اما الفئة لي مزال مكملتش الوحدة فلا بأس المهم تكون فاهمين وشراكم ديرو + مزال مافاتش الوقت وماكمش روطار ياسر مي لازم تزربو رواحكم راهو البرنامج يجري ولازم تعرفو ثاني سبب روطار تاعكم باش ماطيحوش فيه في باقي الوحدات

درك كملو الوحدة وركزو فيها مليح واحفظو مايجب حفظه من علاقات وقوانين وتعريفات
شوفو الاخطاء تع زملاائكم باش تنقصو على رواحكم الوقوع في هذوك الاخطاء وتستدركوها

وحلو تمارين ++++++++


ياو الفيزياء كون تقلي حليت 200 تمرين لا اتفاجأ
#تمكن

يا جماعة لازم تكون التمارين بأفكار متنوعة وصعبة

اذا حليت 100 تمرين بسيط وبفكرة وحدة مكانش منها ذي كامل مثل تمارين اليوتيوب غوغل ومن هذا المنبر ننصحكم بتمارين عقبة التي لا يختلف فيها إثنان بأنهم احسن مصدر لحل التمارين

ماتخدعوش رواحكم ، اغلطو درك ونهار لباك لا
ومايديكمش الغرور اذا عرفت تحل تمرين ياخويا راك لسع فالوحدة اولى لي هي عندك 3 سنين ونت تهشش فيها 😏😁
#تمكن

اقراو ڨع وش كتبت ⬆️⬆️

بإذن الله مع وقت تنحل عقدة الفيزيا ومام الوحدات الجاية يجوكم ساهلين فالحل

فوطيو كامل ⬆️⬆️

باش نظمهم و ننشرهملكم اذا كنت حابين طبعا

En plus +++
كي تجي تحل تمرين بعينيك ولا ، تقدر تحلو ببساطة وتلقاه فات عليك

وتكون حليت عدد غفير من التمارين الشاملة ومتنوعة الافكار و الصعوبة (ديرو تحتها الف سطر 😂)

مثلا تحلو 30 تمرين فالوحدة مقسمة كالتالي
5 معايرة 5 ناقلية 5 ضغط 5 حجم
وامبعد تحلو 10 شاملة ليهم وفيهم هكا بيانات جديدة و علاقات واسئلة نظرية وكللش

وموراها تكونو كل ويكاند تحلو كمراجعة بالإضافة إلى المواضيع و الفروض ..الخ
تتمكنو ان شاء الله
#تمكن

اقراوهم بتمعن والله يعاونوكم ان شاء الله ويوجهوكك في بعض طرق الدراسة وكللش