БАЙҚОҢЫРДАН СОЮЗ МС-26 ҒАРЫШ КЕМЕСІ ҰШЫРЫЛДЫ
Роскосмос 2024 жылғы 11 қыркүйекте, Алматы уақытымен 21:23-те Байқоңыр ғарыш айлағының №31 ұшыру алаңынан «Союз-2.1а» зымыранымен «Союз МС-26» ғарыш кемесін сәтті ұшырды. Кеме бортында командир — Алексей Овчинин (Роскосмос, 3-ші ғарыш сапары), бортинженерлер Иван Вагнер (Роскосмос, 2), Дональд Петит (НАСА, 4) бар. Аса қысқа схемамен ұшқан кеме 12 қыркүйек, 00:32-де Халықаралық ғарыш стансасы ресейлік сегментінің «Рассвет» модуліне түйісті.
Жаңа экипаж ХҒС-тың 72-ші ұзақ мерзімді экспедициясы ретінде 202 күн жұмыс істеуі тиіс. Ресей космонавтары ғылыми және қолданбалы зерттеулер жүргізіп, «Прогресс МС-29», «Прогресс МС-30» жүк кемелерін қабылдап алады.
«Союз-2.1а» зымыраны осымен 70-ші рет, «Союз» типті ғарыш кемелері — 176-шы рет ұшырылып отыр. Ресей 2024 жылы әзірге небәрі 10 зымыран ұшырса, оның алтауы Байқоңырдан көтерілді.
Фото: Роскосмос
#зымыранұшыру #хғс
Роскосмос 2024 жылғы 11 қыркүйекте, Алматы уақытымен 21:23-те Байқоңыр ғарыш айлағының №31 ұшыру алаңынан «Союз-2.1а» зымыранымен «Союз МС-26» ғарыш кемесін сәтті ұшырды. Кеме бортында командир — Алексей Овчинин (Роскосмос, 3-ші ғарыш сапары), бортинженерлер Иван Вагнер (Роскосмос, 2), Дональд Петит (НАСА, 4) бар. Аса қысқа схемамен ұшқан кеме 12 қыркүйек, 00:32-де Халықаралық ғарыш стансасы ресейлік сегментінің «Рассвет» модуліне түйісті.
Жаңа экипаж ХҒС-тың 72-ші ұзақ мерзімді экспедициясы ретінде 202 күн жұмыс істеуі тиіс. Ресей космонавтары ғылыми және қолданбалы зерттеулер жүргізіп, «Прогресс МС-29», «Прогресс МС-30» жүк кемелерін қабылдап алады.
«Союз-2.1а» зымыраны осымен 70-ші рет, «Союз» типті ғарыш кемелері — 176-шы рет ұшырылып отыр. Ресей 2024 жылы әзірге небәрі 10 зымыран ұшырса, оның алтауы Байқоңырдан көтерілді.
Фото: Роскосмос
#зымыранұшыру #хғс
👍1
ҒАРЫШТА 19 АДАМ ЖҮР — ЖАҢА ТАРИХИ РЕКОРД!
2024 жылғы 11 қыркүйекте космонавтика тарихына тағы бір үлкен жетістік жазылды. 21:23-те Байқоңырдан ұшырылған Союз МС-26 кемесі бірнеше минуттан кейін ғарыш кеңістігіне шықты. Оның бортында үш ғарышкер болды.
Бұл сәтте Халықаралық ғарыш стансасында 9 адам бар еді: Crew-8 миссиясының төрт мүшесі, Союз МС-25 кемесінің үштігі және Starliner-мен келіп, әзірше кемесіз қалған екеу. Бұларға Тяньгун ғарыш стансасындағы Шэньчжоу-18 экипажының үш мүшесін және Жерді эллипс орбитамен айналып жүрген Polaris Dawn миссиясының төрт астронавтын қоссақ, бір мезгілде ғарышта 19 адам бар деген сөз. Бұл — ғарышты игеру тарихындағы жаңа рекорд! 🏆
Бұрынғы рекорд 2023 жылғы 30 мамырда тіркелген еді. Сол күні жермаңы орбитада бір мезгілде 17 ғарышкер болған (ХҒС — 11, Тяньгун — 3, Шэньчжоу-16 — 3). 2021 жылғы 16 қыркүйектегі рекордтық көрсеткіш 14 адам болатын (ХҒС — 7, Тяньгун — 3, Inspiration4 — 4).
