#السلام_عليكم
#موضوع_هام_يخص_التدريس_في_ظل_وباء_كورونا
كثير من الطلبة يسالون استاذ شوكت تاخذنة بالمعهد استاذ الاستاذ الفلاني اخذنة بالمعهد انت شوكت تاخذنة حبيبي انتبهلي شوي زين وفكر وحكم عقلك اذا اني اخذتك بالمعهد يعني جاي اقتلك بايدي والقتل مو الة الزم مسدس واحط طلقة براسك لا الة انواع واحدة من هاي الانواع انو اجيبك واحطك بنص طلاب واختلاط بالقاعة ومن تطلع بعد المحاضرة اكيد راح تختلط راح تكول لا استاذ خلينة تباعد واساليب وقائي راح اكولك تمام وطبعاً ولا معهد مطبقهة هاي الاساليب بحذافيرهة ولا تنسة الاطباء بسترهم واساليبهم وجاي ينصابون والاصابات بتزايد وخلي ابالك اذا انصابيت مو بس انت يجوز تنقله الاهلك واطيد عندك من اهلك واحد مسن او طفل او عنده امراض مزمنة فحكملي عقلك الله يخليك كل استاذ بلا استثناء اخذ طلابة بالمعهد وجازف بيهم هدفه مادي وعلمود الفلوس لاخلة ابالة الرسالة الي الله انطاهة الة ولا شي لحد الان مطالبت باي مالت ومتحمل تكاليف التصوير والنشر والله شاهد على كل كلمة نطقتهة والتصوير الي حالياً جاي انزله 100% نفس شرح الخصوصي نفس شرح انت كاعد كبالي وجاي ادرسك وانت مو طالب ابتدائية حتة متكدر تدبرهة بمحاضرات الكترونية
نجي على الايجابيات بالالكتروني
1-الاستاذ وكانه مخاذك لوحدك فقط لا يمك صديق بالرحلة يضايقك او يزعجك
2- اي شي يحتاجله اعادة او مفهمته تكدر تعيد الفديو باي وقت انت تحب
3-الوقت وهذا اهم شي ما عندك اي وقت يضيع لان بالخصوصي 40% من وقتك ضايع بالطريق للمحاضرة و انتضار المدرس والانتقال من مدرس الى اخر ترجع منهك متكدر تقرة ولا حرف وهاي تكدر ادزلك معرفات طلاب لسنين سابقة تسالهم عن تجربتهم وشلون همة يفضلون لو كاعدين بالبيت وشايفين الفديوات ولا هذا الوقت الضاع
4-انت الي تختار الساعة واللحظة المناسبة الك حتة تكعد تشوف المحاضرة مو يكون وقتهة مفروض عليك وممكن يكون هذا الوقت غير مناسب الك او يتضارب مع محاضرة اخرى

هاي كلهة ايجابيات نجي على #السلبيات
1-استاذ شلون نكدر نسال الاستاذ بالمحاضرة اكدر تسالة مباشرة وجها لوجه اذا شي مفتهمته
#الحل
(راح نسوي بث مباشر كل نهاية اسبوع وانت حضر اسالتك اكتبهم ورقة وقلم وراح نجاوبك وجها لوجه ونوضحلك على السبورة )
2-الامتحانات استاذ منلتزم مبيهة حبيبي هاي مشكلة ازلية بين مدرس الخصوصي والطالب حتة بالمعاهد المدرس يركض ورة الطالب ويسوي الف اعادة للطالب وميفين وية الطالب واتمنة كل النقاط تتحقق منهن من طلاب الي سبقوك ليش الطالب ميلتزم بالامتحان راح يكون جوابي لان ما بيه درجة تاثر علة الطالب ودخوله للوزاري فانت الامتحان الك سواء ملتزمت او ممتحنت او غشيت راح تضر نفسك راح توصل للوزاري وتتاذة حبيبي

ارجع واكول اليوم وباجر وعكبة كل مدرس اخذ بالمعاهد من دون موافقة لا وزارة صحة ولا تربية ولا حتة دينة يسمح بهذا الشي ولا حتة ضميرة اني متاكد مقابل اكول حسبي الله ونعم الوكيل جاي تعرض العالم للخطر وانت تعرف واقع العراق الصحي
بعدين انت جاي تاخذ بالختلة لو بالبوكة لو تحصلك محاضرة واذا بزايد محاضرتين بالاسبوع وانت تعرف كل سنة احنة ٣ محاضرات بالاسبو واضافيات ويادوب تصيطر علة المنهج والامتحانات فهاي المحاضرتين بالختلة لو بالبوكة هذة شغل (طك عطية ) والضحية بالاول والاخير الطالب


