GAIA DR3: КҮН ЖҮЙЕСІНДЕГІ АСТЕРОИД ШОҒЫРЛАРЫ
2022 жылғы басты ғылыми оқиғаның бірі Gaia ғарыштық телескопы Үшінші деректер шығарылымының соңғы нұсқасының (Gaia DR3, GDR3) жариялануы болды. Еуропа ғарыш агенттігінің обсерваториясы бізден 1,5 млн км қашықтықта, Күн—Жер жүйесінің L2 Лагранж нүктесінде тоғыз жылдан бері жұмыс істеп тұр. Оптикалық телескоп астрометриямен, яғни жұлдыздардың орны, қашықтығы мен қозғалысын теңдессіз дәлдікпен өлшеумен айналысады.
Gaia миссиясының мақсаты — 1 миллиард астрономиялық нысаннан тұратын, бұрын-соңды жасалған ең үлкен әрі ең дәл үш өлшемді ғарыштық каталог тізу. Оған негізінен жұлдыздар енгенімен, планета, комета, астероид, квазар сияқты денелер де тізімделеді. Мысалы, Үшінші деректер шығарылымында Күн жүйесіндегі 154 741 астероидтың орбитасы көрсетілген. GDR3-ке арналған алғашқы бейнероликтен осы астероид шоғырларын 4K-сапада тамашалай аласыздар: https://youtu.be/EOvrydvm1DQ
2022 жылғы басты ғылыми оқиғаның бірі Gaia ғарыштық телескопы Үшінші деректер шығарылымының соңғы нұсқасының (Gaia DR3, GDR3) жариялануы болды. Еуропа ғарыш агенттігінің обсерваториясы бізден 1,5 млн км қашықтықта, Күн—Жер жүйесінің L2 Лагранж нүктесінде тоғыз жылдан бері жұмыс істеп тұр. Оптикалық телескоп астрометриямен, яғни жұлдыздардың орны, қашықтығы мен қозғалысын теңдессіз дәлдікпен өлшеумен айналысады.
Gaia миссиясының мақсаты — 1 миллиард астрономиялық нысаннан тұратын, бұрын-соңды жасалған ең үлкен әрі ең дәл үш өлшемді ғарыштық каталог тізу. Оған негізінен жұлдыздар енгенімен, планета, комета, астероид, квазар сияқты денелер де тізімделеді. Мысалы, Үшінші деректер шығарылымында Күн жүйесіндегі 154 741 астероидтың орбитасы көрсетілген. GDR3-ке арналған алғашқы бейнероликтен осы астероид шоғырларын 4K-сапада тамашалай аласыздар: https://youtu.be/EOvrydvm1DQ
YouTube
Gaia-ның 3-ші деректер шығарылымындағы астероид шоғырлары /4K/
Gaia 3 деректер шығарылымындағы (GDR3) Күн жүйесі нысандарының ең үлкен тобы — Gaia орбиталарын анықтаған 154 741 астероид. Орбитасына байланысты, астероидтарды бірнеше топқа жіктеуге болады. Бейнероликте Негізгі белдеу астероидтары, Юпитердің троялықтары…
«ШАҒЫРМА ЖҰЛДЫЗ, ШАРТ АЯЗ»
"Сарыжұлдыз көтерілсе, күн суытады" деген халық сөзі мен оның астрономиялық түсіндірмесін жақында жаздық. Осы қыс бойы шығыстан басқа бір қызыл жұлдыз жарқырап тұрғаны белгілі. Ғалым Хасен Әбішев «Аспан сыры» кітабында ол туралы да баяндаған екен:
«Әредік жылдар қызыл шұнақ аязбен бірге шығыстан бір қызылжұлдыз көтеріледі. Өзі лапылдаған оттай қып-қызыл болып өңменіңнен өтіп бара жатады. Осы қызыл түсіне қарап Марс планетасын қазақ халқы Қызылжұлдыз деп атады.
— Қызылжұлдыз жоғарыласа, қыс қатты болып кетеді. Ол шарықтағанда суық күшейетіндіктен оны солай (Қызылжұлдыз) деп атаған. Шағырма жұлдыз, шарт аяз деп содан айтқан. [Иса Сұлтанбековтың мәліметі]
(...)
Елдің Марсты ұнатпауының бір себебі оның қанталағандай қызыл түсі және ол қайсібір жылдар Жерге ұрымтал келген кездерде шоқтай жайнап, қызыл іңірден туады да, күннен күнге көкке өрлей береді.
