#مفتاح
#فاقات_الدم
عالسريع .. فكرة بكل نوع اذا فهمتا ختمت فقر الدم وصرت تعرف كل شي بخصه اللي هو أهم موضوع بالدم
✔️فقر الدم بعوز الحديد : بينقص مخزون الحديد اللي بيدخل بتركيب الخضاب (ناقص الصباغ) ⬅️ بزيد نشاط النقي للتعويض (ناقص الحجم) يعني بصير النقي بيصنع كريات وبزت بالدم بسرعة ولذلك رح ترتفع الشبكيات اللي هي الدليل الأهم على نشاط النقي الزايد .
وهذا الشي أيضا في ✔️التلاسيميا

✔️فقر الدم العرطل أو ضخم الأرومات أو كبير الخلايا : بينقص B12 او B9 اللي هنن مهمين بانتاج DNA الخلية ⬅️ تقل الانقسامات في نقي العظم لأنه الانقسامات بدا مادة وراثية ⬅️ بالتالي الخلية رح تصير سمينة (الهيولى عم تكبر بس النواة ضعيفة) ⬅️ (كبير الحجم زائد الصباغ)

#ملاحظة : فقر الدم الوبيل بنقص B12 سميناه هيك لأنه بسبب أعراض عصبية ونقص الفيتامين هون بسبب ضمور مخاطية المعدة وقلة انتاج العامل الداخلي

♥️الخلاصة :
#ما_لا_تعلمك_إياه_الكتب
🌠اذا المشكلة بالخضاب ..النقي بيستعجل .. ناقص الحجم ناقص الصباغ

🌠مشكلة بالانقسامات .. النقي بطيء .. زائد الحجم زائد الصباغ

#القناة_الرسمية
#الهيئة_الإدارية

"إن الله يحب إذا عمل أحدكم عملاً أن يتقنه"
وبعيداً عن الكلام المنمق والإنشائي قررنا إن شاء الله نكون معكن بهالقناة بأمور " غير مسبوقة او مبتذلة بتاتا " كما عودت طلابي ..

رح نبدأ #بالدم وهكذا حتى نهاية المقرر ..
وأيضا الأفكار المبهمة بالعملي رح نشرحا

🌼فقرة #لمبة ورح اشرح فيها أسئلة الدورات
🌼فقرة #تفكير_ناقد يعني التساؤلات الغريبة
🌼فقرة #ما_لا_تعلمك_إياه_الكتب وهدفا الربط أكتر شي
🌼فقرة #مفتاح يعني العقدة تبع أي فكرة ما فهمتا
🌼وأكيد رح نشرح بوسائل مساعدة متعددة ، فيديو، لوح ، صوت ، والكثير ..

الخلاصة رح اعطيكن من وقتي هون ونساعدكن.. على اختلاف الطرق

وكل هالشي بإشراف الهيئة بشكل رسمي وموثوق

القناة الرئيسة :https://t.me/YazanMed

بوت الأسئلة العلمية : @Physio55_bot

#كلية_الطب_البشري
#جامعة_حلب
#السنة_الثانية
بدعم من #الهيئة_الإدارية_لوحدة_كلية_الطب_البشري
أقدم لكم فيديو تعريفي مدته ربع ساعة ، عن مادة #الفيزيولوجيا_الطبية_السوية_والمرضية_1
يتضمن :
1-أهمية المادة باعتبارها من أساسيات الطب .
2-أقسام المادة وتوصيفها .
3-التحضير لامتحانها .

💡 #هام :
-القناة الرسمية المخصصة للمادة التي سوف ترافقكم خلال هذا الفصل🥇: https://t.me/physio55

-القناة الرئيسة :
https://t.me/YazanMed

-للمشاهدة على يوتيوب :
https://youtu.be/TcUHBGfePjE

💡#لمبة
🤍العيش في المرتفعات : نسبة الأكسجين في الهواء الجاري تقل ⬅️ تقل أكسجة الدم ⬅️ تفرز الكلية الأريثروبويتين كرد فعل ⬅️ بروح عالمعمل (نقي العظم) ويحرض زيادة الكريات وكمان الخضاب "انتبه"
🤍أمراض الرئة الانسدادية :
رح نشوف بالتنفس أنها نوعين تحددية متل تليف الرئة أو انسدادية متل copd والربو
بكل الأحوال رح تقل أكسجة الدم بالمحصلة
ولما نوصل عالتنفس منشرح بالتفصيل شو يعني انسدادي وتحددي
🤍نقص التروية المحيطية :
لأي سبب كان مثلا النزف 😁
♥️احمرار الدم الحقيقي :
هو زيادة انتاج الكريات الدموية الحمراء بسبب زيادة انقسامات نسيلية يعني مانه محرض بالاريثروبويتين
ولذلك سميناه حقيقي 😏 لانه ما معه مزح
والكاذب هو قلة البلازما لذلك بتزيد "نسبة" الكريات
🤍قصور القلب :
رح يسوي نقص تروية محيطية وكمان نقص تروية الكلية

⬆️
مثال على فقرة #لمبة 💡اللي اشرح فيها كل الدورات بهالطريقة☺️
هاد سؤال اجا بالدورة الماضية

مثال على فقرة #فرجيني
اللي رح اعطيكن فيها فيديوهات لتشوف كل شي بعينك او صور او كتير حباشات😁

