تتوفر سلايدات ورشة التخطيط في مركز التصوير

شكرا لحضوركم المهيب ، واعذرونا إن قصرنا ♥️

خلال هالاسبوع رح ينزل ملف #لمبة 💡
فكرة فريدة
لشرح ومناقشة الأسئلة السابقة
لكامل مادة الفيزيولوجيا 1
وهيك بكون انهيت أعمالي للزملاء طلاب الدفعة 55
شكرا من القلب ♥️

صوت القلب الثالث S3 يُسمع في قصور التاجي (بس مانه اساسي بالتشخيص بهمني هون النفخة الانقباضية)
الصورة من مرجع دافيدسون
الشرح في الصوت :

ما يحدث في تضيق التاجي

العلامات المخبرية لفقر الدم ضخم الأرومات :

• الهيموغلوبين Hb ينخفض
(بيرتفع ضمن الكرية الوحدة بس .. أما بالجسم عموما بينخفض)
•الهيماتوكريت ينخفض
•حجم الكرية الوسطي MCV يرتفع
•هيموغلوبين الكرية الوسطي MCH يرتفع
• الكريات البيض تنخفض
•الصفيحات تتخفض

#ملاحظة

لا يسمع صوت القلب الثالث S3 في قصور الأبهر (وإذا سُمع لدى مريض قصور أبهر فيكون نتيجة قصور البطين الأيسر المرافق أي أنه من علامات قصور البطين الأيسر وليس ابدا من مميزات قصور الأبهر ويعتبر هنا علامة إنذارية لتطور المرض نحو القصور وليس ابداً من علاماته )

بص على المصادر عزيزي ☺️ بصوت الدحيح
https://pubmed.ncbi.nlm.nih.gov/7261278/
لأنه صوت القلب الثالث S3 يسمع في قصور القلب وقلس التاجي وقلس مثلث الشرف

بدلاً عنه في قصور الأبهر ، نسمع نفخة تُسمى "اوستن فلنت" Austin Flint


وبهمنا كطلاب أنه العلامة الأكثر نوعية لقصور الأبهر هي النفخة الانبساطية في بؤرته

السلام عليكم

اشو في عند حضراتكن اقتراح لساعدكن بامتحان الفزيو العملي .
فيكن تبعتوا عالبوت
@Physio55_bot

كلنا عم نعاني انه اي فهمت التخطيط بس ما عم اعرف اقرأ !
هي الطريقة العملية المستخدمة حاليا
هيك بحفظا R.R.P.W.Q.S.T

فمثلا R طلعت عالسرعة لقيتا عالية معناها تسرع جيبي ، منخفضة معناها بطء جيبي

وP بطلع عليها اذا مانا نموذجية ! معناها رجفان أذيني

بطلع ع T مثلا لقيتا مؤنفة معناها فرط بوتاسيوم

وهكذا ...
☺️

فيما يخص المقابلات بشكل عام بغض النظر عن الفيزيولوجيا بما أنه فكرة المقابلة الشفهية شوي جديدة علينا ، في نصائح عامة بتفيدكن لقدام كتير :

🌠 التزم بالمريول والبطاقة ويفضل يكون مرتب ونضيف بيعطي انطباع جيد وحسن عنك ، وخصوصي لما بتقابل بكرا عند رؤساء أقسام ، وخليك مبتسم دون تكلف .
ببساطة في كتير دكاترة بتحب "الهندام" المرتب أيضا دون تكلف .
في أحد الدكاترة بحب البطاقة تكون مجلدة😅

🌠 لا تجادل أبداً ودير بالك تخطّئ الدكتور أو تكون مصر على فكرتك حتى لو دارسا بمكان ما ، ممكن يكون اللي بدو ياه الدكتور مختلف عن اللي ببالك .

🌠 مفتاح المقابلة هو انك تكون هادي ورايق وريلاكس ، حتى مقابلات العمل المهم فيها ثقتك بنفسك ، أساسا لما بتستمع لحدا التركيز بكون على أسلوب الكلام ولغة الجسد أكتر من المحتوى العلمي البحت .

🌠 جاوب عقد السؤال ، دون نقصان ولا استطراد .

🌠 لا تحكي كل شي بتعرفه سوا وتخلص كل معلوماتك حتى ما تبين حفظان بصم ، واترك معلومات عن الموضوع اللي عم يسألك الدكتور عنه دون ما تحكيها لأنه أغلب الدكاترة بتسألك عن نفس الموضوع بشكل تراتبي
مثلا :
-وين منشوف فقر الدم بعوز الحديد ؟
عند الإناث بسبب غزارة الطمث

(لا تقله وترا يا دكتور بسبب عوز حديد لأنه الحديد اللي خسرانينه ما عم يتعوض ، لأنه اساسا هاد مو من ضمن الإجابة وفي دكاترة رح يعتبروك عم تتفهمن ويكون رد فعلن أنه يعلوا مستوى السؤال )
فأنت اترك معلومات بذهنك عن الموضوع إذا الدكتور سرد معك بنفس الموضوع بتكون أمورك تمام وبتعرف تجاوبه .

🌠 لا تجاوب بشي ما بتعرف تفاصيل عنه !
مثلاً :
- عدد مسببات فقر الدم اللاتنسجي !
ما بصير تقله كلورامفينيكول اذا ما بتعرف تفاصيل عنا ، قله مضادات الدرق عالقليلة اذا سالك شو هدول تكون بتعرف

🌠 أضعف الإيمان إذا رحت مو دارس لمقابلة معينة ، ادرس عالطريق موضوع واحد بس بالتفصيل ، لأنه كم منيح من الدكاترة اذا بدو يساعدك بقلك شو دارس وبيسالك منه

🌠 المقابلات كلا حظوظ ، أو بالأحرى توفيق ، ممكن يسألك عن شي واثق منه أو أكثر شي نسيانه ، فلا تتعب حالك كتير ، اعمل اللي عليك وامشي

🌠 وأخيرا في شي اسمه وضعيه المزهرية 💐أو صفر المقابلة ، يعني شقد بيعطيك الدكتور اذا ما عرفت شي او حتى سكتت

اذا نفعت هلق ما بتنفع بعدين ، في دكاترة بترسب او بتكسر بالعلامات ، وبرأيي انتهزوا هالفرصة لتكونوا عم تتدربوا على المقابلات بحياتكن اللي جاية (سفر ، لغة ، امتحان طبي .. )

وشكرا