Марстың осындай ұрымтал келуі екі жыл (дәлірек айтқанда 2 жыл 50 күн) сайын қайталанады. Әсіресе Марстың 15–17 жыл сайын қайталайтын күнге ұлы қарсы тұрысы дейтін кездерінде, ол Жерге өте-мөте ұрымтал келеді де, көзге шыққан сүйелдей аспанда өзгеден алабөтен жалтырайды.
(...)
Осылай Қызылжұлдыз суықты ала жүреді деп елдің оған жаманат таңуына оның қанқызыл түсі және күзде төмен тұрып, суық түсе шарықтап көтеріле беруі себеп болды.
Марс өзі жарық шығармайтын суыған планета. Марстың қызыл жарығы, айта берсек, тіпті оның өзіне меншікті емес, қызыл сәуле Марс бетінен шағылған Күн сәулелері. Марс бетінің көп жерінің түсі қызғылтсары. (...) Марс Жермен салыстырғанда Күннен 1,5 еседей қашық болғандықтан жылу мен жарықты екі еседей кем алады. Оның үстіне Марстың атмосферасы тым сирек (жұқа).
Сөйтіп нағыз қызылшұнақ үскірік Марстың өз бетінде. Бұл дәйектелген жәйт. Ал, Марстың ызғарлы ауа райында күнелтетін тіршілік бола ма деу, әзірше шешілмеген даулы мәселе. Қанқызыл түсіне қарап, ертеде (Рим мифологиясы бойынша) оған Марс (соғыс құдайы) деп ат қойған еді. Ғалымдардың бірқатары Марстың дамуы ерте басталып, ол атмосфера мен ылғалдан атсырап, қожыраған планета деп ойлайды. "Соғыс құдайының", сірә, кенеуі кетіп, қартайған шағы болуы керек.»
(Х.Әбішев. Аспан сыры. Алматы, 2009. 61–63 б.)
Марс 2022 жылы 8 желтоқсанда Жерге ұрымтал келді, яғни Күнге қарсы тұрыста болды. Бұл оқиға жайлы, сондай-ақ Марстың өзі туралы қысқаша мәліметті роликтерден біле аласыздар. Ал Марс эволюциясына келсек, қазір оның Жер және басқа планеталармен шамалас уақытта түзілгенін білеміз. Қызыл планетаның атмосферасының көп бөлігі мен бетіндегі сұйық судан айрылуы оның тарту күшінің әлсіздігі және магнит өрісінің ерте бәсеңдеуімен түсіндіріледі.
#күнтізбе #аспансыры
"Сарыжұлдыз көтерілсе, күн суытады" деген халық сөзі мен оның астрономиялық түсіндірмесін жақында жаздық. Осы қыс бойы шығыстан басқа бір қызыл жұлдыз жарқырап тұрғаны белгілі. Ғалым Хасен Әбішев «Аспан сыры» кітабында ол туралы да баяндаған екен:
«Әредік жылдар қызыл шұнақ аязбен бірге шығыстан бір қызылжұлдыз көтеріледі. Өзі лапылдаған оттай қып-қызыл болып өңменіңнен өтіп бара жатады. Осы қызыл түсіне қарап Марс планетасын қазақ халқы Қызылжұлдыз деп атады.
— Қызылжұлдыз жоғарыласа, қыс қатты болып кетеді. Ол шарықтағанда суық күшейетіндіктен оны солай (Қызылжұлдыз) деп атаған. Шағырма жұлдыз, шарт аяз деп содан айтқан. [Иса Сұлтанбековтың мәліметі]
(...)
Елдің Марсты ұнатпауының бір себебі оның қанталағандай қызыл түсі және ол қайсібір жылдар Жерге ұрымтал келген кездерде шоқтай жайнап, қызыл іңірден туады да, күннен күнге көкке өрлей береді.
Марстың осындай ұрымтал келуі екі жыл (дәлірек айтқанда 2 жыл 50 күн) сайын қайталанады. Әсіресе Марстың 15–17 жыл сайын қайталайтын күнге ұлы қарсы тұрысы дейтін кездерінде, ол Жерге өте-мөте ұрымтал келеді де, көзге шыққан сүйелдей аспанда өзгеден алабөтен жалтырайды.
(...)
Осылай Қызылжұлдыз суықты ала жүреді деп елдің оған жаманат таңуына оның қанқызыл түсі және күзде төмен тұрып, суық түсе шарықтап көтеріле беруі себеп болды.
