ЖАЙЫҚТАҒЫ ЖАҒДАЙ: 10 КӨКЕК 2024
Ирикла су қоймасынан шығатын су мөлшері 9 көкекте алдымен 1500 м³/с, кейін 1342 м³/с-ке дейін азайтылды. 10 көкек таңертең ағын 993 м³/с-ге дейін кеміді. 9 көкектегі түсім — 1680 м³/с (8 көкекте 2000 м³/с). Су қоймасындағы бос сыйымдылық — 15 млн м³.
Ирикладан келетін судың азаюы нәтижесінде Орск қаласындағы Жайықтың деңгейі 899 см-ге (-29 см) дейін түсті. Су басқан кейбір аудандардан қарғын кете бастады. Бірақ әлі 7000-дай үй суда тұр.
Болжанғандай, 10 көкекке қараған түні Орынбордағы Жайықтың деңгейі 930 см-лік қауіпті деңгейден асып кетті, 10 көкек, 10:00-дегі деңгей 989 см (бір тәулікте +92 см). 14:00-де 1000 см! Қалада 1910 үйді су басты. Бұл кезеңде су келмеген Советская көшесінде жұмысшылар былтыр төселген гранит плитканы жұлып тастап, орнына жаңасын салып жатыр екен.
Башқұртстаннан келетін Сақмар өзені 9 көкекте кешке 811 см-ге дейін көтерілді. Бұл өзен Орынбордың орталығында Жайыққа құяды. Міне, осы біріккен мол су 15-17-лерінде біздің Орал қаласына жететін шығар. Оралда 9 көкекте кешке Жайық 718 см-ге жетті, қауіпті деңгей 850 см.
#геодерек
Ирикла су қоймасынан шығатын су мөлшері 9 көкекте алдымен 1500 м³/с, кейін 1342 м³/с-ке дейін азайтылды. 10 көкек таңертең ағын 993 м³/с-ге дейін кеміді. 9 көкектегі түсім — 1680 м³/с (8 көкекте 2000 м³/с). Су қоймасындағы бос сыйымдылық — 15 млн м³.
Ирикладан келетін судың азаюы нәтижесінде Орск қаласындағы Жайықтың деңгейі 899 см-ге (-29 см) дейін түсті. Су басқан кейбір аудандардан қарғын кете бастады. Бірақ әлі 7000-дай үй суда тұр.
Болжанғандай, 10 көкекке қараған түні Орынбордағы Жайықтың деңгейі 930 см-лік қауіпті деңгейден асып кетті, 10 көкек, 10:00-дегі деңгей 989 см (бір тәулікте +92 см). 14:00-де 1000 см! Қалада 1910 үйді су басты. Бұл кезеңде су келмеген Советская көшесінде жұмысшылар былтыр төселген гранит плитканы жұлып тастап, орнына жаңасын салып жатыр екен.
Башқұртстаннан келетін Сақмар өзені 9 көкекте кешке 811 см-ге дейін көтерілді. Бұл өзен Орынбордың орталығында Жайыққа құяды. Міне, осы біріккен мол су 15-17-лерінде біздің Орал қаласына жететін шығар. Оралда 9 көкекте кешке Жайық 718 см-ге жетті, қауіпті деңгей 850 см.
#геодерек
🤨1
10 КӨКЕКТЕ ЖАЙЫҚ 10 МЕТРДЕН АСТЫ
2024 жылғы 10 көкек, 16:00-де Орынбор қаласындағы Жайықтың деңгейі 1010 см-ге жетті. 1993 жылғы тасқын кезінде бұл қаладағы ең жоғары көрсеткіш 974 см болған екен. Ал тарихи рекорд 1942 жылдың 3 мамырында тіркелген — 987 см. Биылғы су бұл рекордтан та асып түсті. Орынборда қауіпті деңгей 930 см деп саналады.
Осыған қарап Орал қаласында Жайықтың қанша көтерілетінін болжап көруге болады. Мұндағы кей жылғы максимумдар:
1942 ж. 8 мамыр — 942 см
1957 ж. 27 көкек — 932 см
1946 ж. 25 көкек — 884 см
1948 ж. 30 көкек — 853 см
1994 ж. 2 мамыр — 853 см
1993 ж. 5 мамыр — 804 см
Оралдағы Жайықтың қауіпті деңгейі 850 см.