#ғарыштарихы
2024 жылғы 11 қыркүйекте космонавтика тарихына тағы бір үлкен жетістік жазылды. 21:23-те Байқоңырдан ұшырылған Союз МС-26 кемесі бірнеше минуттан кейін ғарыш кеңістігіне шықты. Оның бортында үш ғарышкер болды.
Бұл сәтте Халықаралық ғарыш стансасында 9 адам бар еді: Crew-8 миссиясының төрт мүшесі, Союз МС-25 кемесінің үштігі және Starliner-мен келіп, әзірше кемесіз қалған екеу. Бұларға Тяньгун ғарыш стансасындағы Шэньчжоу-18 экипажының үш мүшесін және Жерді эллипс орбитамен айналып жүрген Polaris Dawn миссиясының төрт астронавтын қоссақ, бір мезгілде ғарышта 19 адам бар деген сөз. Бұл — ғарышты игеру тарихындағы жаңа рекорд! 🏆
Бұрынғы рекорд 2023 жылғы 30 мамырда тіркелген еді. Сол күні жермаңы орбитада бір мезгілде 17 ғарышкер болған (ХҒС — 11, Тяньгун — 3, Шэньчжоу-16 — 3). 2021 жылғы 16 қыркүйектегі рекордтық көрсеткіш 14 адам болатын (ХҒС — 7, Тяньгун — 3, Inspiration4 — 4).
#ғарыштарихы
👍2
POLARIS DAWN: ЕКІНШІ КҮННІҢ ҚОРЫТЫНДЫСЫ
Polaris Dawn экипажы ұшу сапарының 2-ші күнін 1400 км биіктікке жетумен бастағанын білесіздер, 1972 жылдан бері адамдар Жерден мұншама алыстап көрмеген еді. Апогейі 1400 км орбитамен 6 айналым жасаған соң, Resilience кемесі қозғағыштарын бірнеше рет қосып, 190 х 737 км орбитаға түсті. Кабинадағы қысым одан әрі төмендетіліп жатыр. Экипаж бірнеше сағатқа скафандр киіп, олардың герметикалығын тексерді.
Сонымен қатар, көптеген зерттеулер жүргізілді. Ғарышкерлер микрогравитация әсерінен көз ішіндегі қанның қозғалысы қалай өзгеретіні бақылады, адам ағзасы орбитада дәрілерді қалай сіңіретінін талдады. Бірқатар қайырымдылық шаралары да өткізілді. Күн соңында экипаж мүшелері Старлинк байланысы көмегімен отбасыларымен хабарласып, жұртшылыққа арнайы үндеу дайындады. Содан соң олар ұйқыға кетті. Бүгін экипажды жауапты міндет күтіп тұр, толығырақ келесі поста.
Polaris Dawn экипажы ұшу сапарының 2-ші күнін 1400 км биіктікке жетумен бастағанын білесіздер, 1972 жылдан бері адамдар Жерден мұншама алыстап көрмеген еді. Апогейі 1400 км орбитамен 6 айналым жасаған соң, Resilience кемесі қозғағыштарын бірнеше рет қосып, 190 х 737 км орбитаға түсті. Кабинадағы қысым одан әрі төмендетіліп жатыр. Экипаж бірнеше сағатқа скафандр киіп, олардың герметикалығын тексерді.