Марс өзі жарық шығармайтын суыған планета. Марстың қызыл жарығы, айта берсек, тіпті оның өзіне меншікті емес, қызыл сәуле Марс бетінен шағылған Күн сәулелері. Марс бетінің көп жерінің түсі қызғылтсары. (...) Марс Жермен салыстырғанда Күннен 1,5 еседей қашық болғандықтан жылу мен жарықты екі еседей кем алады. Оның үстіне Марстың атмосферасы тым сирек (жұқа).
Сөйтіп нағыз қызылшұнақ үскірік Марстың өз бетінде. Бұл дәйектелген жәйт. Ал, Марстың ызғарлы ауа райында күнелтетін тіршілік бола ма деу, әзірше шешілмеген даулы мәселе. Қанқызыл түсіне қарап, ертеде (Рим мифологиясы бойынша) оған Марс (соғыс құдайы) деп ат қойған еді. Ғалымдардың бірқатары Марстың дамуы ерте басталып, ол атмосфера мен ылғалдан атсырап, қожыраған планета деп ойлайды. "Соғыс құдайының", сірә, кенеуі кетіп, қартайған шағы болуы керек.»
(Х.Әбішев. Аспан сыры. Алматы, 2009. 61–63 б.)
Марс 2022 жылы 8 желтоқсанда Жерге ұрымтал келді, яғни Күнге қарсы тұрыста болды. Бұл оқиға жайлы, сондай-ақ Марстың өзі туралы қысқаша мәліметті роликтерден біле аласыздар. Ал Марс эволюциясына келсек, қазір оның Жер және басқа планеталармен шамалас уақытта түзілгенін білеміз. Қызыл планетаның атмосферасының көп бөлігі мен бетіндегі сұйық судан айрылуы оның тарту күшінің әлсіздігі және магнит өрісінің ерте бәсеңдеуімен түсіндіріледі.
#күнтізбе #аспансыры
22/23 ҚАҢТАР 2023 — ШОЛПАН МЕН САТУРННЫҢ ЖАҚЫН ҚОСЫЛЫСЫ (0°20')
2023 жылы 23 қаңтарда Алматы уақытымен 04:00-де Шолпан (-3,9m) Сатурннан (+0,8m) 0,3° оңтүстікте өтеді. Қазақстан аумағынан 22-і мен 23-і күн батысымен оңтүстік-батыс көкжиек үстінен екі планетаның жақындасуы көрінеді. Толығырақ — бейнероликте,
Credit: Sky & Telescope
#күнтізбе
2023 жылы 23 қаңтарда Алматы уақытымен 04:00-де Шолпан (-3,9m) Сатурннан (+0,8m) 0,3° оңтүстікте өтеді. Қазақстан аумағынан 22-і мен 23-і күн батысымен оңтүстік-батыс көкжиек үстінен екі планетаның жақындасуы көрінеді. Толығырақ — бейнероликте,
Credit: Sky & Telescope
#күнтізбе
23 ҚАҢТАР 2023 — АЙ, ШОЛПАН, САТУРН ҮШТІГІ
Өткен түнде бір-бірінен небәрі 20 бұрыштық минутта өткен Шолпан мен Сатурн әлі де жақын тұр. 23 қаңтардың кешінде оларға қылдай жіңішке Ай орағы қосылады. Қараңғы түсе оңтүстік-батыс көкжиек үстіне көз тігіңіз.
Үштіктің сол жағында биікте Юпитер жарқырайды. Шығыста бұрынғыша Марс алаулап тұр. Кешкі аспаннан төрт бірдей планетаны көруге мүмкіндік бар. Толығырақ...
Credit: Star Walk
#күнтізбе
Өткен түнде бір-бірінен небәрі 20 бұрыштық минутта өткен Шолпан мен Сатурн әлі де жақын тұр. 23 қаңтардың кешінде оларға қылдай жіңішке Ай орағы қосылады. Қараңғы түсе оңтүстік-батыс көкжиек үстіне көз тігіңіз.
Үштіктің сол жағында биікте Юпитер жарқырайды. Шығыста бұрынғыша Марс алаулап тұр. Кешкі аспаннан төрт бірдей планетаны көруге мүмкіндік бар. Толығырақ...