#геодерек
2024 жылғы 10 көкек, 16:00-де Орынбор қаласындағы Жайықтың деңгейі 1010 см-ге жетті. 1993 жылғы тасқын кезінде бұл қаладағы ең жоғары көрсеткіш 974 см болған екен. Ал тарихи рекорд 1942 жылдың 3 мамырында тіркелген — 987 см. Биылғы су бұл рекордтан та асып түсті. Орынборда қауіпті деңгей 930 см деп саналады.
Осыған қарап Орал қаласында Жайықтың қанша көтерілетінін болжап көруге болады. Мұндағы кей жылғы максимумдар:
1942 ж. 8 мамыр — 942 см
1957 ж. 27 көкек — 932 см
1946 ж. 25 көкек — 884 см
1948 ж. 30 көкек — 853 см
1994 ж. 2 мамыр — 853 см
1993 ж. 5 мамыр — 804 см
Оралдағы Жайықтың қауіпті деңгейі 850 см.
#геодерек
😱2
This media is not supported in your browser
VIEW IN TELEGRAM
8 көкектегі Күн тұтылуы Starlink жерсерігінің көзімен
Credit: SpaceX
Credit: SpaceX
👍2
ЖАЙЫҚТАҒЫ ЖАҒДАЙ: 11 КӨКЕК 2024
Ирикла су қоймасынан шығатын су мөлшері 11 көкекте 993-тен 902 м³/с-ке дейін азайтылды. 10 көкектегі түсім — 1370 м³/с (9 көкекте 1680 м³/с). Су қоймасындағы бос сыйымдылық — 15 млн м³.
11 көкек, 8:00-де Орынбордағы Жайықтың деңгейі 1060 см-ге жетті (бір тәулікте +71 см). Бұл қауіпті деңгейден 130 см-ге (!) жоғары. Ресейдің Орынбор облысы бойынша 12187 үйді су алып, 7457 адам көшірілген. Элиталық "Риверсайд" тұрғын үй кешенін қорғау үшін, ішіне су құйылатын бөгет қойылды. Кешеннің су қорғау зонасына салынғанын аты-ақ айтып тұр. Арнайы ұшақпен әкелінген бөгет суды өздеріне бұрып жібереді деп қауіптенген Овчинный қалашығы тұрғындары наразылыққа шықты. Билік өкілдері қой терісін илеушілер ұрпағын тыныштандыруға тырысты.
Орал қаласында 11 көкекте Жайық 728 см-ге жетті (+10 см), қауіпті деңгей 850 см. Шаған мен Деркөл түсіп келеді. Шыңғырлау ауданы Шілік ауылында Електің деңгейі 779 см-ге көтерілді (қауіпті деңгей 750 см).
#геодерек
Ирикла су қоймасынан шығатын су мөлшері 11 көкекте 993-тен 902 м³/с-ке дейін азайтылды. 10 көкектегі түсім — 1370 м³/с (9 көкекте 1680 м³/с). Су қоймасындағы бос сыйымдылық — 15 млн м³.
11 көкек, 8:00-де Орынбордағы Жайықтың деңгейі 1060 см-ге жетті (бір тәулікте +71 см). Бұл қауіпті деңгейден 130 см-ге (!) жоғары. Ресейдің Орынбор облысы бойынша 12187 үйді су алып, 7457 адам көшірілген. Элиталық "Риверсайд" тұрғын үй кешенін қорғау үшін, ішіне су құйылатын бөгет қойылды. Кешеннің су қорғау зонасына салынғанын аты-ақ айтып тұр. Арнайы ұшақпен әкелінген бөгет суды өздеріне бұрып жібереді деп қауіптенген Овчинный қалашығы тұрғындары наразылыққа шықты. Билік өкілдері қой терісін илеушілер ұрпағын тыныштандыруға тырысты.
Орал қаласында 11 көкекте Жайық 728 см-ге жетті (+10 см), қауіпті деңгей 850 см. Шаған мен Деркөл түсіп келеді. Шыңғырлау ауданы Шілік ауылында Електің деңгейі 779 см-ге көтерілді (қауіпті деңгей 750 см).