على اليسار قلب طبيعي
على اليمين قلب فايت بدارات عودة دخول ورجفان بطيني VF
نحنا بالكتب رح نحكي كتير شغلات مانا ملموسة
اي تكرم كله رح يصير ملموس مع هالفقرة😁

مثال على فقرة #تفكير_ناقد اللي رح ترافقنا هالفصل

قاعدة نقل الدم (ألا ترتص كريات دم المعطي🙎 في مصل الآخذ🙍🏿)

ليش مو العكس طيب ؟
مو المفروض كمان أضداد المعطي ترتص مع كريات الآخذ ؟

الجواب

#فرجيني 📷
#ظاهرة_التنضد للكريات الحمر على المجهر الضوئي
Rouleaux Formation of Rbcs

أو ظاهرة اصطفاف الكريات كقطع النقود
"صنع الله الذي أتقن كل شيء"

#مفتاح 🔑
رح نشوف أنه ظاهرة التنضد عامل أساسي في زيادة سرعة التثفل ESR (تناسب طردي)

-ليش ؟
لأنه لما بتتنضد الكريات رح يصير فصل الدم لمكوناته أسهل واسرع
-طيب حفظنا حفظ أنه #الألبومين بنقص سرعة التثفل مثلا وما عرفنا ليش !

الجواب : قال لأنه الالبومين كبير الوزن الجزيئي وطبوش☺️ وبزاحم الكريات وبيمنع التنضد

#حكمة_إلهية 🙏
شو الهدف من التنضد؟
بشكل عام بتصطف الكريات #كطابور منشان ما تكون عشوائية وخصوصا في الأوعية الصغيرة جدا متل أوعية الاسناخ بالرئتين اللي بتسع لكرية دم وحدة بسسسس

وهيك منكون درسنا بذكاء👀

ضمن فقرة #الربط و #التفكير_الناقد

تعلمنا بآخر الخرزة الأولى من #الدم ورح تاخدوه بالعملي تحليل #CBC أو #تعداد_الدم_الكامل (بالعامية : تحليل الدم) واللي هو أكثر تحليل روتيني مخبري عالمياً 🥇 وبيعطينا فكرة عن عناصر الدم الشكلية

-وحسب ما منعرف أنه العينة لتحاليل الدم عموما بتكون بسحب دم من #الوريد 💉 ليش؟
-الجواب : منسحب من الوريد لأنه سطحي أكثر والسحب منه أسهل والإرقاء فيه أسهل !!

🚨مو هون الفكرة ، ايمتى منضطر نسحب دم #شرياني ؟؟؟
-قال لقياس غازات الدم الشريانية (الضغوط الجزيئية) مثل PaO2 أو PaCO2 مثلاً !!
-طيب ليش ؟
-لأنه الدم #الوريدي 🟦 بيعطيك فكرة عن الدم المستهلك واللي راجع من النسج بالتالي ما بفيدني 🙂 .
أما الدم #الشرياني 🟥 بخبرك عن حمولته من الغازات اللي رايحة عالنسج وبالتالي كفاءة عملية الأكسجة🫁 وهون "بيت القصيد"

وهيك منكون ربطنا #دم مع #تنفس

هاد البوت @Physio55_bot
لأسئلتكن اللي بتخص الفيزيو
ورح يبقى لنهاية الفصل
إذا ضلينا طيبين

ورح سوي #بوست_مثبت متل فهرس للقناة منشان ما تضيع

ضمن فقرة #تفكير_ناقد

ال #DIC أو #التخثر_المنتشر_داخل_الأوعية
مذكور بمنهاجنا بالخرزة التالتة ضمن (الاضطرابات #النزفية)
رغم أنه هو ميل نحو التخثر !! طيب كيف ؟

💡الجواب : قال بهالحالة بصير في عندي #تخثر في مكان ما (بالبداية) ونتيجة لذلك رح يتم نضوب عوامل التخثر في البلازما ⬅️ اضطرب التوازن بين النزف والتخثر ⬅️ميلان الكفة نحو #النزف في الجسم .

#بناء_عليه
هالحالة هي غالبا #اختلاط لأمراض نزفية أو خثارية ، ومنخاف منها كتير لأنه في الها العديد من المحرضات مع وجود عوامل مؤهبة عند المريض .

متعة الطب ♥️
أمامنا مناورة لتحريض العصب المبهم X (نفخ ضمن إبرة واضطجاع مفاجئ)
ليش استخدمناها يا ترى !
عند أي مرض كهربي قلبي ؟

الإجابة بالتعليقات قريباً

المريض أمامنا فايت بحالة :
تسرع فوق بطيني ..
Supraventricular tachycardia (SVT)

والسبب دارة عودة دخول من البطين للأذين بغير وقتا فبيتسرع القلب كتير ممكن فوق ال 170ضربة بالدقيقة

هي الحالة #حميدة وشائعة

وعالجناها هون بمناورة تحريض العصب المبهم اللي بزيد فترة العصيان ضمن ال AVN أو العقدة الأذينية البطينية وبخفف من هالتسرع

في حال ما نجحت هالطريقة منعالج #دوائيا وأخيرا نلجأ #للصدم_الكهربائي أو #قلب_النظم

⬇️⬇️⬇️

الصدم الكهربائي

مع العلم أنه الصدم يدخل القلب في عصيان لحظي مؤقت لثوان .. وبعدها رح يرجع النظم طبيعي لأنه الصدمة "وحّدت كهربية القلب"

طبعا كل ذلك مذكور بمنهاجنا بس مو مفسر شي أو موضح ..