22/23 ҚАҢТАР 2023 — ШОЛПАН МЕН САТУРННЫҢ ЖАҚЫН ҚОСЫЛЫСЫ (0°20')
2023 жылы 23 қаңтарда Алматы уақытымен 04:00-де Шолпан (-3,9m) Сатурннан (+0,8m) 0,3° оңтүстікте өтеді. Қазақстан аумағынан 22-і мен 23-і күн батысымен оңтүстік-батыс көкжиек үстінен екі планетаның жақындасуы көрінеді. Толығырақ — бейнероликте,
Credit: Sky & Telescope
#күнтізбе
2023 жылы 23 қаңтарда Алматы уақытымен 04:00-де Шолпан (-3,9m) Сатурннан (+0,8m) 0,3° оңтүстікте өтеді. Қазақстан аумағынан 22-і мен 23-і күн батысымен оңтүстік-батыс көкжиек үстінен екі планетаның жақындасуы көрінеді. Толығырақ — бейнероликте,
Credit: Sky & Telescope
#күнтізбе
23 ҚАҢТАР 2023 — АЙ, ШОЛПАН, САТУРН ҮШТІГІ
Өткен түнде бір-бірінен небәрі 20 бұрыштық минутта өткен Шолпан мен Сатурн әлі де жақын тұр. 23 қаңтардың кешінде оларға қылдай жіңішке Ай орағы қосылады. Қараңғы түсе оңтүстік-батыс көкжиек үстіне көз тігіңіз.
Үштіктің сол жағында биікте Юпитер жарқырайды. Шығыста бұрынғыша Марс алаулап тұр. Кешкі аспаннан төрт бірдей планетаны көруге мүмкіндік бар. Толығырақ...
Credit: Star Walk
#күнтізбе
Өткен түнде бір-бірінен небәрі 20 бұрыштық минутта өткен Шолпан мен Сатурн әлі де жақын тұр. 23 қаңтардың кешінде оларға қылдай жіңішке Ай орағы қосылады. Қараңғы түсе оңтүстік-батыс көкжиек үстіне көз тігіңіз.
Үштіктің сол жағында биікте Юпитер жарқырайды. Шығыста бұрынғыша Марс алаулап тұр. Кешкі аспаннан төрт бірдей планетаны көруге мүмкіндік бар. Толығырақ...
Credit: Star Walk
#күнтізбе
ҚЫТАЙ АЗИЯДАҒЫ ЕҢ ІРІ ОПТИКАЛЫҚ ТЕЛЕСКОПТЫ САЛАДЫ
Бейжің университеті елдің оңтүстік-батысындағы Хайси префектурасында салынатын EAST (Expanding Aperture Segmented Telescope) телескопының жобасымен таныстырды. Оның 8 метрлік негізгі айнасы Азияда орналасқан телескоптар арасындағы апертурасы ең үлкені болмақ. Қытайдың қазіргі үш үлкен оптикалық телескопы 4; 2,4 және 2,14 метрлік айналарға ие.
Телескоп екі кезеңмен жеті жылда салынады. 2024–2028 жж. оның тірек конструкциясы мен күмбезі салынады. Бұл кезеңде диаметрі 6 метр болатын негізгі айна 18 алтыбұрышты сегменттен құралады. Демек оның құрылымы Уэбб ғарыштық телескопының негізгі айнасына өте ұқсас, бұл теңдессіз оптикалық құрылғы жайлы роликтен толығырақ біле аласыз. Бірінші кезеңде телескопқа орта/төмен ажыратымды камералар мен спектрометрлер қойылады.
2009–2030 жж. екінші кезеңде негізгі айнаға тағы 18 сегмент қосылып, диаметрі 8 метрге дейін үлкейтіледі. Телескоп жоғары ажыратымды спектрометрлер, поляриметрлер, көпнысандық спкетрометрлер және адаптив оптика жүйесімен жарақтанады. Жобаның жалпы құны 500–600 млн юань деп бағаланады.
