Starship S28 кемесінің атмосфераға қайта енуі

Starship-тің көтерілуі

Ұшу. Credit: Tyler Gray / NSF

SPACEX КОМПАНИЯСЫНА 22 ЖЫЛ ТОЛДЫ

Кешегі 14 наурыз — Амал мейрамы, Халықаралық математика күні — Пи саны күні, Халықаралық өзендер күні, Халықаралық сұрақ күні, Халықаралық мектеп тағамы күні, Дүниежүзілік бүйрек күні, Эйнштейннің туған күні, т.б. ғана емес, SpaceX компаниясының туған күні де екен. Старшиптің орбитаға шығуы 22 жылдыққа жақсы сыйлық болды.

Credit: SpaceX

STARSHIP IFT-3 СЫНАҚ МИССИЯСЫНЫҢ БАСТАПҚЫ ҚОРЫТЫНДЫСЫ 📋

✅ Көтерілу
✅ MAX-Q
✅ Сатылардың ыстықтай ажырауы
✅ Кеме қозғағыштарының қосылуы
✅ Үдеткіштің Boostback Burn маневрі (биіктік — 106 км)
✅ Үдеткіштің атмосфераға қайта енуі (ең жоғары жылдамдық — 4340 км/сағ)
🚫 Үдеткіштің 1112 км/сағ жылдамдықпен қону әрекеті кезінде, су бетінен 462 метрде қирауы (RUD). Екі қозғағыш қосылды, соның бірі үдеткіш қирағанша жұмыс істеп тұрды

-----❗️ БАСТЫ МАҚСАТ ❗️-----
✅ Кеменің орбиталық жылдамдыққа (қозғағыштар сөндірілген сәтте — 26486 км/сағ) дейін үдеп, есепті төмендетілген орбиталық траекторияға (150 км) шығуы. Кеме ұшу барысында максимум 234 км биіктік пен 26759 км/сағ жылдамдыққа жете алды
--------------------------------------

✅🚫 Жүк бөлімінің есікшесін ашып-жабу тәжірибесі. Ол толық жабылмаған болуы ықтимал
⏳ Ғарышта отынды бір бактан екіншісіне қотаруды тексеру (әзірше расталған жоқ)
⛔️ Raptor қозғағышын ғарышта қайта қосу демонстрациясы (кеменің тез үйірілуіне байланысты өткізілмеді)
🚫 Миссияның шамамен 50-ші минутында, атмосфераның тығыз қабатына қайта ену кезінде, бағдарынан айрылған кеме қирап қалды (RUD). Соңғы телеметриялық деректер 65 км биіктік пен 25707 км/сағ жылдамдықты көрсетті. Жанып кетпеген сынықтар Үнді мұхитындағы жабық ауданға түсуі керек еді

✅ Starship жүйесінің 3-ші сынақ ұшырылымы сәтті деп танылды❗️

✅ Старт алаңы мен инфрақұрылым — аман
✅ FAA миссияның мерзімінен ерте аяқталуын тексеруді бастады

#жұлдызкеме #зымыранұшыру

Starship аса ауыр зымыран жүйесінің көтерілуі (старт алаңындағы мұнарадан көрініс).
Starbase ғарыш кешені, 14 наурыз 2024 жыл

«Мұңдасып шер тарқатысар кісі болмаған соң, ғылым өзі — бір тез қартайтатұғын күйік».
#астроқалжың

Starship-тің көтерілуі. Әуеден түсірілген керемет көрініс. Видеосы келесі поста.

Credit: SpaceX
#жұлдызкеме

Starship-тің көтерілуі. Әуеден түсірілген керемет көрініс
Credit: SpaceX
#жұлдызкеме

STARSHIP НЕЛІКТЕН КҮЙРЕДІ?

Starship S28 прототипі атмосфераға бей-берекет үйірілген күйде енді. Бұған ғарышта өткізілген демонстрацияның бірі кінәлі деген болжам бар. Мұндай жағдайда кеменің тығыз ауа қабатында аман қалуы мүмкін емес еді. S28 Үнді мұхиты үстінде, 50–65 км биіктікте қираған шығар.

Бірінші анимацияда кеменің атмосфераға ену әрекеті кезінде қалай бей-берекет аударылып-төңкерілгені қалпына келтірілген. Кемеден келіп тұрған нақты видео жоғалар алдында оның қорғанышсыз жағымен құлдилағаны анық байқалады. Екіншісінде Старшиптің үйірілу профилі көрсетілген. Үшінші роликтен Starship кемесінің атмосфераға қалай дұрыс енуі керек болғанын көреміз.

#жұлдызкеме

S28-дің атмосфераға енуінің анимациясы (нақты видеоға негізделген)