السلام عليكم
حبيت نوضح شيء مهم لي هو وحدة الكهرباء
وهل هذا هو وقت لي لازم نبدا نقراها
وكيفاه انا مازالني مانيش متمكن من ميكانيك و المتابعة و ندخل نقرا كهرباء وغيرها من الاسئلة حول تنظيم الوقت بين الوحدات سابقة والجديدة...الخ

شوفو جماعة هذا هو الوقت الرسمي لوحدة الكهرباء ولازم تبداوها وحاولو ماتفوتوش هذا الأسبوع باسكو راح طيحو في روطار اكثر للاسف وكما علبالكم انو وحدة الكهرباء ماشي سهلة وتحتاج وقت كبير منكم ساو قد ماتعطوها وقت قد ماراح تتمكنو منها اكثر وتشوفو فيها العديد من الافكار و تكتسبو اكبر قدر من المعلومات

وعندما أقول اقراو كهرباء هذا لا يعني الاستغناء عن دراسة باقي الوحدات لا بالعكس لابد عليكم بالعدل بين دراسة الوحدات (العدل وليس المساواة )

انصحكم بالتركيز على وحدة الكهرباء وفي نفس الوقت حل تمارين من وحدات سابقة خاصة ميكانيك لأنو اطول وحدة في الباك و فيها افكار عديدة خاصة قذيفة وتأتي لي موضوع اول والثاني في باك ...الخ

مثلا دراستك الفيزياء فيها 4 ساعات ، حاول دير 2 ساعة ونصف كهرباء (الوقت الاكبر الكهرباء طبعا ) وساعة ونصف الميكانيك او متابعة بعني حسب وقت دراستك الفيزياء

اعيد واكرر لازم ديما تراجعو الوحدات السابقة لو كان تراجعو ملخص تاعكم وتشوفو الافكار والاخطاء لي ديجا كنتم كتبتوهم وانا اتمنى ان تكون المراجعة دورية وشاملة بحيث تراجع فيها الملخصات ضف الى ذلك حل مواضيع من من وحدات سابقة (ديرو هكذا برنامج انكم تصحو موضوع او 2 كل أسبوع يحتوي على متابعة وميكانيك ) باش مايروحش تعبكم في باطل وتلقاو رواحكم مثلا في مارس ولا نسيت كامل واش قريت 🤷🤷

باختصار لازم تدخلو كهرباء وفي نفس الوقت حل تمارين ومواضيع للوحدات سابقة سواء كنتم متمكنين منهم او لا ومثلا راك تحل في تمرين متابعة ولقيت عندك خلل فالعوامل الحركية لازم في هذيك الدقيقة تعالج هذاك النقص وتخاول تتمكن منو ماشي تتجازوه وهكذا مع مرور الوقت راح تتمكنو من واش راكم فيه ومن واش فاتكم

مواضيع تحتوي على تمارين من وحدات سابقة (هذو عودو صحو منهم باش ماتنساوش وحدات سابقة 👍)

وبخصوص القناة وماتحتويه :

القناة تحتوي على المتابعة الزمنية بالتفصيل تع تفصيل ودرت فيها كامل وش تحتاج وبكل عنصر مثلا السرعات ، النقاوة ، المعايرة ...الخ ووضعت ايضا افكار التمارين وكل فكرة وضعت اسفلها التمرين التي وجدت فيه 😭

كما وضعت فيديوات قصيرة لا تتجاوز 2 دقيقة فيه شرح الافكار وعناصر الدرس مثلا عوامل ، سرعات ، نقاوة وكذلك العلاقات ..الخ
وارسلت حوالي اكثر من 100 ولا أعتقد أن موضوع لباك سيخرج عن تلك الافكار وسأضع في نهاية لي باك بلون لمختلف الولايات وهكذا نقضي على وحدة اولى من جذورها

يعني لي حاب يراجع المتابعة ماعليه سوى ان يدخل للقناة ويراجع (سأرسل لي هاشتاج)

#معايرة

#الناقلية

#حجم غاز

#ضغط غاز

#زمن نصف التفاعل

#العوامل الحركية

#تمارين

#قوانين

#نقاوة

#السرعات

#حصيلة المادة

#بيان

#xmax
#موضوع

#ملخص


الحاجة لي تحتاجوها اضغطو عليها راح يخرجلكم كلش عليها من افكار وعلاقات ...الخ

+ شوفو الوسائط واكتبو الافكار طبعا

بخصوص ميكانيك :

راني نشرت الاقمار بالتفصيل الممل وجميع البيانات المقترحة ونشرت عدد كبير من تمارين اكثر من 50 تمرين على ما أعتقد او ممكن اكثر من 100 مع ملخصات المتفوقين والاساتذة...الخ

نشرت كل مايخص السقوط مع فيديوات توضيحة وملخصات شاملة وافكار مقترحة واكيد اكثر من 50 تمرين

نشرت المستوي مع الشروحات والافكار والملخصات مع تمارين
التمارين لا يوجد عدد كبير حوالي 40 تمرين فقط أو أقل
لأنو كما علبالكم تمارين المستوي تدمج دوما مع تمارين القذيفة في اغلب التمارين وكذلك تمارين المستوي لا تحتوي على افكار عديدة مثل سقوط والاقمار ..الخ

اما القذيفة ف غدا بحول الله سأبدا بالنشر عليها وسأرسل كالعادة افكار و ملخصات ...الخ

وعندي حوالي اكثر من 70 تمرين عليها يعني بإذن الله لي يصححهم ويفهم افكارهم جيدا مش راح يلاقي حتى صعوبة يوم لباك
ان شاء الله 🤲

واحد حاجة لاحظتها لي هي عدد الاعضاء في قناة راه يطلع 750 وامبعد يهبط 749 ولا 48
هذا لي راه يدخل ويخرج واقيل يتاستي في الحالة ويشووووف 😂

فكرني في قصة صرات من قبل

كنت نقرا عند استاذ مالا شاف تلميذة دخلت جديدة ،
قالها نت تلميذة جديدة ؟؟؟ قاتلو لالا
، راني جيت نشوف برك (ندير شوفة ونروح )
قالها علاه راح تخطبي 💍 لخوك ول😂😂😂😂

هذا هو حبيبنا لي يدخل ويخرج 😂😂

جميع حالات المستوي (حاولو تشدوهم )

كاين فكرة رد فعل ناظمي ، فكرة مهمة جدا حاول تشدوها مام هي

درك نبعثلكم فيديو توضيحي (جزاه الله خير الذي ارسل لي الفيديو ورب ينجحو فلباك )

عندي لكم مفاجئة اخرى وصح هايلة 👌👌👌

حقيبة عقبة بن نافع لجميع المواد تحتوي على ملخصات وتمارين في جميع الوحدات و مواضيع والاسئلة الشائعة وكثيرة التكرار في مواضيع الباك

يعني تغنيكم بإذن الله وتسهلك و تقصر لكم الوقت

ادعو لمن ارسلها لي 🤲👌

رابط الحصة المجانية في الفيزياء :
Participer à la réunion Zoom
https://us06web.zoom.us/j/86172795267?pwd=mNskyGhTyfQiUvbwc7MfCHbxj54B8f.1