Қазір дүниедегі ең үлкен оптикалық телескоп — Испанияның Ла-Пальма аралындағы Үлкен Канар телескопы (GTC). Оның 10,4 метрлік негізгі айнасы 36 алтыбұрышты сегменттен тұрады. Ал Қытай биыл әлемдегі ең ауқымды (жалпы диаметрі 1 км) DSRT арнайы күн радиотелескопын құрды. Сондай-ақ дүние жүзіндегі ең үлкен толық апертуралы (500 м) FAST радиотелескопы да Қытайда орналасқан.
Бейжің университеті елдің оңтүстік-батысындағы Хайси префектурасында салынатын EAST (Expanding Aperture Segmented Telescope) телескопының жобасымен таныстырды. Оның 8 метрлік негізгі айнасы Азияда орналасқан телескоптар арасындағы апертурасы ең үлкені болмақ. Қытайдың қазіргі үш үлкен оптикалық телескопы 4; 2,4 және 2,14 метрлік айналарға ие.
Телескоп екі кезеңмен жеті жылда салынады. 2024–2028 жж. оның тірек конструкциясы мен күмбезі салынады. Бұл кезеңде диаметрі 6 метр болатын негізгі айна 18 алтыбұрышты сегменттен құралады. Демек оның құрылымы Уэбб ғарыштық телескопының негізгі айнасына өте ұқсас, бұл теңдессіз оптикалық құрылғы жайлы роликтен толығырақ біле аласыз. Бірінші кезеңде телескопқа орта/төмен ажыратымды камералар мен спектрометрлер қойылады.
2009–2030 жж. екінші кезеңде негізгі айнаға тағы 18 сегмент қосылып, диаметрі 8 метрге дейін үлкейтіледі. Телескоп жоғары ажыратымды спектрометрлер, поляриметрлер, көпнысандық спкетрометрлер және адаптив оптика жүйесімен жарақтанады. Жобаның жалпы құны 500–600 млн юань деп бағаланады.
Қазір дүниедегі ең үлкен оптикалық телескоп — Испанияның Ла-Пальма аралындағы Үлкен Канар телескопы (GTC). Оның 10,4 метрлік негізгі айнасы 36 алтыбұрышты сегменттен тұрады. Ал Қытай биыл әлемдегі ең ауқымды (жалпы диаметрі 1 км) DSRT арнайы күн радиотелескопын құрды. Сондай-ақ дүние жүзіндегі ең үлкен толық апертуралы (500 м) FAST радиотелескопы да Қытайда орналасқан.
👍1
27 ҚАҢТАРДА БЕС МЕТРЛІК АСТЕРОИД ЖЕРГЕ ЖАҚЫНДАЙДЫ
2023 жылы 27 қаңтарда, Алматы уақытымен 06:17-де Жер бетінен небәрі 3600 ± 1700 км биіктікте 4–9 метрлік астероид ұшып өтеді. Демек ол планетамызға Айдан 100 есе жақын болмақ. Жарқырауы +11 жұлдыздық шамаға жететін денені орташа әуесқойлық телескоппен бақылауға болады.
Астероид төрт сағаттан соң орбитасының перигелиінен өтіп, өз жолын жалғастырады. Жер гравитациясының ықпалы оның Күнді айналу периодын 359 тәуліктен 429 тәулікке дейін ұзартады. 2023 BU деген ат қойылған аспан денесін қаңтардың 22-не қараған түні белгілі комета аңшысы Геннадий Борисов ашты.
Gaia ғарыштық телескопы орбитасын анықтаған 154 741 астероидтың, соның ішінде жермаңы нысандардың 4K-визуализациясы.
2023 жылы 27 қаңтарда, Алматы уақытымен 06:17-де Жер бетінен небәрі 3600 ± 1700 км биіктікте 4–9 метрлік астероид ұшып өтеді. Демек ол планетамызға Айдан 100 есе жақын болмақ. Жарқырауы +11 жұлдыздық шамаға жететін денені орташа әуесқойлық телескоппен бақылауға болады.
Астероид төрт сағаттан соң орбитасының перигелиінен өтіп, өз жолын жалғастырады. Жер гравитациясының ықпалы оның Күнді айналу периодын 359 тәуліктен 429 тәулікке дейін ұзартады. 2023 BU деген ат қойылған аспан денесін қаңтардың 22-не қараған түні белгілі комета аңшысы Геннадий Борисов ашты.