Credit: Star Walk
#күнтізбе
ҚЫТАЙ АЗИЯДАҒЫ ЕҢ ІРІ ОПТИКАЛЫҚ ТЕЛЕСКОПТЫ САЛАДЫ
Бейжің университеті елдің оңтүстік-батысындағы Хайси префектурасында салынатын EAST (Expanding Aperture Segmented Telescope) телескопының жобасымен таныстырды. Оның 8 метрлік негізгі айнасы Азияда орналасқан телескоптар арасындағы апертурасы ең үлкені болмақ. Қытайдың қазіргі үш үлкен оптикалық телескопы 4; 2,4 және 2,14 метрлік айналарға ие.
Телескоп екі кезеңмен жеті жылда салынады. 2024–2028 жж. оның тірек конструкциясы мен күмбезі салынады. Бұл кезеңде диаметрі 6 метр болатын негізгі айна 18 алтыбұрышты сегменттен құралады. Демек оның құрылымы Уэбб ғарыштық телескопының негізгі айнасына өте ұқсас, бұл теңдессіз оптикалық құрылғы жайлы роликтен толығырақ біле аласыз. Бірінші кезеңде телескопқа орта/төмен ажыратымды камералар мен спектрометрлер қойылады.
2009–2030 жж. екінші кезеңде негізгі айнаға тағы 18 сегмент қосылып, диаметрі 8 метрге дейін үлкейтіледі. Телескоп жоғары ажыратымды спектрометрлер, поляриметрлер, көпнысандық спкетрометрлер және адаптив оптика жүйесімен жарақтанады. Жобаның жалпы құны 500–600 млн юань деп бағаланады.
Қазір дүниедегі ең үлкен оптикалық телескоп — Испанияның Ла-Пальма аралындағы Үлкен Канар телескопы (GTC). Оның 10,4 метрлік негізгі айнасы 36 алтыбұрышты сегменттен тұрады. Ал Қытай биыл әлемдегі ең ауқымды (жалпы диаметрі 1 км) DSRT арнайы күн радиотелескопын құрды. Сондай-ақ дүние жүзіндегі ең үлкен толық апертуралы (500 м) FAST радиотелескопы да Қытайда орналасқан.
Бейжің университеті елдің оңтүстік-батысындағы Хайси префектурасында салынатын EAST (Expanding Aperture Segmented Telescope) телескопының жобасымен таныстырды. Оның 8 метрлік негізгі айнасы Азияда орналасқан телескоптар арасындағы апертурасы ең үлкені болмақ. Қытайдың қазіргі үш үлкен оптикалық телескопы 4; 2,4 және 2,14 метрлік айналарға ие.
Телескоп екі кезеңмен жеті жылда салынады. 2024–2028 жж. оның тірек конструкциясы мен күмбезі салынады. Бұл кезеңде диаметрі 6 метр болатын негізгі айна 18 алтыбұрышты сегменттен құралады. Демек оның құрылымы Уэбб ғарыштық телескопының негізгі айнасына өте ұқсас, бұл теңдессіз оптикалық құрылғы жайлы роликтен толығырақ біле аласыз. Бірінші кезеңде телескопқа орта/төмен ажыратымды камералар мен спектрометрлер қойылады.
2009–2030 жж. екінші кезеңде негізгі айнаға тағы 18 сегмент қосылып, диаметрі 8 метрге дейін үлкейтіледі. Телескоп жоғары ажыратымды спектрометрлер, поляриметрлер, көпнысандық спкетрометрлер және адаптив оптика жүйесімен жарақтанады. Жобаның жалпы құны 500–600 млн юань деп бағаланады.
Қазір дүниедегі ең үлкен оптикалық телескоп — Испанияның Ла-Пальма аралындағы Үлкен Канар телескопы (GTC). Оның 10,4 метрлік негізгі айнасы 36 алтыбұрышты сегменттен тұрады. Ал Қытай биыл әлемдегі ең ауқымды (жалпы диаметрі 1 км) DSRT арнайы күн радиотелескопын құрды. Сондай-ақ дүние жүзіндегі ең үлкен толық апертуралы (500 м) FAST радиотелескопы да Қытайда орналасқан.
👍1
27 ҚАҢТАРДА БЕС МЕТРЛІК АСТЕРОИД ЖЕРГЕ ЖАҚЫНДАЙДЫ
2023 жылы 27 қаңтарда, Алматы уақытымен 06:17-де Жер бетінен небәрі 3600 ± 1700 км биіктікте 4–9 метрлік астероид ұшып өтеді. Демек ол планетамызға Айдан 100 есе жақын болмақ. Жарқырауы +11 жұлдыздық шамаға жететін денені орташа әуесқойлық телескоппен бақылауға болады.