#геодерек
👍1
ҚАЗАҚСТАН СУ ҚОЙМАЛАРЫНДАҒЫ ЖАҒДАЙ: 11 КӨКЕК 2024
Қостанай облысында су тасқынының белсенді кезеңі аяқталды. Су қоймаларына су ағынының төмендегені байқалады. Ал, екі ірі су қоймасының орташа толуы 92%. Бүгінгі таңда су қоймаларында 489 миллион текше метр су жиналды. Бұл су ауылшаруашылық қажеттіліктеріне пайдаланылады.
Солтүстік Қазақстан облысының екі ірі су қоймасы 100%-ға толды. Сергеев су қоймасы бойынша су тасқынының белсенді кезеңі әлі өткен жоқ, тұрақты күрделі жағдай сақталады. Қазсушар мамандары ағынды реттеу бойынша тәулік бойы жұмыс жүргізіп жатыр.
Батыс Қазақстан облысында 4 ірі су қоймасы орта есеппен 68%-ға толды. Жайық өзенінде су тасқынының екінші толқыны күтілуде.
Шығыс Қазақстан облысында үш ірі су қоймасының орташа су жинау көрсеткіші 84,6%. Бұқтырма және Шүлбі су қоймаларына судың ағыны жанама салалар есебінен артып келеді. Осы аптада су тасқыны күтілуде.
Ақмола облысының екі ірі су қоймасының орташа су жинау көрсеткіші 99%, екі нысан да транзиттік режимде жұмыс істеп жатыр. Мұнда су тасқынының белсенді кезеңі жалғасуда, сағат сайын мониторинг жүргізіледі.
Ақтөбе облысында екі ірі су қоймасы 98%-ға толы. Аймақта су тасқыны аяқталып, жағдай тұрақталды. Су тасқыны кезінде су қоймаларына 218 миллион текше метрден астам су жиналды. Алдағы уақытта жиналған су ауылшаруашылық қажеттіліктері үшін пайдаланылады.
Қарағанды облысының 4 ірі су қоймасы 100% толды, облыста су тасқынының белсенді кезеңі аяқталды. Су тасқыны кезінде су қоймаларына 192 миллион текше метрден астам су жиналды. Бұл су ауылшаруашылық қажеттіліктеріне пайдаланылады.
Дереккөз: Қазақстан Республикасы Су ресурстары және ирригация министрлігі
#геодерек
Қостанай облысында су тасқынының белсенді кезеңі аяқталды. Су қоймаларына су ағынының төмендегені байқалады. Ал, екі ірі су қоймасының орташа толуы 92%. Бүгінгі таңда су қоймаларында 489 миллион текше метр су жиналды. Бұл су ауылшаруашылық қажеттіліктеріне пайдаланылады.
Солтүстік Қазақстан облысының екі ірі су қоймасы 100%-ға толды. Сергеев су қоймасы бойынша су тасқынының белсенді кезеңі әлі өткен жоқ, тұрақты күрделі жағдай сақталады. Қазсушар мамандары ағынды реттеу бойынша тәулік бойы жұмыс жүргізіп жатыр.
Батыс Қазақстан облысында 4 ірі су қоймасы орта есеппен 68%-ға толды. Жайық өзенінде су тасқынының екінші толқыны күтілуде.
Шығыс Қазақстан облысында үш ірі су қоймасының орташа су жинау көрсеткіші 84,6%. Бұқтырма және Шүлбі су қоймаларына судың ағыны жанама салалар есебінен артып келеді. Осы аптада су тасқыны күтілуде.
Ақмола облысының екі ірі су қоймасының орташа су жинау көрсеткіші 99%, екі нысан да транзиттік режимде жұмыс істеп жатыр. Мұнда су тасқынының белсенді кезеңі жалғасуда, сағат сайын мониторинг жүргізіледі.
Ақтөбе облысында екі ірі су қоймасы 98%-ға толы. Аймақта су тасқыны аяқталып, жағдай тұрақталды. Су тасқыны кезінде су қоймаларына 218 миллион текше метрден астам су жиналды. Алдағы уақытта жиналған су ауылшаруашылық қажеттіліктері үшін пайдаланылады.
Қарағанды облысының 4 ірі су қоймасы 100% толды, облыста су тасқынының белсенді кезеңі аяқталды. Су тасқыны кезінде су қоймаларына 192 миллион текше метрден астам су жиналды. Бұл су ауылшаруашылық қажеттіліктеріне пайдаланылады.