Gaia ғарыштық телескопы орбитасын анықтаған 154 741 астероидтың, соның ішінде жермаңы нысандардың 4K-визуализациясы.
👍1
АЙ, ШОЛПАН, САТУРН ҮШТІК ҚОСЫЛЫСЫ
Сурет Солтүстік Кавказдағы Архыз тауынан, теңіз деңгейінен 2000 м биіктікте түсірілген. 23 қаңтар 2023 жыл
Фото авторы: Юрий Звёздный (Sony A7s + Canon 135mm, f/2.0, exp=2.5sec, ISO=1250)
#фотокөрме
Сурет Солтүстік Кавказдағы Архыз тауынан, теңіз деңгейінен 2000 м биіктікте түсірілген. 23 қаңтар 2023 жыл
Фото авторы: Юрий Звёздный (Sony A7s + Canon 135mm, f/2.0, exp=2.5sec, ISO=1250)
#фотокөрме
СОЛЫНАН ТУҒАН ЖАС АЙ КОСТАНЕРА ОРТАЛЫҒЫ ҮСТІНДЕ
Чили астанасы Сантьяго қаласындағы биіктігі 300 метр, 64 қабатты Гран Торре Костанера зәулімі — Латын Америкасындағы ең биік ғимарат. 2023 жылы 23 қаңтарда түсірілген фотода ғимарат үстіндегі бір күндік Ай орағы бейнеленген.
Оңтүстік жартышарда Айдың солынан туатынына назар аударыңыз! Және бұл Жаңа Ай оның перигейіне, яғни Жерге жақындауына сәйкес келді. 2023 жылдың әр сағатындағы Ай фазалары мен Жерден қашықтығы (Оңтүстік аспанға арналған нұсқа) — роликте.
Фото авторы: Yuri Beletsky (Sony A7IV + Sigma 150-600)
#фотокөрме
Чили астанасы Сантьяго қаласындағы биіктігі 300 метр, 64 қабатты Гран Торре Костанера зәулімі — Латын Америкасындағы ең биік ғимарат. 2023 жылы 23 қаңтарда түсірілген фотода ғимарат үстіндегі бір күндік Ай орағы бейнеленген.
Оңтүстік жартышарда Айдың солынан туатынына назар аударыңыз! Және бұл Жаңа Ай оның перигейіне, яғни Жерге жақындауына сәйкес келді. 2023 жылдың әр сағатындағы Ай фазалары мен Жерден қашықтығы (Оңтүстік аспанға арналған нұсқа) — роликте.
Фото авторы: Yuri Beletsky (Sony A7IV + Sigma 150-600)
#фотокөрме
This media is not supported in your browser
VIEW IN TELEGRAM
ROCKET LAB КОМПАНИЯСЫ АЛҒАШ РЕТ АҚШ-ТАН ЗЫМЫРАН ҰШЫРДЫ
Америкалық Rocket Lab компаниясы 2023 жылы 25 қаңтарда Вирджиния штаты, Уоллопс ғарыш айлағындағы LC-2 ұшыру кешенінен Electron зымыранын сәтті ұшырды. Ұшырылым мақсаты — Hawkeye 360 компаниясының Жерді радиодиапазонда бақылайтын үш жерсерігін 550 км төмен жермаңы орбитаға шығару. Аппараттардың қалыпты жайылғаны хабарланды. 1-саты құтқарылған жоқ.
Rocket Lab 2017 жылдан бастап, Жаңа Зеландиядан 32 зымыран ұшырған еді. LC-1 ұшыру кешені Солтүстік аралдағы Махия түбегінде орналасқан. Бүгінгі стартпен компания АҚШ аумағынан да ғарыштық миссиялар жүзеге асыра бастады. Rocket Lab-ты 2006 жылы жаңазеландиялық кәсіпкер Питер Бек құрған. 2013 жылы америкалық инвесторлар қаржы құйған соң, компания АҚШ-та тіркелді. Компанияның бас кеңсесі мен Rutherford қозғағыштары өндірісі Калифорния штатындағы Лонг-Бич қаласында.
