️YouTube
🌐 Web-sayt  |📷Instagram |🤖 Bot