Дереккөз: Қазақстан Республикасы Су ресурстары және ирригация министрлігі
#геодерек
www.gov.kz
Қостанай облысындағы екі ірі су қоймасы 92%-ға толы. Мұнда 489 миллион текше метр су жиналды
Қостанай облысындағы екі ірі су қоймасы 92%-ға толы. Мұнда 489 миллион текше метр су жиналды.Солтүстік Қазақстан облысының екі ірі су қоймасы 100% су жинады.Батыс Қазақстан облысындағы 4 ірі су қоймасы орта есеппен 68%-ға толды.Шығыс Қазақстан облысында үш…
👍1
11 КӨКЕК 2024 — ҮШТОҒЫС
«Бестоғыста қар кетпес, үштоғыста қар қалмас».
Арқа қазақтарының мәтелі
Үштоғыс — үш жаңасындағы жас Айдың (Ф=0,10+) Үркермен тоғысы (бұрыштық арақашықтық 0,5°). 11 көкек 2024 жыл, Том қаласынан түсірілген.
Фото авторы: Николай Немчанинов
#астрокүнтізбе
«Бестоғыста қар кетпес, үштоғыста қар қалмас».
Арқа қазақтарының мәтелі
Үштоғыс — үш жаңасындағы жас Айдың (Ф=0,10+) Үркермен тоғысы (бұрыштық арақашықтық 0,5°). 11 көкек 2024 жыл, Том қаласынан түсірілген.
Фото авторы: Николай Немчанинов
#астрокүнтізбе
👍2
ЖАЙЫҚТАҒЫ ЖАҒДАЙ: 12 КӨКЕК 2024
Ирикла су қоймасынан шығатын су мөлшері 12 көкекте 758 м³/с-ке дейін азайтылды (10-на 993 м³/с , 11-не 902 м³/с). 11 көкектегі түсім — 1080 м³/с (10 көкекте 1370 м³/с). Су қоймасындағы бос сыйымдылық — 15 млн м³.
12 көкек, 8:00-де Орынбордағы Жайықтың деңгейі 1129 см-ге жетті (бір тәулікте +69 см). Бұл қауіпті деңгейден 2 метрдей жоғары! Мамандар осы деңгей 2-3 күн сақталып, содан барып түсе бастайды деп болжап отыр.
Жайықтың Орскідегі деңгейі 798 см-ге дейін түсті. 7 көкектегі ең жоғары көрсеткіш 975 см еді. Татар Қарғалысындағы Сақмардың деңгейі 31 см-ге төмендеп, 778 см болды. Бұл өзен Орынбордың орталығында Жайыққа қосылып, Қазақстанға ағатын суды молайтады.
Орал қаласында 11 көкекте Жайық 728 см-ге (+10 см) жеткенін білесіздер, қауіпті деңгей 850 см. Бүгінгі дерек БҚО әкімдігі мен СРжИМ сайттарынан табылмады, жариялаушылар жұмыс аптасын аяқтап, уик-эндқа кетсе керек. Қазгидрометтің 14:00-дегі күнделікті гидрологиялық бюллетенін күтейік.
#геодерек
Ирикла су қоймасынан шығатын су мөлшері 12 көкекте 758 м³/с-ке дейін азайтылды (10-на 993 м³/с , 11-не 902 м³/с). 11 көкектегі түсім — 1080 м³/с (10 көкекте 1370 м³/с). Су қоймасындағы бос сыйымдылық — 15 млн м³.
12 көкек, 8:00-де Орынбордағы Жайықтың деңгейі 1129 см-ге жетті (бір тәулікте +69 см). Бұл қауіпті деңгейден 2 метрдей жоғары! Мамандар осы деңгей 2-3 күн сақталып, содан барып түсе бастайды деп болжап отыр.
Жайықтың Орскідегі деңгейі 798 см-ге дейін түсті. 7 көкектегі ең жоғары көрсеткіш 975 см еді. Татар Қарғалысындағы Сақмардың деңгейі 31 см-ге төмендеп, 778 см болды. Бұл өзен Орынбордың орталығында Жайыққа қосылып, Қазақстанға ағатын суды молайтады.