Америкалық Rocket Lab компаниясы 2023 жылы 25 қаңтарда Вирджиния штаты, Уоллопс ғарыш айлағындағы LC-2 ұшыру кешенінен Electron зымыранын сәтті ұшырды. Ұшырылым мақсаты — Hawkeye 360 компаниясының Жерді радиодиапазонда бақылайтын үш жерсерігін 550 км төмен жермаңы орбитаға шығару. Аппараттардың қалыпты жайылғаны хабарланды. 1-саты құтқарылған жоқ.
Rocket Lab 2017 жылдан бастап, Жаңа Зеландиядан 32 зымыран ұшырған еді. LC-1 ұшыру кешені Солтүстік аралдағы Махия түбегінде орналасқан. Бүгінгі стартпен компания АҚШ аумағынан да ғарыштық миссиялар жүзеге асыра бастады. Rocket Lab-ты 2006 жылы жаңазеландиялық кәсіпкер Питер Бек құрған. 2013 жылы америкалық инвесторлар қаржы құйған соң, компания АҚШ-та тіркелді. Компанияның бас кеңсесі мен Rutherford қозғағыштары өндірісі Калифорния штатындағы Лонг-Бич қаласында.
84. УЭББТЫҢ NIRISS АСПАБЫ ІСТЕМЕЙ ТҰР
НАСА Джеймс Уэбб ғарыштық телескопының NIRISS аспабы ғылыми бақылау жүргізе алмай тұрғанын хабарлады. 15 қаңтарда аспап ішіндегі байланыстың кідірісінен оның софтверінің жұмысы толық тоқтаған. Телескоптың өзі мен қалған үш негізгі ғылыми аспап қалыпты жұмыс істеп тұр.
0,8 – 5,0 мкм диапазонда бақылау жүргізетін NIRISS таяу инфрақызыл кескінтүзгіші / саңылаусыз спектрографы Әлемнің ежелгі жарығын іздеп, алыс жұлдыздарды айналатын планеталар жайлы ақпарат жияды. Ол FGS дәл көзеу сенсорымен бірге жұмыс істейді. Бір корпустағы бұл аспаптарды Канада ғарыш агенттігі (CSA) мен осы елдің Honeywell компаниясы жасағандықтан, олар "Канада көзі" деп те аталады. НАСА мен CSA ақау себептерін анықтауда.
Уэбб телескопының ғылыми аспаптарына шолу — бейнероликте.
НАСА Джеймс Уэбб ғарыштық телескопының NIRISS аспабы ғылыми бақылау жүргізе алмай тұрғанын хабарлады. 15 қаңтарда аспап ішіндегі байланыстың кідірісінен оның софтверінің жұмысы толық тоқтаған. Телескоптың өзі мен қалған үш негізгі ғылыми аспап қалыпты жұмыс істеп тұр.
0,8 – 5,0 мкм диапазонда бақылау жүргізетін NIRISS таяу инфрақызыл кескінтүзгіші / саңылаусыз спектрографы Әлемнің ежелгі жарығын іздеп, алыс жұлдыздарды айналатын планеталар жайлы ақпарат жияды. Ол FGS дәл көзеу сенсорымен бірге жұмыс істейді. Бір корпустағы бұл аспаптарды Канада ғарыш агенттігі (CSA) мен осы елдің Honeywell компаниясы жасағандықтан, олар "Канада көзі" деп те аталады. НАСА мен CSA ақау себептерін анықтауда.
Уэбб телескопының ғылыми аспаптарына шолу — бейнероликте.
This media is not supported in your browser
VIEW IN TELEGRAM
СТАРБЕЙС ЖАҢАЛЫҚТАРЫ
24 қаңтарға қараған түні Starship жинағының екі сатысына да алғаш рет толық мөлшерде отын құйылды. SpaceX компаниясы Wet Dress Rehearsal (WDR) деп аталатын бұл маңызды операцияның ойдағыдай өткенін хабарлады. Сынақтан соң сұйық оттегі мен метан ұшыру алаңындағы резервуарларға қайта құйылып алынды.
