#Sirdaryo

✅ Bugun Guliston shahrida Maktablarni isloh qilish bo‘yicha viloyat kengashi yig‘ilishi bo’lib o’tdi.

📍 Unda Maktabgacha va maktab ta’limi vaziri Hilola Umarova, Sirdaryo viloyati hokimi Akmaljon Mahmudaliyev, tuman (shahar) hokimlari, vazirlikning viloyat boshqarma va tuman bo‘limi boshliqlari hamda ularning o‘rinbosarlari, maktabgacha ta’lim tashkiloti va maktablar direktorlari ishtirok etishdi.

❗️ Vazir Hilola Umarova tomonidan viloyatdagi ta'lim jarayonlari tahlil qilinib, quyidagi taklif va tashabbuslar ilgari surildi:

✔️Sirdaryo viloyatidagi maktablarda Prezident maktablari tajribasi joriy etiladi.

✅ Bunda Sirdaryodagi 10 ta maktabda o‘quvchilarning qobiliyati va tanlovi asosida (10-sinfda ixtisoslashuv asosida o‘qitish) va yana 11 ta maktabda tajriba-sinov tariqasida Prezident, ijod va ixtisoslashtirilgan maktablarning yangicha o‘qitish hamda baholash tizimi asosida darslar yo'lga qo'yiladi.

✔️ Viloyat bo'ylab jami 11 ta maktabda kasb o‘rgatish va ikkinchi xorijiy tillarni o‘qitish jarayonlari joriy etiladi.

Shuningdek, yig‘ilish doirasida:

✔️Sirdaryo tumanidagi “Furqat” va “Farovon” mahallalarida xususiy sektorni jalb qilgan holda maktabgacha ta'lim tashkilotini tashkil etish hamda

✔️maktablarning moddiy-texnik bazasini mustahkamlash va maktabdan tashqari ta’limni sifatli tashkil etish bo'yicha takliflar ilgari surildi.
___________
📈 Ma'lumot o‘rnida, so‘nggi 5 yilda viloyatda 13 ta yangi maktablar barpo etilib, qo‘shimcha 7 ming o‘quvchi o‘rni yaratilgan.

Maktab bitiruvchilarini oliy ta’limga kirish ko‘rsatkichi ham yaxshilanib, 39 foizga yetdi.

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Sirdaryo
#Toshkent_Muqimiy_teatri
#Live
#teatr_festivali

✅Prezident, ijod, ixtisoslashtirilgan maktab va maktab-internatlarning o‘quvchilar teatr jamoalari o‘rtasida “Teatr – ibratxonadir” shiori ostida teatr festivali boshlandi.

❇️ Festivalda Sirdaryo viloyati ixtisoslashtirilgan maktablari ma'naviy-ma'rifiy ishlar bo‘yicha direktor o‘rinbosarlari ham faol ishtirok etmoqda.

📲 Rasmiy sahifalarimiz:👇
💬 Telegram | 🌐 Facebook
🌐 YouTube  | 🌐 Instagram

#ishchi_guruh
#Sirdaryo

🤩 AGENTLIK DIREKTORINING TIZIMDAGI MAKTABLAR FAOLIYATINI JOYIGA BORIB O‘RGANISH ISHLARI DAVOM ETMOQDA

Avval ma'lum qilinganidek, Ixtisoslashtirilgan ta’lim muassasalari agentligi direktori Alisher Ubbiyev boshchiligidagi ishchi guruh tizimdagi maktablar faoliyatini yaqindan, haqqoniy o‘rganish, ularda aniqlangan kamchilik va muammolarni izchil bartaraf etish maqsadida hududlarda bo‘lmoqda.

Navbatdagi o‘rganish Agentlikning Sirdaryo viloyatidagi maktablari bo’ldi. Jumladan, Guliston shahridagi Prezident maktabi, Halima Xudoyberdiyeva nomidagi ijod maktabi, Shirin shahar hamda Boyovut tuman ixtisoslashtirilgan maktablari ko'zdan kechirildi.

Shuningdek, Guliston shahar 2-son ixtisoslashtirilgan maktabining qurilish jarayonlari bilan yaqindan tanishildi.

Agentlik direktori oʻrganilgan maktab rahbariyati, o‘quv jamoasining ta'lim maskanidagi shart-sharoitlarini yanada yaxshilash, pedagoglarning xalqaro tajriba va zamonaviy ta'lim usullariga oid bilim va ko‘nikmalarini oshirishga qaratilgan takliflarini qo‘llab-quvvatlab, o‘z tavsiyalarini berdi.

Telegram | Facebook | Instagram | YouTube

#metodik_yordam
#Sirdaryo

UMUMTA’LIM MAKTABLARIGA METODIK KOʻMAK BERILMOQDA

🤩 Agentlikning Sirdaryo viloyatida joylashgan ta’lim maskanlari rahbarlari va pedagoglari hududlardagi umumiy oʻrta ta’lim maktablarida boʻlib, oʻquv jarayonlarini samarador usullarda olib borish boʻyicha oʻz tajribalari bilan boʻlishmoqda.

Xususan, Sardoba tuman ixtisoslashtirilgan maktab direktori G.Ziyoyeva boshchiligidagi ishchi guruh hududdagi 6-, 12-, 21-sonli umumta’lim maktablarida bo‘lib, dars jarayonlarida qatnashdi. Ishchi guruh tomonidan o‘qituvchilarga yangi baholash mezonlari tartibi, BSB va I-chorak CHSB tahlillari, eMaktab platformasi bilan ishlash bo‘yicha metodik tavsiyalar berildi.

Boyovut tuman ixtisoslashtirilgan maktabi direktori Z.Alimov boshchiligidagi ishchi guruh tomonidan hududdagi 1-, 2-, 3-, 22-, 24-, 36-, 40-, 52-sonli umumta’lim maktablar oʻquv jamoalari uchun seminar-treninglar tashkil etilib, yangi baholash tizimi, aniq va tabiiy fanlarni oʻqitishda samarador usullar yuzasidan nazariy-amaliy tushunchalar berildi.

Yangiyer shahar ixtisoslashtirilgan maktab direktori oʻrinbosari D. Shermatov boshchiligidagi ishchi guruh Xovos tumanidagi 1-, 9-, 14-, 30-sonli umumta’lim maktablarida boʻlib, oʻqituvchilariga BSB va CHSB jarayonlarini baholash tartibi, qaydnomalarni toʻgʻri toʻldirish va oʻquvchilarning ishlarini toʻgʻri baholash va jurnalga qayd etish tartibi yuzasidan amaliy mashgʻulotlar oʻtkazdi. Shuningdek, zarur metodik tavsiyalar berilib, ta’lim maskanlarining ish rejalari birgalikda koʻrib chiqildi.

Guliston shahar 2-son ixtisoslashtirilgan maktab-internati direktori oʻrinbosari B.Koʻldoshov boshchiligidagi ishchi guruh tomonidan ham hududdagi 5-,6-,16-sonli umumtaʼlim maktablari oʻqituvchilariga ayni yoʻnalishda metodik tavsiyalar berildi.

Agentlik tizimidagi ta’lim maskanlarining hududlardagi umumta’lim maktablariga metodik yordam berish ishlari davom etmoqda.

Telegram | Facebook | Instagram | YouTube