السلام عليكم ورحمة الله وبركاته

مراجعات تع فيزياء و غااع هايلينو تستفادوا منهم بزاف🤍:
تع استاذ عبد الله
تع استاذ رضوان
تع استاذ حلفاوي
تع استاذ عبد اللطيف تع عام لي فات دوك وين استكشفتها ملييحة
حسب ما شفت هادوا مخيرين و كاين واحد بصح والله نسيتوا🥲كي نتفكر نقولكم
خيروا وحدة ولا 2 فيهم و شوفوها

بسم الله
غدوة ان شاء الله آخر يوم مع الدراسة ولباك وتتهناو ان شاء الله
شفتو سبحان تقول غير لبارح وين كنت متحمسين وخايفين كيفاش يفوت لباك وووو ودرك الحمد لله راكم مزالكم غدوة وتكملو مسيرة 12 عام ولله الحمد

غدوة آخر مادة اساسية لي كامل شيبتكم خلال العام وان شاء الله تعبكم مايروحكش هباءا

الفيزياء كما علبالك السنوات الاخيرة ولات تجي 50% اسئلة نظرية او اكثر ، مثلا باك 23 موضوع اول جا 100% نظرية يعني هنا تعرفو اهمية الاصئلة النظرية وتعرفو مدى سهولة طرح المواضيع والافكار ، درك ماعليكم غير تركزو +++++ على الاسئلة النظرية كلها خاصة فالكيمياء (بروتوكولات ...الخ) والنووي و الكهرباء انا ميكانيك قليلة من ناحية الاسئلة النظرية

نجو نهدر على كل وحدة على حدى

الوحدة الاولى :
قبل باك 2023 كانو وحدات محذوفين مثل القذيفة والضغط والحجم ..الخ وامبعد رجعوهم

كي رجعوهم دارو منهم حجم غاز في باك 23 و مزال ماداروش الضغط ونتمنى هذا العام يديروه ويجي ساهل

فالوحدة الاولى راجعو مليح الضغط +++ وكذلك ناقلية والمعايرة لأنو عندهم هما ذلك ماجاوش بصح هذا لا يعني انو الحجم مايجيش لا جامي
الضغط والحجم يشبهو بعض اشوي يعني ماشي
احفظو فيهم التركيب التجريبي لأنو جد مهم واذا جاو يقلك اعطيهولي وكذلك البروتوكال من احتياطات ..الخ وكذلك اعرفو الاسئلة المشهورة مثلا زمن نصف تفاعل سرعات عوامل حركية بيانات وكيفاش استغلالهم سيرتو تع مطابقة نظرية وبيانية واكيد استغلالات جدول التقدم

غدوة من بين حوايج لي تروح فيها النقاط هو عدم كتابة العبارة الحرفية ثم التعويض العديد ، لأنو طول ديرو نتيجة وهذا خطأ
لازم دير عبارة حرفية عددية ثم النتيجة مع الوحدة ++++ وديرو في اطار وامبعد نحلو سطرين ولا وتنتقلو سؤال لي بعده وهكذا

غدوة كي تجي وحدة اولى حاول السند هذاك ترسمو سيرتو في حالة المعايرة ولا اذا قالكم تمديد ..الخ لازم ترسمو باش تتخيلو
والمعطيات تاعكم حطوهم في ورقة الإجابة مع التحويل اللازم مثلا ml لل l وهكذا
كي تكون تقراو فالموضوع ثاني لازم تحطو قوانين قدامكم وتبداو تربطو علاقات بينهم سيرتو ذوك قوانين تع تركيز كتلي مولي ..الخ(راجعو قوانين من فضلكم جميعا جميعا)

وكذلك شوفو معطيات باش تعرفو واش توظفو ماشي تقراو تمرين سطحي وتبدا تحل لااااااا
فيزيا لازم تمرين تشوفو من فوق للتحت وتقراه عدة مرات
وعندكم من هذيك غلطة تع تنسى سؤال 💔💔
اكتبو عدد الاسئلة في مسودة وكل ماتكمل سؤال دير ✔️ ماتديش منك ثانية برك

وثاني ركزوو في وحدة البيان ركزو ++++ ، شوفو لي يتمكن من بيان والسند هذاك صايي التمرين فالجيب
وكل ماكنت متفرفش وخايف من تمرين مانظنش تخدم وراح تتخلطلك الافكار طبعا
ياودي ماتخافش من التمرين لازم هو لي يخاف منك لازم
كما قلت قراءة السند مع الرسم + الاسئلة + المعطيات (وحدات وقيم ) والبيان
وثاني مثلا جاكم غدوة تمرين على ناقلية اكتب اهم الاخطاء لي كنت دير فيهم فيها مثلا
قال ننسى انا ديما شاردة خاملة ننساها طول روح اكتبها
قال ننسى التحويل ...الخ وهكذا باش تإيفيتي تزيد تنسى مام قوانين اكتبهم وكاش ملاحظات تعرفهم من قبل

الحاجة لمليحة فالوحدة اولى تحسها ستوندار +++ وتلم فيها نقاط عادي جدا ماعليك غير تراجع زين وكل سؤال تتأكد منه وحده قبل لا تفوتو وماتنسى حتى خطوة فالإجابة

ضغط وحجم

خصائص

ملخص بسيط على ضغط وحجم

اسئلة من السيام

بيان مهم

تركيب مولي(حصيلة المادة )

اهم القوانين

سؤال مهم

راجعو ثاني هذو الافكار تع الدرجة الكلورمترية و درجة النقاوة . دلالة 110 v وهكذا

راني داير كلش فالقناة اطلعو لفوق شوفوهم مع شرح بسيط على شكل ريلز
وبالتوفيق

تمارين مانقدرش ننشر درك لأنو القناة صايي راهي شارجي وكما قتلكم اكتبو برك فالبحث ناقلية ، ضغط يخرجلك وش تحب وانت ابحث

المهم تكون عندك هكذا نظرة عامة على كل متابعة واهم الاسئلة تاعها ...الخ

وثاني اعرف الاسئلة عموما كما مبرهنة علاقة نصف تفاعل تعريفه ++++
(التعريف ديما يرفق بعلاقة توضحة دييييما )
السرعات مثلا السرعة المتوسطة وكذلك مبرهنتها علاه تتناقص
والحصيلة الكتلية وهكذا

اضغط برك على ميساجات للفوق راهم يدوكم وتشوف

وهكذا تهنينا من الوحدة الاولى