Бүгін Starship S24 кемесі SH B7 үдеткішінен түсірілді. Енді үдеткіштегі барлық 33 Raptor 2 қозғағышын бір мезгілде тұтандыру сынағы өткізілмек.
24 қаңтарға қараған түні Starship жинағының екі сатысына да алғаш рет толық мөлшерде отын құйылды. SpaceX компаниясы Wet Dress Rehearsal (WDR) деп аталатын бұл маңызды операцияның ойдағыдай өткенін хабарлады. Сынақтан соң сұйық оттегі мен метан ұшыру алаңындағы резервуарларға қайта құйылып алынды.
Бүгін Starship S24 кемесі SH B7 үдеткішінен түсірілді. Енді үдеткіштегі барлық 33 Raptor 2 қозғағышын бір мезгілде тұтандыру сынағы өткізілмек.
Media is too big
VIEW IN TELEGRAM
КҒО ЖАҢАЛЫҚТАРЫ
Кеннеди Ғарыш орталығында салынып жатқан Starship ұшыру алаңындағы қызмет көрсету мұнарасына Мехазилла робоқолы орнатылды.
Кеннеди Ғарыш орталығында салынып жатқан Starship ұшыру алаңындағы қызмет көрсету мұнарасына Мехазилла робоқолы орнатылды.
ZTF КОМЕТАСЫНЫҢ ҚАРСЫ ҚҰЙРЫҒЫ
2023 жылы 23 қаңтарда Жер C/2022 E3 (ZTF) кометасының орбита жазықтығын кесіп өтті. Бұл кезде кометаның қарсы құйрығы байқалды. Комета ядросы бетінен ұшқан ең ауыр бөлшектерге күн желі онша әсер етпейді. Сөйтіп, осы ірі тозаң бөлшектері комета орбитасын бойлай диск құрайды. Мұндай бөлшектер көп емес, бірақ Жер кометаның орбита жазықтығымен өткенде, олардың жиынтығы бізге қырынан көрінеді де, көзқарас сәулесіндегі тығыздығы артады. Нәтижесінде әрқашан Күннен сыртқа созылатын газды құйрыққа қарама-қарсы тағы бір шаңды құйрық бақыланады.
Фото авторы: Денис Ковалев, Ақтау қаласы маңында түсірілген
2023 жылы 23 қаңтарда Жер C/2022 E3 (ZTF) кометасының орбита жазықтығын кесіп өтті. Бұл кезде кометаның қарсы құйрығы байқалды. Комета ядросы бетінен ұшқан ең ауыр бөлшектерге күн желі онша әсер етпейді. Сөйтіп, осы ірі тозаң бөлшектері комета орбитасын бойлай диск құрайды. Мұндай бөлшектер көп емес, бірақ Жер кометаның орбита жазықтығымен өткенде, олардың жиынтығы бізге қырынан көрінеді де, көзқарас сәулесіндегі тығыздығы артады. Нәтижесінде әрқашан Күннен сыртқа созылатын газды құйрыққа қарама-қарсы тағы бір шаңды құйрық бақыланады.
Фото авторы: Денис Ковалев, Ақтау қаласы маңында түсірілген
👍1
This media is not supported in your browser
VIEW IN TELEGRAM
АЛТЫ МЕТРЛІК ЖАРТАС ЖЕРДЕН 3589 КИЛОМЕТРДЕ ҰШЫП ӨТТІ
2023 жылы 27 қаңтарда Алматы уақытымен 06:29-да 2023 BU жермаңы нысаны Оңтүстік Американың оңтүстік шеті үстімен Жер бетінен 3 589 ± 2 км биіктікте ұшып өтті. Астероидтың диаметрі 4–8 метр деп бағаланды. Ол Жерге соқтығыспаған денелер арасында жақын өтуі бойынша төртінші орынға шықты. Алғашқы үш орында: 2020 VT4 (13 қараша 2020, 368±11 км), 2020 QG (16 тамыз 2020, 2939±11 км), 2021 UA1 (25 қазан 2021, 3049±10 км).