Астероид төрт сағаттан соң орбитасының перигелиінен өтіп, өз жолын жалғастырады. Жер гравитациясының ықпалы оның Күнді айналу периодын 359 тәуліктен 429 тәулікке дейін ұзартады. 2023 BU деген ат қойылған аспан денесін қаңтардың 22-не қараған түні белгілі комета аңшысы Геннадий Борисов ашты.
Gaia ғарыштық телескопы орбитасын анықтаған 154 741 астероидтың, соның ішінде жермаңы нысандардың 4K-визуализациясы.
2023 жылы 27 қаңтарда, Алматы уақытымен 06:17-де Жер бетінен небәрі 3600 ± 1700 км биіктікте 4–9 метрлік астероид ұшып өтеді. Демек ол планетамызға Айдан 100 есе жақын болмақ. Жарқырауы +11 жұлдыздық шамаға жететін денені орташа әуесқойлық телескоппен бақылауға болады.
Астероид төрт сағаттан соң орбитасының перигелиінен өтіп, өз жолын жалғастырады. Жер гравитациясының ықпалы оның Күнді айналу периодын 359 тәуліктен 429 тәулікке дейін ұзартады. 2023 BU деген ат қойылған аспан денесін қаңтардың 22-не қараған түні белгілі комета аңшысы Геннадий Борисов ашты.
Gaia ғарыштық телескопы орбитасын анықтаған 154 741 астероидтың, соның ішінде жермаңы нысандардың 4K-визуализациясы.
👍1
АЙ, ШОЛПАН, САТУРН ҮШТІК ҚОСЫЛЫСЫ
Сурет Солтүстік Кавказдағы Архыз тауынан, теңіз деңгейінен 2000 м биіктікте түсірілген. 23 қаңтар 2023 жыл
Фото авторы: Юрий Звёздный (Sony A7s + Canon 135mm, f/2.0, exp=2.5sec, ISO=1250)
#фотокөрме
Сурет Солтүстік Кавказдағы Архыз тауынан, теңіз деңгейінен 2000 м биіктікте түсірілген. 23 қаңтар 2023 жыл
Фото авторы: Юрий Звёздный (Sony A7s + Canon 135mm, f/2.0, exp=2.5sec, ISO=1250)
#фотокөрме
СОЛЫНАН ТУҒАН ЖАС АЙ КОСТАНЕРА ОРТАЛЫҒЫ ҮСТІНДЕ
Чили астанасы Сантьяго қаласындағы биіктігі 300 метр, 64 қабатты Гран Торре Костанера зәулімі — Латын Америкасындағы ең биік ғимарат. 2023 жылы 23 қаңтарда түсірілген фотода ғимарат үстіндегі бір күндік Ай орағы бейнеленген.
Оңтүстік жартышарда Айдың солынан туатынына назар аударыңыз! Және бұл Жаңа Ай оның перигейіне, яғни Жерге жақындауына сәйкес келді. 2023 жылдың әр сағатындағы Ай фазалары мен Жерден қашықтығы (Оңтүстік аспанға арналған нұсқа) — роликте.
Фото авторы: Yuri Beletsky (Sony A7IV + Sigma 150-600)
#фотокөрме
Чили астанасы Сантьяго қаласындағы биіктігі 300 метр, 64 қабатты Гран Торре Костанера зәулімі — Латын Америкасындағы ең биік ғимарат. 2023 жылы 23 қаңтарда түсірілген фотода ғимарат үстіндегі бір күндік Ай орағы бейнеленген.
Оңтүстік жартышарда Айдың солынан туатынына назар аударыңыз! Және бұл Жаңа Ай оның перигейіне, яғни Жерге жақындауына сәйкес келді. 2023 жылдың әр сағатындағы Ай фазалары мен Жерден қашықтығы (Оңтүстік аспанға арналған нұсқа) — роликте.
Фото авторы: Yuri Beletsky (Sony A7IV + Sigma 150-600)
#фотокөрме
This media is not supported in your browser
VIEW IN TELEGRAM
ROCKET LAB КОМПАНИЯСЫ АЛҒАШ РЕТ АҚШ-ТАН ЗЫМЫРАН ҰШЫРДЫ
Америкалық Rocket Lab компаниясы 2023 жылы 25 қаңтарда Вирджиния штаты, Уоллопс ғарыш айлағындағы LC-2 ұшыру кешенінен Electron зымыранын сәтті ұшырды. Ұшырылым мақсаты — Hawkeye 360 компаниясының Жерді радиодиапазонда бақылайтын үш жерсерігін 550 км төмен жермаңы орбитаға шығару. Аппараттардың қалыпты жайылғаны хабарланды. 1-саты құтқарылған жоқ.