Сонымен қатар, көптеген зерттеулер жүргізілді. Ғарышкерлер микрогравитация әсерінен көз ішіндегі қанның қозғалысы қалай өзгеретіні бақылады, адам ағзасы орбитада дәрілерді қалай сіңіретінін талдады. Бірқатар қайырымдылық шаралары да өткізілді. Күн соңында экипаж мүшелері Старлинк байланысы көмегімен отбасыларымен хабарласып, жұртшылыққа арнайы үндеу дайындады. Содан соң олар ұйқыға кетті. Бүгін экипажды жауапты міндет күтіп тұр, толығырақ келесі поста.
👍2
12 ҚЫРКҮЙЕК 14:58-ДЕ POLARIS DAWN ЭКИПАЖЫ АШЫҚ ҒАРЫШҚА ШЫҒАДЫ
Бүгін Polaris Dawn экипажы ашық ғарышқа шығу операциясын жасамақшы. Тарихта алғаш рет оны мемлекеттік ғарыш агенттігі емес, жекеменшік компания ұйымдастырмақ. Бұл сәтте Crew Dragon Resilience ғарыш кемесі Жерден шамамен 700 км биіктікте ұшып жүреді.
Джаред Айзекман мен Сара Гиллис кеме тұмсығындағы люк пен басқыштар арқылы кеме сыртына шығады. Бірақ кемеде шлюз болмағандықтан, оның ішкі герметизациясы жойылып, Джек Потит пен Анна Менон да ашық ғарыш жағдайында болады. Төртеуі де ашық ғарышқа шығуға арналған SpaceX EVA скафандрын киіп, соның тіршілікті қамтамасыз ету жүйесі көмегімен тыныстайды.
Ашық ғарышқа шығу біздің уақытпен 14:58-ге шегерілді. Трансляция 13:55-те басталады. Сілтемелер төменде.
Рендер: SpaceX
Бүгін Polaris Dawn экипажы ашық ғарышқа шығу операциясын жасамақшы. Тарихта алғаш рет оны мемлекеттік ғарыш агенттігі емес, жекеменшік компания ұйымдастырмақ. Бұл сәтте Crew Dragon Resilience ғарыш кемесі Жерден шамамен 700 км биіктікте ұшып жүреді.
Джаред Айзекман мен Сара Гиллис кеме тұмсығындағы люк пен басқыштар арқылы кеме сыртына шығады. Бірақ кемеде шлюз болмағандықтан, оның ішкі герметизациясы жойылып, Джек Потит пен Анна Менон да ашық ғарыш жағдайында болады. Төртеуі де ашық ғарышқа шығуға арналған SpaceX EVA скафандрын киіп, соның тіршілікті қамтамасыз ету жүйесі көмегімен тыныстайды.
Ашық ғарышқа шығу біздің уақытпен 14:58-ге шегерілді. Трансляция 13:55-те басталады. Сілтемелер төменде.
Рендер: SpaceX
👍2
POLARIS DAWN МҮШЕЛЕРІ АШЫҚ ҒАРЫШҚА ОЙДАҒЫДАЙ ШЫҚТЫ
Сонымен, 2024 жылғы 12 қыркүйекте Polaris Dawn миссиясына қатысушылар ашық ғарышқа шықты. Алдымен Crew Dragon Resilience кемесінің ішіндегі қысым біртіндеп төмендетіліп, ақыры нөлге дейін түсті. Сөйтіп экипаждың төрт мүшесі де салмақсыздықта әрі вакуумда, яғни ашық ғарыш жағдайында болды. Бұл де өзінше тарихи оқиға 🏆 Кезінде Спейс Шаттлдың үш бірдей ғарышкері ашық ғарышқа шығып, жерсерікті ұстап алуға тырысқан еді. Ал ХҒС-тан сыртқа бір мезгілде екі адамнан шығады.
Polaris Dawn астронавтарының скафандрындағы қысым қалыпты атмосфералық қысымның 32%-тейіндей болды. Бұл олардың тыныстауына зиян тигізбеді, өйткені скафандр ауамен емес, таза оттегімен толтырылғандықтан, жұтылатын оттегі мөлшері кемімеді.