2023 BU төрт сағаттан соң орбитасының перигелиін басып, өз жолын жалғастырды. Жер гравитациясының ықпалы оның Күнді айналу периодын 359 тәуліктен 425 тәулікке дейін ұзартады. Ғарыштағы жартасты қаңтардың 22-не қараған түні қырымдық астроном Геннадий Борисов ашты.
Анимацияда: 2023 BU астероиды — Сілеусіндегі NGC 2683 галактикасының оң жағындағы ақ сызық
Фото авторы: Стас Короткий
2023 жылы 27 қаңтарда Алматы уақытымен 06:29-да 2023 BU жермаңы нысаны Оңтүстік Американың оңтүстік шеті үстімен Жер бетінен 3 589 ± 2 км биіктікте ұшып өтті. Астероидтың диаметрі 4–8 метр деп бағаланды. Ол Жерге соқтығыспаған денелер арасында жақын өтуі бойынша төртінші орынға шықты. Алғашқы үш орында: 2020 VT4 (13 қараша 2020, 368±11 км), 2020 QG (16 тамыз 2020, 2939±11 км), 2021 UA1 (25 қазан 2021, 3049±10 км).
2023 BU төрт сағаттан соң орбитасының перигелиін басып, өз жолын жалғастырды. Жер гравитациясының ықпалы оның Күнді айналу периодын 359 тәуліктен 425 тәулікке дейін ұзартады. Ғарыштағы жартасты қаңтардың 22-не қараған түні қырымдық астроном Геннадий Борисов ашты.
Анимацияда: 2023 BU астероиды — Сілеусіндегі NGC 2683 галактикасының оң жағындағы ақ сызық
Фото авторы: Стас Короткий
🔥1
ҚАҢТАРДАҒЫ ЖҰЛДЫЗДАР
Қаңтардың кешкі аспанын биыл жарық ғаламшарлар мен құйрықты жұлдыз сәндеп тұр. Дегенмен әдемі қысқы шоқжұлдыздарға да назар аударуды ұмытпайық. Арнадағы кішкентай ролик осы жайында.
Фото: KAGAYA Studio
Қаңтардың кешкі аспанын биыл жарық ғаламшарлар мен құйрықты жұлдыз сәндеп тұр. Дегенмен әдемі қысқы шоқжұлдыздарға да назар аударуды ұмытпайық. Арнадағы кішкентай ролик осы жайында.
Фото: KAGAYA Studio
👍1
C/2022 E3 (ZTF) КОМЕТАСЫ ЖЕРГЕ ЖАҚЫНДАП КЕЛЕДІ
2023 жылы 2 ақпанда C/2022 E3 (ZTF) кометасы Жерден 42 миллион километрде өтеді. Бұл кезде оның жарқырауы да барынша артуы тиіс. Қазір кометаның жарықтығы +5 ж.ш. жетті.
Демек оны еш жарық түспейтін жерден, қараңғыға көз әбден үйренген соң, көру қабілетінің шегінде байқауға болады. Әрине, кометаны дұрыстап бақылау үшін дүрбі алып қала сыртына шыққан жөн. Телескоппен кома мен құйрықтың жай-жапсарын да ажыратуға мүмкіндік бар.
Фотода: көкшіл-жасыл түсті құйрықты жұлдыз дәл ортада, Кішіқарақшының (Кіші Ожаудың) шеткі екі жұлдызы Көкбозат пен Ақбозаттың оң жағынан көрініп тұр, 26 қаңтар 2023 жыл
Credit: Wadi Rum
#фотокөрме
2023 жылы 2 ақпанда C/2022 E3 (ZTF) кометасы Жерден 42 миллион километрде өтеді. Бұл кезде оның жарқырауы да барынша артуы тиіс. Қазір кометаның жарықтығы +5 ж.ш. жетті.
Демек оны еш жарық түспейтін жерден, қараңғыға көз әбден үйренген соң, көру қабілетінің шегінде байқауға болады. Әрине, кометаны дұрыстап бақылау үшін дүрбі алып қала сыртына шыққан жөн. Телескоппен кома мен құйрықтың жай-жапсарын да ажыратуға мүмкіндік бар.