#ملخص_الحجي
عن نفسي مستمر بالتصوير على اليوتيوب ومخليه المحاضرات عام مو مثل 80% من الاساتذة مخليهة خاص ميفكر بالي ما عنده شيسوي وبمبدا التراحم بهاي الفترة
مستمر وبواقع 3 محاضرات بالاسبوع وبكل جهد واقوة حتة من الخصوصي جاي اصور وعدت التصوير وملتزم بالامتحان بعد كل محاضرة
وما اخذ بالمعاهد الة بعد الموافقة الرسمية لوزارة التربية والصحة او وصول لقاح للفايروس لان ببساطة ماريد اكون سبب بقتلك انت او احد افراد عائلتك لان هاي جريمة بصورة غير مباشرة .

اسف للاطالة بس لازم اوضح هذا الشي ووجهة نظري بالي جاي يصير هسة


تحياتي اخوكم
استاذ حسين الصالحي

#هااااام
كل طلاب الخصوصي غدا ان شاء الله كل كروب انطيه وقت ساعة للبث المباشر لغرض توضيح بعض الاسئلة وحل بعض المسائل
المطلوب حتة تدخل للبث
1-حساب كوكل خاص بيك
2- برنامج google meet

طلاب السلام عليكم
حملو هذا البرنامج لان كلش ممتاز

لو عاد أينشتاين للحياة ووجد هكذا منشورات في الفيزياء لامتهن بيع البطيخ على أرصفة الطرقات

برشلونة وين لكيتو هاي كلاواتكم

#تنوويه
بالنسبة للتسجيل في مجاميع التدريس الالكتروني لطلبة
#بغداد_و_المحافظات_كافة
وكفائتها تكون بكفائة التدريس بالقاعة وراح تشمل :
⭕جدول 3 محاضرات بالاسبوع الواحد وتكون المحاضرة (تصوير على السبورة )
⭕امتحان قصير بعد كل محاضرة درجته من 10
⭕متابعة تسليم واستلام الواجبات المطلوبة
⭕كل فصل يتضمن 4 امتحانات طويلة درجته من 100%
⭕متابعة اسئلة الطلبة والاجابة عليها وجها لوجه مع الطلاب عن طريق برنامج الزوم (zoom) البسيط الذي لا يتطلب لاتسجيل ولا ايميل
⭕امتحان شامل لنصف المادة (يشبه امتحان نصف السنة )
⭕امتحان شامل نهائي للمادة كلها استعدادا للامتحانات الوزارية

🔵كل هذا وانت كاعد بالبيت 🏠 ومطمن على صحتك ومتضيع الوقت بالمعاهد والطريق لان هاي السنة اهم شي الوقت

🔹️معلومات طريقة التسجيل
1-سعر المنهج كاملا 150 الف
2- طريقة التسجيل تقوم بارسال المعلومات الاتية 👇 على الرقم (07706559021) وسيتم الاتصال بك والتوضيح لك عن الطريقة
المعلومات :
اسم الطالب
المحافظة
المدرسة
الفرع
رقم هاتف الطالب
رقم هاتف ولي الامر

⭕️الصحة تسجل 4093 إصابة جديدة بفيروس كورونا

⭕️منظمة الصحة العالمية: مع ارتفاع حالات الإصابة بمرض كوفيد-19 في العراق إلى مستوى ينذر بالخطر، فإن الطرق الفعالة لمنع انتشار العدوى على مستوى المجتمع هي تجنب التجمعات الجماهيرية والالتزام بالتباعد الاجتماعي وارتداء الكمامات في الأماكن العامة.

اهم شي المعاهد تنفتح 👆

#صباح_الخير
احبائي ان شاء الله محاضرتكم اليوم ساعة 4:00 ضبط تلكوهة على قناة اليوتيوب المطلوب من عندكم :
1-ورقة وقلم وتكتب وياية بالحلقة وتحل المسائل الي حليتهن بالورقة هاي شنسميهة نسميهة (مسودة قراءة المحاضرة ) راح اطلبهة بعد كل محاضرة واذا ما تسلم يتم الاتصال بولي امر الطالب
2- تخلون المسائل الواجب في نهاية الحلقة وترسلوهن اشوفهن اقصى حد بعد 24 ساعة من رفع المحاضرة عداها يبلغ ولي الامر
3-نمتحن امتحان قصير بعد مرور 24 ساعة من وقت رفع الحلقة

#تنويييه
السبت عندكم محاضرة اضافية لمسائل الوزاري والاثرائيات