Кеменің тұмсығындағы қақпақ орбитаға шығысымен-ақ ашылған еді. Ал командир Джаред Айзекман ішке қарай серпілетін ішкі люкті ашты. Біраздан соң ол басқыш арқылы белуардан кеме сыртына шықты. Оны қақпаққа орнатылған шам жарықтандырып, камералар түсіріп тұрды. Джаред сыртқа шыққанда, кеме 737 км биіктікте болатын. Apollo астронавтарының Ай бетіндегі саяхаты мен қайтар жолда ашық ғарышқа шыққандарын санамағанда, адам баласы ешқашан мұндай биік жермаңы орбитада ашық ғарышқа шықпаған! 🏆
Командир ішке енгеннен кейін, екінші болып Сара Гиллис жартылай тысқа шықты. Бұл кезде кеме Жердің түнгі жағына өтіп, планетамыз көрінбей қалды. Тынық мұхит үстінде кемемен байланыс болмай, Сараның қайта кіруі мен люктің жабылғанын да көрмедік.
Бірінші рет ашық ғарышқа шығу әрекетін кәсіби емес ғарышкерлер жекеменшік ғарыш кемесінен және жеке компания жасаған скафандр көмегімен жүзеге асырды. Бүгінге дейін мұндай жауапты істі тек мемлекеттік ғарыш агенттіктері өткізетін. Дегенмен бүгінгі сынақ SpaceX компаниясы өз скафандрын әлі көп жетілдіруі керегін көрсетті.
#ғарыштарихы
Сонымен, 2024 жылғы 12 қыркүйекте Polaris Dawn миссиясына қатысушылар ашық ғарышқа шықты. Алдымен Crew Dragon Resilience кемесінің ішіндегі қысым біртіндеп төмендетіліп, ақыры нөлге дейін түсті. Сөйтіп экипаждың төрт мүшесі де салмақсыздықта әрі вакуумда, яғни ашық ғарыш жағдайында болды. Бұл де өзінше тарихи оқиға 🏆 Кезінде Спейс Шаттлдың үш бірдей ғарышкері ашық ғарышқа шығып, жерсерікті ұстап алуға тырысқан еді. Ал ХҒС-тан сыртқа бір мезгілде екі адамнан шығады.
Polaris Dawn астронавтарының скафандрындағы қысым қалыпты атмосфералық қысымның 32%-тейіндей болды. Бұл олардың тыныстауына зиян тигізбеді, өйткені скафандр ауамен емес, таза оттегімен толтырылғандықтан, жұтылатын оттегі мөлшері кемімеді.
Кеменің тұмсығындағы қақпақ орбитаға шығысымен-ақ ашылған еді. Ал командир Джаред Айзекман ішке қарай серпілетін ішкі люкті ашты. Біраздан соң ол басқыш арқылы белуардан кеме сыртына шықты. Оны қақпаққа орнатылған шам жарықтандырып, камералар түсіріп тұрды. Джаред сыртқа шыққанда, кеме 737 км биіктікте болатын. Apollo астронавтарының Ай бетіндегі саяхаты мен қайтар жолда ашық ғарышқа шыққандарын санамағанда, адам баласы ешқашан мұндай биік жермаңы орбитада ашық ғарышқа шықпаған! 🏆
Командир ішке енгеннен кейін, екінші болып Сара Гиллис жартылай тысқа шықты. Бұл кезде кеме Жердің түнгі жағына өтіп, планетамыз көрінбей қалды. Тынық мұхит үстінде кемемен байланыс болмай, Сараның қайта кіруі мен люктің жабылғанын да көрмедік.
Бірінші рет ашық ғарышқа шығу әрекетін кәсіби емес ғарышкерлер жекеменшік ғарыш кемесінен және жеке компания жасаған скафандр көмегімен жүзеге асырды. Бүгінге дейін мұндай жауапты істі тек мемлекеттік ғарыш агенттіктері өткізетін. Дегенмен бүгінгі сынақ SpaceX компаниясы өз скафандрын әлі көп жетілдіруі керегін көрсетті.