Rocket Lab 2017 жылдан бастап, Жаңа Зеландиядан 32 зымыран ұшырған еді. LC-1 ұшыру кешені Солтүстік аралдағы Махия түбегінде орналасқан. Бүгінгі стартпен компания АҚШ аумағынан да ғарыштық миссиялар жүзеге асыра бастады. Rocket Lab-ты 2006 жылы жаңазеландиялық кәсіпкер Питер Бек құрған. 2013 жылы америкалық инвесторлар қаржы құйған соң, компания АҚШ-та тіркелді. Компанияның бас кеңсесі мен Rutherford қозғағыштары өндірісі Калифорния штатындағы Лонг-Бич қаласында.
Америкалық Rocket Lab компаниясы 2023 жылы 25 қаңтарда Вирджиния штаты, Уоллопс ғарыш айлағындағы LC-2 ұшыру кешенінен Electron зымыранын сәтті ұшырды. Ұшырылым мақсаты — Hawkeye 360 компаниясының Жерді радиодиапазонда бақылайтын үш жерсерігін 550 км төмен жермаңы орбитаға шығару. Аппараттардың қалыпты жайылғаны хабарланды. 1-саты құтқарылған жоқ.
Rocket Lab 2017 жылдан бастап, Жаңа Зеландиядан 32 зымыран ұшырған еді. LC-1 ұшыру кешені Солтүстік аралдағы Махия түбегінде орналасқан. Бүгінгі стартпен компания АҚШ аумағынан да ғарыштық миссиялар жүзеге асыра бастады. Rocket Lab-ты 2006 жылы жаңазеландиялық кәсіпкер Питер Бек құрған. 2013 жылы америкалық инвесторлар қаржы құйған соң, компания АҚШ-та тіркелді. Компанияның бас кеңсесі мен Rutherford қозғағыштары өндірісі Калифорния штатындағы Лонг-Бич қаласында.
84. УЭББТЫҢ NIRISS АСПАБЫ ІСТЕМЕЙ ТҰР
НАСА Джеймс Уэбб ғарыштық телескопының NIRISS аспабы ғылыми бақылау жүргізе алмай тұрғанын хабарлады. 15 қаңтарда аспап ішіндегі байланыстың кідірісінен оның софтверінің жұмысы толық тоқтаған. Телескоптың өзі мен қалған үш негізгі ғылыми аспап қалыпты жұмыс істеп тұр.
0,8 – 5,0 мкм диапазонда бақылау жүргізетін NIRISS таяу инфрақызыл кескінтүзгіші / саңылаусыз спектрографы Әлемнің ежелгі жарығын іздеп, алыс жұлдыздарды айналатын планеталар жайлы ақпарат жияды. Ол FGS дәл көзеу сенсорымен бірге жұмыс істейді. Бір корпустағы бұл аспаптарды Канада ғарыш агенттігі (CSA) мен осы елдің Honeywell компаниясы жасағандықтан, олар "Канада көзі" деп те аталады. НАСА мен CSA ақау себептерін анықтауда.
Уэбб телескопының ғылыми аспаптарына шолу — бейнероликте.
НАСА Джеймс Уэбб ғарыштық телескопының NIRISS аспабы ғылыми бақылау жүргізе алмай тұрғанын хабарлады. 15 қаңтарда аспап ішіндегі байланыстың кідірісінен оның софтверінің жұмысы толық тоқтаған. Телескоптың өзі мен қалған үш негізгі ғылыми аспап қалыпты жұмыс істеп тұр.
0,8 – 5,0 мкм диапазонда бақылау жүргізетін NIRISS таяу инфрақызыл кескінтүзгіші / саңылаусыз спектрографы Әлемнің ежелгі жарығын іздеп, алыс жұлдыздарды айналатын планеталар жайлы ақпарат жияды. Ол FGS дәл көзеу сенсорымен бірге жұмыс істейді. Бір корпустағы бұл аспаптарды Канада ғарыш агенттігі (CSA) мен осы елдің Honeywell компаниясы жасағандықтан, олар "Канада көзі" деп те аталады. НАСА мен CSA ақау себептерін анықтауда.
Уэбб телескопының ғылыми аспаптарына шолу — бейнероликте.