Орал қаласында 11 көкекте Жайық 728 см-ге (+10 см) жеткенін білесіздер, қауіпті деңгей 850 см. Бүгінгі дерек БҚО әкімдігі мен СРжИМ сайттарынан табылмады, жариялаушылар жұмыс аптасын аяқтап, уик-эндқа кетсе керек. Қазгидрометтің 14:00-дегі күнделікті гидрологиялық бюллетенін күтейік.
#геодерек
👍1🤨1
ҚЫЗЫЛЖАРДА ЕСІЛ ҚАУІПТІ ДЕҢГЕЙДЕН АСТЫ
Сонымен, Қазгидрометтің 2024 ж. 12 көкектегі күнделікті гидрологиялық бюллетеніне сәйкес, Оралдағы Жайықтың деңгейі 736 см (+8 см).
Петропавлдың Борки кентінде Есіл күрт көтерілген — 1038 см (+144 см)! Мұндағы қауіпті деңгей 960 см, су өзен жайылмасына жайыла бастады. Петропавл су қоймасында 900 см (+144 см), 980 см-лік қауіпті деңгейден асысымен су жақын кенттерді басуы мүмкін. Сергеев су қоймасының деңгейі 1195 см, су бөгеттің жалынан 395 см асып төгіліп жатыр (петропавловск kz сайты).
Астана су қоймасы 99%-ға толып, келген суды транзиттік режимде өткізуде (ҚР СРжИМ).
Қазгидромет Тобылдың деңгейін өлшемейді екен. Өзеннің Қостанайдағы деңгейі төрт күннен бері төмендеуде деген ақпарат бар. Мол су Ресейдің Қорған облысына өтті, бірақ оларда Тобыл 11 метрге жетеді-міс деген үрей сейіле бастады (vk.com-pogoda45).
#геодерек
Сонымен, Қазгидрометтің 2024 ж. 12 көкектегі күнделікті гидрологиялық бюллетеніне сәйкес, Оралдағы Жайықтың деңгейі 736 см (+8 см).
Петропавлдың Борки кентінде Есіл күрт көтерілген — 1038 см (+144 см)! Мұндағы қауіпті деңгей 960 см, су өзен жайылмасына жайыла бастады. Петропавл су қоймасында 900 см (+144 см), 980 см-лік қауіпті деңгейден асысымен су жақын кенттерді басуы мүмкін. Сергеев су қоймасының деңгейі 1195 см, су бөгеттің жалынан 395 см асып төгіліп жатыр (петропавловск kz сайты).
Астана су қоймасы 99%-ға толып, келген суды транзиттік режимде өткізуде (ҚР СРжИМ).
Қазгидромет Тобылдың деңгейін өлшемейді екен. Өзеннің Қостанайдағы деңгейі төрт күннен бері төмендеуде деген ақпарат бар. Мол су Ресейдің Қорған облысына өтті, бірақ оларда Тобыл 11 метрге жетеді-міс деген үрей сейіле бастады (vk.com-pogoda45).
#геодерек
😱1
12 КӨКЕК — КОСМОНАВТИКА КҮНІ
Юрий Гагарин 1961 жылы 12 көкекте ғарышқа аға лейтенант шенінде ұшып, майор болып оралды деген аңыз бар. Шындығында бұйрыққа стартқа дейін қол қойылған, бірақ Гагарин мұны қонғаннан соң барып білген.
#ғарыштарихы
Юрий Гагарин 1961 жылы 12 көкекте ғарышқа аға лейтенант шенінде ұшып, майор болып оралды деген аңыз бар. Шындығында бұйрыққа стартқа дейін қол қойылған, бірақ Гагарин мұны қонғаннан соң барып білген.
#ғарыштарихы
👍1🍾1
ЖАЙЫҚТАҒЫ ЖАҒДАЙ: 13 КӨКЕК 2024
Ирикла су қоймасынан шығатын су мөлшері 13 көкекте 485 м³/с-ке дейін азайды (12-не 758 м³/с). 12 көкектегі түсім — 627 м³/с (11 көкекте 1080 м³/с). Су қоймасында бос сыйымдылық жоқ.
13 көкек күні таңда Орынбордағы Жайықтың деңгейі 1171 см-ге жетіп (+42 см), төрт сағаттан бері өзгермей тұр. Демек Орынбор облысындағы жағдай тұрақтанды, енді осы судың Оралға келуін күтеміз.