#ғарыштарихы
👍3
This media is not supported in your browser
VIEW IN TELEGRAM
Джаред Айзекманның шлемінен қарағанда
👍4
POLARIS DAWN: ҮШІНШІ КҮННІҢ ҚОРЫТЫНДЫСЫ
Күннің басты оқиғасы 106 минутқа созылған ашық ғарышқа шығу операциясы болды. Экипаж скафандрларын киіп, тексерген соң, оларды герметизациялау, азотпен үрлеу мен таза оттегімен толтыру басталды. Кеменің кабинасы, керісінше, бейгерметизацияланып, ондағы қысым ғарыштық вакууммен теңесті. 732 км биіктіктегі кеме қызметтік бөлімін Күнге, ал тұмсығын Жерге қарай бағдарлады. Командир люкте ашқанда, экипаждың 4 мүшесі де ғарыш вакуумының әсеріне ұшырады.
Джаред Айзекман мен Сара Гиллис кезекпен кемеден шығып, скафандрдың икемділігін тексерді. Кид Потит пен Анна Менон скафандрдың шлангкабельдерін басқарып, телеметрияны қадағалап отырды. Люк жабылғаннан кейін кеме ішіндегі қысым қалпына келтірілді. Ауа шығып жатпағаны тексерілісімен Crew Dragon кемесінен алғашқы ғарышқа шығу әрекеті ресми тәмамдалды.
Жауапты жұмысты жақсы атқарған экипаж біраз демалып, түскі асын ішті. Олар Жерге Starlink байланысы арқылы хабар жіберіп, отбасыларымен сөйлескен соң, ұйқыға кетті.
Күннің басты оқиғасы 106 минутқа созылған ашық ғарышқа шығу операциясы болды. Экипаж скафандрларын киіп, тексерген соң, оларды герметизациялау, азотпен үрлеу мен таза оттегімен толтыру басталды. Кеменің кабинасы, керісінше, бейгерметизацияланып, ондағы қысым ғарыштық вакууммен теңесті. 732 км биіктіктегі кеме қызметтік бөлімін Күнге, ал тұмсығын Жерге қарай бағдарлады. Командир люкте ашқанда, экипаждың 4 мүшесі де ғарыш вакуумының әсеріне ұшырады.
Джаред Айзекман мен Сара Гиллис кезекпен кемеден шығып, скафандрдың икемділігін тексерді. Кид Потит пен Анна Менон скафандрдың шлангкабельдерін басқарып, телеметрияны қадағалап отырды. Люк жабылғаннан кейін кеме ішіндегі қысым қалпына келтірілді. Ауа шығып жатпағаны тексерілісімен Crew Dragon кемесінен алғашқы ғарышқа шығу әрекеті ресми тәмамдалды.
Жауапты жұмысты жақсы атқарған экипаж біраз демалып, түскі асын ішті. Олар Жерге Starlink байланысы арқылы хабар жіберіп, отбасыларымен сөйлескен соң, ұйқыға кетті.
👍4
12:35-ТЕ POLARIS DAWN МИССИЯСЫНЫҢ КЕМЕСІ ҚОНАДЫ
Polaris Dawn мисиясының экипажы отырған Crew Dragon Resilience ғарыш кемесі қонуға беттеді. Кеме капсуласы қызметтік бөлімнен ажырап, Аустралия үстінде Жерге қарай төмендеп келеді. Қону Алматы уақытымен 12:35 шамасына жоспарланған. Трансляцияларға сілтеме — төменде.
Polaris Dawn мисиясының экипажы отырған Crew Dragon Resilience ғарыш кемесі қонуға беттеді. Кеме капсуласы қызметтік бөлімнен ажырап, Аустралия үстінде Жерге қарай төмендеп келеді. Қону Алматы уақытымен 12:35 шамасына жоспарланған. Трансляцияларға сілтеме — төменде.
👍1
Crew Dragon Resilience ғарыш кемесі Флорида жағасына жақын айдынға ойдағыдай қонды
👍1