Фотода: көкшіл-жасыл түсті құйрықты жұлдыз дәл ортада, Кішіқарақшының (Кіші Ожаудың) шеткі екі жұлдызы Көкбозат пен Ақбозаттың оң жағынан көрініп тұр, 26 қаңтар 2023 жыл
Credit: Wadi Rum
#фотокөрме
👏1
АЙ ТОРПАҚТА
Келер Ай 2023 жылғы қаңтардың соңғы үш күнін Торпақ шоқжұлдызында өткізеді. 29-ы күні ол Үркерге ауыл-үй қонса, 31 қаңтарда 11:00-де Марспен тоғысады. Оқиға қос Америка құрлығынан бақыланады, біздің елде 30-нан 31-не қараған түні Ай мен Марстың жақындасуын көре аламыз. Өткен желтоқсандағы тоғыс жайлы
Credit: Sky & Telescope
#күнтізбе
Келер Ай 2023 жылғы қаңтардың соңғы үш күнін Торпақ шоқжұлдызында өткізеді. 29-ы күні ол Үркерге ауыл-үй қонса, 31 қаңтарда 11:00-де Марспен тоғысады. Оқиға қос Америка құрлығынан бақыланады, біздің елде 30-нан 31-не қараған түні Ай мен Марстың жақындасуын көре аламыз. Өткен желтоқсандағы тоғыс жайлы
Credit: Sky & Telescope
#күнтізбе
30 ҚАҢТАР 2023 — МЕРКУРИЙДІҢ ЕҢ ҮЛКЕН БАТЫС (ТАҢҒЫ) ЭЛОНГАЦИЯСЫ
2023 жылы 30 қаңтарда Меркурий өзінің ең үлкен батыс немесе таңғы элонгациясына жетеді. Элонгация, яғни планетаның Күннен бұрыштық ара қашықтығы, 25° болып, әдетте Күнге тым жақындығынан көзге түспейтін Меркурийді бақылауға мүмкіндік туады.
Меркурий біршама көтерілгеннен Күн шыққанға дейін 10–15 минуттай оңтүстік-шығыс көкжиектен сәл жоғарыда бақыланады. Оны Бүркіттегі Альтаир мен Сарышаяндағы Антарестің арасынан табасыз. Бірінші планета 30 қаңтарда және кейінгі бірнеше күнде еліміздің оңтүстік аймақтарынан шамамен мына уақытта көрінеді:
Алматы 7:20 — 7:36
Талдықорған 7:21 — 7:33
Тараз 7:33 — 7:50
Шымкент 7:45 — 8:05
Түркістан 7:56 — 8:11
Қызылорда 7:12 — 7:23
Ақтау 8:05 — 8:20
Шығыс көкжиек ашық орын тауып, таң ата аспанға көз тігіңіз. Басқа облыстардан Меркурийді бұл жолы көру қиынға соғады.
#күнтізбе
2023 жылы 30 қаңтарда Меркурий өзінің ең үлкен батыс немесе таңғы элонгациясына жетеді. Элонгация, яғни планетаның Күннен бұрыштық ара қашықтығы, 25° болып, әдетте Күнге тым жақындығынан көзге түспейтін Меркурийді бақылауға мүмкіндік туады.
Меркурий біршама көтерілгеннен Күн шыққанға дейін 10–15 минуттай оңтүстік-шығыс көкжиектен сәл жоғарыда бақыланады. Оны Бүркіттегі Альтаир мен Сарышаяндағы Антарестің арасынан табасыз. Бірінші планета 30 қаңтарда және кейінгі бірнеше күнде еліміздің оңтүстік аймақтарынан шамамен мына уақытта көрінеді:
Алматы 7:20 — 7:36
Талдықорған 7:21 — 7:33
Тараз 7:33 — 7:50
Шымкент 7:45 — 8:05
Түркістан 7:56 — 8:11
Қызылорда 7:12 — 7:23
Ақтау 8:05 — 8:20
Шығыс көкжиек ашық орын тауып, таң ата аспанға көз тігіңіз. Басқа облыстардан Меркурийді бұл жолы көру қиынға соғады.
#күнтізбе