Орал қаласында 13 көкекте Жайық 743 см-ге (+7 см) жетті, қауіпті деңгей 850 см. Атырау облысында Жайықтың Каспий теңізіне құятын сағасы тереңдетіліп жатыр. Сағаның ені 20 метр, ал тереңдігі қазіргі 40-50 см-дан 2 метрге жеткізілуі тиіс.
Кескін: Қазгидромет / zhaikpress
#геодерек
Ирикла су қоймасынан шығатын су мөлшері 13 көкекте 485 м³/с-ке дейін азайды (12-не 758 м³/с). 12 көкектегі түсім — 627 м³/с (11 көкекте 1080 м³/с). Су қоймасында бос сыйымдылық жоқ.
13 көкек күні таңда Орынбордағы Жайықтың деңгейі 1171 см-ге жетіп (+42 см), төрт сағаттан бері өзгермей тұр. Демек Орынбор облысындағы жағдай тұрақтанды, енді осы судың Оралға келуін күтеміз.
Орал қаласында 13 көкекте Жайық 743 см-ге (+7 см) жетті, қауіпті деңгей 850 см. Атырау облысында Жайықтың Каспий теңізіне құятын сағасы тереңдетіліп жатыр. Сағаның ені 20 метр, ал тереңдігі қазіргі 40-50 см-дан 2 метрге жеткізілуі тиіс.
Кескін: Қазгидромет / zhaikpress
#геодерек
👍2
ҚЫЗЫЛЖАРДА ЕСІЛ ТАСЫП ЖАТЫР
2024 жылғы 13 көкекте Петропавлдың Борки кентінде Есіл 1176 см-ге дейін көтерілді (+138 см)! Мұндағы қауіпті деңгей 960 см, су Заречный кентін басып жатыр. Бұл кенттің тұрғындары түгел көшірілді, Подгора, Хромзавод, Бескөл эвакуациялануда (9:00-дегі ақпарат).
Петропавл су қоймасында 1041 см (+141 см), 980 см-лік қауіпті деңгейден асып кетті. Сергеев су қоймасының деңгейі 1195 см, су 12 сағаттан бері бөгеттің 8 метрлік жалынан 395 см асып төгіліп жатыр (петропавловск kz сайты).
#геодерек
2024 жылғы 13 көкекте Петропавлдың Борки кентінде Есіл 1176 см-ге дейін көтерілді (+138 см)! Мұндағы қауіпті деңгей 960 см, су Заречный кентін басып жатыр. Бұл кенттің тұрғындары түгел көшірілді, Подгора, Хромзавод, Бескөл эвакуациялануда (9:00-дегі ақпарат).
Петропавл су қоймасында 1041 см (+141 см), 980 см-лік қауіпті деңгейден асып кетті. Сергеев су қоймасының деңгейі 1195 см, су 12 сағаттан бері бөгеттің 8 метрлік жалынан 395 см асып төгіліп жатыр (петропавловск kz сайты).
#геодерек
👍1😱1
АНГАРА-А5 АУЫР ЗЫМЫРАНЫ ТӨРТІНШІ РЕТ СЫНАЛДЫ
2024 жылғы 11 көкекте Восточный космодромынан Ангара-А5 зымыраны ұшырылды. Жаңа ауыр зымыран бұған дейін 2014, 2020, 2021 жылдары сыналған еді. 4-ші сынақтың ерекшелігі — зымыранға өткен жолы сәтсіз жұмыс істеген Персей орнына Орион үдеткіш блогының орнатылуы және Плесецктен емес, Восточныйдан ұшу. Жаңа үдеткіш блок Гагаринец 3U-кубсатын төмен жермаңы орбитаға шығарып тастағасын, массалық макетпен бірге алдымен геостационар орбитаға, сосын одан биік зират орбитаға шықты.
Керосин мен сұйық оттегін жағатын ауыр зымыран Байқоңырдан ұшатын Протон-М тасығышын алмастырып, Ресейге өз аумағынан геостационар жерсерік ұшыруға мүмкіндік береді. Үш сатылы зымыранның ұзындығы 55,23 м, диаметрі 8,86 м, старттағы массасы 773 т. Ол төмен жермаңы орбитаға 24,5 т, геостационар орбитаға 4,6 т жүктеме шығара алады.
