دوماً منسأل حالنا :

من وين عم يولد #النسيج_العقدي التنبيه ، يعني من وين عم يجيبه ؟ اشو الآلية ؟ إذا القلب شلناه من الجسم بضل عم ينبض (بشروط تغذوية وحرارية و .. الخ ) كيف هيك؟

الشغلة بسيطة وحلوة

"وفي أنفسكم أفلا تبصرون" فأبصر ♥️

#فرجيني
آخر خرزة القلب الأولى - فقرة أصوات القلب

صوت القلب الثالث S3 "ركد الحصان"
(الدم غير المرحب فيه عم ينزل من الأذين عالبطين)

#فرجيني
آخر خرزة القلب الأولى - فقرة أصوات القلب

صوت القلب الرابع S4 (الأذين عم يدفش الدم عالبطين غير المطاوع)

#فرجيني
آخر فقرة في الخرزة الأولى للقلب (مو متوسعين بالنفخات بمنهاجكن لكن مذكورة أكثر من مرة)

النفخة الانقباضية كيف منسمعا بالإصغاء ؟

تُسمع في قصور التاجي (قلس) وأيضا في تضيق الأبهر - آخر فقرة بالقلبية (أمراض الصمامات)

طبعا منسمعا بشغلات تانية بس ما مذكورة بمنهاجنا

ببساطة : النفخة هي اضطراب جريان الدم بتصير بالاوعية وبالصمامات
وإذا كانت قوية فمنصير منقدر #نجسا بإيدنا دون سماعات(يعني دون #إصغاء) فبيصير اسما #هرير
-مذكورة مرة وحدة بمنهاجنا

هذا السؤال ورد في دورة الامتحان الطبي الموحد - دورة آذار 2023 الأخيرة
مع العلم أن ECG غير موضح في مرجع دافيدسون المقرر في الوطني (كم كلمة عامة عالسريع)

يُحل من منهاج السنة #الثانية بكامله

وهنا يتجلى تراكم المعلومات ♥️
وفي هذا الصدد العديد من الأمثلة وسأكتفي بهذا

#فرجيني

#ECTOPIC_BEAT
#الضربات_المبكرة أو #خوارج_الانقباض
لاحظ خارجة الانقباض البطينية على الإيكو 🎬

بالعامية : هي ضربة قلبية بطينية نتيجة تنبيه العضل البطيني بوقت مبكر (مو وقتا) بالتالي ما بتكون فعالة (ما بتعطي SV أو حجم نفضة جيد) بسبب نقص زمن الامتلاء(البطين ما لحق يعبي دم فورا انقبض) ، هاي مشكلتا لأنه اذا تطورت لرجفان رح يموت المريض بصدمة قلبية (مصطلح يعني نقص نتاج القلب Cardiac Output)

#ملاحظة : مريض الجلطة أو احتشاء العضلة القلبية مثلا بموت بصدمة قلبية ناتجة عن لانظميات مو بسبب الاحتشاء نفسه(الاحتشاء بسبب تنخر جزء من العضلة لانه نقصت ترويتها فهالشي بسبب اضطراب كهربي واستقلابي وبالتالي اضطراب وظيفة تقلصية) ..

ولنكون دقيقين أكتر ، #الوفاة إلها تتالي أسباب (a,b,c) بتفهموها بالطب الشرعي بالسنة الخامسة ، مثلا :

مريض تصلب عصيدي ⬅️ احتشاء عضلة قلبية ⬅️ لانظميات كالرجفان البطيني VF(منقول المريض رجف) ⬅️صدمة قلبية ⬅️ وفاة

فالمريض هون سبب وفاته الدقيق والمباشر هو الصدمة القلبية مو الجلطة

وهاد اللي صار بالضبط مع الفنان #محمد_قنوع رحمة الله عليه 🙏

أيضا لاحظ الرجفان البطيني على الإيكو بفيديو أقل ما يقال عنه أنه رااااائع

-بالنهاية انصدم المريض فرجع كله طبيعي ♥️

#الطب_البشري
#السنة_الثانية
#تخطيط_القلب_الكهربائي
#عنوان_الفيديو : تخطيط القلب الكهربائي ECG - مدخل


#ملاحظة : التخطيط عليك وعليك ، يعني لازم يندرس يوما ما ، لأهميته ووجوده بإضبارة أغلب مرضى المشافي الداخليين ..

لمشاهدة الفيديو على يوتيوب :
https://youtu.be/j6EM6InjZEc

بالتوفيق ♥️

_المكان : كلية الطب البشري _ مدرّج الطب الكبير

_الزمان : قريباً إن شاء الله

_الحدث : ورشة "أساسيات تخطيط القلب الكهربائي"
اليوم الأول : فيزيولوجيا التخطيط من الألف للياء
اليوم الثاني : التخطيط السوي ومكوناته
اليوم الثالث : التخطيط المرضي (أشيع الاضطرابات)

_مدة الجلسة : 50 دقيقة

_الدعوة : عامة _ لكل الزملاء طلاب الطب الراغبين بالاستفادة (وخصوصاً طلاب السنة الثانية لأنه موضوع جديد كلياً)

• وذلك بإشراف عمادة الكلية ، اتحاد الطلبة ، الهيئة الإدارية

الإعلان رح ينزل قريباً ♥️

السلام عليكم
زملائي الدفعة 55

بما انه جايين على فترة بدايات الدراسة ومذاكرات وامتحانات عملي ..

بذكركن ب بوت الأسئلة @Physio55_bot
ما تتردد بالسؤال عن أي فكرة ما فهمتا بالعملي أو النظري (فزيو) حتى نهاية الفصل

بدي بس الدعاء للأهل بدوام الصحة والعافية ، الله يخليلكن أهلكن ويرحم أمواتكن يا رب 🙏

برأيكن شو الحالة اللي أمامنا ؟

قريبا رح نزل #حالة_سريرية كتير حلوة ونموذجية للعم "سامر.ع" موجودة بالعناية القلبية بمشفى حلب الجامعي

ورح اسرد هالحالة بكل ما يتماشى مع منهاج الفيزيولوجيا تبعكن لنربط ونحلل بعيدا عن سرد النظري الممل

بالمناسبة ورشة تخطيط القلب رح تكون أسبوع القادم (ما عندكن مذاكرات) واول يوم الثلاثاء وإن شاء الله رح تكون على مستوى يليق بالحضور ♥️

تبدأ بعد غد الثلاثاء ❤️

السلام عليكم

زملائي طلاب السنة الثانية 🙏♥️
اتمنى لكل مهتم حضوراً موفقاً
وحضراتكم أكثر من سيستفيد لأن الموضوع جديد

السلام عليكم

مدخل مدرج الطب الكبير من الطابق الأول جانب العمادة ومكتب رئيسة الدائرة (على اليسار)