Роскосмос Ангарамен 2028 жылы Восточныйдан ұшқышты ғарыш кемесін орбитаға шығаруды жоспарлап отыр. Бұл жүзеге асса, адамдар тарихта алғаш рет Ресей жерінен ғарышқа аттанады.
#зымыранұшыру
2024 жылғы 11 көкекте Восточный космодромынан Ангара-А5 зымыраны ұшырылды. Жаңа ауыр зымыран бұған дейін 2014, 2020, 2021 жылдары сыналған еді. 4-ші сынақтың ерекшелігі — зымыранға өткен жолы сәтсіз жұмыс істеген Персей орнына Орион үдеткіш блогының орнатылуы және Плесецктен емес, Восточныйдан ұшу. Жаңа үдеткіш блок Гагаринец 3U-кубсатын төмен жермаңы орбитаға шығарып тастағасын, массалық макетпен бірге алдымен геостационар орбитаға, сосын одан биік зират орбитаға шықты.
Керосин мен сұйық оттегін жағатын ауыр зымыран Байқоңырдан ұшатын Протон-М тасығышын алмастырып, Ресейге өз аумағынан геостационар жерсерік ұшыруға мүмкіндік береді. Үш сатылы зымыранның ұзындығы 55,23 м, диаметрі 8,86 м, старттағы массасы 773 т. Ол төмен жермаңы орбитаға 24,5 т, геостационар орбитаға 4,6 т жүктеме шығара алады.
Роскосмос Ангарамен 2028 жылы Восточныйдан ұшқышты ғарыш кемесін орбитаға шығаруды жоспарлап отыр. Бұл жүзеге асса, адамдар тарихта алғаш рет Ресей жерінен ғарышқа аттанады.
#зымыранұшыру
SPACEX ЗЫМЫРАН САТЫСЫН 20-ШЫ РЕТ ҚОЛДАНДЫ — ЖАҢА РЕКОРД
Космонавтика күні — 2024 жылғы 12 көкекте (бізде 13-і таңертең) SpaceX компаниясы Канаверал базасындағы SLC-40 ұшыру алаңынан Starlink-6.49 миссиясын ұшырды. Мақсат — 23 дана Starlink v2 Mini жерсерігін төмен жермаңы орбитаға шығару. Миссияны орындаған Falcon 9 зымыранының B1062 нөмірлі 1-сатысы осымен 20-шы рет ұшырылып отыр — жаңа әлем рекорды! 🏆
Үдеткіш бірінші рет 2020 жылғы 5 қарашада қолданылған еді. Ол екі ұшқышты Crew Dragon ғарыш кемесін (Inspiration4 пен Ax-1 миссиялары), екі GPS III жерсерігін, Nilesat-301, ArabSat 7B жерсеріктерін, OneWeb #17 миссиясын және 13 Starlink миссиясын ұшырды. Рекордшы саты ғарышқа 8 адамы бар 2 ғарыш кемесін және 500-ден астам жерсерікті — барлығы 261 тонна жүктеме шығарған. B1062.20 бұл жолы да ASOG платформасына сәтті қонды.
Credit: SpaceX
#зымыранұшыру
Космонавтика күні — 2024 жылғы 12 көкекте (бізде 13-і таңертең) SpaceX компаниясы Канаверал базасындағы SLC-40 ұшыру алаңынан Starlink-6.49 миссиясын ұшырды. Мақсат — 23 дана Starlink v2 Mini жерсерігін төмен жермаңы орбитаға шығару. Миссияны орындаған Falcon 9 зымыранының B1062 нөмірлі 1-сатысы осымен 20-шы рет ұшырылып отыр — жаңа әлем рекорды! 🏆
Үдеткіш бірінші рет 2020 жылғы 5 қарашада қолданылған еді. Ол екі ұшқышты Crew Dragon ғарыш кемесін (Inspiration4 пен Ax-1 миссиялары), екі GPS III жерсерігін, Nilesat-301, ArabSat 7B жерсеріктерін, OneWeb #17 миссиясын және 13 Starlink миссиясын ұшырды. Рекордшы саты ғарышқа 8 адамы бар 2 ғарыш кемесін және 500-ден астам жерсерікті — барлығы 261 тонна жүктеме шығарған. B1062.20 бұл жолы да ASOG платформасына сәтті қонды.
Credit: SpaceX
#зымыранұшыру
👍4